އިންޑިއާގެ އެހީގައި ގިނަ ރަށްތަކެއްގައި ހިންގާ އިޖުތިމާއީ ތަރައްގީގެ މަޝްރޫއުތަކުގެ އެއްބަސްވުމުގައި ސޮއިކޮށްފި

އިންޑިއާގެ އެހީގައި ރާއްޖޭގެ ގިނަ ރަށްތަކެއްގައި ހިންގާ މަޝްރޫއުތަކުގެ އެއްބަސްވުމުގައި ސޮއިކުރުމަށް ބޭއްވި ރަސްމިއްޔާތުގައި ފޮރިންގެ ސްޓޭޓް މިނިސްޓަރު އަހްމަދު ހަލީލު އާއި އިންޑިއާގެ ސަފީރު މުނޫ މަހާވަރު އެއްބަސްވުން ބަދަލުކުރައްވަނީ.-- ފޮޓޯ: ފޮރިން މިނިސްޓްރީ

އިފްރާޒް އަލީ، މިހާރު

04 ޖޫން 2023 - 16:02

15 comments

އިންޑިއާގެ އެހީގައި ރާއްޖޭގެ ގިނަ ރަށްތަކެއްގައި ހިންގާ އިޖުތިމާއީ ތަރައްގީގެ އިތުރު މަޝްރޫއުތަކެއްގެ އެއްބަސްވުމުގައި މިއަދު ސޮއިކޮށްފި އެވެ.

އެ އެއްބަސްވުންތަކުގައި ސޮއިކުރީ ފޮރިން މިނިސްޓްރީގައި ހެނދުނު ބޭއްވި ރަސްމިއްޔާތެއްގަ އެވެ. އެ ރަސްމިއްޔާތުގައި ފޮރިން މިނިސްޓަރު އަބްދުﷲ ޝާހިދާއި ރަސްމީ ދަތުރެއްގައި މިހާރު ރާއްޖެ ވަޑައިގެން ހުންނެވި އިންޑިއާގެ އެކްސްޓާނަލް އެފެއާޒް މިނިސްޓަރު ވެލާމްވެލީ މުރަލީދަރަން ވެސް ބައިވެރިވެވަޑައިގެންނެވި އެވެ.

އެއްބަސްވުންތަކުގައި ރާއްޖޭގެ ފަރާތުން ސޮއިކުރެއްވީ ސްޓޭޓް މިނިސްޓަރު އަހްމަދު ހަލީލެވެ. އިންޑިއާގެ ފަރާތުން ސޮއިކުރެއްވީ އެ ގައުމުން ރާއްޖެއަށް ކަނޑައަޅާފައި ހުންނަވާ ސަފީރު މުނޫ މަހާވަރެވެ.

މަޝްރޫއުތަކުގެ ތަފުސީލު

• ހއ. ދިއްދޫ، ގދ. ވާދޫ އަދި ސ. ހިތަދޫ ބޭރުމައްޗާއި ރަސްގެދަރާގައި އައުޓްޑޯ ޖިމެއް ހެދުން.

• ހދ. ކުޅުދުއްފުށި، ނ. ކެނދިކުޅުދޫ، ލ. ގަން އަދި ފުވައްމުލަކަށް ސްކޫލް ބަހެއް ގެނައުން.

• ށ. މިލަންދޫގައި ދުވާ ޓްރެކެއް ހެދުން.

• ޅ. ހިންނަވަރު ކައުންސިލްގެ އާ އޮފީސް އިމާރާތް ހެދުން.

• މާލޭގައި އާޓް ސެންޓަރެއް ހެދުން.

• ލ. އަތޮޅު ތައުލީމީ މަރުކަޒުގެ ޑިޖިޓަލައިޒޭޝަން ޕްރޮގްރާމް.

• ގދ. ތިނަދޫގައި ހުންނަ އަބްދުލް ސަމަދު މެމޯރިއަލް ހޮސްޕިޓަލުގައި މެންޓަލް ހެލްތު ޔުނިޓެއް ހެދުން.

#Maldives and #India adds new dimensions to the historic ties by exchanging 10 agreements under the High Impact Community Development Projects Scheme Phase II. pic.twitter.com/4y3pZgtmRe
— Ministry of Foreign Affairs 🇲🇻 (@MoFAmv) June 4, 2023

އެ މަޝްރޫއުތަކަށް ފަންޑުކުރަނީ އިންޑިއާ އެކު ރާއްޖެއިން ވެފައިވާ ހައި އިމްޕެކްޓް ކޮމިއުނިޓީ ޕްރޮޖެކްޓުގެ އެއްބަސްވުމުގެ ދަށުން މިދިޔަ ޖެނުއަރީ މަހު އިތުރުކޮށްދިން 100 މިލިއަން ޑޮލަރުގެ ލައިން އޮފް ކްރެޑިޓްގެ ދަށުން ކަމަށް ފޮރިން މިނިސްޓްރީން ބުންޏެވެ.

މިއަދުގެ ރަސްމިއްޔާތުގައި ވަނީ އިންޑިއާ ސަރުކާރުން ރާއްޖެއަށް ހަދިޔާކުރި ޓީބީ ބައްޔަށް ބޭނުންކުރާ ބޭސް ވެސް ހަވާލުކޮށްފަ އެވެ. ރާއްޖޭގެ ފަރާތުން އެއާ ހަވާލުވެވަޑައިގެންނެވީ ޑިރެކްޓަރު ޖެނެރަލް އޮފް ހެލްތު މައިމޫނާ އަބޫބަކުރު އެވެ.

އިންޑިއާގެ އެހީގައި މާލެ އާއި ރަށްރަށުގައި ގިނަ މަޝްރޫއުތަކެއް މިހާރު ވެސް އަންނަނީ ހިންގަމުންނެވެ.

އިންޑިއާ ތަރައްގީގެ މަޝްރޫއުތައް އަބްދުﷲ ޝާހިދު (ކުރީގެ ފޮރިން މިނިސްޓަރު) ފޮރިން މިނިސްޓްރީ ރާއްޖެ-އިންޑިއާ

15 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މެގަޕްރޮޖެކްޓް

05 June 2023

ސްކޫލް ބަހެއް ގެނައުން ކަހަލަ މެގަ ޕްރޮޖެކްޓް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެކްސްޓް

05 June 2023

އެހީކިޔާފަ އޮންނަނީ ދަރަނި ލިސްޓުގައި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޫރުބެ

05 June 2023

ތި ޕްރޮޖެކްޓްތަކަކީ ހިންގަހިންގާ ހުއްޓާ އަޑިޔަށްދާ ޕްރޮޖެކްޓްތައް. ޜަށެއްގެ އައުޓްޑޯ ޖިމް އޭކިޔާފަ ހަދާ ތަންތަނީވެސް ޕްރޮޖެކްޓް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

05 June 2023

ސްކޫލް ބަހެއް ގަތުމާއި، މެންޓަލް ޑިޕާރޓްމަންޓަކާއި އައުޓްޑޯ ޖިމް، ދިވެހި ރައްޔިތުން ދޭ ޓެކްސް ފައިސާއަށް ވަނީ ކީއްތޯ ބަލަން އެބަޖެހޭ މިވަރުވީމަ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންޑިޔާބުރިޖު

04 June 2023

ކީއްވެބާ ނޫސްތަކުން ނުގެނެސް ދެނީ މިއަދު އިންޑިޔާގައި ހަދަމުންދިޔަ ބުރިޖެއް ވެއްޓުނު ވާހަކަ. އެވަރުގެ ބަޔަކު ލައްވާ ރާއްޖޭގައި ބުރިޖު އަޅަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނޑާލަންޖެހޭނީ

04 June 2023

އިންޑިއާގެ އެހީގައި ފަހާފޮށީގެ ތިނޯހަށް ރޮދިލައްވާ މަޝްރޫއު ތައް ހިންގާނެ ކަމެއް ނެތޭ ތިޔާއިން ކުރާނެ އެއްވެސް ފައިދާ އެއް ނެތޭ މިއަހަރު ނިމޭއިރު އިންޑިއާ ސިފައިން ބާލާނަމޭ މިގައުމުން އަދި އިންޑިއާ ހެލިކޮޕްޓަރު ގަނޑު މާލޭގެ އުތުރު ފަރާތުން ފުނަދޫ އާއި މާލެ އާއި ދެމެދު ކަނޑުފައްތާލާނަމޭ ހަވަރު އެއްކޮށްގެން ތަމެން ބަލަން ތިބޭތި މިދުވަސް ގާތްވަނީ ގާތްވަނީއޭ ތަމެން ފޮށި ތަންމަތި ބަންނާށޭ އެދުވަހަށް ވިލިމާލެ ބޮޑުފާލަން މަޝްރޫއު ނުނިމިެއްޖެނަމަ ރަށަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހަންމާ ކަލޯ

04 June 2023

ކަނޑު ވިއްކިގޮތަށް މިވެރިކަން ނިމޭއިރު އޮންނާނީ އިންޑިޔާ އަށް ޤައުމުވެސް ވިއްކާފަ. އެއްވެސް އިޚްލާސްތެރިކަމެއް ހުރި ބައެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިސޭލާ

04 June 2023

އިންޑިއާގެ އެހީގަ މަޝްރޫއު ތަކޭ ބުނީމާ މޭ ނުބާ ކުރާގޮތްވަނީ. އިންޑިއާގެ ކަމަކަށް އޮންނާނީ މެޓާ ދީފަ ހަންފެތުރުން. ކަމެއް ކޮށްދީފިއްޔާ އޭގެ އެތައް ގުނަ ދަމައި ގަންނާނެ. ނިކަން ބަލާބަ ކިތައް ބިލިޔަން ރުފިޔާ އިންޑިއާގެ ކުންފުނިތަކަށް ފާއިތުވި 4 އަހަރު ޓެކުސް މާފު ކޮށްދޭން ރާއްޖެ އަށް ޖެހުނުތޯ. މަލިކުގެ ހާލަތު އޮތްގޮތް މިސާލަކަށް ނުފުދޭތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޭކެނީ

04 June 2023

ހުރިހާ ދިމާލެއްގަ ކުދިކުދި ކަންކަން ކުރުމުގެ ނަމުގައި މުޅި ގައުމުގައި އިންޑިއާ މީހުން ހޭކިގެން ތިބެން ބޭނުންވަނީ. އެއްވެސް ތަނެއް ނިމޭ ތަނެއް ނުފެންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާހޫރެނީ

05 June 2023

ކީއްކުރާނީ އަހަރުމެން ކިތަންމެ ދެރަވެފަ އާދޭސް ކުރިޔަސް އެމެރިކާ ޖަޕާނު މީހުނެއް ނާންނާނެ އަހަރުމެންގެ ފާޚާނާ ސާފުކޮށްދީ ގެއަށް މަސްގަނެ ކައްކާ އެދުމަތިކޮށްފަ އޮންނަ ބަލިމީހާ ސާފުތާހިރުކޮށް ހަދާދޭކަށް. މިއީ މިހާރު އަހަރުމެން ދިވެހިންނަށް ކުރަން ލަދުވެތި ކަންކަމަށްވެފަ ނޫންތޯ މިއޮތީ. އެހެންވީމަ، އިންޑީޔާ ބަންގްލާދޭޝް ނޭޕާލް ފިލިޕިންސް ފަދަ ގައުމުން ކުޑަކުޑަ އުޖޫރައަކަށް މީހުން ގެންނަނީ. ޕްރޮޖެކްޓެއްގަ މަސައްކަތް ކުރަން ދިވެއްސަކު ނެގިޔަސް ފިލަނީ.