ރާއްޖޭގެ މައްޗަށް ކާމިޔާބު ހޯދުމަށް ފަހު ބަންގަލަދޭޝްގެ ކުޅުންތެރިން އުފާފާޅު ކުރަނީ ---- ފޮޓޯ: ފަޔާޒު މޫސާ | މިހާރު
15 ޖޫން 2023 - 01:09
9 comments
ރާއްޖޭގައި އިއްޔެ ފެށި ފައިވް ނޭޝަން ބާސްކެޓްބޯޅަ މުބާރާތުގައި މިރޭ ދިވެހި ޓީމުގެ މައްޗަށް ބަންގްލަދޭޝްއިން 10 ޕޮއިންޓްގެ ލީޑާކާ އެކު ކާމިޔާބު ހޯދައިފި އެވެ.
ސޯޝަލް ސެންޓަރުގެ އިންޑޯ ހޯލްގައި ކުޅުނު މެޗު ބަންގްލަދޭޝްއިން ކާމިޔާބު ކުރީ 52-42 އެވެ. މެޗަށް ފަހު ބަންގްލަދޭޝްގެ ކޯޗު ބުނީ ބަންގްލަދޭޝް އަކީ އަބަދުހެން ކަހަލަ ގޮތަކަށް ރާއްޖޭގެ މައްޗަށް ކުރި ހޯދާ ގައުމެއް ކަމަށާއި އެހެންވެ ރާއްޖެ އާ ދެކޮޅަށް ކުޅެންވީގޮތް އޭނާ އަށް އެނގޭ ކަމަށެވެ.
މުބާރާތަށް ރާއްޖެއިން ތައްޔާރުވި ގޮތް ވެސް ބަންގްލަދޭޝްގެ ޓީމުން މައުލޫމާތު އެއް ކުރި ަކަމށް އޭނާ ބުންޏެވެ. ރާއްޖެއިން ވަނީ މުބާރާތަށް ތައްޔާރުވާން އިންޑިއާގެ ބަންގަލޫރުގައި 10 ދުވަހުގެ ޓްރޭނިން ކޭމްޕެއް ކުރިއަށް ގެންގޮސްފަ އެވެ.
ރާއްޖޭގައި ކުރިއަށްދާ ފައިވް ނޭޝަން އިންޓަނޭޝަނަލް މުބާރާތުގައި ރާއްޖެ އާއި ބަންގަލަދޭޝް މިއަދު ކުޅުނު މެޗުގެ ތެރެއިން --- ފޮޓޯ: ފަޔާޒު މޫސާ | މިހާރު
މިރޭގެ މެޗުގެ ހުރިހާ ކުއާޓާއެއްގައި ވެސް ބަންގްލަދޭޝްއިން ރާއްޖޭގެ މައްޗަށް ލީޑް ކުރި އެވެ. ފުރަތަމަ ދެ ކުއާޓާގައި ރާއްޖޭން ވަރަށް ގާތުން ބަންގަލަދޭޝާ ވާދަކުރި އެވެ. ފުރަތަމަ ކުއާޓަގައި ބަންގްލަދޭޝްއިން ހޯދީ 13 ޕޮއިންޓެވެ. ރާއްޖެ އަށް 12 ޕޮއިންޓެވެ. ދެވަނަ ކުއާޓާ ވެސް ނިމުނީ އެންމެ ޕޮއިންޓެއްގެ ފަރަގަކުން ބަންގްލަދޭޝް ކުރީގައި އޮވެގެންނެވެ.
ފަރަގު ބޮޑު ކުރީ ފަހު ދެ ކުއާޓާގަ އެވެ. ރާއްޖެ އަށް ގިނަ ފައުލްތަކެއް ކުރެވި ބަންގްލަދޭޝް އަށް ފްރީތުރޯ ތަކެއް ލިބި ގިނަ ޕޮއިންޓްތަކެއް ހޯދުމުގެ ފުރުސަތު ލިބުނެވެ. މުޅި މެޗުގައި ވެސް ދިވެހި ޓީމަށް ކުރިމަތިވި މައްސަލައަކީ ލިބުނު ފުރީތުރޯތައް އެންމެ އެކަށީގެންވާ ގޮތުގައި ބޭނުން ނުކުރެވުމެވެ.
މުބާރާތުގެ ފުރަތަމަ މެޗުގައި، ބޫޓާނުން ވަނީ ނޭޕާލްގެ މައްޗަށް ހަ ޕޮއިންޓްގެ ލިޑަކުން ކުރި ހޯދައިފަ އެވެ. ބުޓާނުން މެޗު ކާމިޔާބު ކުރީ 61-55 ންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙުޅުމާލެ ބޯއިޒް
15 June 2023
ތި އެޑަމް ތި އެއްވެސް ކަމެއް ވާ މީހެއް ނޫން ވިޒުއްޕެ ގެ ނުފޫޒު މުޅި އެސޯސިއޭޝަންގަ އަހަރުމެން ހުޅުމާލޭގަ ބާސްކެޓް ބޯލަ ދިރުވަން މަސެއްކަތް ކުރާތި އަހަރުމެން ނައް ވެސް ކުރެވެން އޮތް ޖެއްސުމެއް މިހާރުވެސް ކުރަމުން ދަނީ ވަރައް ސަލާމް
ބޮންދު ބެ
15 June 2023
ބޫޓާނު އަތުން ވެސް ކިހިނެއްބާ ހާދާނީ ، މެޗް ކާރިވާވަރަކުން ހިތްބިރުގަންނަނީ ، ކޮމެންޓަރީ ދޭމީހުން ގެ އަނގަވިހަކަމުން ވެސް ދޯ
ޓާޓާ
15 June 2023
ހަމަ ސުޕުން ގެ ކޮޕީ ޕޭސްޓް އިތުރު އެއްވެސް ތަފާތެއް ނުފެނުނު ، އެކަން އިނގޭ ފިރާ އައް ވުތެ ރަނގަޅު ކުޅުން ތެރިން ތިއްބެ ނާރުވާ މެޗުން ބަލިވެގެން ދިޔައީ ، އެޑަމް ލަދު ކޮބާ
އަދުނާނު
15 June 2023
މުޅިބާސްކެޓު ހަލާކު ކޮއްފި އެޑަމް ކަލޭ ލަދުކޮބާތަ
ކޯޗް ބޭ
15 June 2023
ރެޑްވިންސް ކުދިނައް ފުރުސަތެއް ނުކިބެ ކުޅެލަން މުޅިމެޗް ގަ ހެން ކުޅުވީ ޓީރެސް ، ކިންގސް ރެޕްޓާރސް މީހުން ނައް ފރުސަތު ދިނީ މެޅުން އިރުގަ ވެސް ، ނަޒީ އެވާހަކަ ކޮމެންޓްރީ ދިން އިރުގަ ނުކެރުން ދޯ ބުނާކައް ، ނިންމާފަ މީހުން ކާރި އެވާހަކަ ދެއްކީމަ ކަމަކު ނުދާނެ ދޯ ،
ހާންބެ
15 June 2023
އަނެއްހެން ގޯހެއް ނޫން އިންޑިޔާ އިން ސޮޕިން ކޮއްލެވިއްޖެތާ ދޯ . ޓްރެނިން ދަތުރުގަ
އޯވާފޮނި
15 June 2023
ފޮނިކަނޑާފަ ބަހައްޓާ. މާލޭގެ ފިހާރަތަކުގަ ހުންނާނެ ޓުރޮފީ އެގަނެގެންގޮސް ގޭގަތިބޭ.
ރަދީފްއޮފިޝަލް
15 June 2023
ބާސްކެޓްގެ ފައިވް ނޭޝަންސް ކަޕް މާދަމާ، ރާއްޖޭގެ އަމާޒު ރަނަށް (13.06.2023)
ހިމާރުލްގައުމު
15 June 2023
ޕަކާސް. ދެން ދައުވަތު ދީގެން ގައުމުތަކުގެ އަންޑާ 15 ގެނެސްބަލަ އިބްރާހިމުގެ ވެރިކަމުގަ ރަނެއް ލިބޭތޯ ތިކުރާ މަސައްކަތް ކާމިޔާބުވެދާނެ މަހުލުފޫ