ފޭރުމުގެ ކުށް ސާބިވެ ހުކުމްކުރި އިރު ތަންފީޒުކުރާނެ އަދަބެއް ނެތް

ނާޒިމް ހަސަން، މިހާރު

22 ޖޫން 2023 - 09:41

ފޭރުމުގެ މައްސަލައެއްގައި ކުރިމިނަލް ކޯޓުން މީހެއްގެ މައްޗަށް ހުކުމް ކުރިއިރު، ތަންފީޒުކުރާނެ އަދަބެއް ނެތުމުން ކުށްވެރިޔާ މިނިވަންވެއްޖެ އެވެ.

އަމީނާ މުހައްމަދު ކިޔާ މީހެއްގެ މި މީހާގެ މައްޗަށް ފޭރުމުގެ ކުށުގެ ދައުވާ އުފުލީ، ގެސްޓްހައުސްއެއްގައި މީހަކަށް ކަޓަރު ތިލައަކުން ބިރުދައްކައި ފޯނާއި ވޮލެޓް އަދި ފައިސާތަކެއް ފޭރިގަތް މައްސަލައިގަ އެވެ. މީގެ ހަތް އަހަރު ކުރިން، 2015 ވަނަ ހިނގި މިކަމާ ގުޅިގެން ދައުވާކޮށް ކުރިމިނަލް ކޯޓަށް މައްސަލަ ހުށަހަޅާފައި އޮތީ 2020 ވަނަ އަހަރު އެވެ.

މި ފޭރުމުގައި، އެ މީހާގެ ވޮލެޓުގައި ހުރި ފައިސާގެ އިތުރުން، އޭނާގެ ކާޑު ބޭނުންކޮށްގެން އެކައުންޓުން 3،800 އަށް ވުރެ ގިނަ ރުފިޔާ ނަގާފައިވެ އެވެ.

މި މައްސަލާގައި ތަހުގީގު މަރުހަލާގައި އަމީނާ 16 ދުވަހު އަދި ޝަރީއަތުގެ މަރުހަލާގައި ހަތަރު މަހާއި 19 ދުވަހު ބަންދުގައި ބެހެއްޓި އެވެ. އަމީނާގެ މައްޗަށް ދައުވާކޮށް ބޭއްވި ފުރަތަމަ އިބްތިދާއީ އަޑުއެހުމުގައި ކުށަށް އިއުތިރާފު ވިޔަސް، އަވަސް ނިޔާގެ އަޑުއެހުމުގައި އިއުތިރާފުން ރުޖޫއަވެފައިވާތީ، އޭނާގެ މައްޗަށް ޝަރީއަތް ހިންގާފައިވެ އެވެ.

ޝަރީއަތުގެ މަރުހަލާގައި އަނެއްކާވެސް އިއުތިރާފުވެފައިވާތީ، އޭނާގެ މައްޗަށް ކުށް ސާބިތުކޮށްފައިވަނީ އެ އިއުތިރާފުގެ މައްޗަށެވެ. ކުށުގެ އަދަބެއްގެ ގޮތުން ގާނޫނުލްއުގޫބާތާ ހަވާލާދީ، ކުރިމިނަލް ކޯޓުގެ ގާޒީ އަލީ އާދަމް އިއްވަވާފައިވަނީ ހަތަރު މަހާއި 24 ދުވަހުގެ ޖަލު ހުކުމެކެވެ.

އެކަމަކު، ތުހުމަތުވާ މީހާ ބަންދުގައި ހުންނަ މުއްދަތަކީ ޖަލު އަދަބުން ކަނޑަންޖެހޭ މުއްދަތަކަށް ވާތީ، އެ މުއްދަތު ކެނޑުމުން އަދަބުގެ މުއްދަތަށްވުރެ ބަންދުގައި އޭނާ ހޭދަކުރި މުއްދަތު އިތުރެވެ. އެހެންވެ އަމީނާ މުހައްމަދު ތަންފީޒުކުރަންޖެހޭ ޖަލު އަދަބެއް ނެތްކަމަށް ކަނޑައަޅައި މައްސަލަ ވަނީ ނިންމައިފަ އެވެ.

ޖިނާއީ އިޖުރާއަތުގެ ގާނޫނާއި އެއާ ގުޅިގެން ހެދި ގަވައިދުތަކުގެ މަގުސަދަކީ ވެސް ޝަރީއަތްތައް އެކަށީގެންވާ އަވަސް މިނެއްގައި ކުރިއަށް ގެންދިޔުން ކަމުގައިވީ ނަމަވެސް، ބައެއް މައްސަލަތައް ހުކުމާ ހަމައަށް އަދިވެސް ލަސްތަކެއް އުޅޭ ކަމުގެ ކަންބޮޑުވުން އޮވެ އެވެ. ނަމަވެސް، ކުރިމިނަލް ކޯޓުން އެންމެ ފަހުން އާންމުކުރި ތަފާސްހިސާބުތައް ދައްކާ ގޮތުން މިދިޔަ ފަސް އަހަރު ތެރޭ އެންމެ ގިނަ މައްސަލަތައް ނިންމާފައިވަނީ 2019 އަދި 2022 ވަނަ އަހަރު އެވެ.

ކުށްކުރުން ކްރިމިނަލް ކޯޓް ޕީޖީ އޮފީސް ކުށްވެރިން

9 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަނބިލި

22 June 2023

މިގައުމުގައި ފުލުހުންނެެއް ކޯޓުތަކެއް ހުކުމްތަކެއް ބޭނުމެއްނުވޭ. އިބޫއަށް ވޯޓު ދެންޏާ ކޮންމެ ފަދަ ޖަރީމާއަކުން ބަރީއަވެވޭނެ. މިހާރު މިއީ އަދުއިންސާފު ގެއްލިފައި އޮތް ލޯލެސް ސްޓޭޓެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމަހާ

22 June 2023

ފޭރުމުގެ އަދަބަކަށް ކުރު މުއްދަތެއް އޮތަސް، ތޫނު އެއްޗަކުން މީހަކަށް ބިރު ދެއްކުމަކީ ދިގު މުއްދަތެއްގެ ހުކުމެއް އަންނަންޖެހޭ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޅުކުރާ

22 June 2023

ޤާނޫނެއްގައި ޝަރީއަތް ނިމެންދެން ބަންދުކޮށްފައި ތިބޭ މީހުންނަށް ދޭން ބުނެފައި އޮތް ލުއިއެއް ކިހިނެއްތޯ، ޤާނޫނުގައި ލުއިދޭން ބުނެފައި ނެތް ބަޔަކަށް ދެވޭނީ. ކޯޓުތަކުން ތަބައަވާންޖެހޭނީ ޤާނޫނު އަސާސީ އާ ޤާނޫނަށް. ޤާނޫނުގަ ނެތް ލުއިއެއް ބޭނުންވިޔަސް ނުދެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިލޯން

22 June 2023

ރައްޔިތުން ގެ މަޖިލީހުން ފާސްކޮށްފައި އޮތް އެއްވެސް ޤާނޫނެއްގައި ތި ގޮތަށް ބަންދުގައި ހުންނަ މުއްދަތު އަދަބުން އުނިކުރާ ވާހަކަ އެބައޮތްތޯ؟ ޤާނޫނުގައި ފެންނަން އޮތީ އެހެން ގޮތަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންއަލިފުޅު

22 June 2023

ގޯސް ޖިނާއީ އިޖުރާއަތުގައޮތީ ޝަރީއަތް ނިމެންދެން ބަންދުރާ މީހުންގެ ވާހަކަ. ތިކަހަލަ މީހުންގެ ވާހަކަނޫން. "186. ޤާނޫނެއްގައި އެހެން ގޮތަކަށް ބަޔާންކޮށްފަ ނުވާހާހިނދަކު، ޝަރީޢަތުން ޙުކުމްކުރަންދެން ދަޢުވާ ލިބޭ މީހާ ބަންދުގައި ހުންނަ ޙާލަތުގައި، ދަޢުވާ ލިބޭ މީހާގެ މައްޗަށް ކުށް ސާބިތުވެގެން ކޯޓުން އޭނާގެ މައްޗަށް ކުރި ޙުކުމުގައިވާ އަދަބަކީ ބަންދުކުރުން ކަމުގައިވާނަމަ، ޙުކުމްކުރަންދެން ބަންދުގަ ހުރި މުއްދަތު، ޙުކުމުގެ މުއްދަތުން ކަނޑަންވާނެއެވެ."

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތައްޚާން

22 June 2023

ބަންދުގައި ހުންނަ މުއްދަތު އަދަބުން އުނިކުރަން އޮތީ ކޮންތާކުތޯ؟ ޖިނާއީ އިޖުރާއަތުގެ ޤާނޫނުގަ ބަޔާންކޮށްފައި އޮތީ، ޝަރީއަތް ނިމެންދެން ބަންދުކޮށްފައި ހުންނަ މީހެއްގެ މައްޗަށް ކުށް ސާބިތުވާ ހިނދު، އެފަދަ މީހަކަށްް އަދަބު ކަނޑައަޅާއިރު ބަންދުގައި ހުރި މުއްދަތު އޭނަގެ މައްޗަށް ކަނޑައަޅާ ޖަލު އަދަބުން އުނިކުރަންޖެހޭ ވާހަކަ. އެނޫން ގޮތަކަށް ހުކުމް ކުރުމުގެ ކުރިން ބަންދުކޮށްފައި ތިބޭމީހުންގެ ޙުކުމުން، ބަންދުގައި ހޭދަކުރި މުއްދަތު އުނިކުރާ ވާހަކަ ނެތް.