ކެބިނެޓުގެ ބައްދަލުވުމެއްގައި ވަޒީރުން: އެމްޑީޕީ ސްލޮޓްތަކުގައި ތިބި މީހުން ޕާޓީން ވަކިވުމުން މަގާމުން ދުރުކުރަމުން އަޔަސް ރިޔާސީ އިންތިހާބުގައި ވާދަކުރާ ޖޭޕީގެ ސްލޮޓްތަކުގައި ތިބި މީހުން ވަކިކުރުމުގެ ނިންމުމެއް އަދި ނެތް. -- ފައިލް ފޮޓޯ
14 ޖޫން 2023 - 11:59
18 comments
ސަރުކާރު ކޯލިޝަންގައި އޮވެ ރިޔާސީ އިންތިހާބުގައި ވާދަކުރާ ޖުމްހޫރީ ޕާޓީގެ ސްލޮޓުގައި ސަރުކާރުގެ ސިޔާސީ މަގާމްތަކަށް އައްޔަންކޮށްފައި ތިބި މީހުން ސަރުކާރާ އެކު މަސައްކަތް ކުރަން ބޭނުންވާ ނަމަ އެ ފުރުސަތު އޮންނާނެ ކަމަށް ރައީސް އޮފީހުން ބުނެފި އެވެ.
ޖޭޕީން އިންތިހާބަށް ނުކުންނާނެ ކަން އެ ޕާޓީގެ ކައުންސިލްގެ ގަރާރަކުން ފާސްކޮށް އިއުލާންކުރުމުން ރައީސް އިބްރާހިމް މުހައްމަދު ސޯލިހް ވިދާޅުވެފައި ވަނީ ވާދަކުރާ ދެ ކެންޑިޑޭޓަކު ކޯލިޝަންގައި ތިބުމަކީ ކެމްޕޭން ހިންގާއިރު ދަތިތަކެއް ކުރިމަތިވާނެ ކަމެއް ކަމަށެވެ.
ޕްރައިމަރީ ކާމިޔާބު ކުރެއްވި އެމްޑީޕީގެ ރިޔާސީ ކެންޑިޑޭޓަކީ ދެ ވަނަ ދައުރަކަށް ވާދަކުރައްވާ ރައީސް އިބްރާހިމް މުހައްމަދު ސޯލިހެވެ. ޖުމްހޫރީ ޕާޓީގެ ކައުންސިލުން ނިންމައި ކެންޑިޑޭޓަކަށް ކަނޑައަޅާފައިވާ މި ސަރުކާރު ހިންގާ ކޯލިޝަންގެ އެއް ލީޑަރު، ގާސިމެވެ. އޭނާއަށް ރިޔާސީ ޓިކެޓް ހަވާލުކޮށް, ކެމްޕޭންގެ މަސައްކަތްތައް ވަނީ ފަށައިފަ އެވެ.
ވެރިކަމުގެ ދެ ވަނަ ދައުރަކަށް އެމްޑީޕީއާ އެކު ކޯލިޝަން ހަދަން ދިން ދައުވަތު ގަބޫލުނުކުރާ ކަން ޖޭޕީން ރަސްމީކޮށް ވަނީ ރިޔާސީ ޓިކެޓާ ގާސިމް ހަވާލުވެވަޑައިގަތުމުގެ އެއް ދުވަސް ކުރިން އަންގައިފަ އެވެ. އެހެންވިޔަސް ޖޭޕީން ސިޔާސީ މަގާމްތަކުގައި ތިބި މީހުން ވަކިކުރުމުގެ ވިސްނުމެއް ސަރުކާރުގައި އަދި ނެތެވެ.
ރައީސް އޮފީހުގެ ތަރުޖަމާން މިއުވާން މުހައްމަދު ވިދާޅުވީ ރިޔާސީ އިންތިހާބުގައި ވާދަކުރައްވާ ދެ ކެންޑިޑޭޓަކަށް ކެމްޕޭން ފަށާ ހިސާބުން ކޯލިޝަންގައި ތިބެން ދަތިވާނެ ކަމަށް ރައީސް ވިދާޅުވެފައި ވިޔަސް ވަކި ގޮތެއް ނުނިންމަވާ ކަމަށެވެ. ޖެޕީ އަދިވެސް އޮތީ ކޯލިޝަން ޕާޓްނަރެއްގެ ގޮތުގައި ކަން އޭނާ ފާހަގަކުރެއްވި އެވެ.
"މިހާރު މިއޮތް ކޯލިޝަނުން ވަކިވި ކަމެއް ވެސް އެ ބޭފުޅުން އަދި އަންގާފައެއް ނެތް. ސަރުކާރާ އެއްކޮށް މަސައްކަތްކުރަން އެ ބޭފުޅުން ތިއްބެވިއްޔާ ޖޭޕީ ސްލޮޓްގައި ވިޔަސް ފުރުސަތު އެ ބޭފުޅުންނަށް އޮންނާނެ," މިއުވާން ވިދާޅުވި އެވެ.
"ސިޔާސީ މަގާމްތަކުގައި ތިބި އެއްވެސް ބޭފުޅެއްގެ ފަރާތުން ހިދުމަތެއް ފޯރުކޮށްދިނުމަށް ނޫނީ ސިޔާސަތު ތަންފީޒުކުރަން ހުރަސްއެޅޭ ނަމަ އޭރަކު އެކަމަކާ ގުޅިގެން އަޅަން ޖެހޭ ފިޔަވަޅެއް އަޅަމުންދާނެ. މިވަގުތަކަށް ސަރުކާރުގެ ނިންމުމެއް ނެތް."
ގާސިމަށް ޓިކެޓް ހަވާލުކުރަން ޖުމްހޫރީ ޕާޓީން ބޭއްވި ޖަލްސާގައި އެ ޕާޓީގެ މެމްބަރުން ބައިވެރިވަނީ. -- ފޮޓޯ | މިހާރު
އެމްޑީޕީ އިސްވެ ޖުމްހޫރީ ޕާޓީ އާއި އަދާލަތާއި ކުރީގެ ރައީސް މައުމޫން އަބްދުލްގައްޔޫމްގެ އެމްއާރުއެމް ހިމެނޭ ގޮތުން އެކުވާލި ކޯލިޝަންގައި ޖޭޕީއަށް ކަނޑައެޅީ ކެބިނެޓާ އެކު ސިޔާސީ މަގާމްތަކުގެ 25 ޕަސެންޓެވެ. އެކަމަކު މިއާ ގާތަށް ވެސް މަގާމްތައް ނުދޭ ކަމަށް ޖޭޕީން ކަންބޮޑުވުންފާޅުކުރި އެވެ.
ޖޭޕީން ސިޔާސީ މަގާމްތަކަށް ފޮނުވާފައި ތިބި މީހުން ސަރުކާރަށް ފާޑުކިޔައި ދަތިކޮށް ހަދާ ނަމަ މަގާމުން ވަކިކުރަން ޖެހޭ ކަމަށް ގާސިމް ވިދާޅުވެފައި ވިޔަސް މި ފަހުން ސްޓޭންޑް ބަދަލުކުރައްވައި ވިދާޅުވެފައި ވަނީ ދައުރު ނިމެންދެން ކޯލިޝަން ދެމިއޮންނަން ޖެހޭ ކަމަށެވެ. މަގާމްތަކުން ވެސް އެއްވެސް މީހަކު ވަކިނުކުރެވޭނެ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބައިރޯ
14 June 2023
އަދިވެސް ކޮލިޝަން ހެދޭތޯ
ާއުނިމާ
14 June 2023
މީ އިބޫއާޢި ޤާސިމް އެކުވެގެން ކުޅޭ ޑްރާމާއެއް، ވަރަށް ސާފު ! ޤާސިމް ބޭނުންވަނީ ކޭކު ފޮތިން ލިބޭ ބައި ބޮޑުކުރަން ! 2 ވަނަ ބުރުގަ އިބޫއާއެކު ކޯލިޝަން ހަދާ، ވިޔާފާރި އިތުރަށް ފުޅާކުރަން، ޤާސިމު ރައީސް ކަމަށް ކުރިމަތިލައިގެން އުޅެނީ ގޭމް ޖައްސަންވެގެން ! އިބޫ ބޭނުންވަނީ ޤައުމު ބަގުރޫޓު ވެގެންވެސް 2 ވަނަ ދައުރު ! 2 ވަނަ ދައުރު ކީއްކުރަން އިތުރު 5 ދައުރު ދިނަސް މިހާރު ވެފަހުރި ވައުދުތައް އިބޫއަށް ފުއްދޭނެ ޤާބިލް ކަމެއް ހިންގުމެއް މިސަރުކާރަކު ނެތް
ސަސި
14 June 2023
ވަކި ކުރާކަށް ނުކެރޭނެ. މަސަށް މައްސަލައަކީ އެއްވެސް ކަމެއް ރަގަޅަށް ނުދާކަމަށް ބުނާ ސަރުކާރެއްގެ މަގާމުތަކުގަ ތިބެން ލަދުވެތި ނުވާކަން.
އަމާ
14 June 2023
ވެރިކަމެށް ލިބުނީމާ ހަދާނެ ނަހަދާނެ ގޮތެއްނެތީމާ ލާހުރޭނީއެވެ. ކުރީން ޖޭޕީ މީހުން މަގާމުން ދުރުކުރީއެވެ. އެކަމަކު މިހާރު ސަރުކާރުގެ ތެރޭގައި އޮވެގެން ވެސް އިދިކޮޅަށް ކެމްޕޭންނު ކުރެވޭއެވެ. ގޮތްހުސްވެ ވެރިކަށް ދަހިވެތި ވީމާ ކޮންމެ ގޮތެއްވެސް ވަރިހަމަވީއެވެ. ބޮޑު ސާރުކާރެށް ގާސިމް ވެގެން ސައިޒް ކުރީއެވެ.
ސައިޚް
14 June 2023
ގާސިމް ގެ އެއްވެސް މީހަކު ސަރުކާރާ ދެކޮޅުވިއަސް ވަކިކުރާކައް ނުކެރޭނެ، ދެވަނަ ބުރުގަ ގާސިމް ކޯލިސަން ޑީލްހަދަން ހުރީ އެއްބަސްވެފަ، ގާސިމްގެ ވިޔަފާރިއަކީ ކޮންމެ 5 އަހަރަކުން ކުރާ ބިލިއަން ޑޮލަރުގެ ވިޔަފާރިއެއް، ކޮންމެ އިންތިޚާބެއްގަ 3 ވަނަ ނޫނީ 4 ވަނަލިބޭ ގާސިމް ފައިސާ އާއި ހަރު މުދަލަށް ފަހުބުރުގަ ޑީލްހަދާނީ، ބިމާ،ފަޅާ،ފަޅުރަށާ، ފައިސާއަށް، ވިޔަފާރި ނިމުނީ،
ޑރ. ރާމީ ޙަސަން މަނިކު
14 June 2023
ދެ ވަނަ ބުރުގައި ޤާސިމް އާއި އެކު ކޯލިޝަން ހަދައިގެން އިބޫ ދެވަނަ ފަހަރަށް ވެރިކަމަށް އަންނާނަމޭ ހީކުރާ ނަމަ، ޙައްޤު ގޮތުގައި ކަންކަން ކުރާށެވެ. ތިލަފުށިން ޤާސިމްއަށް (ބަދަލު ދޭން ނަމުގައި) ބިމެއް ދިނީ ދައުލަތަށް ގެއްލުން ދައްކާ ގޮތަށެވެ. ޝުކުރުވެރި ނުވާ މީހުންނަށް ދެއްވަވާފައިވާ ނިޢުމަތްތައް އަނބުރާ ގެންދަވާނެކަމަށް އަންގަވާފައިވެއެވެ. މާތް ﷲ ވެރިކަމާއި ނިޢުމަތްތައް ދެއްވަނީ އިމްތިޙާންއަކަށެވެ. ވެރިކަން ދެމެހެއްޓުން ނޫން ކަމެއް އިބޫ ނުކުރެއެވެ.
ޖުހާނާ
14 June 2023
ކަލޭ ތިޔަ އުޅެނީ އަންނިއަށް ވެރިކަން ނުލިބިގެން. އިރާދަކުރެއްވިއްޔާ ދެން ދުވަހަކުވެސް މި ގައުމުގެ ވެރިކަމެއް އިސްލާމް ދީނަށް ފުރައްސާރަކުރާ މީހަކަށް ނުލިބޭނެ.
އަހަންމާ33
14 June 2023
ކޮންމެ ގޮތަކުންވެސް ވަރިކަމުގެ ތިބެން ބޭނުން ބަޔަކަށް، އަދި ސިޔާސީ އެއްވެސް ފިކުރެއް ހަގީގަތުގަ ނެތްބަޔަކަށް ކޮންމެ ބަޔަކު ތިއްބަސް ހަމަ އެންމެ ރަގަޅުވާނެ.
ދި ދި މޮކްސީ
14 June 2023
ކަލޯ 3 މަސް އޮތީ@! ހީވާ ކަހަލަ މަޤާމު ތަކަކީ މި މީހުންގެ އަމިއްލަ އެއްޗެއް ކަމަށް@°
ޢެމެރިކާ
14 June 2023
މި ސަރުކާރައް ވޯޓް ދޭނީ ގަމާރުން
ހިމާރުލްގައުމު
14 June 2023
99% ގަމާރުން ތިބީ، އިންޑިއާ ފަޑުއްކަ ކާޑު އެވެރިން އަތުން ލާރި ދީގެން ގަނެގެން ކައިގެން އެމީހުންނަށް އަޅުވެތިވެފަ.
ފޮނިފޮނިޓައްޕު ކުމާރު
14 June 2023
ބަލަ ދަ ޑިމޮކުރެޓުންނަކީވެސް ހަމަ ޕާޓުނަރުން. ގާސިމަށް މި މިނައިދެނީ ރަން ކަންވާރަކުން. އަންނިއަށް މިނައިދެނީ ލޯ ކަންވާރަކުން. މީތޯ ކިތާބުލް ދިމިގުރާތީގާ އުސޫލިތައް ލިޔެވިފާހުރިގޮތަކީ؟
ތަކުރުބެއްޔާ
14 June 2023
ގާސިމް ޕާޓީ އާއި އެކު ލިޔެ ސައިކޮށްފައި އޮތް އެއްބަސްވުމެއް އެބައޮތް.. ތި ބުނާ ޑިމޮކްރެޓްސް އަކީ އަދި ރަޖިސްޓްރީ ވެސް ނުވެއޮތް ޕާޓީ އެއް..
ގުނބޯލި
14 June 2023
ޑިމޮކުރެޓުންނަކީ ޕާޓުނަރުން ކަމަށްވަންޏާ މަށަކީވެސް ޕާޓުނަރެއް. އަދި މިގޭ ކަންމަތީ ޖޯލިފައްޗަށް ކޮންމެ ރެއަކު އެއްވާ ކުދިވެރީންނަކީވެސް ޕާޓުނަރެއް!