މާލޭން ތިލަފުއްޓަށް ގެންދާ ކުނި އުފުލާ ކޮޅުވެއްޓި: ތިލަފުއްޓަށް ދުވާލަކު 500 ޓަނުގެ ކުނި އުކާލާ.-- ފައިލް ފޮޓޯ: މިހާރު
27 ޖެނުއަރީ 2017 - 18:31
5 comments
ކ. ތިލަފުށީގައި ދުވާލަކު 500 ޓަނުގެ ކުނި އެންދޭނެ އިންސިނިރޭޓަރެއް ބަހައްޓަން ޝައުގުވެރިވާ ބަޔަކު ހޯދަން ފިނޭންސް މިނިސްޓްރީން ހުޅުވާލައިފި އެވެ.
އެ މިނިސްޓްރީން މިދިޔަ އަންގާރަ ދުވަހު ނެރުނު އިއުލާނުގައިވާ ގޮތުން މާލެ އާއި މާލެ އަތޮޅުގެ ރަށްތަކާއި ރިސޯޓްތަކުގެ އިތުރުން އއ. އަދި އދ. އަތޮޅާއި ވ. އަތޮޅުން ތިލަފުއްޓަށް ދުވާލަކު 500 ޓަނުގެ ކުނި އުކާލަ އެވެ.
އެހެންވެ، ދެ ފޭހަކަށް ބަހާލައިގެން އެ ރަށުގައި ކުނި އަންދާ ޕްލާންޓެއް ގާއިމްކުރަން ޝައުގުވެރިވާ ރާއްޖެ އާއި ބޭރުގެ ފަރާތްތަކުން އަންނަ މަހު 15 ވަނަ ދުވަހުގެ ނިޔަލަށް ކުރިމަތިލުމަށް ފިނޭންސް މިނިސްޓްރީން ވަނީ ހުޅުވާލައިފަ އެވެ.
ފިނޭންސް މިނިސްޓްރީން ބުނި ގޮތުގައި އެންވަޔަރަމަންޓް މިނިސްޓްރީއާ ގުޅިގެން ހިންގާ އެ މަޝްރޫއުގެ ފުރަތަމަ ފިޔަވަހީގެ ދަށުން ބަހައްޓަން ޖެހެނީ ދުވާލަކު 100 ޓަނުގެ ކުނި އެންދޭނެ މެޝިނެކެވެ. އެކަމަކު، އެ ނިޒާމް ގާއިމުކުރަން ޖެހޭނީ ކައިރި މުސްތަގުބަލެއްގައި އިތުރު 400 ޓަނުގެ ކުނި އެންދުމުގެ އިތުރުން، ރީސައިކަލް ކުރާ ޕްލާންޓެއް ވެސް ބެހެއްޓޭނެ ގޮތަށް ކަމަށް އެ އިއުލާނުގައި ބުނެފައިވެ އެވެ.
އެ މިނިސްޓްރީން ބުނީ ފުރަތަމަ ފިޔަވަހި ކުރިއަށް ގެންދަން ޖެހޭނީ ކޮންޓްރެކްޓާ ފައިނޭންސް އުސޫލުން ކަމަށެވެ. އެ ގޮތުން، ފުރަތަމަ ފިޔަވަހީގައި ކުނި ނައްތާލާނެ ނިޒާމު ޑިޒައިންކޮށް، އެ މަސައްކަތްކުރެވޭނެ ގޮތް ހެދުމުގެ އިތުރަށް، ކުނި ޖަމާކުރާނެ ތަނަކާއި އެކަމާ ގުޅޭ ކަންތައްތައް ކުރަން ޖެހެނީ ކޮންޓްރެކްޓަރު އަމިއްލަ އަށް ކަމަށް ވެސް އެ އިއުލާނުގައި ބުނެފައިވެ އެވެ.
ފިނޭންސްގެ އިއުލާނުގައިވާ ގޮތުން ކުނި ނައްތާލުމަށް ގާއިމުކުރާ ނިޒާމްގެ ފުރަތަމަ ފިޔަވަހީގައި، އުކާލެވޭ ކުނިން ހަކަތަ އުފެއްދޭނެ ގޮތް ވެސް ގާއިމުކުރަން ޖެހެ އެވެ.
އެ އިއުލާނުގައިވާ ގޮތުން، މި މަޝްރޫއު އަށް ކުރިމަތިލެވޭނީ ކުނި ނައްތާލުމުގެ މަސައްކަތްކުރުމުގެ ތަޖުރިބާ ހުރި އަދި މިދިޔަ ހަތް އަހަރުގެ ތެރޭގައި މަދުވެގެން 10 މިލިއަން ޑޮލަރުގެ މަޝްރޫއެއް ހިންގާފައިވާ ކުންފުންޏަކަށެވެ.
ތިލަފުށީގައި ކުނި އަންދާ ޕްލާންޓެއް ގާއިމުކުރަން ބަޔަކު ހޯދަން ހުޅުވާލިއިރު، އެ ކަމަށް 100 މިލިއަން ރުފިޔާ މި އަހަރުގެ ބަޖެޓުގައި ވަނީ ހިމަނައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަލޭ
28 January 2017
ބަޔަކު ހޯދަނީތަ، ނޫނީ މިހާރު ޕީޕީ އެމް ގެ މަޖިލިސް މެމްބަރެއް ހުރީ ތިކަމަށް ތައްޔާރުކޮއްފަތަ؟
GAN Island
28 January 2017
ތިޔަފަދަ ބޮޑު ޕްރޮޖެކްޓް އަކަށް އިއުލާން ކުރެއްވި އިރު އަންނަ މަހުގެ 15 ވަނަ ދުވަހަށް މުއްދަތުދެއްވާފަ އޮތުމުން ތިކަންހަމަޖެހިފައި އޮތްގޮތަށް އެންމެ އާދައިގެމީހާ އަށް ވެސް އިގޭ. . . . . މިހާރު ތިޔަ ''ޑީލް'' އޮތީ ހަމަޖެހިފަ. ވައްކަން ކުރުމާއި ހިޔާނާތް ބޮޑު މިސަރުކާރުން ކުރާ މިފަދަ ކަންކަމުގެ ވާހަކަ ދައްކާތީ ތިބޭފުޅުން ބުނެ އުޅޭ ''ޤާނޫނަށް ފެއްތުމަށް'' ނަމަކށް އިއުލާން ކޮށްލީ. . . . . . ކުނި އުކުމަށް އަހަރުމެން ރައްޔިތުންގެ ގޭގައި އުފެދޭ ޑޮމެސްޓިކް ވޭސްޓް އިން ފައިސާ ނެގުމުގެ ބަދަލުގައި ރާއްޖޭގެ ތިމާވެށި ހަރާބު ކުރާ އުފެއްދުން އުފައްދާ ވިޔަފާރި ވެރިން އަތުން އެމީހުން ތިމާވެއްޓަށް ދޭ ގެއްލުމާއި އެއްވަރުގެ ބަދަލެއް ނުނަންގަވަނީ ކީއްވެގެންތޯ ؟؟ .. . . . . . އެމަރިކާގެ މަޝްހޫރު ފިޒީ ޑްރިންކްސް އެއް ރާއްޖޭގައި ބަންދުކޮށް ''ޕެޓްބޮޓަލް އިން މުޅި ރާއްޖެ ގޮނޑު ކުރާއިރު'' އެމީހުންގެ ފަރާތުން ދައުލަތަށް އޭގެ ބަދަލުގެ ގޮތުގައި ލިބުނީ ކޯންޗެއްތޯ ؟؟ . . . . . ރާއްޖޭގައި ފުޅީގައި ފެންބަންދުކުރާ އެއްވެސް ބަޔަކު ރިސައިކަލް ކުރާނެ ނިޒާމް ޤާއިމް ކުރިތޯ ؟؟ އަދި އެފަދަ ކުންފުނިތަކަށް އެތައްފަހަރަކު ބޭނުންކުރެވޭ ފަދަ ފުޅީގައި 20 ލިޓަރ ގެ ފެންލިބޭނެގޮތް ހަމަޖައްސަން އަންގާ ޕެޓްބޮޓަލް އުފެއްދުމަށް އެތެރެކުރާ މެޓީރިއަލްސް ގެ ޓިއުޓީ 600 ޕަސެންޓަށް މަތި ނުކުރަނީ ކީއްވެގެންތޯ ؟؟
ތިލަފުށި ކުނި އަންދާ މެސެނު
28 January 2017
ވާނުވާ ނޭގުނަސް ކޮމެންޓް ކުރެވޭތޯ ބަލާތި.. ބަލަ މިއީ އަދި ބީލަމަށް ހުޅުވާލުމެއް ނޫން.. މިއީ މިކަމަށް ޝައުގުވެރިކަން ހުރީ ކޮންބަޔަކުކަން ހޯދަން ކުރެވުނު އިއުލާނެއް.. މިކަމަށް ޝައުގުވެރިކަން ފާޅު ކުރާ ފަރާތްތައް ހުށަހަޅާ ލިޔެކިޔުމަށް ބިނާކޮށް އަދި ބީލަމަށް ހުޅުވައިލާނީ އެހެން މަރުހަލާއެއްގައި.. އަނގަ އޮތީމަ ސޮއް ގޮވީމަ އަދި ކަމަކު ނުދާނެ.. ކަންކުރާގޮތް ނޭނގެންޏާ އެއްޗެއް ނުބުނެ ހުރުން މާ އައުލާކަން ބޮޑުވާނެ... ހެހެހެ ޕަކާސް
މެެންޓަލިސްޓް
28 January 2017
މިހާރުވެސް ވައި ހުންނަ މިސްރާބަކުން ދުމާޢި ހެދި މާފަންނުކޮޅުގައި ނޫޅެވިގެން ،، ދެން ތިޔަބުނާ 500 ޓަނު އިތުރަށް އަންދަން ފެށީމައި ކިހިނެއްބާވާނީ ،، އަނެއްކޮޅުން އައިޖީއެމްއެޗްގެ އާބިލްޑިންްގެވެސް ތިޔައަޅަނީ ހަމައެދިމާލުގައި ،، ދުވާޓްރެކާއި ރަސްފަންނާއިވެސް އެތަނުގައި ،،، އެހެންވީމައި މަޝްރޫއުތަށް ހިންގާ ހަދާއިރު އިންސާނުންގެ ސިއްހަތަށްއެއްގޮތަކަށްވެސް ބެލުމެށްނޯވޭ ދެއްތޯ ؟؟ ވަރަށްވެދުން ،،،
بايو
27 January 2017
ވެމްކޯ އަށް ދީ... ހޯދަނީއޭ... ތި އޮތީ ދީފަ... ހެހެހެ