ހުޅުމާލެ ސާފުކުރުމަށް މީގެ ކުރިން ބޭއްވި އިވެންޓެއްގައި ބަޔަކު ބީޗު ސަރަހައްދު ސާފުކުރަނީ.-- ފޮޓޯ: އެޗްޑީސީ
06 ޖޫން 2023 - 10:52
9 comments
ހުޅުމާލެ ސާފުކުރުމުގެ ބޮޑު ހަރަކާތެއް އަންނަ ހޮނިހިރު ދުވަހު ބާއްވަން އާބަންކޯ އިން ނިންމައިފި އެވެ.
އެ ކުންފުނިން މިއަދު ނެރުނު ނޫސްބަޔާނެއްގައި ބުނީ، އިއްޔެ ފާހަގަކުރި ދުނިޔޭގެ ތިމާވެށީގެ ދުވާހާ ގުޅިގެން "މަގޭ ކެމްޕޭން"ގެ ނަމުގައި ހުޅުމާލެ ސާފުކުރުމުގެ ބޮޑު ހަރަކާތެއް ބާއްވަން ނިންމާފައިވާ ކަމަށެވެ.
އާބަންކޯ އިން ބުނި ގޮތުގައި، އެ ހަރަކާތް ފަށާނީ ހޮނިހިރު ދުވަހުގެ ހެނދުނު 7:30 ގައި ޗެނަލް ޕާކުް ބީޗު ސަރަހައްދުންނެވެ. އެ ސަރަހައްދުން ފެށިގެން ހުޅުމާލޭގެ ހަތް ސަރަހައްދެއް ސާފުކުރަން ހަމަޖެހިފައި ވެ އެވެ. އެއީ ހުޅުމާލެ 1 އަދި ހުޅުމާލެ 2 ގައި މީހުން ދިރިއުޅޭ ސަރަހައްދުތަކެވެ. އެ ސަރަހައްދުތައް ސާފުކުރާނީ ވަކިވަކި ޓީމުތަކަށް މީހުން ބަހާލައިގެންނެވެ.
އެ ދުވަހުގެ ހެނދުނު 10:45 ގައި ސާފުކުރުމުގެ ހަރަކާތް ނިންމާލުން އޮންނާނީ ވޯޓާ ސްޕޯޓްސް އެކްޓިވިޓީއާ އެކުގައި ކަމަށް އާބަންކޯ އިން ބުންޏެވެ.
ހުޅުމާލެ ސާފުކުރުމަށް މީގެ ކުރިން ބޭއްވި އިވެންޓެއްގައި ބަޔަކު ބީޗު ސަރަހައްދު ސާފުކުރަނީ.-- ފޮޓޯ: އެޗްޑީސީ
އެ ހަރަކާތުގައި މާލެ ސަރަހައްދުގެ ސްކޫލްތަކާއި ސަރުކާރުގެ ކުންފުނިތައް އަދި މިނިސްޓްރީތަކުން ވެސް ބައިވެރިވާނެ ކަމަށް އާބަންކޯ އިން ބުންޏެވެ.
"ތިމާވެށި ރައްކާތެރިކުރުމަށް ކުރެވޭ މަސައްކަތެއްގެ ގޮތުން އާބަންކޯ އިން ތައާރަފުކޮށްފައިވާ ދުނިޔެ މަގޭ ކެމްޕޭނަކީ ދުނިޔޭގެ ތިމާވެއްޓަށް އަންނަމުންދާ ބަދަލުތަކާއި ތިމާވެށި ރައްކާތެރި ކުރުމަށް ހޭލުންތެރިކަން އިތުރުކުރުމަށް ތައާރަފުކޮށްފައިވާ ކެމްޕޭނެކެވެ. މި ކެމްޕޭންގެ ދަށުން ގިނަ ކަންތައްތަކެއް މުޅި އަހަރަށް ބަހާލައިގެން ރޭވިފައިވާކަން ފާހަގަކުރަމެވެ،" އާބަންކޯގެ ބަޔާނުގައިވެ އެވެ.
އެ ކުންފުނިން ބުނީ، ހުޅުމާލެ އަކީ ތިމާވެއްޓާއި ރައްޓެހި ސްމާޓް ސިޓީއަކަށް ހެދުމަށް ކުރަމުން އަންނަ މަސައްކަތްތަކަށް މި ކެމްޕެއިންގެ ސަބަބުން އިތުރު ފުރިހަމަ ކަމެއް ލިބޭނެ ކަމަށެވެ. އެ ކެމްޕޭންގެ ދަށުން އެ ކުންފުނީގެ ބިޔޯންޑް ހުޅުމާލެ ޕްލޭންގެ ދަށުން ތިމާވެއްޓަށް ގެއްލުން ހުރި ކަންކަން ދެނެގަނެ ރައްކާތެރި މާހައުލެއް ހޯދައިދެވޭނެ ކަމަށެވެ.
އެކި ޖަމިއްޔާތަކާ ގުޅިގެން ހުޅުމާލެ ސާފުކުރުމުގެ އިވެންޓުތައް އާބަންކޯ އިން އަބަދުވެސް ބާއްވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލީ ކުރުސީ
06 June 2023
ރަގަޅު! އާބަންކޯއިން ސާފުކުރަން ހުރި ބަޖެޓް ގޭސް ޗެމްބަރާ ، ޖަލު އަޅަން ތަޅާ ބުރުވާލާފަ، މިކަހަލަ ދުވަހެއް ބާއްވައިގެން ސަރުކާރު މުއައްޒަފުންނާ، ސްކޫލްތައް ނެރެ ސާފުކޮށްލީމަ ނިމުނީ. ޤައުމީ ލަވަ ޖަހާފަ!
ހަމަތިބީ
06 June 2023
ޖެހުނު ތަނަކަށް ކުނިކޮޅު އެއްލާލަން އާދަވެފަ ތިބި ބަޔަކު އެތިބީ އެގޮތުން ހަލާކުވެފައި. އެތައް ޖީލެއް އެގޮތަށް ބޮޑުވެއްޖެ. އެމީހުން ބަދަލުކުރަން އުޅުމަކީ ނުވާނެކަމެއްފަދަ. ފަހުގެ ކުދިންނަށް ވިސްނަދޭންވީ ޖެހުނުތަނަކަށް ކުނިއެޅުމަކީ ކިހާ ބޮޑަށް ނުކުރަންވީ ކަމެއްކަން. އޭރުން އެކުދިން ބޮޑުވެގެން މުޅި މާހައުލު ބަދަލުކޮށްލަފާނެ.
ސާފު
06 June 2023
ސާފުކޮށްފައި ހަރުދަނާ އުސޫލުތަކެއް ހަދާ އެހިންގާލަބަލަ! މުޅިޖީލައިގެ އާދަކާދައަށް ވަންނަވަރަށް. ކުނިވަށިގަޑުނެތްތަން ބަލާ އެތަންތަނަށް ވަށިގަޑުލާ ގަވާއިދުން ހުސްކޮށް، މަގުމައްްޗަށާއި، އާއްމު ތަންތަނަށް ކުނިއަޅާމީހުން ޖޫރިމަނާކޮށް، ދާއިމީ އުސޫލްތައް ރަގަޅަށް ހިންގާލަބަލަ!
ޖިލް
06 June 2023
ކުނި އަޅާ މީހުން އަޅަންވީ. އެޅީމަ ސްކޫލް ކުދިން ސާފު ކުރަންވީ. ކަމުދާ ގޮތެއް ނޫން. އާބަންކޯ އަކީ ބޮޑު ޖޯކެއް. ދައުލަތުން ހަރަދުކޮށް އެންމެ ޕްރައިމް އޭރިއާއިން ބިން ދިނީމަ، ބިން ވިއްކައިން މަވަރު ބައެއް ނެތިފަ. މުއްސަނދިންގެ ހައްގުގާ ހިންގާ ޖަރީމާއެއް. ލޯކަލް ގަވަނަންސް ވެސް ފުނޑެނީ މިބަޔަކާ ހެދި
ސޭކުބެ
06 June 2023
ކުލަކުލައިގެ ޓީޝާޓްލައިގެން ބޮޑުމަންޒަރު ދެއްކުމުގެ ބަދަލުގައި އަސްލު މަޤްސަދު ހާސިލުކުރުމަށް މަސައްކަތްކުރަން ދަންނަވަން. ހުޅުމާލެ މީގެ 2 އަހަރު ކުރިން އޮތްގޮތާ މިހާރު އެތަން އޮތްގޮތް ފެނިފަ ހިތާމަކުރަން. މަގުތަކުގަ ގަލާ ކުންޏާ އޮތީ ހެސް ކިޔާފަ. ބަލާނެ މީހަކު ނެތް. ހުޅުލެއާ ހުޅުމާލެއާ ދެމެދު އޮޔް ހައިވޭގަ ވެލިގިނަވެ ފިނޮޅު ހެެދިއްޖެ. ފެންނަ މީހަކުނެތް. ގޯޅިތަކުގަ ގަސްބޯވެ ދުއްވޭކަށްނެތް. ކޮށާލާނެ ފަރާތެއްނެތް.
ޙަބީބު.
06 June 2023
ސާފުކުރީމަ ޖެހިގެން އަންނަދުވަހު މުޅިތަން ގޮނޑުކުރީމަ ކަމަކުނުދޭ ހުޅުމާލޭގެ ކެފޭތަކުގަ މޭޒުތައް ޕޭމަންޓުގަ ޖަހައިގެން ސިނގިރޭޓު އަޅިތަކާ ފީޓަރުތައްމުޅިތަނައްއުކާފަ އޮންނަނީ ހިޔާފުލެޓު ފާހާނާ ކުޑަދޮރުން ހުރަސްތަކާ ޕެޑާ ނެޕީތަކާ އިސްތަށިތައް އުކަނީ އެފައިބަނީ ބޭސްމަންޓައް ވީމާ ދިވެހިން ރަނގަޅުވާނީ ކިހިނެއް ބީޗައްދާނެ ކާއެއްޗެހި ހިފައިގެން ގޮސްކައިފަ އެތަނައް އުކާފަ ދާނީ މިހިރީ ދަސްވެފަ ހުރި ގޮތަކީ
1828
06 June 2023
ސާފުކުރުމަކީ ހައްލެއްނޫން. ހައްލަކީ ސާފުކޮށްފައި އެގޮތުގައި މެއިންޓެއިންކުރުން.
ފޮނިފޮނިޓައްޕު ކުމާރު
06 June 2023
ކުޅިއަޅާމީހުން ޖޫރިމަނާކޮށްބަލަ ސިންގަޕޫރުގާ ހަދާގޮތަށް. އޭރުން އެހެންއޮފީސްތަކުގެ މީހުން ނުޖެހޭނެ ހުޅުމާލެ ސާފުކުރާން ދާކަށް.
ހުނިނަަ
06 June 2023
ސިންގަޕޫރުގެ ޕަބްލިކް ޓްރާންސްޕޯޓު ވެސް ބަލަން ރަނގަޅު. އާބަންކޯ އުޅެނީ މުއްސަނދި ކާރުވެރިންގެ ހައްގުގާ.