ގޯއްޗާއި ފްލެޓް ލިބުނު މީހުންގެ ލިސްޓު އާންމުކުރަނީ އަންނަ ހަފުތާގައި

ފަހި ދިރިއުޅުމުގެ 3 ކޮޓަރީގެ ފްލެޓް ހުންނަ ޓަވަރުތަކުގެ މަސައްކަތް ކުރިއަށް ދަނީ: މި ފްލެޓްތައް ލިބޭ މީހުންގެ ލިސްޓު އަންނަ ހަފުތާގައި އިއުލާންކުރާނެ.-- ފޮޓޯ: ފަޔާޒު މޫސާ | މިހާރު

އިފްރާޒް އަލީ، މިހާރު

22 ޖޫން 2023 - 09:32

41 comments

މި ސަރުކާރުގެ ބޯހިޔާވަހިކަމުގެ މަޝްރޫއުގެ ދަށުން ގޯއްޗާއި ފްލެޓް ލިބުނު މީހުންގެ ލިސްޓު އާންމުކުރަނީ އަންނަ ހަފުތާގައި ކަމަށް ހައުސިން މިނިސްޓްރީން މިއަދު ބުނެފި އެވެ.

ސްޓޭޓް މިނިސްޓަރު އަކްރަމް ކަމާލުއްދީން "މިހާރު" އަށް ވިދާޅުވީ ގޯއްޗާއި ފްލެޓް ލިބޭ މީހުންގެ ލިސްޓް މި މަސް ނިމުމުގެ ކުރިން އިއުލާންކުރައްވާނެ ކަމަށެވެ. އަދި އެ މަސައްކަތް ވަރަށް ބާރަށް ކުރިއަށް ގެންދަވާ ކަމަށް ވެސް އޭނާ ވިދާޅުވި އެވެ.

އޭނާ ކުރިން ވިދާޅުވި ގޮތުގައި، ބޮޑު އީދު ފެށުމުގެ ކުރިން ލިސްޓު އާންމުކުރާނެ އެވެ. އެހެންވެ، ގިނަ ބަޔަކު އުއްމީދުކޮށްގެން ތިބީ އީދު ބަންދުގެ ކުރިން ސަރުކާރު ހުޅުވާ ފަހު ދުވަހަކީ މިއަދު ކަމަށް ވާތީ، އެ ލިސްޓު މިއަދު އާންމުކުރާނެ ކަމަށެވެ. ބޮޑު އީދު ދުވަހަށް ވަނީ މި ޖޫން މަހު 28 އެވެ.

ހުޅުމާލެ 2 ގައި ހަދަމުން އަންނަ ފްލެޓެއްގެ ކުޑަދޮރުން ނޫސްވެރިޔަކު ބޭރު ބަލާލަނީ: މި ޕްރޮޖެކްޓްގައި މި އަހަރުގެ ނިޔަލަށް 8 ޓަވަރުގެ މަސައްކަތް ނިންމާލެވޭނެ.-- ފޮޓޯ: ފަޔާޒު މޫސާ | މިހާރު

ފްލެޓާއި ގޯތީގެ ލިސްޓު އިއުލާނު ކުރުމަށް ފަހު ޝަކުވާ ހުށަހެޅުމުގެ ފުރުސަތު ވެސް މި މަހު އާންމުންނަށް ހުޅުވައިލާނެ އެވެ.

މި ސަރުކާރުގެ ގެދޮރުވެރިޔާ އަދި ބިންވެރިޔާ ޕްރޮގްރާމަށް ހުޅުވާލުމުން 35،800 މީހުން ކުރިމަތިލި އެވެ. އޭގެ ތެރޭގައި ހިމެނެނީ ފްލެޓަށް ކުރިމަތިލި 20،600 މީހުންނާއި ގޯއްޗަށް ކުރިމަތިލި 15،200 މީހުންނެވެ. ފްލެޓަށް ކުރިމަތިލީ މީހުންގެ ތެރެއިން 14،400 މީހުން ކުރިމަތިލީ ތިން ކޮޓަރީގެ އެޕާޓްމެންޓަށެވެ. އަދި 6،200 މީހުން ކުރިމަތިލީ ދެ ކޮޓަރީގެ އެޕާޓްމެންޓަށެވެ.

Bodu eid ge kurin flat aai goatheege list iulaan kuraane

The most trusted news source in the Maldives

Mihaaru

ފްލެޓާއި ގޯއްޗަށް ކުރިމަތިލީ މީހުން އިވެލުއޭޓުކޮށް ފްލެޓް ލިބޭ މީހުން ކަނޑައެޅުމަށް ހާއްސަ ކޮމިޓީއެއް ފެބްރުއަރީ މަހު އުފައްދައި އެ ކޮމިޓީގެ މަސައްކަތް އަންނަނީ ކުރަމުންނެވެ. އެ ކޮމެޓީގެ ބައްދަލުވުމެއް އިއްޔެ ވެސް ބޭއްވި އެވެ.

ސަރުކާރުން އަންނަނީ 32 ޓަވަރުގައި 4،000 ފްލެޓު އަޅަމުންނެވެ. މިހާރު އަމާޒު ހިފާފައި ވަނީ މި އަހަރު ނިމުމުގެ ކުރިން އެތަނުން އަށް ޓަވަރެއްގެ މަސައްކަތް ނިންމާށެވެ. މި މަޝްރޫއުގައި ހިމެނެނީ 17 އަދި 18 ބުރީގެ ޓަވަރުތަކެވެ. ކޮންމެ ފްލޯއެއްގައި އަށް އެޕާޓްމެންޓް ހުންނާނެ އެވެ. އޭގެ ތެރޭގައި ހިމެނެނީ ދެ ކޮޓަރީގެ 1،200 އެޕާޓްމެންޓާއި ތިން ކޮޓަރީގެ 2،800 އެޕާޓްމެންޓެވެ.

ބޯހިޔާވަހިކަން ފްލެޓް ހައުސިން މިނިސްޓްރީ ސްޓޭޓް މިނިސްޓަރު އަކްރަމް ކަމާލުއްދީން

41 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢެބުނީ

29 June 2023

ކޮބާހޭ ފްލެޓް ލިސްޓު؟އަދި އީދު ނާންނަނީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބބބވވ

23 June 2023

ތިއަންނަ ހަފްތާއެއް ނައެއްނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

23 June 2023

ފާޑުފާޑުގެ ލިސްޓްތަކަށް ފްލެޓްބަހާލާ މީހުންގެ މައްސަލަތައް ތަހުގީގުކޮށް ޖަލަނލާންޖެހޭ. ފްލެޓް އަޅަނީ ވެރިންގެ ފައިސާއަކުން ނޫން. ރައްޔިތުންގެ ބައިތުލްމާލުން އަޅާ ފްލެޓްތައް ސިޔާސީ ލިސްޓަތަކަށް ބަހައިގެން ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދޮރު ނެތް މާލޭމީހާ

22 June 2023

މުޅި ޢުމުރު މި ހުސްވަނީ މިހެން ކުލި ދައްކައިގެން ތެޅިތެޅި. ވަންނާނެ އެއްވެސް ވަޒަނެއް އެއްވެސްތާކުން ލިބުނީކީ ނޫން. 03 ދަރިން ލިބި އެ ދަރިން އެތިބަ ބޮޑުވަނީ. ކުރިމަތިނުލާ އެއްމެ ސްކީމެއްވެސް ނުދޭ. ހަމަ ގައިމުވެސް ހުރިހާ ޝަރުތެއް ހަމަވެ ޕޮއިންޓުވެސް މަތިވާނެ. ފްލެޓް ނުދީފީޔާ ވޯޓު ނުދެވޭނެ. އެއީ މިހާރު އަޅުގަނޑަށް ފްލެޓް ނުލިބޭނީ ބޭއިންސާފުން ފްލެޓް ތައް ދޫކޮށްފީޔާ ކަން ޔަގީން ވާތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔަމީނު ކޮޕީކުރުން

22 June 2023

އެމްޑީޕީ ފުނޑޭތީ އެވާހަކަ އަޑު ކަނޑުވާލަން ރައްޔިތުންގެ ބަލިފައިގައި ހިފީ؟؟ ދެން ރާއްޖެ އެކޮށް ކަފާ ކުދިކޮށް ދިނަސް އެއަޑެއް ނުކެނޑެނެއެވެ. އަދި ތިޔަހެން ރައީސް ޔާމީނުވެސް އުޅުއްވިއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

7 ބިލިއަން

22 June 2023

މާކެޓްރޭޓުން ބަލާނަމަ 7 ބިލިއަން ރުފިޔާގެ ތި ބިން ނުބަހާށެވެ. މާލޭ މީހުނަށް ދޭނަމަ ހިލޭ 4000 ފްލެޓް ބަހާލާށެވެ. އެކަަމަމު އަނެއް 5 ޖީލަށް ދެމިގެންދާނެ ކުލީގެ އަޅުންގެ މަރުކޭޓެއް ނަހަދާށެވެ. ޙުޅުމާލެ އަދާހަމަޔަށް ގެންދިޔަ ކޮންސެޕްޓަށް ދޫކޮށްލާށެވެ. އަހަރެންމީ ސޯލިހުގެ ސަޕޯޓަރެކެވެ. އެހެނަސް ތިހެން ތިބިން ހިލޭ ދޫކޮށްފިނަމަ މަގެވޯޓު ނުދޭނަން. #ހިލޭ ބިންދީފިނަމަ# ހީލާ ވޯޓު ނުދޭނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާތިމާ 234

23 June 2023

ހުރިހާ ރަށަކުން އެ ރަށެއްގެ ރައްޔިތުުންނަށް ގޯތި ދެނީ ހިލެއެވެ. އެއީ މާލެ މީހާގެ ޙައްގެކެވެ. ވޯޓަށް ބަހާލީ ހިޔާ ފުލެޓްތައްވެސް. ހުޅުމާލެ އަކީ މާލެ މީހުނަށްޓަކައި ހިއްކި ތަނެއް. ވަﷲ ޢައުލަމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަރަބިންދާލި

22 June 2023

35800 މީހުން ގެދޮރެއް ހޯދަންހިޔަލެއް ހޯދަން ކުރިމަތިލީމަޖަލަކަށް ތަ ؟ . ކޮންމެހެން ބޭނުން ވެގެނެއް ނޫން . އެހެންވީމަ މިސަރުކާރުން 4000 ފުލެޓް އެއަޅަނީ. 4000 މީހުނަށް ލިބުނަސް އެވާނީވައުދު ފުއްދިކަމަށް . ތަ ؟