20 ޖޫން 2023 - 22:09
75 comments
ސިފައިންގެ މުސާރައަށް ހެޔޮ ބަދަލުތައް ގެނެސް، އިތުރު ފްލެޓުތަކެއް އެޅުމަށް ނިންމާފައިވާކަން، ރައީސް އިބްރާހިމް މުހައްމަދު ސޯލިހު މިރޭ އިއުލާން ކުރައްވައިފި އެވެ.
ކަޅުތުއްކަލާ ކޮށީގައި ބޭއްވި ސިފައިންގެ އަހަރީ ދުވަހުގެ ރަސްމީ ޖަލްސާގައި އެ މަނިކުފާނު ވިދާޅުވީ ޕޭ ހާމަނައިޒޭޝަންގެ މަސައްކަތުގެ ތެރެއިން ސިފައިންނާއި ފުލުހުންގެ މުސާރައަށް ހެޔޮ ބަދަލުތަކެއް އަންނާނެ ކަމަށެވެ.
އެ ބަދަލުތައް ގެނައުމަށް ޕޭ ކޮމިޝަނުން ދިރާސާތައް ކުރަމުން ކަމަށް ރައީސް ވިދާޅުވި އެވެ.
އެ ކަންކަމުގެ އިތުރުން ސިފައިންނަށް އިތުރު ފްލެޓުތަކެއް އަޅަން ނިންމާފައިވާ ކަމަށް ވެސް އެ މަނިކުފާނު އިއުލާނުކުރެއްވި އެވެ.
ރައީސް ވިދާޅުވީ ހިދުމަތުގައި ތިއްބަވާ ސިފައިންގެ ބޯހިޔާވަހިކަމަށްޓަކައި، ހުޅުމާލޭ ފޭސް 2 ގައި 138 ޔުނިޓްގެ އިމާރާތެއް އަޅަން ނިންމާފައިވާ ކަމަށެވެ. އެ އިމާރާތުގެ މަސައްކަތް ވެސް މި އަހަރު ފެށޭނެ ކަމަށް ވިދާޅުވި އެވެ.
ކަޅުތުއްކަލާ ކޮށީގައި ވެސް ސިފައިންގެ އެކޮމޮޑޭޝަންގެ ގޮތުގައި 480 މީހުންގެ ޖާގައިގެ އިމާރާތަކާއި 100 މީހުންގެ ޖާގައިގެ އިމާރާތެއް އެޅުމަށް މި އަހަރު ބިޑްކުރާނެ ކަމަށް ރައީސް ވިދާޅުވި އެވެ.
ސިފައިންނަށް ހާއްސަކޮށްގެން އިތުރު ފްލެޓުތަކެއް އަޅަން ނިންމިއިރު، ސިފައިންގެ ވެލްފެއާ ކުންފުނި، ސިފްކޯއިން ހުޅުމާލޭގައި އިމާރާތްކުރަން ފެށި ފްލެޓުތައް ވެސް ނުނިމި މި ވަނީ ދިގުލައިގެން ގޮސްފަ އެވެ.
ނޮވެމްބަރު 26، 2014 ގައި ސިފައިންގެ ފްލެޓުތަކުގެ ބިންގާ އެޅީ 18 މަސް ދުވަހުގެ ތެރޭގައި ނިންމާ ގޮތަށެވެ. ނަމަވެސް، ތަފާތު އެކި ސަބަބުތަކާ ހެދި ނުވަ އަހަރު ވެގެން ދިޔައިރު ވެސް އެ ތަނުގައި ދިރިއުޅޭކަށް ނުފެށުނެވެ. ނަމަވެސް، ރައީސް ވިދާޅުވީ ސިފްކޯ ހިޔާ އިމާރާތުގެ މަސައްކަތް ހުއްޓިފައި އޮންނަތާ ގިނަ ދުވަސްތަކަށް ފަހު، އެ އިމާރާތްތައް ނިންމުމުގެ މަސައްކަތް ކުރަމުން އަންނަ ކަމަށެވެ. އެ ތަންތަނުގައި އަންނަ މަހު މީހުން ދިރިއުޅެން ފެށޭވަރު ވާނެ ކަމަށް، ޑިފެންސް މިނިސްޓަރު މާރިޔާ ދީދީ ވިދާޅުވި އެވެ.
"މިފަދަ ހުރިހާ ކަމަކީ ވެސް ސިފައިންގެ އޮޕަރޭޝަނަލް ގާބިލުކަމާ ވެސް ގުޅިފައިވާ ކަންކަން. މިފަދަ ކިތަންމެ ކަމެއް މިހާރުވެސް ރާއްޖޭގެ އެކި ސަރަހައްދުތަކުގައި އެބަ ކުރިއަށްދޭ. ކ. ސިފަވަރުގައި ހަދާ އެކަތަ ބަނދަރަށް ބޭނުންވާ ބިން ހިއްކުމުގެ މަސައްކަތް އެދަނީ ކުރިއަށް." ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖޮކޮސް
21 June 2023
ކަލޯއެއް ނޫންތަ ބުނީ ވަޒީފާއަކަށް ބަލައިގެން ފުލެޓެއް ދެން ނުދޭނަމޭ. އިންތިޚާބާއި ޖެހުނީމާ ކަލޯވެސް ދޯ
މުހަންމަދު..
21 June 2023
ހުޅުމާލޭގަ އަޅަން ފަށާފައިހުރި ޕޮލިހުންނާއި ސިފައިންގެ ފްލެޓްތައް ވެރިކަމާހަވާލުވާތާ 1 އަހަރު ތެރޭ ނިންމަން އެތައް ފަހަރަކު ވައުދުވެ އަދިވެސް ނުނިމޭ ސިފައިންނާއި ފުލުހުން އެތަނަށް ފައިސާ ދައްކާ އަގުހަމަވާ ހިސާބުގަ. ދެން އިތުރު ފްލެޓްތަކެއް ފަށާވާހަކަ ދާނީ ކިހިނެއް؟
ކުޑަކަކޫ
21 June 2023
އެކަމަކު ދޯ ، ތިއަގުބޮޑު ޔުނިފޯރމް ތަށް ކޮންމެ ދުވަހަކު ދޮވެ، 4 ދަޅަޔަށް ބޭނުން އެއްޗެއްކާންދީ، ދޫނިފުށް ގޮދަޑީގަައި ފިނިކޮޓަރީގައި ނިންދަވާ، ހާދިމުން ލައިގެން ބޮޑެތި މުސާރަވެސް ދީ ބިންވެރި ކުރުމަކީ ޤައުމީ ފެންވަރެއްގައި ކިހާ މުހިއްމު ކަމެއްބާ؟ ސޯލިހަށް ހަމަ ފެންނަ ގޮތަކަށް މުސާރަ ބޮޑުކޮށް ހެދުމުގެ މެންޑޭޓެއް އެބައޮތްބާ!! ހެެޔޮ ނުވާނެ މުޅި ދިވެހި އުއްމަތް ދަަރަނިވެރިނުކޮށްލާ- ހަމައެކަނި އަމާޒު ތިހިފަނީ މަނިކުފާނު ދެ ދެދައުރު ހޯދުމަށް!!
ޗޯރޭ
21 June 2023
އެކަކު ސިފައިންނަށް ފުލެޓު އަޅަނީ، އަނެކަކު މެސީ ގެންނަނީ. އަނެކަކު ޕެޑު ހިލޭ ބަހަނީ. އަނެކަކު މަޖުލިސް ގަޑުބަޑު ކުރަނީ. ދެންހުރި މީހާ ކޯޓުތަކުން ދުވަނީ ކްރިކް ގޮވައިގެން. ހަމަ ރަނގަޅަށްވެސް މޮޔަވެފަ މިތިބީ ވެރިކަމާހެދި..
އަސޭލ
21 June 2023
ވައުދު ނުފުއްދާ ރައީސް ކޮން ރައީސް؟
ޑިމޮކްރަސީ
21 June 2023
ދަވްލަތް ހުސްވެ ދަރާ ބޯހިކެްންނެތް މީނަގެ ވަޢްދު ފުއްދާށޭ ކިޔާ ދިވެހިންގެ ދަރިންނާ އެދަރިންގެ ދަރިންވެސް ބޮޑުތަނުން ދަރުވާލަާ ޓެކްސް ނަގާ ސްޓިކަރ ޖަހައިގެން ލިބޭ ލާރިކޮޅުންވެސް މީނާ ބޭނުންބަޔަކަށް މުސާރަ ބޮޑުކޮށްފަ ބޭނުން ނޫން މީހުންނަށް ހިތު ހުރިގޮތެއްހަދަމުންދާ މިސްރާބެއްނެތް މީހެއްމިއީ
މޭނާ
21 June 2023
މާރިއައްތާ. ތިބޭޅާގެ ލަދު ކޮބާ؟
ތުއްތުކޮއި
21 June 2023
ޤައުމު ދަރައިވިކޭ ވާހަކަ އަޑުއިވޭއިރު މިކަހަލަ ލަވަ ކިޔާއަޑު މިހާރު އެބަގަދަވޭ
ހީހީ ސުލީހް
21 June 2023
ބޮލުގެ ބޭނުން ނުކުރާ ވެރިޔަކު މިކަހަލަ ދުރުވިސްނުމެއްނެތް ވައުދުވެސް ވާނެ
ބޮޑުމީހާ
21 June 2023
އިންތިހާބާއި މިދޭތެރޭ މީނަ އިތުރު ޖަލްސާތަކަށް ނުގެންދަންޖެހޭ. ދާ ކޮންމެ ޖަލްސާއެއްގަ މުސާރަ ބޮޑުކޮށް ފްލެޓް އެބައަޅާ. 2018 ގަ އަޅަން ވައުދުވި ފްލެޓްތައް އަދި ހުރީ ހުރިގޮތަށް.