ތާރީހީ ދުވަހެއް، ރާއްޖޭގައި އައިވީއެފް ހަދަން ފަށައިފި

ޓްރީޓޮޕްގައި ގާއިމްކުރި ފާޓިލިޓީ ސެންޓަރު، ރައީސް އިބްރާހިމް މުހައްމަދު ސޯލިހު މިއަދު ހުޅުވައިދެއްވަނީ.-- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

29 މެއި 2023 - 10:54

27 comments

ޓްރީޓޮޕް ހޮސްޕިޓަލްގައި ގާއިމްކުރި ފާޓިލިޓީ ސެންޓަރާ އެކު، ރާއްޖޭގައި އައިވީއެފް ހަދަން މިއަދު ފަށައިފި އެވެ.

އެ ހިދުމަތް ފައްޓަވައިދެއްވީ، އެ ހޮސްޕިޓަލްގައި ބޭއްވި ރަސްމިއްޔާތުގައި ރައީސް އިބްރާހިމް މުހައްމަދު ސޯލިހެވެ.

އެ މަނިކުފާނު ވަނީ، ގިނަ ދިވެހިންނަށް އުއްމީދެއް ގެނެސްދިން ހިދުމަތެއް ތައާރަފްކޮށްދިނީތީ ޓްރީޓޮޕް ހޮސްޕިޓަލަށް ޝުކުރު އަދާކުރައްވައިފަ އެވެ.

ރައީސް އިބްރާހިމް މުހައްމަދު ސޯލިހު ވިދާޅުވި ގޮތުގައި ރާއްޖެއިން ބޭރުން އައިވީއެފް ހަދަން 3-4 ލައްކައެއްހާ ރުފިޔާ ހަރަދުކުރާ ކަމަށެވެ. ރާއްޖޭގައި އެ ފަރުވާ ލިބޭ ނަމަ، ވަޒީފާ އަދާކުރަމުން އަދި އާއިލާ ކައިރީގައި ތިބެގެން އެ ހިދުމަތް ހޯދުމުގެ މަގު ފަހިވާނެ ކަމަށް އެ މަނިކުފާނު ވިދާޅުވި އެވެ.

ގުދުރަތީ ގޮތުން ދަރިން ލިބުމުގައި މައްސަލަ ދިމާވާ ނަމަ އެކަމަށް ދެން އޮތް ފަރުވާއަކީ އައިޔޫއައި އަދި އައިވީއެފް މެދުވެރިކޮށް ދަރިން ހޯދުމެވެ. އޭގެ ތެރެއިން ރާއްޖޭގައި މިހާތަނަށް ވެސް ލިބުނީ އައިޔޫއައި ފަރުވާ އެކަންޏެވެ. އެހެންވެ، އައިވީއެފް ހެދުމަށް ބޮޑު ހަރަދެއް ކޮށްގެން ޖެހެނީ ރާއްޖެއިން ބޭރުން ފަރުވާ ހޯދާށެވެ. ގިނަ ދިވެހިން އައިވީއެފް ހަދަން ދަނީ އިންޑިއާ އަދި ސްރީ ލަންކާގެ ހޮސްޕިޓަލްތަކަށެވެ. އެ ތަންތަނުގައި ފަރުވާ ހޯދަން އެކަނި ވެސް އައިވީއެފްގެ ބުރަކަށް 2000-5000 ޑޮލަރު (30،840-77،100ރ.) ހޭދަވެ އެވެ. އޭގެ އިތުރުން ފަރުވާއަށް ގިނަ ދުވަހު ބޭރުގައި ހުރުމާއި ކެއުމަށް ބޮޑު ހަރަދެއް ހިނގަ އެވެ.

ޓްރީޓޮޕްގައި ގާއިމްކުރި ފާޓިލިޓީ ސެންޓަރު ހުޅުވަން ބޭއްވި ރަސްމިއްޔާތުގައި ބައިވެރިވި ބައެއް މީހުން-- ފޮޓޯ: ނިޝާން އަލީ/ މިހާރު

އެހެންވެ، އަމިއްލަ ގައުމުގައި ތިބެގެން މި ހިދުމަތް ހޯދުމަށް ގިނަ ބަޔަކު ތިބީ އިންތިޒާރު ކުރަމުންނެވެ.

Ummeedhuge ulhukolhu, Raajjeyn IVF!

The most trusted news source in the Maldives

Mihaaru

ޓްރީޓޮޕް ހޮސްޕިޓަލްގެ ސީއޯއޯ އާދިލް މޫސާ ވިދާޅުވި ގޮތުގައި ފާޓިލިޓީ ސެންޓަރާއެކު މިއަދަކީ ރާއްޖޭގެ ސިއްހީ ދާއިރާއަށް އިންގިލާބީ ބޮޑު ބަދަލެއް އަންނާނެ ދުވަހެއް ކަމަށެވެ.

މިލިއަނެއްހާ ޑޮލަރު (15.4 މިލިއަން ރުފިޔާ) ހަރަދުކޮށްގެން ގާއިމްކުރި ސެންޓަރުން ރާއްޖޭގައި އެ ހިދުމަތް ދެނީ 46،000ރ. އަށެވެ.

ޓްރީޓޮޕްގައި ގާއިމްކުރި ފާޓިލިޓީ ސެންޓަރު ހުޅުވަން ބޭއްވި ރަސްމިއްޔާތުގައި އެ ހޮސްޕިޓަލްގެ ސީއޯއޯ އާދިލް ވާހަކަދައްކަވަނީ.-- ފޮޓޯ: ނިޝާން އަލީ/ މިހާރު

އައިވީއެފް ހަދަން ޓްރީ ޓޮޕުން ފެށީ އިންޑިއާގެ ސައިމާ ސެންޓަރާ ގުޅިގެންނެވެ. އެ ތަނުގައި އިސްކޮށް މަސައްކަތް ކުރައްވާނީ ވެސް ރާއްޖޭގެ ފުރަތަމަ ފާޓިލިޓީ ސްޕެޝަލިސްޓް، ޑރ. ޒާކިޔާ އަހުމަދެވެ.

އާދިލް މީގެ ކުރިން "މިހާރު" އަށް ވިދާޅުވީ، ދަރިމައިވުމުގެ މައްސަލަތަކަށް އެ ހޮސްޕިޓަލުން ގެނެސްދެނީ މުޅި މައްސަލައަށް ފުރިހަމަ ހައްލެއް ކަމަށެވެ.

"އަޅުގަނޑުމެން މި ގެންނަނީ ހާފް ސޮލިއުޝަނެއް ނޫން. ފުލް ސޮލިއުޝަން މި ގެންނަނީ ކޮންސަލްޓޭޝަނުން ފެށިގެން ސާޖަރީ ހެދިގެން. އަޅުގަނޑުމެން އިންޓަނޭޝަނަލް ބެސްޓް ޕްރެކްޓިސް އަށް ބަލައިގެން މި ކަން ފަށާފައިވާނީ. އެހެންވީމަ މި ބަލަނީ މިއީ ހަމަ އެފޯޑްބްލް ކަމެކޭ." އާދިލް ވިދާޅުވި އެވެ.

ރައީސް އިބްރާހިމް މުހައްމަދު ސޯލިހް ދަރިން ނުލިބުން ޓްރީޓޮޕް ހޮސްޕިޓަލް އައިވީއެފް ސިއްހަތު

27 ކޮމެންޓް, 33 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮޑުމީހާ

30 May 2023

މިކަހަލަ ތާރީޚީ އެތައް ދުވަސްތަކެއްގެ ސަބަބުން ރައްޔިތުން އުޅެންޖެހޭ ނިކަމެތިހާލުން އަރައިނުގަނެވެނީ. ސަރުކާރުގެ ހޮސްޕިޓަލްގައި މިކަން ނުފެށި، ޕްރައިވެޓް ބަޔަކު ފެށުމާއިއެކު އާސަންދަ މިކަމަށް ހަމަޖެހުން މީ އިއްތިފާގެއްބާ! ބިލިއަނުން ސަރުކާރު ހޮސްޕިޓަލްތަކަށް ޚަރަދުކުރާއިރުވެސް ދުވަހަކުވެސް ހިދުމަތެއް ނުލިބިދަނީ ފަހަތަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިންމާ

30 May 2023

ޚިދުމަތެއް ފެއްޓުމަށް އަރުވާ އަޑު އާންމުކޮށް އެޚިދުމަތުގެ ފެންވަރަށް ވުރެ ވަރުގަދަ. މިކަމަށް ބޭނުންވާ ވަސީލަތްތައް ހަމަކުރާ ފަދައިން އިންސާނީ ވަސީލަތް ހަރުދަނާ ކުރުންވެސް މުހިންމު، ގާބިލް ޓީމެއް ބިނާކުރުން އަދި މަސައްކަތުގެ ޒިންމާ ނަގާބަޔަކު މީސްކޮޅު މަދުކަމުން ވަރުބަލިނުވާނެހެން، އިހްމާލެއް ނުވެވި ހަރުދަނާ ގޮތެއްގައި މިކަން ކުރުމަށް ވިސްނަންޖެހޭ…ފެއްޓުމުގެ އަޑަށްވުރެ ޚިދުމަތުގެ ރަގަޅު އަޑު އަހަންބޭނުން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުލް މުހުސިން ބިން ތޯރިފް

30 May 2023

އަރަބި ބަހުން ކީކޭތަ ކިޔަނީ؟ މިބަސްކޮޅުވެސް ރައިވަރެއްހެން ކިޔާލީމަ، އެކަމުގެ ރާހަތާ، ކާމިޔާބު ބޮޑުވާނެޔޭ! ނިކަން ސައޫދީ ކުދިންކޮޅުގާތު އަހާލަބަލަ، މިއީ އަހަރުމެން ކުރަން އޯކޭ ކަމެއްތޯ! އަހަރުމެންގެ މުޅި ގައުމު މިއުޅެނީ އަރަބި ވާހިތުން. އެންމެ ލޯބިން ބޮޑުކުރާ ދަރިންނައް މިކިޔަނީ އެމީހުން އޯކޭވާ ނަމެއް. ކާންދެނީ އެމީހުން ހުއްދަ ކުރާ އެއްޗެހި. ވަގުތު ހޭދަ ކުރަނީ އެމީހުން ރަގަޅު ސިއްހަތުގަ ތިބޭތޯ ދުއާ ކޮއްކޮއް. އަހާލުން ރަގަޅު މިއީ ރަގަޅު ކަމެއްތޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

29 May 2023

އައިޖީއެމްއެޗް އާ ސަރުކާރުގެ ހޮސްޕިޓަލް ހުއްޓަ އެހެން ބަޔަކަށް ސަރުކާރުން ފައިސާ ދީގެން މިކަން ކުރުން އެއީ އުފާ ކުރަން ޖެހޭ ކަމެއް ނޫނެވެ. އަދި ވެސް ލަސް ނުކޮށް ސަރުކާރުން 15 މިލިއަން ހަރަދު ކޮށްގެން ނޫނީ ބޭރުގެ އެހީ ހޯދައިގެން މިކަން ކުރަން ވީ އެވެ. ވިޔަފާޜިވެރީން ސަރުކާރަށް ތާއީދު ކުރާތީ އޭ ކިޔާފަ ނުސީދާ ކޮށް ފައިސާ ހަރަދު ކުރާކަށް ނުޖެހެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުނާލް

29 May 2023

އާބާދީ އިތުރުކުރުމަށްވުރެ ރަނގަޅުވާނެ މިހާރު އޮތް އާބާދީގައި މަސްތުވެގެން މަގުމަތީގައި ވެއްޓިފައިތިބޭ ޒުވާނުން ހަރުދަނާގޮތެއްގައި އިސްލާހުކުރަން ތިޔަ ލާރި ޚަރަދު ކޮށްގެން މަސައްކަތް ކުރިއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަން.

29 May 2023

40 އަހަރުން މަތީމީހުންނަ ނެހެދޭ ޓުރީޓޮޕުން އަހާލީމަ ބުނީ ހެލްތުމިނިސްޓްރީން ހުއްދނުދިނޭ ވަރަވާހަކަ ދެއްކީމޭ އިންޑިއާ 55 އަހަރުވަންދެން ހެދޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށ.އސ

29 May 2023

މަރުޙަބާ! ޑރ. ޒާކިޔާ އަޙްމަދު، ޝުކުރިޔާ! ޓްރީޓޮޕް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

29 May 2023

އަދުރެމެޓިކްސް ހިސާބު އިލްމުވެރިންނަށްވީމަ ޙަރަދު ކުޑަކަމަށް ދައްކަފާނެ. އެކަމަކު ކ.އަތޮޅު މާލެ ނޫން ރަށެއްގެ މީހަކު (މިސާލަކަށް ތުރާކުނު ނުވަތަ އައްޑޫ މީހަކު) އައިވީއެފް ފަރުވާ ހޯދުމަށް ތިޔަ މުޤައްދަސް ރަށްކޮޅުގައި 3 ނުވަތަ 4 މަސްދުވަހަށް މަޑުކޮށްފިނަމަ 1 އިރު ކައިގެން ނުދާނެ ގޮޅިއަށް ލާރިދެއްކުމަށް އެކަނިވެސް ދޮޅުލައްކަ ރުފިޔާ މަހެއްގެ މައްޗަށް ޙަރަދުވާނެ. ތިރަށަށް ދިއުމަށް ޕާސްޕޯޓް ބޭނުންނުވާކަން އެކަނި. ތިއީ ހަމަ ބީރައްޓެހި ރަށެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑެބީ

30 May 2023

އެހެންވީމަ އާބާދީގަ 500 މީހުން ހަމަނުވާ ތުރާކުނުގަވެސް މިހިދުމަތް ސަރަކާރުން ފަށަންވީތަ؟ 100 މީހުން ހަމަނުވިޔަސް ހަމަ ރަށުގަތަ އުޅެންވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަދީމާ

29 May 2023

މި ކަމުން ކާބިޔާބަކަށް އެދެން އާމީން ( ވަރަށް ގިނަ އާއިލާ ތަކެއްގެ އުއްމީދު މި މިންވަރުކުރެއްވީ )

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމީދު ބެޭބެ

29 May 2023

15 މިލިޔަނެއްހާ ރުފިޔާށ ޚަރަދުކޮށްގެން ކުރެވެން އޮތްކަމެއް މިހާތަނަށް ނުކުރެވިއޮތުމީ ހިތާމަހުކި ކަމެކެވެ. ދެތިން މުނާސަބަތަށް ހަވާ އަރުވަންވެސް ތިހާވަރު ޚަރުދު ވާނެކަމަށް ލަފާކުރެވޭ.