ގާސިމް: މި ސަރުކާރު ހިންގާ ކޯލިޝަން ބަލިކުރަން ނެރޭ އެއް ކެންޑިޑޭޓަކީ އޭނާ ކަމަށް އެއްބަސްނުވެވިއްޖެ ނަމަ ރައީސްކަމަށް ވާދަނުކުރައްވައި ފަހަތަށް ޖެހިވަޑައިގަތުމަށް ވެސް ތައްޔާރު ކަމަށް ވިދާޅުވި. -- ފޮޓޯ: ނިޝާން އަލީ | މިހާރު
19 ޖުލައި 2023 - 15:24
27 comments
ރިޔާސީ އިންތިހާބުގެ ކެމްޕޭންގައި ރައީސް އިބްރާހިމް މުހައްމަދު ސޯލިހަށް ވުރެން ފަހަތުގައި އުޅޭ ކަމަށް ވިދާޅުވެ ޖޭޕީގެ ކެމްޕޭން ދަތުރުތަކުގައި ވަޑައިނުގަތުން ޖުމްހޫރީ ޕާޓީގެ ލީޑަރު އަދި ރިޔާސީ ކެންޑިޑޭޓް ގާސިމް އިބްރާހިމް މިއަދު ދިފާއުކުރައްވައިފި އެވެ.
މި ސަރުކާރު ކޯލިޝަންގައި ހިމެނޭ ޖޭޕީން ވަކިން ވާދަކުރާނެ ކަން އިއުލާންކުރުމަށް ފަހު އިންތިހާބަށް ރާއްޖޭގެ އެކި އަތޮޅުގައި އަންނަނީ ކެމްޕޭން ކުރަމުންނެވެ. އެކަމަކު މި ކެމްޕޭންގައި ގާސިމް ބައިވެރިވެވަޑައެއް ނުގަންނަވަ އެވެ. އެހެން އިންތިހާބުތަކުގައި، ރަށްރަށަށް ދަތުރުކުރުމާއި ޖަލްސާތަކާއި ބައްދަލުވުންތައް ފޯރިގަދަކޮށް ގާސިމްގެ ބައިވެރިވުމާ އެކު ބޭއްވިޔަސް މި އިންތިހާބުގައި ޖޭޕީ ފެންނަނީ ވަރަށް ރޫހެއް ނެތި ކެމްޕޭން ކުރިއަށް ގެންދާތަނެވެ.
ސިޔާސީ ޕާޓީތަކުން އިންތިހާބުގެ ކެމްޕޭން ފަށައި ރައީސް އިބްރާހިމް މުހައްމަދު ސޯލިހް ވެސް ކެމްޕޭން ކުރައްވަމުން އަންނަ އިރު ޖޭޕީގެ ކެމްޕޭނުން ގާސިމް ނުފެންނަ ސަބަބާ ގުޅޭ ގޮތުން ނޫސްވެރިއަކު ސުވާލުކުރުމުން ގާސިމް ވިދާޅުވީ ރައީސަށް ވުރެން ފަހަތުގައި އުޅޭތީ އެހެން ވެދާނެ ކަަމަށެވެ.
"އަދި އަޅުގަނޑަށް ނުދެވިގެން އުޅެނީތާ ދެއްތޯ، ރައީސް ސޯލިހަށް ވުރެން އަޅުގަނޑު ތަންކޮޅެއް ފަހަތުގައި އުޅެނީ. އެއީ އަޅުގަނޑު އަދި ވެރިކަމުގައި ނެތީމަ ކަމަށް ވެދާނެއެއްނު، އެހެންނެއް ނު. އަޅުގަނޑުމެން އަތުގައި އެހާ ވަރަށް ފެސިިލިޓީސް ނެތީމަ ކަަމަށް ވެސް ވެދާނެ އެހެން ނޫންތޯ،" ގާސިމް ވިދާޅުވި އެވެ.
އޭނާ ވިދާޅުވި ގޮތުގައި ޖޭޕީގެ ކެމްޕޭން ވަރަށް ބަރާބަރަށް ކުރިއަށް އެބަދެ އެވެ.
"ތާއީދުތައް ހަމަ އަންނަނީ އޮހެމުން އިރާދަކުރެއްވިޔާ،" ގާސިމް ވިދާޅުވި އެވެ.
މީގެކުރިން ގާސިމާއި ޖޭޕީން ބުނަމުން އައީ އެއްވެސް ބައެއްގެ ފަހަތަށް އަރައި ކޯލިޝަން ނުުހަދާނެ ކަމަށެވެ. އެކަމަކު އެ ވިސްނުން މިހާރު ބަދަލުކޮށްފި އެވެ. އެއް ކެންޑިޑޭޓަކު ނެރެގެން އިންތިހާބު ކާމިޔާބުކުރަން އެމްއެންޕީ އާއި ޑިމޮކްރެޓްސްއާ އެކު މިއަދު ވަނީ މަޝްވަރާކޮށްފަ އެވެ.
އެ ބައްދަލުވުމަށް ފަހު ގާސިމް ވިދާޅުވީ އެއް ކެންޑިޑޭޓަކީ އޭނާ ކަމަށް އެއްބަސްނުވެވިއްޖެ ނަމަ ރައީސްކަމަށް ވާދަނުކުރައްވައި ފަހަތަށް ޖެހިވަޑައިގަތުމަށް ވެސް ތައްޔާރު ކަމަށެވެ. އެއް ކެންޑިޑޭޓަކަށް އެއްބަސް ނުވެވިއްޖެ ނަމަ ކުރިން އޮތް ގޮތަށް ޕާޓީތަކުން ވަކިވަކިން ވާދަކުރާނީ ކަމަށް ވެސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަކީމުކަލޭގެފާނު
20 July 2023
ކެމްޕޭނުގައި ފަހަތުގައި ހުރެދާނެ. މަކަރުވެރިކަމާއި ދޮގުވެރިކަމުގައި މަނިކުފާނާ ވާދައެއް ނުކުރެވޭނެ.
ލުނާ
20 July 2023
ދެން މީންވެސް ޖޮއިންކުރޭ އިބޫ އާ! އޭރައް މީނަގެވެސް އޮތިއްޔާ އޮތް ދަރަންޏަކުން މިންޖުވާނީ.
އިބޫއަކީ ޙައްލު
20 July 2023
މިހާރު ދެން މި އެނގުނީ ވަރަށް ބޮޑު އެއްޗެއް. އެއީ، ޙައްލަކީ ރައީސް އިބޫ ކަން. މިކަން އެހެން ރިޔާސީ ކެންޑިޑޭޓަކު އަމިއްލަޔަށް އެއްބަސްވީމާ، ދެން ޖެހޭނީ އެ ގޮތަށް ޤަބޫލުުކުރަން ތާ!
ބޮޑުމީހާ
19 July 2023
މީނޫން ބަޔަކު މިގައުމުގަ ނެތީތަ؟ އުމުރު ހުސްމިވަނީ މިވެރިންގެ ހުސްވައުދުތައް އަޑުއަހާއަހާ
ލޮލީބޭ
20 July 2023
އިބޫ ނޫން ގޮތެއް
ހުރިހާތަނެއް
19 July 2023
ހުރިހާ ސަރުކާރަކުންވެސް ބައިއަޅާ މީހެއް. މިސަރުކާރުގަވެސް އެންމެ ނުފޫޒުގަދަ ހުރިހާ ދާއިރާއެއް ( ޓޫރިޒަމާއި، ޓްރާންސްޕޯޓާއި، ފިޝަރީޒާއި، އެމްޓީސީސީއާއި އެމްޑަބްލިއުއެސްސީ) އަތްދަށުލައިގެން ހުރީ. މިހާރު ވެރިކަމާއި ހެދި ފެންބޮވައިގެންފައި ހުރިވަރުން ސަރުކާރު ގޯސްވެއްޖެ. އެކަމަކު ރައްޔިތުން ދެކެވާ ލޯއްބަކުންނޭ މިއުޅެނީ.
އަނީގާ
19 July 2023
ޤާސިމް އެއުޅެނީ ގޯލެއް ނުޖެހިގެން. އެކަން މާ މުހިންމު.
އައިމިނާ
19 July 2023
މިހާބޮޑުކޮށް ހަމަހަމަ ކަމާއި އިންސާފު ގާއިމް ކުރެވޭތޯ ބަލާ ޒަމާނެއްގަ ރައްޔިތުންނަށްވެސް އަދި ހަމަ އެހެންމެ އަމިއްލަ ދިރިއުޅުއްވުމުގަވެސް މި ބުނާ ހަމަހަމަ ކަމާ އިންސާފު ގާއިމުކުރެވޭ އިރުގަ މަނިކުފާނު ޖެހޭނެތާ 4 މުލިއާގެ ހޯއްދަވަން ވީއިރު އެވެސް ކިހާބޮޑު ޚަރަދެއްތޯ. ރައްޔިތުންގެ ބަޖެޓުންހިގާ.އެކަމާ ނިކަން ފިކުރު ހިންގޭވަރުން ހަމަ ބުނެލެވުނީ.
އަހްމަދ
19 July 2023
ތާއީދު އޮހޭވަރުން ރަށަކަށްވެސް ދާން ނުކެރިގެން ތިއުޅެނީ.. އުޅެއުޅެފަ މާމިގިއްޔަށް ދާނީ ތާއީދު ދައްކާށޭ ކިޔާފަ..
މޫސާ ކުއްދާ
19 July 2023
ގަބޫލު ކުރެވޭގޮތުގައި ޖޭޕީ، އެމްއެންޕީ އަދި ޑިމޮކްރޭޓްސް ގުޅިގެން އެންމެ ގިނަވެގެންވެސް ހޯދޭނީ 45،000 ވޯޓް. ޕީޕީއެމް އިން ޔާމީނަށް ކުރިމަތިލެވޭގޮތް ނުވެއްޖެނަމަ އިތުރު 10،000 ވޯޓު ލިބުމަކީ ދުރު ކަމެއްނޫން. މާނައަކީ، ފުރަތަމަ ބުރުން ދާނީ 3 ވަނައަށްކަން. އެވަރުވެސް ކުރެވޭނީ ވަރަށް ބައިވަރު ފައިސާ ޚަރަދުކޮއްގެން. މިއީ ވަކިކޮޅަކަށް ނުޖެހި ލަފާކުރި ގޮތެއްކަން ދަންނަވަން ޖެހޭ!
މުސަޅޭ
19 July 2023
ފަހަތުގައި އޮތްކަމަށް ދެއްކިގެން ތިކަންވާނީ. މާ ކުރިއަރާހެން ހީވާއިރަށް ދެން ވާނެ ގޮތް އެންމެންނަށްހެން އެނގޭ. ހަގީގީ ޗެލެންޖަކަށްވާ ޕާޓީގެ ކެނޑިޑޭޓް އެއޮތީ ޖަލުގައި ބާއްވާފައި.
އާވަސް
19 July 2023
ވަގުން ތިބެން ޖެހޭނީ ޖަލުގަ.