ކޮމަންޑު އަށް ތެޔޮ އަންލޯޑް ކުރަނިކޮށް ހިނގި ހާދިސާއެއްގައި އެފްއެސްއެމްގެ ބޯޓެއް އަޑިއަށް ދަނީ

ކޮމަންޑުއަށް ތެޔޮ އަންލޯޑްކުރަނިކޮށް ހިނގި ހާދިސާއެއްގައި އެފްއެސްއެމްގެ ބޯޓެއް ފަޅުތެރެއަށް ބީއްސާލައިފައި.

އިފްރާޒް އަލީ، މިހާރު

14 ޖުލައި 2023 - 11:41

ށ. ކޮމަންޑު އަށް ތެޔޮ އަންލޯޑް ކުރަނިކޮށް، އެ ރަށު ޖެޓީގެ ޝީޓް ޕައިލެއްގައި ޖެހި، އެފްއެސްއެމްގެ ތެޔޮ ބޯޓެއް ފަޅައިގެން ގޮސް ދިޔަވާން ފަށައިފި އެވެ.

އެމްއެންޑީއެފުން ބުނީ މިއަދު ހެނދުނު 10 ޖަހާކަށް ހާއިރު އެ ހާދިސާގެ މައުލޫމާތު ލިބުމާ އެކު، ކޯސްޓްގާޑުގެ ޓީމެއް އެ ސަރަހައްދަށް ގޮސް، އެހީތެރިކަން ދެމުން އަންނަ ކަމަށެވެ.

ޝީޓް ޕައިލްގައި ޖެހި ތެޔޮ ބޯޓުން އަށް އިންޗި ވަރުގެ ތަނެއް ފަޅައިގެން ގޮސްފައިވާ ކަމަށް ސިފައިން ބުންޏެވެ.

އެ ހާދިސާ ހިނގީ ކޮމަންޑޫގައި ބިން ހިއްކަމުން އަންނަ ސަރަހައްދުގަ އެވެ. އެ ބޯޓު މިހާރު އޮތީ އެ ސަރަހައްދަށް ބީއްސާލައިފަ އެވެ.

ސިފައިން ބުނީ ފަޅައިގެން ގޮސްފައިވާ ތަނަށް އުނގުރިއެއް ޖަހައި ދިޔަވުން މިހާރު ކޮންމެވެސް ވަރަކަށް ކޮންޓްރޯލް ކޮށްފައިވާ ކަމަށެވެ.

އެ ހާދިސާގައި ކަނޑަށް އެއްވެސް ވަރަކަށް ތެޔޮ ބޭރުވި ކަމެއް އަދި ނޭނގެ އެވެ.

ކޮމަންޑޫ ކައުންސިލުގެ ބަހެއް އަދި ނުލިބޭތީ އިތުރު ތަފުސީލު ލިބޭ ގޮތެއް ނުވި އެވެ.

އެފްއެސްއެމް އިން ބުނީ މި ހާދިސާގެ މައުލޫމާތު ފަހުން ހިއްސާކުރާނެ ކަމަށެވެ.

ށ. ކޮމަންޑޫ އެސްޓީއޯ އެމްއެންޑީއެފް ފިއުލް ސަޕްލައިސް މޯލްޑިވްސް

4 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބިސްބުރު

14 July 2023

ވެލާ ފެޅުމަށް ވުރެ އަޒާބު ކުޑަ ކަމެއް ބާ މީ އަނެއްކާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯހުދު އާދަމްބެ

14 July 2023

ތެޔޮ ބޭރު ނުވާނެ މިއޯގާތެރި ސަރުކާރު އޮތްހާހިދަކު. އެއްވެސް އެންވަޔަރަމެންޓް ގެއްލުމެއްވެސް ނުވާނެ. އަދި ތިޔަ ތެޔޮބޯޓު ހަލާކުވުމުން ސަރުކާރަށް ލިބޭނެ ގެއްލުމެއްވެސް ނޯންނާނެ މިސަރުކާރު އޮތްހާ ހިނދަކު. އަދި ތިޔަކަމުގަ އެއްވެސް ވައްކަމެއްވެސް ނުހިގާނެ. އަޅުގަނޑުމެންގެ ލޮލާ,ކަންފަތާ ހިއްސުތައް ހުރީ ރަނގަޅަށް. ބޫ ޔޫ އައުޓު.