ސޮނޭވާ ފުށި މަތިން ފެންނަ ގޮތް: އީޕީއޭން ވަނީ މިހާރު ރަށުގެ ތިމާވެށީގެ ހާލަތު އީއައިއޭ ކޮންސަލްޓަންޓެއް މެދުވެރިކޮށް ބެލުމަށްފަހު އެކަމާ ގުޅޭ ރިޕޯޓެއް 30 ދުވަހުގެ ތެރޭގައި ހުށަހެޅުމަށް ވެސް އަންގާފައި -- ފޮޓޯ: ސޮނޭވާ ފުށި
15 ޖޫން 2023 - 10:39
16 comments
ބ. ކުންފުނަދޫގައި އޮންނަ ސޮނޭވާފުށި ރިސޯޓުގެ ފަޅުތެރޭގައި ތޮށިބުރިތަކެއް ޖެހުމާއި މުރަކަ އާލާކުރުމުގެ މަސައްކަތްތައް އީއައިއޭ ނުހަދާ ކޮށްފައި ވާތީ، އެ މަސައްކަތް ކުރި ބަނީ ހޯލްޑިންގްސް (ބީވީއައި) ލިމިޓެޑް 20،000ރ. އިން ޖޫރިމަނާކޮށްފި އެވެ.
އީޕީއޭއިން މިއަދު ބަނީ ހޯލްޑިންގެ ފަރާތުން އީއައިއޭ މަރުހަލާ ފުރިހަމަ ނުކޮށް، ސޮނޭވާފުށީގެ ފަޅުތެރޭގައި ތޮށިބުރިތަކެއް ޖެހުމާއި މުރަކަ އާލާކުރުމުގެ މަސައްކަތް ފެށުމާ ގުޅިގެން އެ މައްސަލަ ބެލި ކަމަށެވެ.
"ދެ ފަރާތް ދެމެދު ބަދަލުކުރެވިފައިވާ ލިޔެކިޔުންތަކަށް ބެލުމަށް ފަހު އީއައިއޭ މަރުހަލާ ފުރިހަމަ ކުރުމަކާ ނުލައި ފަޅުތެރޭގައި ތޮށިބުރިތަކެއް ޖެހުމާއި މުރަކަ އާލާކުރުމުގެ މަސައްކަތް އެ ކުންފުނިން ފަށާފައިވާކަން އީޕީއޭއަށް ވަނީ ޔަގީން ކުރެވިފައި،" ބަޔާނުގައި ބުންޏެވެ.
މިދިޔަ ހޯމަ ދުވަހު، އެ ކުންފުނި 20،000ރ. އިން ޖޫރިމަނާކޮށް، 30 ދުވަހުގެ ތެރޭގައި އެ ފައިސާ ދެއްކުމަށް އީޕީއޭ ވަނީ އަންގައިފަ އެވެ.
ފަޅުތެރޭގައި ތޮށިބުރިތަކެއް ޖެހުމާއި މުރަކަ އާލާކުރުމަށް ކޮށްފައިވާ މަސައްކަތްތަކާއި އެ މަސައްކަތްތަކާ ގުޅިގެން މިހާރު ރަށުގެ ތިމާވެށީގެ ހާލަތު އީއައިއޭ ކޮންސަލްޓަންޓެއް މެދުވެރިކޮށް ބެލުމަށް ފަހު އެކަމާ ގުޅޭ ރިޕޯޓެއް 30 ދުވަހުގެ ތެރޭގައި ހުށަހެޅުމަށް ވެސް އީޕީއޭ އިން އެ ބަނީ ހޯލްޑިންގްސް އަށް އެންގި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކކމް؟
15 June 2023
އޮންލީ؟
ައުކުނޑި ބުކުނޑި
15 June 2023
=/20000 ރުފިޔާ؟ ކޮންފަދަ އިންސާފުވެރި ނިންމުމެއް؟؛ވެލައެއްގެބިސް ނެގީމާ އެއްލައްކަ، ހޭޅިމަތިން ކުރެދިގަހެއް/ކަނޑޫގަހެއް ކެނޑީމާ އެއްލައްކަ، ގޮނޑުދޮށުން ދޫންޏެއް ހިފީމާ ފަންސާސްހާސް 4 5 އަހަރުގެ ޖަލުހުކުމް. ތަނެއްދޮރެއްނުބަލާ ގުދުރަތީވެށި ސުންނާފަތިކޮށް "ބޮޑުރަށެއް" ހިއްކާލީމަ ވިހިހާސް؟؟ މަގޭފަޚުރު މަގޭރާއްޖެ. ޝުކުރިއްޔާ
އަޒީލް
15 June 2023
ރަށު ވަލުގައި ގަހެއް އިއްދޭނީވެސް އީޕީއޭ ހުއްދަނަގައިގެންތަ؟
އެކްސްް
15 June 2023
20000ރ އަކީ މެޓައެއް
ސޭކުބެ
15 June 2023
20000 ރުފިޔާގެ ޖޫރިމަނާ! މިދެން ޖޯކެއްނު!
މޯޑު10
15 June 2023
ސޯނޫ އަކީ އެންމެ ތިމާވެއްޓޭ ކިޔައިގެން ވާހަނަ ދައްކާ އެކަކު. ކިހެނެއް މިވީ
ބިތްޖެހި
15 June 2023
ރަނގަޅު ކަމެއްވެސް ނެތް ކުރެވޭކައް ކަލޭމެނައް ބައި ނާޅާ. ތިބުނަ އީއައިއޭ ހަދަން ވެސް ޖެހެނީ ތިއޮފީހުގެ މީހަކައް ހަމަ 20 ހާސް ދޭން. ވަރައް ބޮޑައް ކޮރަޕްޓް ތަނެއްތީ
އަލީހަމީދު
15 June 2023
އީއައިއޭ ހަދަން 5 ލައްކައެއްހާ ރުފިޔާ ޚަރަދުވާކަމަށް ވަނިއްޔާ ކޮންމެހެން އީއައިއޭ ހަދާކަށް އެއްވެސް މީހަކު ބޭޭނުމެއްނުވާނެ. އީއައިއޭ ނަހަދަ އެކަންކޮށް ނިންމާލީމަ 20 ހާާސް ރުފިޔާގެ ޖޫރިމަނާޔަކުން އެނިމުނީ. ގާނޫނުތަކާ ގަވާއިދުތަކަށް ހުރުމަތްތެރިކޮށް ނުހިތާ ހިތުހުރިގޮތަކަށް ކަންތައްކުރީމަ އަންނަ ޖޫރިމަނާ އެކަން ކުރަންދާ ޚަރަދަށްވުރެ ބޮޑުވާންޖެހޭނެ. ރިސޯޓްތަކަށް މިއޮންނަނީ ހުރިހާކަމެއްވެސް ގަވާއިދާ ޚިލާފަށް ކުރުމަަް މަގުފަހިވާގޮތަށް.މޫދަށް ކުނިވެސް
ދޯޕައްޓާ
15 June 2023
ރިސޯޓުގެ ވެރިފަރާތް ޖުރިމަނާނުކުރީ ކީއްވެ، އޭނަގެ ހުއްދަނެތި ކޮށްގެންއުޅޭކަމެއްތަ.
ރޯޒަސް
15 June 2023
އަހަރެން ހީކުރީ މުރަކަ އާލާ ކުރުމަކީ ތިމާވެށްޓަށް ފައިދާ ހުރިކަމެއްކަމަށް. މިކަން ވެސް ކުރަން މިޖެހެނީ އީޕީއޭ ކުދިންނަށް ބައިއަޅައިގެން. ބައިނާޅާ ފިއްޔާ ޖޫރިމަނާ. ހުއްދަ ނަގައިގެން ކޮންމެފަދަ ބޮޑު ގެއްލުމެއްވެސް ތިމާވެށްޓަށް ދޭން އޯކޭ. އެނުވޭ ޖަރީމާއަކަށްވެސް.. ހުއްދަ ނުނަގައި ކޮށްފިއްޔާ ބިލިއަނުން ޖޫރިމަނާކޮށް އެކަން ބޮޑު ޖަރީމާއަކަށްވޭ. ހުއްދަ ނެގިޔަސް ނުނެގިޔަސް ތިމާވެށްޓަށް ދޭ ގެއްލުމަކަށް ބަދަލެއް ނާދޭ. އީޕީއޭކުދިންގެ ޖީބު ބަރުވަނީ.
ސަލީން
15 June 2023
ވެއްޓައް ފައިދަވިޔަސް ބައިއަޅަން ޖެހޭނެ
ޣަމަރު
15 June 2023
ތޮށިބުރިތަކެއް ޖެހުން އެއީ ތިމާވެއްޓަށް އޭގެން ނޭދެވޭ އަސަރުތަކެއް ކުރާނެކަމެއް ނޫންތަ.؟