ފ. ފީއަލިގައި ބޭއްވި ޖަލްސާގައި ރައީސް އިބްރާހިމް މުހައްމަދު ސޯލިހު ވާހަކަދައްކަވަނީ.-- ފޮޓޯ: ރައީސް އޮފީސް
28 މެއި 2023 - 17:43
28 comments
ސަރުކާރުން ރަށްރަށުގައި މިހާރު ހިންގަމުން އަންނަ ތަރައްގީގެ ގިނަ މަޝްރޫއުތައް މި އަހަރުގެ ސެޕްޓެމްބަރު 9 ގައި ބާއްވާ ރިޔާސީ އިންތިހާބުގެ ކުރިން ނިންމާލެވޭނެ ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
ފ. ފީއަލީގައި ފެނަކައިގެ އާ އިންޖީނުގެ އާއި އޮފީސް އިމާރާތް އަދި އައިސްޕްލާންޓް ހުޅުވުމަށް ބޭއްވި ޖަލްސާގައި ރައީސް ވިދާޅުވީ، ރަށްރަށުގައި ފަށާފައިވާ އަސާސީ ހިދުމަތްތަކާ ގުޅޭ ތަރައްގީގެ މަޝްރޫއުތައް އަވަހަށް ނިންމުމަށް ސަރުކާރުން ގިނަ މަަސައްކަތްތަކެއް ކުރަމުން އަންނަ ކަމަށެވެ.
"ފެނަކައިގެ މަސައްކަތުގެ ވާހަކަ މި ދެ ދުވަހު އަޅުގަނޑު މި ދައްކަމުން އަންނަނީ. އަރާ ކޮންމެ ރަށެއްގައި ކޮންމެވެސް މަޝްރޫއެއް ނިމި، ހުޅުވަން އެބަޖެހޭ. ކުރިއަށް މި އޮތް ތަނުގައި ވެސް އެކަން އޮތީ އެގޮތަށް،" ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
ފ. ފީއަލިން ރައީސް އިބްރާހިމް މުހައްމަދު ސޯލިހަށް މަރުހަބާ ކިޔަނީ.-- ފޮޓޯ: ރައީސް އޮފީސް
"މިހާތަނަށް 68 އާ އޮފީސް ނިންމައިފި. 48 އިންޖީނުގެ ހުޅުވައިފި. އަޅުގަނޑު މި ދަނީ ރިބަން ކަނޑަން."
ރައީސް ވިދާޅުވި ގޮތުގައި، ކުރިއަށް އޮތް ދެތިން މަސްދުވަހުގެ ތެރޭގައި، ވޯޓުލުމުގެ ކުރިން ފެނަކައިގެ އިތުރު 28 އިންޖީނުގޭގެ ހިދުމަތް 28 ރަށެއްގައި ދޭން ފަށާނެ އެވެ. އެޑިއުކޭޝަން މިނިސްޓްރީން ރަށްރަށުގައި ހިންގާ ގިނަ މަޝްރޫއުތަކެއް ވެސް އެ މުއްދަތުގެ ތެރޭގައި ނިމޭނެ އެވެ. އަދި 122 ރަށެއްގައި މިހާރު ކުރަމުން އަންނަ ފެނާއި ނަރުދަމާގެ މަސައްކަތް ވެސް ނިމޭނެ ކަމަށް ރައީސް ވިދާޅުވި އެވެ.
ފ. ފީއަލިން ރައީސް އިބްރާހިމް މުހައްމަދު ސޯލިހަށް މަރުހަބާ ކިޔަނީ.-- ފޮޓޯ: ރައީސް އޮފީސް
"ޖުލައި މަހުން ފެށިގެން ބޮޑު އަދަދެއް، ޖުލައި/އޮގަސްޓުގައި ގިނަ ރަށްތަކެއް ހިދުމަތް ރައްޔިތުންނަށް ލިބެން ފަށާނެ،" އެ މަނިކުފާނު ވިދާޅުވި އެވެ.
ހުރިހާ ރަށެއްގައި ފެނާއި ނަރުދަމާ އަދި އަސާސީ އެހެން ހިދުމަތްތައް ފުރިހަމަ ކުރުމަކީ މި ސަރުކާރުން ވަރަށް އިސްކަންދީގެން ކުރަމުން އަންނަ ކަމެކެވެ. އެ ވިސްނުމުގެ ދަށުން ގިނަ ރަށްރަށެއްގައި މަޝްރޫއުތައް އޮތީ ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލުތުފީ
29 May 2023
ތިލަމާލެ ބްރިޖަށް ކިހިނެތް ހަދަނީ!
ސަމީހާ
29 May 2023
މަނިކުފާނުގެ ވެރިކަންވެސް އެހައިތަނުން ނޯންނާއެވެ. މަނިކުފާނަކީ ހާދަ ހިޔަޅު ބޭފުޅެކެވެ.
ސީތާ
29 May 2023
މަޝްރޫޢުތައް ނިންމައިގެން ވޯޓް ހޯދަން މަސައްކަތް ކުރާފަދައިން އިންސާފު ޤާއިމްކޮށްގެން ﷲ ތަޢާލާގެ ޙަޟްރަތުން ދަރުމައެއް ލިބޭތޯމަސައްކަތް ކޮށްލަދެއްވާ! ޤައުމެއް،ޖީލެއް ފުނޑުފުނޑުވެގެން މިދަނީ. ފުށާ، ހަކުރާ، ހަނޑުލަށްވުރެ ޤައުމުގައިގިނައީ ކެނަބިހާ، ހިރޮއިން، ކޮކެއިން، ކެޓަމައިން މިހެންގޮސް ކިޔާނެ ކަމެއްނެއް. ދުނިޔޭގައި ލެއްވި ހުރިހާ ޑްރަގެއް މިޤައުމުން އެބަލިބޭ. ހުއްޓުވާތަނެއް ނުފެނޭ. ޕޯޑިއަމްތަކުގައި ދެއްވާ ސްޕީޗްތައް ހިތްގައިމު. ޤައުމު މިދަނީ އޮޔާ
ކުޑަ-ކަތީބު
29 May 2023
އަނގައިން ނިންމޭނެ. އަމަލުން ނުނިމޭނީ. - ހިންނަވަރުގަ އަޅާ ހޮސްޕިޓަލް، ހިންނަވަރު ޓޫރިޒަމް ތަމްރީނު ސްކޫލު - ލ.ގަމު ޓާޝަރީ ހޮސްޕިޓަލް، ކެންސަރު ހޮސްޕިޓަލް. - އައްޑުއަތޮޅު މަގުތައް ހަދާވެސް ނިމޭނެ. ދޫގަސްވެސް ހުޅުވޭނެ. ހެރެތެރެވެސް ހުޅުވޭނެ. 8000 ޓޫރިސްޓު އެނދުވެސް ހެދޭނެ.
ރަދީފްއޮފިޝަލް
29 May 2023
ޝަންގިރިއްލާ ވެސް.
ސޮސޮސޮސޮ
28 May 2023
ސޯ ދެން ވޯޓުދޭކަށް ނުޖެހޭނެތާ. އިތުރަށް ކުރާނެ ކަމެއް ނޯންނާނެ
މުރާސިލް
28 May 2023
ކޮންމެ ކަމެއް ނިންމިއަސް ވެރިކަމުގެ ދެވަނަ ދައުރެއް ނުލިބޭނެކަން ޔަޤީންކުރާށެވެ. މުޅި ޤައުމު ދަރަނަވެރިކޮށް މީޑިޔާގެ މިނިވަންކަމަށް ހުރަސްއަޅާ ދައުލަތުގެ އެތެރޭގައި ވައްކަން އާއްމުކޮށް މަސްތުވާތަކެތިން ޒުވާން ޖީލު ހަލާކުކޮށް ޤައުމުގެ އިސްތިޤުލާލާއި މިނިވަންކަން އަދި ރާއްޖޭގެ އިޤްތިސާދީ ސަރަހައްދުން ބޮޑުބައެއް ވިއްކާލި މީހަކަށް ދިވެހިން ދެވަނަ ދަޢުރެއް ނުދޭނެއެވެ. ވެރިކަމުގެ ދެވަނަދުއުރެއްގެ އަވާމެންދުރު ނުދެކޭށެވެ.
މި ކޮމެންޓް ޖަހަން ނުކެރުނަސް މީ ހަގީގަތް
28 May 2023
މަޖިލިހުން ފާސްކުރާ ކަންކަމަށް އަލުން ވޯޓަށް އެހުމުގެ ބާރު ރައްޔިތުންނަށް ދޭނަން: އިބޫ
ވަރަބިންދާލި
28 May 2023
ރައްޔިތުންބޭނުންވާހުރިހާކަމެއް ނިމި ފުދި އިތުރުވާކަށް ވެރިއަކު ހޮވުމަކީ ބޭކާރު ކަމެއް . ވެރިއަކުނެތަސް އަހަރުމެން ތެޅި ތެޅި ތިބެދާނަމޭ.ވެރިކަން ހޯދަން ކޮއްދެއްވަން ވައުދުވިހާ ކަމެއް ކޮއްދެއްވުނީމަ ކެންޕޭން ނުކުރައްވާ މިވެނި އެވެނި ކަމެއް ކޮއްދެއްވާނަމޭ . ކިޔާ ނޫންތަ ؟
ޙިހިހިހި233
28 May 2023
މަނިކުފާނު ކޮމަންޑޫގަ އަޅަންބުނި ބްރިޖާ ހިއްކަންބުނި ހިސާބުގަނޑު އަދިވެސް އޮތީ ރޮލާ. ތިންމަހުން ހީވަނީ އެވައުދު ނުފުދޭނެހެން. އޭގެ އިތުރުން ކޮމަންޑޫ ކައިރީގަ އޮތް ރަށްފަތިވެސް ރިސޯޓްހަދާދޭނެ ކަމަށް ތިޔަ ދޫފުޅުން ވައުދުވި. މަހްލޫފް އަޅަންބުނި ފުޓްބޯޅަދަނޑު ވައުދުވެސް ގިރާލައިފި. ހަމަފުއްދޭނެތަ މިވައުދުތައް؟؟؟
ޖަނަފް
28 May 2023
ވިލިނގިލި އާއި ތިލަފުށި އާއި ގުޅި އާއި މަލޭ ގުޅަން އަޅާ ފާލަން ނިމޭނެބާ..ވޯޓު ކުރިން.
ކުޑަ-ކަތީބު
29 May 2023
ހުރިހާ ކަމެއްވެސް އަނގައިން ނިމޭނެ. އަމަލުން ނުނިމޭނެ. ދެން އަނެއްކޮޅުން ދައުރު ނިމޭއިރު ބަންދު ދުވަސްތައް ކަނޑާލީމާ އަދި ބާކީ އެތައް ދުވަހެއް އޮންނާނެ. ވީމާ، ނުނިމި ހުރި މަޝްރޫއުތައް ނިމޭނީ ބަންދު ދުވަސްތަކަށް އިތުރު ދުވަސް ދީގެން ކަމަށްވެސް ބުނެފާނެ. ބޯހަލާކު