މާލެ އަތޮޅު ރަސްފަރީ ފަރަށް އާގު ބޯޓެއް އަރާފައި-- ފޮޓޯ: މުހައްމަދު ޝާހިދު
13 ޖުލައި 2023 - 06:30
15 comments
ތިމާވެއްޓާ ގުޅޭ މައްސަލަތަކުގައި އެންވަޔަރަމަންޓް ޕްރޮޓެކްޝަން އެޖެންސީ (އީޕީއޭ) އިން ޖޫރިމަނާ ކުރި ފަރާތްތަކުގެ ތެރެއިން މިހާތަނަށް ނުދައްކާ ހުރި ފައިސާގެ އަދަދު 600 މިލިއަނަށް ވުރެ ގިނަ ކަމަށް އެ އިދާރާގެ ތަފާސްހިސާބުތަކުން ދައްކައިފި އެވެ.
މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން "މިހާރު"ން އީޕީއޭ އަށް ހުށަހެޅުމުން އެ އިދާރާ އިން ހިއްސާ ކުރި މައުލޫމާތުން އެނގޭ ގޮތުގައި އީޕީއޭ އިން ޖޫރިމަނާ ކުރި ކުންފުންޏާއި ވަކިވަކި ފަރުދުންގެ ތެރެއިން މިހާތަނަށް 53 ފަރާތެއް އަދިވެސް ޖޫރިމަނާ ނުދައްކަ އެވެ.
އެ އަދަދު ޖުމްލަ 676.4 މިލިއަނަށް އަރާ ކަމަށް ތަފާސްހިސާބުތަކުން ދައްކަ އެވެ. އޭގެ ތެރޭގައި މީގެ 14 އަހަރު ކުރިން ކޮށްފައިވާ ޖޫރިމަނާތައް ވެސް ހިމެނެ އެވެ.
އެންމެ ގިނަ ދުވަސްވީ މައްސަލައަކީ އީޕީއޭ އިން ބުނާ ގޮތުން ގދ. ވަޓަވައްރެހާ ނަމަކަށް ކިޔާ ފަޅު ރަށެއް އީއައިއޭ ރިޕޯޓާ ހިލާފަށް ތިމާވެއްޓަށް ގެއްލުންވާ ގޮތަށް މަސައްކަތް ކުރި މައްސަލަ އެކެވެ. އެ މައްސަލާގައި މިހާރު ކާށިދޫ ދާއިރާގެ މެންބަރު އަބްދުﷲ ޖާބިރުގެ ހިއްސާ އޮންނަ ޔޮޓް ޓުއާޒް މޯލްޑިވްސް ވަނީ 12.9 މިލިއަނުން ޖޫރިމަނާ ކޮށްފަ އެވެ.
ނަމަވެސް އެ ފައިސާ ލިބިފައި ނުވާތީ އީޕީއޭ އިން ބުނެފައި ވަނީ ފައިސާ ހޯދޭނެ ގޮތްތަކެއް ބަލަމުން އަންނަ ކަމަށެވެ.
ޖޫރިމަނާ ކޮށްފައިވާ އެހެން މައްސަލަތަކުގެ ތެރޭގައި ވެލާ ހިފުމާއި ހިމާޔަތް ކޮށްފައިވާ ދޫނި ގެންގުޅުމުގެ 17 މައްސަލައެއް ހިމެނެ އެވެ. އަދި ފަރަށް އެރުމާއި ގެއްލުންވާ ގޮތަށް މަސައްކަތް ކުރި 10 މައްސަލައެއް ވެސް ހިމެނެ އެވެ.
މީގެ ތެރެއިން 24 މައްސަލައެއްގައި އީޕީއޭ އިން ބުނެފައި ވަނީ ފައިސާ ހޯދޭނެ ގޮތެއް އަދިވެސް ބަލަމުން އަންނަ ކަމަށެވެ. އަދި އިސްތިއުނާފް ކުރުމަށް އެންވާރަމަންޓް މިނިސްޓަރަށް ހަތަރު މައްސަލައެއް ފޮނުވާފައިވާ ކަމަށާއި އަދިވެސް އެ މައްސަލަތައް ނުނިމޭ ކަމަށް އެ އެޖަންސީން ބުންޏެވެ.
މީގެ އިތުރުން އެ ފަރާތްތަކަށް ދައުވާ ކުރުމަށް 10 މައްސަލައެއް ފޮނުވާފައިވާ އިރު އޭގެ ތެރެއިން ހަ މައްސަލައެއް އެ އޮފީހުން ވަނީ އަނބުރާ ފޮނުވާލައިފަ އެވެ. އަދި ހަތަރު މައްސަލައެއް އަދިވެސް އޮތީ އޭޖީ އޮފީހުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަޅުފީ
13 July 2023
ކުދި އުޅަނދުފަހަރު ފައްތިޔާ ފީ ބޮޑުކޮށްފަ، މިލިޔަނުން ޖޫރިމަނާ މަހުޖަނުންނަށް މާފުކޮށްދީފަ، ރިސޯޓު ކުލި ކުޑަކުރީ.. .ހަމަހަމަ؟؟.
ހޯހޯހޯ
13 July 2023
މަހުޖަނުންނާ ޖެހުނީމާ އީޕީއޭ ނައީމަކީ ދަތްނެތް ސިންގާއެއް. އާދައިގެ ރައްޔިތު މީހާ ހަނިފަރުބޭގެ ފޮޓޯއެއް ނަގަން ޑްރޯނެއް އުދުއްސައިފިއްޔާ އެއޮތީ ކަންތަޖާ ޖެހިފަ. މަންތާޓްރަސްޓް ކިޔާ ބަޔަކު ގަވާއިދާ ޚިލާފަށް ހަނިފަރުބޭގެ ލޯންޗާ ވަސީލަތްތަށް ބޭނުންކުރަމުންދާކަން ނައީމުގެ ސަމާލުކަމަށް ގެނައުމުން އޭގައި މައްސަލައެއް ނެތްތަކަމަށް ބުނެފައިވޭ. އަދި އެމީހުން ފަނިފަރުބޭއަށް ދަނީވެސް ގަވާއިދުގަބުނާ ފީވެސް ނުދައްކާ.
އުދުހޭ
13 July 2023
އާދައިގެ ރައްޔިތުމީހާ އިސްޓިކާ ލާރި ނުދެއްކީމާ އުފުލަންޖެހޭ ތަކުލީފު ބޮޑު. މަހުޖަނުން މިލިޔަން ނުދައްކާ އެއުޅެނީ. ހާއްސަކޮށް އިންޑިޔާގެ ކުންފުނިތަށް. ކީއްވެތަ މޯހަންމުތާގެ ބޯޓުތަށް ދައުލަތަށް ނުގެގިގެން މިއުޅެނީ؟
ހަސަންކާރި
13 July 2023
ކީއްކުރަންބާ ލާރި ދައްކަންވީ؟ ހަމަ ގައިމުވެސް ތި ލާރި ނުދެއްކީމައި ތިމާވެއްޓަށް އިތުރަށް ގެއްލުމެއް ނުލިބޭނެ. ތިލާރި ދެއްކީމާއި ޚަރަދު ކުރަނީކީ ލިބުނުގެއްލުން ރަނގަޅު ކުރާކަށްނޫން. އަނެއްކާވެސް ބިން ހިއްކުމުގެ ޕްރޮޖެކްޓެއް ހިންގާލަން. އާޚިރުގައި ލިބެނީ އެއަށްވުރެ ބޮޑުގެއްލުމެއް. ތީ މިގައުމުގައި ހިންގާ ދެކޮޅުނުޖެހޭ ތިމާވެށީގެ ސިޔާސަތާއި ދުނިޔެއަށް ތިއްތި ދެއްކުމުގެ ގޮތުން ކުރާ ކަންކަމުގެ ބޮޅެއް.
އ އަހްމަދު
13 July 2023
މިކަމުންބެސް އެނގިގެންދާކަމަކީ މުއައްސަސާތަކުގަ ތިބިމެމްބަރުންގެ ނުކުޅެދުންތރިކަން ޒިންމާދާރުކަމެއްނެތްމީހުން ކަންކަމަށްއިސްކުރުންއެއީ އެކަމުގެގެއްލުން ރައްޔިތުންނަށާ ސަރުކާރައްވެސް ފޯރާނެކަމެއް
ޙަސަންތަކުރުބެ
13 July 2023
ސަންޝިޔާމް، ޤާސިމްއިބްރާހިމް އާއި ރީކޯ މޫސަމެން ފަދަ ބޮޑެތި ވިޔަފާރިކުޜާ ޚާއްސަކޮށް މިބޭކަލުންގެ ރިސޯރޓްތަކުން ދައުލަތަށް ޓެކްސް ގޮތުގައި ދައްކަންވާ ފައިސާ ނުދައްކާތިބީމަ ސަރުކާރަށް ދައްކަންވާ ފައިސާ މިބިލިއަނުން ކިޔަނީ. ސަރުކާރަށް ނަން ހާމަ ކުރަން ޢުޒުރުވެރި. ކޯލިޝަން ދަމަހައްޓަންވެސް އެބަޖެހޭ. ސައިކް ޖުރިމާނާ ތަަައް ކަނޑާލިޔަސް މައްސަލައެއްކޮބާ؟ ފިހާރަޔަކަށް ވަދެފަ ނިކުންނައިރަށް ސްޓިކާރ އެއްހަދިޔާކުރޭ! ބޮޑެތިމީހުންގެ ކާރުގަ ނުޖަހާނެ.
ބިޔަ މީހުން
13 July 2023
ޖަހަޔޭޖަހަޔޭ ސްޓިކާ މަގޭ ކާރުގަވެސް، ނުގަވާއިދުން ކަން ކުރީމަ.
ކިހިނެތް ހޯދާނީ
13 July 2023
އަހަރެންގެ ފުރަތަމަ ސުވާލަކީ ފައިށާ ނުދައްކާ ބައެއްގެއަތުން އި÷ީއޭއިން ކިހިނެތްތޯ ފައިސާ ހޯދާނީ އަދި އެހޯދޭނެ ގޮތެއްނެތްނަމަ އެއްވެސްމީހަކު ނުވަތަ ކުންފުންޏަކުން އީޕީއޭ ކުރާ ޖޫރިމަނާ ފައިސާއެއްދައްކަންވީ ކީއްވެތޯ. ދެވަނަ ސުވާލަކީ އީޕީއޭއިން ކުރާ ޖޫރިމަނާތަކަކީ ބުއްދިއައްގަބޫލު ކުރެވޭ ޖޫރިމަނާ ތަކަކައްނުވާކަން އެހެންވެ އެނުދައްކާނެ މީހުން ވަރައްގިނަވާނެ.
ނަސޭހަތް
13 July 2023
ނަސޭހަތުގެ އެއްބަސްވުމެއް ހަދާފައި މާފު ކޮށްލާ. ދޯ ޝަމީމޫ
ލަންސިމޫސާ
13 July 2023
ސޮރީ ބުނެލީމާ ކޯޓު ހުކުމްވެސް ބާތިލުކޮށްދޭ. ޟިވަރު އޯގާތެރިކަމެއް މިއިން ޒަމާނަކު އައިބާ، ކުށްވެރީންނަށް ހާއްސަކޮށް
ހުވޭ
13 July 2023
ޖޫރިމަނާ ކުރިޔަސް އެހޯދާނެގޮތް ނޭނގެންޏާ، ރައްޔިތުންގެ ޓެކްސްފައިސާ ހަރަދުނުކޮށް ތިޔަ މުއައްސަސާ އުވާލިޔަސް ލައްކަ ލާރި ސޭވްކުރެވޭނެ.
ގުއިއްޒު
13 July 2023
ފައިސާ ނުދައްކާ މީހުން ޖަލަށްލާބަލަ އުމުރު ދުވަހަށް. ތިކަން ހަމަޖެހިދާނެ. ކީއްކުރަން ހަދާ ގާނޫނެއްތަ ތަންފީޒު ނުކުރެވެންޏާ. އަހަރެމެން ރައްޔަތުންނަށް މިއީ މުސީބާތަކަށް މިހާރު ގާނޫނު ހެދުންވެސް ވެއްޖެ.
ޑެގި
13 July 2023
ނޫން ނުނިމޭނެ. ޢެއީ ކުންފުނިތަކާ އަމިއްލަ ފަރުދުން. ދައްކާނެ ފައިސާ ނެތީވިއްޔާ އެތަންތަން އިފްލާސް ކޮށަފައި ތަން އުވާލަންވީ. އިފްލާސް ކުރުމަކީ އެމީހެއްގެ ނުވަތަ ކުންފުނީގެ ހަރުމުދާ ޝަރުއީ ހަމަތަކުގެ މަތިން ވިއްކާފައި ދަރަނި އަދާކުރުން. އެހިސާނުން ލިބުނު އެއްޗެއް ލިބުނީ. ނުލިބުނު އެއްޗެއް ނުލިބުނީ. މައްސަލަވެސް ނިމުނީ.