މިރޭގެ ޖަލްސާގައި ފައްޔާޒު ވާހަަކަ ދައްކަވަނީ: އިންތިހާބު ކާމިޔާބުވާނެ ކަމާ މެދު އެއްވެސް ޝައްކެއް ނެތް ކަމަށް ވިދާޅުވި
10 ޖުލައި 2023 - 00:10
20 comments
އަންނަ ސެޕްޓެމްބަރު މަހު ބާއްވާ ރިޔާސީ އިންތިހާބު އެމްޑީޕީން ކާމިޔާބު ކުރާނެކަމާ މެދު އެއްވެސް ޝައްކެއް ނެތް ކަމަށް އެ ޕާޓީގެ ޗެއާޕާސަން ފައްޔާޒު އިސްމާއިލް މިރޭ ވިދާޅުވެއްޖެ އެވެ.
އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހްގެ ކެމްޕެއިން ފެއްޓުމަށް ފޯކައިދޫގައި ބޭއްވި ބޮޑު ޖަލްސާގައި ވާހަކަ ދައްކަވަމުން ފައްޔާޒު ވިދާޅުވީ މިއަދަކީ އާ ދަތުރަކަށް އާ މަންޒިލަކަށް ދާން އެމްޑީޕީން ދަތުރު ފަށާ ދުވަސް ކަމަށާއި މި ދަތުރުގެ މަންޒިލަކީ އުފާވެރި, އަމާން ރާއްޖެއެއް ކަމަށެވެ.
"މި ދަތުރު އަނެއްކާވެސް މި ފަށަނީ މި ދަތުރު ކާމިޔާބުވާނެ ކަމުގެ އެއްވެސް އެއްވެސް ޝައްކެއް ނެތް އަޅުގަނޑުމެން ނުކުރަން،" ފައްޔާޒު ވިދާޅުވި އެވެ.
ފައްޔާޒު ވިދާޅުވި ގޮތުގައި އިންތިހާބު ކާމިޔާބުވާނެ ކަމުގެ ފުރިހަމަ ޔަގީންކަން އޭނާއަށް އެބަ އޮތެވެ. މިފަހަރު އެމްޑީޕީ އޮތީ ތަފާތުކޮށް، ގަދަކޮށް ކަމަށް އޭނާ ވިދާޅުވި އެވެ.
"މިފަހަރު މި ދަތުރުގެ ތަފާތަކީ އަޅުގަނޑުމެން މި ތިބީ ވަރަށް ވަރަށް ވަރަށް ގަދަކޮށް، އަޅުގަނޑުމެންގެ އޮޑިއަށް ވަނީ ކޮއްތާއި ތެލާއި ފެނާ އަރުވާ ބަރުކޮށްލާފައި، ވާދަވެރިންނަށް އަރާ ހަމަނުކުރެވޭނެ ވަރުގެ ބާރު އިންޖީނު އަޅާލާފައިމިވަނީ،" ފައްޔާޒު ވިދާޅުވި އެވެ.
އޭނާ ވިދާޅުވީ މި ސަރުކާރުގެ ކުރިން ރާއްޖެ ދުށް އަނިޔާވެރިކަން އަލުން ރުޖޫއަކުރުމަށް ދިވެހި ރައްޔިތުން އެއްވެސް ޖާގައެއް ނުދޭނެ ކަމުގެ ޔަގީންކަން އޮތް ކަމަށެވެ.
އެމްޑީޕީން އިންތިހާބު ކާމިޔާބު ކުރާނެ ކަމުގެ ޔަގީންކަން އެ ޕާޓީގެ ޗެއާޕާސަން ދެއްވިއިރު، އެމްޑީޕީ އޮތީ އެމްޑީއޭ އާއި އަދާލަތު ޕާޓީއާ އެކު ކޯލިޝަންގަ އެވެ. ރައީސް ވަނީ 77،000 މެމްބަރުންނާ އެކު އެއީ އެންމެ މެންބަރުން ގިނަ ކޯލިޝަންކަން ފާހަގަކުރައްވައިފަ އެވެ.
ރައީސްއާ ވާދަވެރި ޕާޓީތަކުން ވެސް މިހާރު ވަނީ ކެމްޕެއިން ފަށައިފަ އެވެ. ޕީޕީއެމްގެ ކެންޑިޑޭޓް ރައީސް އަބްދުﷲ ޔާމީންގެ ކެމްޕޭން ކުރިއަށް ގެންދަނީ "ދިވެހިންގެ ރާއްޖެ" ނަމުގަ އެވެ. އެކަމަކު އެމަނިކުފާނުގެ މައްޗަށް ޖަލު ހުކުމެއް އިއްވާފައިވާތީ އިންތިހާބުގެ ޝަރުތެއް ވަނީ އުނިވެފަ އެވެ. އެކަމަކު ޕީޕީއެމުން ބުނަމުން ދަނީ އެ ޕާޓީގެ ކެންޑިޑޭޓަކީ ޔާމީން ކަމަށެވެ. އެމްއެންޕީގެ ރިޔާސީ ކެންޑިޑޭޓް މުހައްމަދު ނާޒިމްގެ ކެމްއިންގައި މިހާރު އުޅުއްވަނީ ހދ. އަތޮޅުގަ އެވެ. ޖުމްހޫރީ ޕާޓީން ވެސް ކެމްޕޭން ކުރަމުން އަންނައިރު، އިންތިހާބުގައި ވާދަކުރާނެކަން އިއުލާންކޮށްފައިވާ "ދަ ޑިމޮކްރެޓްސް" އިން މިހާތަނަށް ކެންޑިޑޭޓަކު އިއުލާނެއް ނުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުވޭ
10 July 2023
ސަރުކާރަށްވުރެ ރައްޔިތުންތިބީ މާގަދަކޮށް.
ސިކުނޑި
10 July 2023
ގަދަ ޓީމުތައްވެސް ކުޅެގެން ބަލިވޭ! އެއީ ހެދޭ ގޯސްތަކުގެ ސަބަބުން! އަދުގެ ސަރުކާރުން ގޯސްތަކެއް ހަދައިފި! މަގޭ ވޯޓެއް މި ސަރުކާރަކަށް ނުދޭނަން! ސަބަބަކީ ރާއްޖޭގެ ދަރަނި އިންތިހާއަށް ބޮޑު ކުރުމާއި، ވަކި ބަޔަކަށް މަންފާ ވާގޮތަށް ހިލޭ ގޯތި ބެހުން! އަވާ މެންދުރާއި ނަތީޖާގެ ފަރަގު ދިވެހީންނަށް އެނގޭ ވަކިކުރުން! މިދިޔަ ސަރުކާރުން ނަތީޖާ ނެރެދިން! މިސަރުކާރުން ދެއްކީ އަވާމެންދުރު!
އިބޫޞާލިޙް
10 July 2023
މިހާރު މިގެންދާގޮތައް ވެރިކަން ކުރިޔަށް ގެންދަން ވޯޓުދެއްވާ! ގޯތި ޕޮލިސީ ކަމަކު ނުދޭ. ހުޅުމާލެ ހަލާކުކޮށްލާފައި ގޯތި ކެނޑުން ކަމަކު ނުދޭ. އޭގެ ނޭދެވޭ އަސަރު މުސްތަޤުބަލަށް ފޯރާނެ. މާލޭގެ ކުލި ކުޑަނުވެ، މުައްސަނދިން އިތުރަށް މުއްސަނދިވެ ކުލިބޮޑުވާނެ ކަން ޔަޤީންކުރެވޭނެ ގޮތަކީ ގޯތިދިނުން. ކޮރަޕްޝަން ރަނގަޅު، ޕޮލިސް އިތުރަށް ގޯސް ވެސް ރަނގަޅު ނިޒާމް ފެއިލްވީ. ޖާބިރުވެސް ރީކޯވެސް ސިޔާމުވެސް އޯކޭ. އެކަމުވެސް އަޅުގަނޑަށް ވޯޓުދެއްވާ ނޯއަދާޗޮއިސް!
ބަލިވުން އެދެވެނީ
10 July 2023
އިރާދަކުރެވިއްޔާ ވާނީ ބަލި. މާބޮޑަށް ޖަރީމާ ގިނައީ
ސިލްމާ ޒާހިރު
10 July 2023
އިދިކޮޅު އޮތީ ރޫޅިފައި. އޯޑަރު އަންނަނީ ޖަލުން. ޚިޔާލު ތަފާތު ވިޔަސް ފުރާނައަށް ނުރައްކާވާނެ! ރައީސް އިބޫ ނޫން ގޮތެއް މި ފަހަރު ރަނގަޅެއް ނޫން!
ފޫހި
10 July 2023
ބެކްގަ އިންޑިޔާއޮތީމަތާދޯ؟ ނިކަން ވިސްނާލަބަލަ އެމްޑީޕީ ތިޔަހާ ގަދައްޔާ ދަރާވިކިފަ ތިބި ސިޔާމާ ޖާބިރުމެން ކައިރިކޮށްގެން ދައުލަތުން ރައްތައްދީގެން ތިޔަޖަހަނީ ކޮންސަކަރާތެއް. އަދި ކުޑަކުދިންނަށް މެޓާދޭ އުޞޫލުން އެއްވެސް ޕްލޭނެއްނެތި ބޭކާރު ހަރަދުކުރުމަށް ތިޔަވަނީ ކޮންވައުދެއްތޯ؟ ވޭތުވެދިޔަ 4 އަހަރު ރަނގަޅަށް ކަންކޮށްފަ އޮތިއްޔާ ދިވެހިން ވޯޓް ދޭނެ. މުޅިދައުލަތް ދަރުވާނުލިއަސް. ތިޔަތިބީ ހަމަ ވަރަށް ބަލިކޮށް
ނޯ ގޯތި ނޯ ވޯޓު - ރާއްޖެތެރެ ގަބީލާ
10 July 2023
އެންމެ ފަހުންވެސް ތި ގަދަކަމުގައި އާރުޑީސީއިން ޕެޓީ ކޭޝްގެ ނަމުގައި އިހަށް ދުވަހު ތި ހިންގާލީ ބޮޑު ކޮރަޕްޝަނެއް. ތިހެން ގަދަ ވެގަނެގެން އުޅޭ ވެރިން ބޭނުމެއް ނުވޭ. ބައި!
ބަލިބަލީ
10 July 2023
މުޅިއަތޮޅުގައި އަތްފުނާ އަޅައިގެން މީހުން ކޮޅެއް އެއްކޮށް މިތިބީ ގަދަކޮށީބުނީމަ އަތްޖަހާނީ ތިިތާންގައި ތިބި މީސްކޮޅު މިތިބީ ވަރަށް ބަލިކޮށްކަން އެގޭތީ ވާހަކަ ތިގޮތަށް ތިހުރީ ރައްޔިތުން ތިޕާޓީގެ ބޮޑުންއަތުން ފައިދާ ނަގާ ތިޕާޓީގެ ކެޑިޑޭޓަކަށް ވޯޓެއްނުދޭނެ އެކަން އޮތީ ވަރަށް ގަދަކޮށްކަމަަށް ގިނަރައްޔިތުންދަނީ ބުނަމުން
ލިޔާހު
10 July 2023
މުކޭ ކޮބާ؟
ޓިނު
10 July 2023
މަނިކުފާނަކަށްނޫންތޯ ތިކަމުގައިވެސް ހުރިހާ މޮޅެއްއޮތީ؟