ފޮރިން މިނިސްޓަރު އަބްދުﷲ ޝާހިދު މީގެ ކުރިން އިންޑިއާއަށް ކުރެއްވި ދަތުރެއްގައި އެ ގައުމުގެ އެކްސްޓާނަލް އެފެއާޒް މިނިސްޓަރު ސުބްރަމާނިއަމް ޖައިޝަންކަރުއާ ސަލާންކުރައްވަނީ.-- ފޮޓޯ: ފޮރިން މިނިސްޓްރީ
10 ޖުލައި 2023 - 11:42
11 comments
ފޮރިން މިނިސްޓަރު އަބްދުﷲ ޝާހިދު ރަސްމީ ދަތުރެއްގައި މިއަދު އިންޑިއާ އަށް ފުރާވަޑައިގަންނަވާ ގޮތަށް ހަމަޖައްސަވައިފި އެވެ.
ފޮރިން މިނިސްޓްރީން ބުނީ މިއީ އިންޑިއާގެ އެކްސްޓާނަލް އެފެއާޒް މިނިސްޓަރު ސުބްރަމާނިއަމް ޖައިޝަންކަރުގެ ދައުވަތަކަށް ޝާހިދު ކުރައްވާ ދެ ދުވަހުގެ ދަތުރެއް ކަމަށެވެ. މިއަދުގެ ވަގުތެއްގައި ޝާހިދު ނިއު ދިއްލީ އަށް ފުރާވަޑައިގަންނަވާނެ ކަމަށް ވެސް މިނިސްޓްރީން ބުންޏެވެ.
މި ސަރުކާރާ ވަރަށް ގާތް ގުޅުމެއް ބާއްވަމުން އަންނަ އިންޑިއާ އަށް ޝާހިދު ކުރައްވާ މި ދަތުރުގެ ރަސްމީ ބައްދަލުވުންތައް އޮންނާނީ މާދަމާ އަދި ބުދަ ދުވަހު ކަމަށް މިނިސްޓްރީން ބުންޏެވެ.
މިނިސްޓްރީން ބުނި ގޮތުގައި، މި ދަތުރުގައި ދެ ގައުމުގެ ގުޅުން އިތުރަށް ވަރުގަދަކުރުމަށް މަޝްވަރާކޮށް، އިޖުތިމާއީ އަދި އިގުތިސާދީ ދާއިރާއާ ގުޅޭ އިތުރު އެއްބަސްވުންތަކުގައި ސޮއިކުރުން ވެސް އޮންނާނެ އެވެ.
އެ ދަތުރުގައި އިންޑިއާގެ ކައުންސިލް އޮފް ވޯލްޑް އެފެއާޒްގައި ބާއްވާ ޖަލްސާއެއްގައި ޝާހިދު ތަގުރީރު ކުރައްވާ ގޮތަށް ވެސް ހަމަޖެހިފައިވާ ކަމަށް މިނިސްޓްރީން ބުންޏެވެ.
މީގެ ކުރިން ވެސް ޝާހިދު ވަނީ އެކި ފަހަރު މަތިން އިންޑިއާއަށް ރަސްމީ ދަތުރުތައް ކުރައްވައިފަ އެވެ. އިންޑިއާގެ އެކްސްޓާނަލް އެފެއާޒް މިނިސްޓަރު ސުބްރަމާނިއަމް ޖައިޝަންކަރު ވެސް ތިން ފަހަރެއްގެ މަތިން ރާއްޖެއަށް ވަޑައިގެންނެވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނިޝާާ
10 July 2023
އަޅެ ކީއްތަ ވާނީ ފުރަތަމަ އެރިޓްރިއާ އަށް ގޮސް އެބޯޓުތަށް ގެނެވޭތޯ އުޅުނިއްޔާ.... ދެން ދެގައުމުގެ މެދުގަ އިތުރަށް ވަރުގަދަ ކުރަން އޮތީ ކޮން ގުޅުމެއް؟
ފޮނިޓައްޕު ހަސަނު
10 July 2023
ދިވެހިރާއްޖޭގެ ހަނޑަސްބުރިތަ އިންޑިއާ މީ އިރުއިރު ކޮޅާދާން.
ލަތީފާ
10 July 2023
ލޮލް! ބޮޑު ލޮލް! ނަޝީދު، ޝާހިދު ކަހަލަ ކަރަޕްޓު މީހުންގެ ކިނބައިން މިގައުމު ސަލާމަތް ވާނީ ކޮންއިރަކުން؟
ރާއްޖެ
10 July 2023
ނުވާނެ. ގަމާރުން މާ ގިނައީ.
ގޮއް
10 July 2023
ނަޝީދެއްނޫން، ޔާމިން
ޖައި މާލޭ
10 July 2023
މާލެއިންދޭ ގޯތިން ބައެއް އިންޑިޔާމީހުން އުނިކުރީމަ ހާޒިރުކުރަނީ ކަމަށް ތިވާނީ
ޚާއިނު
10 July 2023
ލާރިކޮޅު ބަލާ މާސްޓަރު ކާރިއަށް. ކޮބާތަ ހިފަހައްޓާފަ ހުރި ބޯޓުތައް ސަލާމަތް ކުރެވިއްޖެތަ؟ ދުނިޔޭގަ ހުރި އެއްމެ މޮޅު މިނިސްޓަރޯ އަޖާއިބެއް ނުވާނެތަ!!!
ފޮނިފޮނިޓައްޕު ކުމާރު
10 July 2023
އެރިޓުއާއަށްގޮސް ބޯޓު ސަލާމަތްކޮށްބަލަ. 23 މިލިޔަން ރުފިޔާގެ ވާހަކައޭ މިދައްކަނީ. އިންތިޚާބީ މަޝްވަރާތަކަށް ދެވިދާނެ ފަހުންވެސް. މިވަގުތަށް އެންމެ މުހިއްމު ކަމަކީ މިއީ.
ޑޮކްޓާރ. ބަނާނާ
10 July 2023
މިހަބަރާއި އެކު ތިރީގައިވާ ކޮމެޓް ކިޔާ ލިވަގުތު އަބުރައި ގަންނަގޮތްވެ ބޮލުގައި ރިއްސަން ފެށުމުން ކޮމެޓާއި ހިސާބަށް ދެވޭގޮތެއް ނުވެ ނިންމާލީ.! ބްރަދާ ދާވޫދަށް ވަރަށް ވެދުން!
އެހެންދޯ އެވަނީ
10 July 2023
އިންތިހާބަށް ލާރިގަނޑު ބަލާ އެދިޔައީ
މުހައްމަދު ދާވޫދު
10 July 2023
ހިތައްވެރިވަނީ ބިރުވެރިކަން...ދިވެހިންގެ މިނިވަންކަދަނީ ގެއްކެމުން، އިންޑީޔާއަކީ ހިންދޫންގެ ނުބައި ހީލަތްތެރި ރޭވުންތަކުން ދިވެހިރާއްޖެ އަތްދަށުލާން އުޅޭބައެއް.