17 މެއި 2023 - 12:57
10 comments
މިދިޔަ އަންގާރަ ވިލޭރޭ މެންދަމުން ފެށިގެން، ޔޫކްރޭންގެ ވެރިރަށް ކިޔޭވް އަށް އަމާޒުކޮށް ރަޝިޔާ އިން ދިން ބާރުގަދަ މިސައިލް ހަމަލާތަކުގެ ސަބަބުން، އެ ސަހަރަށާއި ޔޫކްރޭންގެ އަސްކަރީ ދިފާއީ ނިޒާމަށް ބޮޑެތި ގެއްލުންތަކެއް ލިބިއްޖެ އެވެ.
މި ހަމަލާތަކުގައި ލިބުނު ގެއްލުންތަކުގެ ތަފްސީލެއް އަދި މަރުވި މީހުންގެ އަދަދެއް ވެސް ޔޫކްރޭނުން މިހާތަނަށް ހާމައެއް ނުކުރެ އެވެ. ނަމަވެސް އެ ސަހަރުގެ އާންމުންނާ ހަވާލާދީ ބައެއް ނޫސްތަކުގައި ރިޕޯޓްކޮށްފައިވާ ގޮތުން، ގިނަ އަދަދެއްގެ މީހުން މަރުވި އެވެ. އަދި ޔޫކްރޭން ސިފައިންގެ ބައެއް މަގާމުތަކަށް އަމާޒުވި ބާރުގަދަ މިސައިލްތަކުން މުޅި ސަހަރަށް ލޮޅުން އަރައިގެން ދިޔަ ކަމަށް ވެސް އާންމުން ބުނެ އެވެ.
އަންގާރަ ވިލޭރޭ ރަޝިޔާ އިން ދިން މައިގަނޑު ގޮތެއްގައި އަމާޒުކުރީ، ވެރިރަށް ކިޔޭވް ހިމާޔަތް ކުރުމަށް ޔޫކްރޭނުން ގާއިމުކޮށްފައި ހުރި ދިފާއީ މަގާމުތަކަށެވެ. އެ ގޮތުން، ކިޔޭވްގެ މެދުތެރޭ ސަރަހައްދެއްގައި ބަހައްޓާފައި ހުރި، މިސައިލުން ދިފާއުވާ ޕެޓްރިއޮޓް މިސައިލް ނިޒާމެއް ހަލާކުވި ކަމަށް، އެމެރިކާގެ އޮފިޝަލުންނާ ހަވާލާދީ އަލް ޖަޒީރާ އިން ބުނެ އެވެ.
އެމެރިކާ އިން ދީފައިވާ ޕެޓްރިއޮޓް މިސައިލް ނިޒާމު ހަލާކުކޮށްލީ ރަޝިޔާ އިން ދިން ކިންޒަލް މިސައިލް ހަމަލާއެއްގައި ކަމަށް އެމެރިކާގެ އޮފިޝަލުން ވިދާޅުވެ އެވެ. އަންގާރަ ދުވަހުގެ ރޭ ރަޝިޔާ އިން މިސައިލް ހަމަލާތައް ދޭން ފެށުމާއެކު، ޕެޓްރިއޮޓް މިސައިލް ނިޒާމު ބޭނުންކޮށްގެން، ރަޝިޔާގެ މިސައިލްތައް ވައިގެ ތެރެއަށް ގޮއްވައިލެވޭތޯ ޔޫކްރޭނުން މަސައްކަތް ކުރި އެވެ.
އެކަމުގައި ޔޫކްރޭނަށް މާބޮޑު ކާމިޔާބެއް ނުލިބުނަސް، ރަޝިޔާގެ ބައެއް މިސައިލްތައް ވައިގެ ތެރެއަށް ގޮއްވައިލެވުނެވެ. އަދި ރަޝިޔާ އިން ފޮނުވައިލި ގިނަ މިސައިލްތައް، އެމެރިކާގެ ޕެޓްރިއޮޓް މިސައިލްތަކަށް އަތުނުޖެހި އޭގެ އަމާޒަށް ވާސިލުވި އެވެ.
އެމެރިކާގެ އޮފިޝަލުން ވިދާޅުވި ގޮތުގައި ރަޝިޔާގެ މިސައިލް ހަމަލާތަކުގައި ޕެޓްރިއޮޓް މިސައިލް ނިޒާމަށް ބޮޑެތި ގެއްލުންތަކެއް ލިބުނު ނަމަވެސް، މަރާމާތުކޮށްގެން ބޭނުންކުރެވޭނެ އެވެ. އެހެންކަމުން އެ ނިޒާމު މަރާމާތުކުރުމާ ބެހޭ ގޮތުން އެމެރިކާ އާއި ޔޫކްރޭންގެ ފަންނީ ޓީމަކުން މިހާރު މަޝްވަރާ ކުރަމުން އަންނަ ކަމަށް ވެސް އެމެރިކާ އިން ބުނެ އެވެ.
އެމެރިކާގައި އުފައްދައި، އެމެރިކާ އާއި ބައެއް އެހެން ގައުމުތަކުގައި ބޭނުންކުރަމުން އަންނަ ޕެޓްރިއޮޓް މިސައިލް ނިޒާމަކީ، އެމެރިކާގައި މިހާތަނަށް އުފެއްދި އެންމެ ފުރިހަމަ ވައިގެ ދިފާއީ ނިޒާމެވެ. މިއީ، ބާރު ދުވެލީގައި ދަތުރުކުރާ ހަނގުރާމަމަތީ މަތިންދާބޯޓުތަކާއި، ތިރިން ދަތުރުކުރާ ކްރޫޒް މިސައިލްތަކާއި އަޑަށް ވުރެ ބާރަށް ދަތުރުކުރާ ބެލިސްޓިކް މިސައިލްތައް ވައްޓައިލުމުގެ ގާބިލުކަން ލިބިފައިވާ ނިޒާމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައްޔިތުން ދަނޭ
18 May 2023
ތި ޕެޓްރިއޮޓް ސިސްޓަމަކަށް އީރާންގެ މެދުފަންތީގެ މިސައިލްތައް ޑިޓެކްޓްނުވި އެމަރިކާގެ 2 ބޭހަކަށް ހަމަލާދިން އިރު ޔަމަނުގެ ހޫތީން ސައޫދީގެ ވެރިރަށް ރިޔާދުގެ ތެލުގެ މަރުކަޒު އަރަމްކޯ އަށް ޑްރޯން ހަމަލާ އަރުވައި ޑެމޭޖްވި ދުވަހު ސައޫދީ ފިތްކަނޑައިގެން ދިޔަ އެވެސް އީރާނުގެ ހަނތިޔާރުކަން ދުނިޔެ ދަނޭ..މިސައިލުން ޖަހާ އެމަރިކާ ފުނޑުފުނޑު ކޮށްލާނެހެންހީވޭ އީރާންގެ ކުރިމަތިލުމެއްގައި
އަފްރާސިޔާބު
18 May 2023
ތިޔަބުނާ ޕެޓްރިއޮޓް މިސައިލް ސިސްޓަމަކީ އައުޓްޑޭޓެޑް އެއްޗެއް. އެމެރިކާ މީހުންނަށް އެއަށްވުރެ މޮޅުއެއްޗެއް ނުހެދިގެން އުޅެނީ. އެއަކަށް ނޭނގޭ ޔަމަނު މީހުން ފޮނުވާލާ ކުޑަކުޑަ ޑްރޯން އެއްވެސް އެއަށް އައިސް ޖެހިގަތީމާ ނޫނީ. ސައޫދީން ގަންނާކުރެއްވި ބިރުން މިހާރު ޔަމަނާއެކު ޑީލް ހެދީ. ރަޝިޔާއިން ބުނީ ކިންޒާލް ގެ ދެ މިސައިލާއި ދެން އެީހުން ގެއަތުގައި ހުރި ސޮވިއެޓް މިސައިލް ތަކެއް ފޮނުވިކަމަށް. ކިންޒާލް މިސައިލް ފޮނުވީ ޕެޓްރިއޮޓްސިސްޓަމް ހަލާކުކުރަންކަމަ
ޖަލީލީ
18 May 2023
ޕެޓްރިއޮޓްއަށް އަމިއްލަ ސިސްޓަމް އިންކަމިންގ މިސައިލުން ހިމާޔަތް ނުކުރެވޭ ދޯ. މަގޫ ދަނޑި ސިސްޓަމް ތީ
ސަރުވަރު
18 May 2023
ހޯނނ ޒެލެންކޯ އާއި ޢޭނަގަ ސާހިބު ބިޑެން ގެ ބޮޓުންތައް ކުރިން ދުވަހު ހީވަނީ އެހެން ފަދަ ކަމެއްހެން. ރަޝިޔާގެ 3 ޓެސްޓް މިސައިލ' ޕެޓްރިއޮޓިކް މިސައިލް އަށް މަތަކުރެވުނީމަ..
ވިކިލީކްސް
17 May 2023
އެމެރިކާގެ ދިފާއީ ސިސްޓަމް ރަޝިއާއިން އެވަނީ ހަލާކުކޮށްލާފައެވެ. ޕެޓްރިއޮޓް ބެޓެރީ ހަލާކުވެފައިވާއިރު އޭގެ އަގަކީ 1.1 ބިލިއަން ޑޮލަރެވެ. ސިސްޓަމްގެ އަގު 400 މިލިއަން ޑޮލަރެވެ. އަދި އޭގެ މިސައިލްގެ އަގު 690މިލިއަން ޑޮލަރެވެ. މުޅި ޖުމްލަ 2 ބިލިއަންޑޮލަރެވެ. ވީމާ ރަޝިއާގެ ޓެކޮނޮލޮޖީ މާވަރުގަދައެވެ.
ސަންތިމަރިޔަނބު.
17 May 2023
އެމެރިކާގެ ޕެޓުރޮއިޓު ނިޒާމައްވުރެ ސަންތިމަރިޔަނބުގެ ދަތްގޯނިވެސް މާމޮޅުވާނެ. ތިއަބުނާ ސިސްޓަމެއްގެ މުސީބާތް ބޮޑުވެގެން ސަޢުދީ މުހައްމަދުވެސް ތިއައެއްޗެއް ނެރެ އެއްލާލީ. ޔަމަނުގެ ހޫސީން ފޮނުވާ ރޮކެޓުވެސް ވައްޓާނުލެވުން. މިހާރު ބައިޑެނަށް ހުންނާނެ އެއްޗެއް ވިސްނިފަ.
ކޮރަލް
17 May 2023
އެމެރިކާ އިން މިކުރާ ހަތިޔާރު ވިއްކުމުގެ ވިޔަފާރީގެ ފައިދާ އެމީހުންނަށް ވ ބޮޑެވެ.
އަމުރު
17 May 2023
ޕެޓްރިއޮޓް މިސައިލް ނިޒާމަކީ، އެމެރިކާގައި މިހާތަނަށް އުފެއްދި އެންމެ ފުރިހަމަ ވައިގެ ދިފާއީ ނިޒާމެވެ. އެކަމަކު ތިކަމެއް ނުވެއްނު. ރަސިޔާގެ މިސައިލްތަކުގެ ކުރިމަތީގައި އެންމެ ފުރިހަމަ ނިޒާމު ޖެހުނީ އިސްޖަހާށެވެ. އެމެރިކާއަށް ފިލާވަޅަކަށްވާނެއެވެ.
މުހައްމާ
17 May 2023
ހުޅަނގާއި އެމެރިކާއިން މިއުޅެނީ ރަޝިޔާގެ ފެންވަރު ޓެސްޓްކޮށްލަން ކަމަށް ދޯ. އެންމެ ޝޮޓަކުން އެއޮތީ ފެންވަރު ދައްކާލާފައި. އެމެރިކާއިން ހަދައިގެން ސަޅިބައިސާކެނޑި ވައިގެ ދިފާއީ ނިޒާމުވެސް މިވީ މަގޫދަނޑިން ހަދާފައި އޮތް އެއްޗަކަށް. ދެން މިކިޔަނީ މަރާމާތުކޮށްގެންނޭ ބޭނުންކުރާނީ. މިހާރު އެއުޅެނީ މަތިންދާބޯޓު ދޭން. ދެން ދިމާކޮށްފައި އެތިބީ ހަނގުރާމަމަތީ މަތިންދާބޯޓު ދޭން. އެވެސް ހަވާއަރުވާހެން އަރުވާލާނީ ތޯއްޗެއް.
ޔޫޓާން123
17 May 2023
ޔުކުރޭނުން އެ ހަދަނީ ދޮގު ޕެޓްރިއޮޓް ސިސްޓަމް އެއްކޮށް ވަނީ ހަލާކުވެފައި މީ ދެބިލިއަން ޑޮލަރުގެ އަގުހުރި އެއްޗެއް އެމެރިކާގެ ޓެކްސް ޕޭޔަރުންގެ ފައިސާ މިގޮތަށް ހުސްކުރާތީ އަންނަ ރިޔަާސީ އިންތިހާބް، ބައިޑެންއަށް ކާމިޔާބު ނުވާނެ ކަމަށް ދިރާސާކުރާ މީހުން ބުނަނީ އަނެއްކާ ޑެބްޓް ކްރައިސިސްގެ މައްސަލަ ވަރަށް ހޫނުވެގެން އުޅޭނީ...