ސައުދީން ދިވެހިންނަށް 350 އަށް ވުރެ ގިނަ ސްކޮލަޝިޕްގެ ފުރުސަތު ހުޅުވާލައިފި

މި އަހަރުގެ އޯލެވެލް ޓޮޕް10 ޖަލްސާގައި އިނާމު ލިބުނު ބައެއް ދަރިވަރުން: ސައުދީން ދިވެހިންނަށް 350 އަށް ވުރެ ގިނަ ސްކޮލަޝިޕްގެ ފުރުސަތު ވަނީ ހުޅުވާލައިފައި.-- ފޮޓޯ: ނިޝާން އަލީ | މިހާރު

އިފްރާޒް އަލީ، މިހާރު

24 މެއި 2023 - 22:49

14 comments

ސައުދީ އަރަބިއްޔާ އިން ދިވެހިންނަށް 350 އަށް ވުރެ ގިނަ ސްކޮލަޝިޕްގެ ފުރުސަތު މިއަދު ހުޅުވާލައިފި އެވެ.

ރާއްޖޭގައި ހުންނަ ސައުދީގެ އެމްބަސީގެ ނޫސްބަޔާނެއްގައި ބުނީ، އެކި ދާއިރާތަކުން އެ ގައުމުގައި ތައުލީމު ހާސިލުކުރަން ބޭނުންވާ ދިވެހިންނަށް "ފުލީ ފަންޑެޑް" 350 އަށް ވުރެ ގިނަ ސްކޮލަޝިޕްގެ ފުރުސަތު ދޭން ނިންމާފައިވާ ކަމަށެވެ.

ބެޗެލާސް ޑިގްރީ އާއި ޕޯސްޓްގުރެޖުއޭޓް އަދި ޕީއެޗްޑީ އަށް ކިޔެވުމުގެ ފުރުސަތު އެ ސްކޮލަޝިޕްތަކުގެ ދަށުން ލިބޭނެ ކަމަށް ސައުދީ އެމްބަސީން ބުންޏެވެ.

ސްކޮލަޝިޕް ލިބޭ ދާއިރާތަކުގެ ތެރޭގައި ހިމެނެނީ؛

- ބިޒްނަސް މެނޭޖުމަންޓް.

- މީޑިއާ.

- ކޮމްޕިއުޓާ ސައިންސް.

- ލޯ ސައިންސް.

- އެޑިއުކޭޝަނަލް ސްޕެޝަލިޓީސް.

- ސޯޝަލް ސައިންސް.

- ދަނޑުވެރިކަން.

- އިގުތިސާދާއި ސިޔާސީ ދާއިރާ.

- އިންޖީނިއަރިން.

- އިސްލާމީ ތައުލީމު.

- އަރަބި އަދި އެހެން ބަސްބަހުގެ ކޯސްތައް.

ސަޢޫދީ އަރަބިޔާ އިން ބެޗްލަރސް ޑިގްރީ، ޕޯސްޓްގްރެޖުއޭޓް އަދި ޕީއެޗްޑީއަށް ކިޔެވުމުގެ ސްކޮލަޝިޕް ފުރުޞަތުތައް

Scholarship opportunities to study bachelors' degree, postgraduate and PhD in Saudi Arabia pic.twitter.com/PoWG9GW19z
— السفارة في المالديف (@KSAembassyMV) May 24, 2023

ސައުދީ އެމްބަސީން ބުނީ، އެހެން ގައުމުތަކުގެ ދަރިވަރުންނަށް ހާއްސަ ކޮށްގެން އެ ގައުމުގެ ސަރުކާރުން ހަދާފައިވާ ހާއްސަ ވެބްސައިޓް https://studyinsaudi.moe.gov.sa މެދުވެރިކޮށް، އެ ދަރިވަރަކު ބޭނުންވާ ޔުނިވާސިޓީއަކަށް ސްކޮލަޝިޕަށް އެދި ހުށަހެޅުމުގެ ފުރުސަތު މިހާރު ހުޅުވާލާފައިވާ ކަމަށެވެ.

އެ އެމްބަސީން ބުނީ، ސައުދީއަކީ މިހާރު އަރަބި ގައުމުތަކުގެ ތެރެއިން މަތީ ތައުލީމު އެންމެ ރަނގަޅަށް ދޭ ގައުމު ކަމަށެވެ. އެ ގައުމުގެ ޔުނިވާސިޓީތަކުން ހިންގާ ޕްރޮގްރާމްތައް ދުނިޔޭގެ ރޭކިންގައި ވެސް ބޮޑެތި ކުރިއެރުންތައް ހޯދާފައިވާ ކަމަށާއި މިހާރު ވެސް ސައޫދީގައި ހިންގާ 27 ޕްރޮގްރާމް ދުނިޔޭގެ ރޭކިންގެ އެންމެ މަތީ 100 ގެ ތެރޭގައި ހިމެނޭ ކަމަށް އެ އެމްބަސީން ބުންޏެވެ.

ސައުދީގެ އެކި ޔުނިވާސިޓީތަކުގައި މިހާރު ވެސް އެހެން ގައުމުތަކުގެ 50،000 ވުރެ ގިނަ ދަރިވަރުން ކިޔަވަމުން އަންނަ ކަމަށް ސައުދީ އެމްބަސީން ބުންޏެވެ.

ތައުލީމް ސައޫދީ އަރަބިއްޔާ ސްކޮލަޝިޕް ރާއްޖެ-ސައުދީ މަތީ ތައުލީމު

14 ކޮމެންޓް, 25 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގެތެމަސަ

25 May 2023

މޮޅު އިއުލާނެއްކޮށްފަ ސްކޮލަރޝިޕޭ ކިޔައިފަ އެޕްލައިކުރީމަދެން ހަބަރެއްދަބަރެއްނުވޭ ހަމަ ދެއްކުންތެރިކަން ނޫންކަމެއްނޫން މީ ސައުދީއެއްކަމަކު ތިހެންހަދައިގެން ނުވާނެދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރީގެސްކޮލަށިޕް

25 May 2023

ކުރިން ދިން ސްކޮލަޝިޕް ތަކަށްވިގޮތް ބެލި ސަރުކާރުގެ އިދާރާއެއްނެތް. އެމްބަސީން އެކަމާ އަޅާލީއެއްނޫން. ހެޑްލައިން އަޅާލަނީ ތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައިނޯރިޓީ ހިއްސާދާރު

25 May 2023

ތިހުރިހާ އެންމެން ސުކޮލާޝިޕާއި ޕީއެޗުޑީއާއި މާސްޓާސް ހަދައިގެން ކީއްތަކުރަނީ... ރައްޖޭގަ މަސައްކަތްކުރާ މީހުންގެ %70 އަކީ ބިދޭސީން. ދިވެހިން އުޅޭހިތްވަނީ ހިހޫ ތަނުން ކައިގެން ސިޔާސީ މީހުން ގުލާނުތަޅައިދޭން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުއްތޭ

25 May 2023

ކަލޭމެންނަށް ސަޢުދީ އެނގެނީ ކިހާވަރަކަށްތަ؟ ސައުދީގައި ކިތައް ކާރުޚާނާ ހުރިކަން އެނގޭތަ؟ އަމިއްލައަށް މަތިންދާބޯޓް އުފައްދާކަން އެގޭތަ؟ ރިސާރޗް ޔުނިވާރސިޓީތަށް ހުރިވަރެއް އެނގޭތަ؟ ތިމާމެންގެ ޖާހިލުކަމުގެ ބޮޑުކަމުން ތަންދޮރު ނޭގުމަކީ ސައުދީގެ މައްސަލައެއްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމީނު

25 May 2023

އެ ތަންތަނުގަ ވެސް ދީން ކިޔަވަ ދެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޚްތޫމް

25 May 2023

ރައީސް ޔާމީނުގެ ދައުރުގައި ވެސް ސައުދީ ސަރުކާރުން 150 ސޮކޯލާރޝިޕް ލިބި ދިވެހި 60 ދަރިވަރުން އެކޯސްތަކަށް އެޕްލައި ކުރި. އަދި އަދަށްދާންވެސް އެންމެ ކުއްޖަކަށް ވެސް ނުދެވުނު. އެހެންވެ އެހުރިހާ ކުދިން މިހާރިވީ އެހެން ޤައުމުތަކަށް ދިވެހި ސަރުކާރުން ފޮނުވާފަ. އެފަދަ މަޅިއެއްގައި ދިވެހި ދަރިން ދެވަނަ ފަހަރަށް ނުޖެހުމަށް އިލްތިމާސް ކުރަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރުކާރުން

25 May 2023

އެކުދިން އަމިއްލަޔަށް އެހެނިހެން ގޮތް ހޯދައިގެން ދިޔައީ. ސަރުކާރުތަކުން އަޅައެއްނުލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޗް އެމް

25 May 2023

ގަވާއިދުން އުމުރާއަށާއި ހައޖައް މީހުން ފޮނުވާތީ، ލިބޭ ކަދުރާއި ސްކޮލަރޝިޕްތައް ވެސް ދަނީ އިތުރުވަމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚިޔާރު1

24 May 2023

ތާރީޚު ފޮތްތައް ހިތުދަސްކުރާ ކޯސްތަކަށް ނުގޮސް. ހަރުދަނާ ރަނގަޅު ދާއިރާއެއް ޚިޔާރުކުރުން މުހިންމު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެއްކޮލާނަން.

25 May 2023

މިއީ ވަރައް ނުރައްކާ ކަމަކައްވާނީ. ތާރީހު ފޮތްތައް ރައިވަރެއްހެން ކިޔަން ދަސްކޮއްގެން، ވަގުތުތައް ބޭކަަރު ވަނީ. އުފެއްދުންރެތިކަމާ ހުނަރު އަދި ތޫނު ފިލިކަން ބޭނުން ކުރުން ބަންދު ކޮއްލަނީ. މުޅި ދުނިޔޭގައި އެކި ރޮގުން ކުރިއަރައިގެން އެހެރަ ދަނީ. އެކަމު މިމީހުން އަދިވެސް މާ ފަހަތުގަ. ވިސްނާލުން ރަގަޅު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިޔާދާ

25 May 2023

ތާރީޚަކީވެސް މުހިއްމު ދާއިރާއެެއްކަން ކިޔަވާމީހުންނަށް އެނގޭނެ. ނެރޯ މައިންމީހުންނަށް އެހައި މުހިއްމު ނުވެދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިމާރުލްގައުމު

25 May 2023

އެއީ އަރަބި ދުނިޔޭގައި ސައިންސާއި ޓެކްނޯލޮޖީގެ ގޮތުން ކުރިއަރާފައިވާ ގައުމެއް. ހިންގުމާއި ބެލެހެއްޓުމުގެ ދާއިރާގައި ކުރިއަރާފައިވާ ގައުމެއް. އެތައް މިލިޔަން ބަޔަކު ހައްޖަށް ގެންގޮސް ޚިދުމަތް ދިނުމާއި ހަރަމްފުޅުގައި ރައްކާތެރިކަމާއެކު ގެންގުޅުމުގެ ހުނަރު އޮތް ގައުމެއް. އެންމެ ފަހުން އެ ފޮނުވީ އަންހެނަކު ޖައްވަށް. ހިތުދަސްކޮށްގެން ކުރެވޭނީ. ޝާފިއީގެފާނު އުމުރުން އެންމެ 6 އަހަރުގައި ޤުރުއާން އަދި 11 އަހަރުވީއިރު އަލްމުއައްތާ ހިތުންދަސްކުރެއްވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލި

25 May 2023

އަރަބި ގައުމަކުން ތާރީޚު ކިޔަވަން ވީމަތޯ ކަމުނުދަނީ؟ ޔޫރަޕުން ތާރީޚު ކިޔެވުމަކީ މޮޅު ކަމެއް ދޯ؟ އެމީހުން ކިޔަވާދޭނީ ލިޓަރޭޝަން، ހިސްޓޮރީ، ޖިއޮގްރަފީ އަދި ކޯލޯނިއަލިޒަމް އަދި ހިޓްލަރުގެ ނުބައިވާހަކަ އާއި ކޮލޯނިއަލިސްޓު އެޖެންޑާ ހިންގި މީހުންގެ ރަނގަޅު މޮޅު ކަމުގެ ވާހަކަތައް. އެ ހުރިގޮތަށް ގިރައިގެން ބޮއެގެން އައިސް އިނގިރޭސިބަހުން މޮޅަށް ވާހަކަދެކެވުމަކީ ބާ މީހާ މޮޅުވުމަކީ؟