މާލޭގެ ޕާކްތަކަށް ވަންނަ ބިދޭސީންގެ އަތުން ފީއެއް ނަގަނީ

ސަލްޓަން ޕާކުގެ އެތެރޭގައި ބަޔަކު: މާލޭގެ ޕާކުތަކަށް ވަންނަ ބިދޭސީންގެ އަތުން ފީއެއް ނަގަން މާލޭ ސިޓީ ކައުންސިލުން ވަނީ ނިންމައިފައި.-- ފޮޓޯ: މިހާރު

އިފްރާޒް އަލީ، މިހާރު

31 މެއި 2023 - 13:31

100 comments

މާލޭގެ ޕާކްތަކަށް ވަންނަ ބިދޭސީންގެ އަތުން ފީއެއް ނަގަން މާލޭ ސިޓީ ކައުންސިލުން މިއަދު ނިންމައިފި އެވެ.

އެ ގޮތަށް ނިންމީ ސަލްޓަން ޕާކާއި ލޮނުޒިޔާރަތް ޕާކަށް ވަންނަ ބިދޭސީންގެ އަތުން ފީއެއް ނެގުމަށް މިއަދު ބޭއްވި ކައުންސިލްގެ މި ހަފުތާގެ އާންމު ޖަލްސާ އަށް މެމްބަރަކު ހުށަހެޅުއްވުމުންނެވެ. އެ ހުށަހެޅުމަށް މަޝްވަރާކުރުމަށް ފަހު، ކައުންސިލުން ނިންމީ ޓޫރިސްޓުންނާއި ރާއްޖޭގައި މަސައްކަތްކުރާ ބިދޭސީންގެ އަތުން ތަފާތު ދެ އަގެއްގައި ފީއެއް ނެގުމަށެވެ.

އެ ޖަލްސާގައި މާލޭގެ މޭޔަރު ޑރ. މުހައްމަދު މުއިއްޒު ވިދާޅުވީ، ޕާކްތަކާއި މައިޒާންތަކަށް ވަންނަ ބިދޭސީންގެ އަތުން ފީއެއް ނެގުމަކީ ބޭރު ގައުމުތަކުގައި ވެސް ކުރަމުން އަންނަ ކަމެއް ކަމަށެވެ.

"...އެއީ ތަހުޒީބީ ކަމެއް، ތަފާތުކުރުން ކަމަކަށް ނުބެލެވޭ. ހަމަ ނޯމަލް ޕްރެކްޓިސްއެއް އެއީ،" މޭޔަރު ވިދާޅުވި އެވެ.

މާލޭގައި ބިދޭސީން އިންތިހާއަށް ގިނަވެ، ހިތްހަމަޖައްސާލައި ފޫހިފިލުވާލަން ދިވެހިންނަށް ޕާކްތަކާއި މައިޒާންތަކާއި އާންމު އެހެން ތަންތަން ލިބުން ދަތިވާތީ ކައުންސިލްގެ ބައެއް މެމްބަރުން މިއަދުގެ ޖަލްސާގައި ކަންބޮޑުވުން ފާޅުކުރެއްވި އެވެ.

ޕާކްތަކަށް ވަންނަ ބިދޭސީންގެ އަތުން ފީއެއް ނަގަން ފާސްކުރީ މިއަދުގެ ޖަލްސާގައި ބައިވެރިވެވަޑައިގެންނެވި ހުރިހާ މެމްބަރުންގެ އަޣުލަބިއްޔަތުންނެވެ.

ކައުންސިލުން ނިންމީ އަންނަ މަހު 15 އިން ފެށިގެން އެ ފީ ނަގާށެވެ. އަދި ކުރިއަށް އޮތް ދެ ހަފުތާގެ ތެރޭގައި އަގުތައް ކަނޑައެޅުމަށެވެ.

ކުރީގެ ރައީސް އަބްދުﷲ ޔާމީންގެ ވެރިކަމުގައި، މުއިއްޒުގެ ހައުސިން މިނިސްޓަރުކަމުގައި، ސަލްޓަން ޕާކް މަރާމާތުކޮށް އަލުން ހުޅުވިއިރު އެ ތަނަށް ވަންނަ ބިދޭސީންގެ އަތުން ފީއެއް ނެގި އެވެ. ނަމަވެސް، ޔާމީންގެ ސަރުކާރު ބަދަލުވުމާ އެކު އެކަން ހުއްޓާލީ އެވެ.

މާލެ ސިޓީ ކައުންސިލް ސަލްޓަން ޕާކް ލޮނުޒިޔާރަތް ކޮޅު ޑރ. މުހައްމަދު މުއިއްޒު، މާލޭގެ މޭޔަރު ޕާކިން ބިދޭސީން

100 ކޮމެންޓް, 43 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖާބިރު

01 June 2023

ޕާކުތަކަށް ވަންނަ ބިދޭސީންގެ އަތުން ފީއެއް ނެގުމަށްވުރެ ގާނޫނާއި ގަވައިދާ ޙިލާފަށް ދިވެހިރާއްޖެ އާއި ފުރަ މާލެގައި އުޅޭ ބިދޭސީން ހިފާ އަނބުރާގައުމަށް ފޮނުވާބަލަ. މޭޔަރ މަގުމައްޗަށް ނެރުނު ކުދިންނަށް ލިޔެކިޔުން ނެތި އުޅޭ ބިދޭސީންނާއި ސުވާލުކުރެވޭތަ؟ އެމީހުންކުރާ ވިޔަފާރި ހުއްޓުވޭވަރުގެ ވުޒާރާއެއް މިގައުމުގައި ނެތީބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަށުމީހާ

01 June 2023

ތިއީ މާލަސްވެޖެ ކަމެއް ދުނިޔޭގެ ހުރި ހާތަނަކުން ފީނަގާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާމިޒް ސޮބާހް

01 June 2023

ތީ ކުރަން ލަސްވެފަ އޮތް ކަމެއް. މުޅި ޕާކްތައް މައިދާންތައް ބަންގާޅީން ފުރި ތޮއްޖެހިފަ. ފްރައިޑޭގަ ރަސްފަންނަ ދިޔައިރުވެސް މި ހާލު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަތުމާ

01 June 2023

ކިތަންމެ ހިޔާލުތަފާތު ވިޔަސް މޭޔަރ މުއިއްޒް މި ކުރަނީ ތަރައްގީ ވެފައިވާ ގައުމުތަކުގަ ކަން ކުރާ ގޮތައް ކަންކަން. ތަފާތު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތޫބާ ނާޒިމް

01 June 2023

ކަން ދިމާކުރި ގޮތުން މަށަށް ދެވުނީ އިންޑިޔާއާއި ލަންކާއަށް އެކަނި. އެތާގެ ޒޫތަކުން ފީ ނަގާ. އެހެންކަމުން މިތާގެ ޕާކްތަކުންވެސް ނެގެން ވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒޫނާ މަރިޔަމް

01 June 2023

ދިވެހިން ކިތަންމެ ހޭލުންތެރި ވިޔަސް ބޭރު މީހުން ނުވޭ. އެހެންވީމާ ޕާކްތައް ހަޑިވެ ވުރެން ދިމާވަނީ. ފީ ނަގާނަމަ ބޭރު މީހުން ވަންނަލެއް މަދުވާނެ. އިންޑިޔާގެ ޒޫތަކަށް ވެސް ވަދެވެނީ ފީއެއް ދައްކައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝިބާނާ

01 June 2023

ޕާކްތަކައީ މައިދާންތައް ހަލާކުވަނީ ބޭރު މީހުން އެތާ ނިދާ ހަދާތީ. އެކަން ހުއްޓުވަން ޖެހޭ. ތަން އޮންނަނީ ހަޑިވެފަ. އަދި ފީ ނަގަން ފެނޭ ހަކުރު ބޯ ކުދިން އަތުން ވެސް. ޕާކްތަކުގަ ނިދާ