ހައްޖަށް ދިޔަ ދެ ދިވެއްސަކަށް އައިސީޔޫގައި ފަރުވާ ދެނީ

ދިވެހި ހައްޖުވެރިންތަކެއް: ދިވެހި ދެ ހައްޖުވެރިއެއްގެ ހާލު ދެރަވެގެން އައިސީޔޫގައި ދަނީ ފަރުވާ ދެމުން --- ފޮޓޯ/ހައްޖު ކޯޕަރޭޝަން

މޫސާ ރަޝީދު، މިހާރު

27 ޖޫން 2023 - 21:48

2 comments

ރާއްޖެ އިން މި އަހަރުގެ ހައްޖުގެ އަޅުކަމަށް ސައޫދީ އަރަބިއްޔާ އަށް ދިޔަ ދެ ދިވެއްސެއްގެ ހާލު ދެރަވެ، އައިސީޔޫގައި ފަރުވާދޭން ފަށައިފި އެވެ.

އިސްލާމިކް މިނިސްޓްރީގެ އޮފިޝަލަކު ވިދާޅުވީ ހައްޖަށް ދިޔަ ދިވެހިންގެ ތެރެއިން މިވަގުތު އައިސީޔޫގައި ފަރުވާ ދެމުން އަންނަނީ އުމުރުން 85 އަހަރުގެ ފިރިހެނަކަށާއި 58 އަހަރުގެ އަންހެނަކަށް ކަމަށެވެ.

އެހެން ނަމަވެސް މިކަމާބެހޭ އިތުރު ތަފްސީލެއް އަދި ނުލިބެ އެވެ.

މިއަހަރު ހައްޖަށް ފުރާ އެންމެފަހު ގްރޫޕު ފުރާފައި ވަނީ މިމަހުގެ 19 ގަ އެވެ. ހައްޖުވެރިން މިއަދު އަރަފާތު ބިމުގައި ތިބުމަށްފަހު މިރޭ މުޒްދަލިފާއަށް ދާން ދަތުރު ފަށާނެ އެވެ.

ހައްޖަށް މީހުން ގެންދިއުމަށް ސައުދީ އަރަބިއްޔާ އިން މިއަހަރު ރާއްޖެއަށް ދިނީ 1000 ކޯޓާ އެވެ. އޭގެ ތެރެއިން ހައްޖަށް މީހުން ގެންދަން ހުއްދަދީފައިވާ ތިން ކުންފުންޏަށް ވެސް ވަނީ 90 ކޯޓާދީފަ އެވެ. ބާކީ ކޯޓާތައް ދީފައި ވަނީ ހައްޖު ކޯޕަރޭޝަނަށެވެ.

ސިއްހަތު އިސްލާމް ހައްޖު މައްކާ އިސްލާމިކް މިނިސްޓްރީ

2 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނިކަލެން

28 June 2023

އައި.ސީ.ޔޫ އަށް ގެންދިއުމުން ބިރުގަންނަންޖެހެނީ ރާއްޖޭގައި. ބޭރުގެ ތަނެއްގެ އައި.ސީ.ޔޫ އަށް ލުމަކީ ހިތްހަމަޖެހޭ ކަމެއް. ފުރިހަމަ ފަރުވާ ލިބޭނޭކަމުގެ ޔަގީންކަން އޮވޭ.