މިދިޔަ އީދުގައި ފުވައްމުލަކުގައި ހިނގި އެކްސިޑެންޓެއްގައި އަނިޔާވި މީހަކު އެމްބިއުލާންސް އަށް އަރުވަނީ.-- ފޮޓޯ: ސޯޝަލް މީޑިއާ
28 މެއި 2023 - 14:38
3 comments
ޏ. ފުވައްމުލަކުގައި އިއްޔެ ހިނގި ނުރައްކާތެރި އެކްސިޑެންޓްގައި އަނިޔާވި ދެ މީހުން އިތުރު ފަރުވާ އަށް މާލެ ގެނެސްފި އެވެ.
އެ އެކްސިޑެންޓުގައި އަނިޔާވީ އުމުރުން 18 އަދި 19 އަހަރުގެ ދެ ޒުވާނުންނަށެވެ.
ސޯޝަލް މީޑިއާގައި އާންމުވި ވީޑިއޯ އިން ފެންނަ ގޮތުގައި އެ އެކްސިޑެންޓުގައި ދެ ސައިކަލް ވެސް ވެއްޓި ބޮޑެތި ގެއްލުންތަކެއް ވެ، އެ ދެ މީހުންނަށް ވެސް ބޮޑެތި އަނިޔާތަކެއް ވި އެވެ.
"ބޮލަށް ވަރަށް ބޮޑަށް އަނިޔާވެފައި ހުރީ. ދެ މީހުންގެ ވެސް. ހޮސްޕިޓަލަށް ގެނައިއިރު ވެސް އަނގައިންނާއި ނޭފަތުން ލޭ އާދޭ. އިތުރު ފަރުވާ އަށް މިއަދު މާލެ ގެންގޮސް އައިޖީއެމްއެޗްގައި މިހާރު ތިބީ،" ފުވައްމުލަކު ހޮސްޕިޓަލްގެ އޮފިޝަލަކު ވިދާޅުވި އެވެ.
އެ އެކްސިޑެންޓާ ގުޅިގެން ފުލުހުން ބުނިގޮތުގައި، އެ ދެމީހުންގެ ވެސް ސައިކަލް ދުއްވުމުގެ ލައިސަންސް އޮވެ އެވެ. ފަހަކަށް އައިސް މާލެ އާއި ބައެއް ރަށްރަށުގައި ހިނގަމުން ދާ އެކްސިޑެންޓްތައް ދަނީ އިިތުރުވަމުންނެވެ. ސިނަމާޅެ ބްރިޖުގައި ރޭ ހިނގި އެކްސިޑެންޓެއްގައި ވެސް މީހަކު ވަނީ މަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަގޭ ހިޔާލު
29 May 2023
ރޭގަ މާލޭގެ މަގުމަތިން އިންޑިޔާމީހެއް ކަމަށް ބެލެވޭ ބޭރު މީހެއް ސީ ބޯޑު ޖެހި ވޭނެށްގަ ބޮޑުތަކުރުފާނު މަގުން އިންޑިޔާގައި ދުއްވާ ގޮތައް ބަރުގަނު އަޅަމުން 60 މޭލުގައި ދުއްވާފަ ދިޔައީ. ގޮއްސަ ޕެޓްރޯލް ޝެޑަށް ވަދެ ތެޔޮއަޅަން މީނަ މަޑުކުރީ. އިންޑިޔާގަ ނޯމަލްކޮށް ވެސް ދުއްވަނީ ބަރުގަނު އަޅަމުން. ދެންމިހާރު އިންޑިޔާ ލަންކާ ބަންގާޅުން ވެއްޖެއްޔާ ޓެއްސްޓެއްވެސް ހަދާކަށް ނުޖެހޭ މިތާ ދުއްވާކަށް އެހެންވީމާ އެމީހުންގެ ގައުމުގައި ދުއްވާގޮތަށް މިތާ ދުއްވަނީ
އަހައްމަދޫ
28 May 2023
ވަރަށްވުރެ ބާރަށްވެސް ދުއްވަނީ. މިހާރު ތިބޭނެ މައިތިރިވެފައި
ޝޭމްލެސް
28 May 2023
ކަލޭގެ ޢާއިލާ މީހަކަށް މިހެންވި ނަމަ ހަމަ ތިޔަހެން ބުނާނަންތަ؟ ރަނގަޅު އެއްޗެއް ނުބުނެވެންޏާ އަނގަމަޑުން ލައިގެން ހުރޭ! މީހަކަށް ބޮޑު އަނިޔާއެއް ލިބުމުން ތިޔަހެން ބަދު ބަސް ބުނާނީ ވަރަށް އަޑި ނުބައި ވީމަ!!!