ޚަބަރު / ފުލުހުން

ފުވައްމުލަކު މާރާމާރީއާ ގުޅިގެން ދެ މީހަކު ހައްޔަރުކޮށްފި

ފުލުހުން ބުނީ އެ މައްސަލައާ ގުޅިގެން ކޯޓު އަމުރެއްގެ ދަށުން މިއަދު ދެ މީހަކު ހައްޔަރުކޮށްފައިވާ ކަމަށް. އެކަމަކު ހައްޔަރުކުރި މީހުންގެ ތަފްސީލެއް ފުލުހުން އަދި ހާމައެއް ނުކުރޭ.

ފުލުހުންގެ މައި އިދާރާ-: ފުވައްމުލަކުގައި މީހަކަށް ހަމަލާދިން މައްސަލާގައި ދެ މީހަކު ވަނީ މިއަދު ހައްޔަރުކޮށްފައި. - ފައިލް ފޮޓޯ: ފަޔާޒު މޫސާ/ މިހާރު

މާއިދާ މުހައްމަދު ރަޝާދު، މިހާރު

08 ޖުލައި 2023 - 20:40

1 comments

ފުވައްމުލަކުގައި ރޭ ދަންވަރު މީހަކަށް ތޫނު އެއްޗަކުން ހަމަލާދިން މައްސަލައާ ގުޅިގެން ދެ މީހަކު ހައްޔަރުކޮށްފި އެވެ.

ފުލުހުން ބުނީ އެ މައްސަލައާ ގުޅިގެން ކޯޓު އަމުރެއްގެ ދަށުން މިއަދު ދެ މީހަކު ހައްޔަރުކޮށްފައިވާ ކަމަށެވެ. އެކަމަކު ހައްޔަރުކުރި މީހުންގެ ތަފްސީލެއް ފުލުހުން އަދި ހާމައެއް ނުކުރެ އެވެ.

އެ ރަށުގައި ރޭ ދަންވަރު 36 އަހަރުގެ ފިރިހެނަކަށް ގްރޫޕަކުން ހަމަލާދީ ޒަހަމްކޮށްލުމުގެ ސަބަބުން އޭނާއަށް ފުރަތަމަ ފަރުވާދީފައިވަނީ ފުވައްމުލަކު ހޮސްޕިޓަލުގެ އައިސީޔޫގަ އެވެ.

އެކަމަކު އޭގެ ފަހުން އޭނާ ވަނީ އިތުރު ފަރުވާއަށް މާލެއަށް ގެނެސްފަ އެވެ. މައުލޫމާތު ލިބިފައިވާ ގޮތުގައި އޭނާގެ ހާލު ސީރިއަސް އެވެ.

ރޭގެ މާރާމާރީގައި އަނިޔާވި މީހާގެ ބޮލަށް ތޫނު އެއްޗަކުން ގިނަ ޒަހަމްތަކެއް ދީފައިވާކަން އެނގިފައި ވެ އެވެ.