މި އެސްޓްރޮނޯޓް ކިޔައިދިނީ ޖައްވުގައި ހުރެގެން އޭނާ ނަމާދުކުރާ ގޮތް

ސައުދީ އިން ޖައްވީ ސްޓޭޝަނަށް ދިޔަ އެސްޓްރޮނޮޓް އަލީ އަލް-ގަރްނީ

އަހުމަދު އަރުޝަމް، މިހާރު

30 މެއި 2023 - 07:03

ދާދި ފަހުން ބައިނަލްއަގުވާމީ ޖައްވީ ސްޓޭޝަން (އައިއެސްއެސް) އަށް ދަތުރުކުރި ސައުދީ އަރަބިއްޔާގެ އެސްޓްރޮނޮޓް އަލީ އަލް-ގަރްނީ ޝެއާކުރި އާ ވީޑިއޯއެއްގައި އޭނާ ޖައްވުގައި ހުރެގެން ނަމާދު ކުރާ ގޮތް ކިޔައިދީފި އެވެ.

އަލީ އެ ވީޑިއޯ ހިއްސާކުރީ ޖައްވުގައި އުޅޭއިރު ފްލޯޓުވާތީ ނަމާދުކުރަނީ ކިހިނެތްތޯ ގިނަ ބަޔަކު ސުވާލުކުރުމުންނެވެ.

އަލީ ބުނި ގޮތުގައި، ޖައްވީ ސްޓޭޝަނުގައި އުޅޭއިރު އޭނާ ނަމާދުކުރަނީ ނޫކުލައިގެ ދަގަނޑުކޮށް ހުންނަ ޑިވައިސެއްގައި ހިފަހައްޓައިގެން ހުރެގެން، ދުނިޔެއާ ދިމާލަށް މޫނު ބަހައްޓައިގެންނެވެ.

#VIDEO: #Saudi astronaut Ali Al-Qarni (@AstroAli11) explains how a Muslim astronaut performs prayer on International Space Station. pic.twitter.com/z4TgMZCXIJ
— Saudi Gazette (@Saudi_Gazette) May 28, 2023

"...އޭރަށް ހުއްޓި ހުރެގެން ދުނިޔެއާ ދިމާލަށް ހުރެ ނަމާދުކުރެވޭނީ.. ﷲ އަހަރެމެންގެ ނަމާދު ގަބޫލުކުރައްވާށި،" އަލީ ބުންޏެވެ.

އޭނާ ބުނީ އެތަނުގައި ކަކޫ ޖައްސަން އުނދަގޫވި ނަމަވެސް، އެ މީހުންނަށް ކުރެވުނު މިންވަރަކަށް މަސައްކަތް ކުރާ ކަމަށެވެ.

بعد ما خلصت تجاربي لليوم صادف مرورنا فوق مكة المكرمة ،
نور على نور ✨ #نحو_الفضاء

Makkah from the space ✨#KSA2Space pic.twitter.com/rh3kZnJw0N
— RAYYANAH BARNAWI (@Astro_Rayyanah) May 26, 2023

އަލީ ވަނީ ޖައްވުގައި ވުލޫ ކުރާ ގޮތް ވެސް ކިޔައިދީފަ އެވެ. ފެން ޕެކެޓެއް ނަގައި، އެއަށް ފިތާލުމަށް ފަހު ފެންތައް ފްލޯޓުވާއިރު، ތުވާއްޔަކުން އެ ފެންތަށް ނަގާ މަންޒަރު ވީޑިއޯގައި ފެނެ އެވެ. އަލީ ކިޔައިދިން ގޮތުގައި، ވުލޫ ކުރުމުގެ ބަދަލުގައި އެ ތުވާލި ތެންމާލުމަށް ފަހު ހާކަލަނީ އެވެ.

އަލީ (ވ) އާއި ފުރަތަމަ ފަހަރަށް ސައުދީ އިން ޖައްވަށް ދިޔަ އަންހެން އެސްޓްރޮނޯޓް ރައްޔާނާ.

"އޭ-އެކްސް 2 މިޝަން"ގެ ނަންދީފައިވާ ހަތަރު މީހުންގެ ޕްރައިވެޓް މިޝަންއެއްގައި އަލީ އާއި، ސައުދީ އިން ފުރަތަމަ ފަހަރަށް ޖައްވަށް ދިޔަ އަންހެން އެސްޓްރޮނޯޓް ރައްޔާނާ ބަރްނަވީ، އިތުރު ދެ އެސްޓްރޮނޯޓުންނާއެކު އައިއެސްއެސް އަށް ދަތުރު ފެށީ މި މަހުގެ 21 ވަނަ ދުވަހު އެވެ.

އައިއެސްއެސްގައި ތިބެ އަލީ އާއި ރައްޔާނާ ވެސް ވަނީ މައްކާގެ މަތިން ނަގާފައިވާ މަންޒަރުތަކެއް ސޯޝަލް މީޑިއާގައި ޝެއާކޮށްފަ އެވެ.

ސައޫދީ އަރަބިއްޔާ ޖައްވީ ދަތުރުތައް އިންޓަނެޝަނަލް ސްޕޭސް ސްޓޭޝަން އެސްޓްރޮނޯޓުން

6 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަނު ތަކުރު

05 June 2023

މަހީކުރީ ޕީޕީގަ އުޅޭ މުބީން ކަމަށް މީ... ފަހުނ މި އެގުނީ އެއީ އަދި ޖައްވައްދެވޭރު މީހެއްނޫންކަން ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަންދަރު ސުދެއިރީ

31 May 2023

ނެޕީޖަހައިގެން ނަޖިހާއެކުތަ ނަމާދުކުރަނީ؟؟! ދެން އަނެއްކަމަކީ ތިޔައީ ލާރީ ބޯކޮށް ކަޅުފަބަހުގައި ދީގެން ކުރި ޓޫރިސްޓު ދަތުރެއް، ތި ދެމީހުންގެ މޮޅުކަމުން ވީ ކަމެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

30 May 2023

ވަރަށް ރަނގަޅު.ކޮންމެ ތަނެއްގެ ހުއްޓަސް ނަމާދު އޭގެ ވަގުތުގަ އަދާކުރަން ޖެހޭނެ.އެއަށްވުރެ މުހިންމު އެހެންކަމެއް އަހަރުމެންނަށް ނޯންނާނެ.ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕިކްސް

30 May 2023

ނާސާގެ ބައިނަލްއަގުވާމީ ޖައްވީ ސްޓޭޝަނޭ؟ ކޮން އިރަކުތަ ނާސާގެ އެއްޗަކަށްވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

30 May 2023

ރަނގަޅު ނުކުތާއެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

31 May 2023

އެއީ ރަޝިޔާގެ އެއްޗެއް؟ ރަޝިޔާ އިން ބައިނަލްއަގްވާމީ އެއްޗަކަށް އެ ސްޓޭޝަން ހެދީ. ދެން އެމެރިކާ ވެރިކޮށް ލައިގެން ތިމަންމެންގެ އެއްޗެކޭ ކިޔަނީ. އޭގެ އަސްލަކީ ރަޝިޔަން ސޮޔޫޒް ސްޓޭޝަން. ރަޝިޔާ އެ ޕްރޮގްރާމަށް ފަންޑް ނުކުރަންވެގެން ހުއްޓާލީ. އެހިސާބުން އެމެރިކާގެ އެއްޗަކަށްވީ.