ޔޫކްރޭނުން އަލުން ބިންތައް ހިފުމަށް ފަހު އެ ގައުމުގެ ދިދަ އެ ސަރަހައްދުގައު ޖަހާފައި
25 ޖުލައި 2023 - 09:56
9 comments
ކިޔޭވް (ޖުލައި 25) - މިދިޔަ އަހަރުގެ ފެބްރުއަރީ 24 ގައި ރަޝިއާ ސިފައިން ޔޫކްރޭނަށް އަރައިގަނެ އެ ގައުމުން ހިފި ބިންތަކުގެ ދެ ބައިކުޅަ އެއްބަޔަށް ވުރެ ބޮޑު ސަރަހައްދެއް، ޔޫކްރޭން ސިފައިން އަލުން ހިފައި މިނިވަންކޮށްފި ކަމަށް އެމެރިކާ އިން ބުނެފި އެވެ.
އެމެރިކާގެ ޚާރިޖީ ވަޒީރު އެންޓޮނީ ބްލިންކެން ވިދާޅުވި ގޮތުގައި ޔޫކްރޭންގެ އިރުމަތީގެ ބޮޑު ސަރަހައްދެއް މިނިވަންކުރެވުނު ނަމަވެސް، އެ ބިންތައް މިނިވަން ކުރެވުނީ ޔޫކްރޭން ސިފައިން ވަރަށް ވަރުގަދަ ހަނގުރާމައެއް ކޮށްގެންނެވެ. އަދި ރަޝިޔާ ސިފައިންގެ ބާރުގެ ދަށުގައި އޮތް ޔޫކްރޭންގެ ބިންތައް އެކުގައި މިނިވަންކުރުމަކީ ވަރަށް އުނދަގޫ، ގޮންޖެހުން ބޮޑު މަސައްކަތަކަށް ވާނެ ކަމަށް ވެސް އޭނާ ވިދާޅުވި އެވެ.
އޭނާ ވިދާޅުވި ގޮތުގައި ރަޝިޔާ ސިފައިންގެ ބާރުގެ ދަށުގައި މިހާރު ހުރި ޔޫކްރޭންގެ ބިންތައް މިނިވަންކުރުމަކީ ކުރިއަށް އޮތް ދެތިން ހަފުތާއެއްގެ ތެރޭގައި ކުރެވޭ ވަރަށް ވުރެ ބުރަ މަސައްކަތެކެވެ. އަދި އެކަން ފުރިހަމަކުރުމަށް އެތައް މަސްތަކެއް ނަގާނެ ކަމަށް ވެސް ބްލިންކެން ވިދާޅުވި އެވެ.
ހުޅަނގުގެ ގައުމުތަކުގެ އަސްކަރީ މަދަދާ އެކު ޔޫކްރޭން ސިފައިން ކުރަމުންދާ ދިފާއީ ހަނގުރާމައިގައި، މިހާތަނަށް މިނިވަން ކުރެވުނީ، ރަޝިޔާ ސިފައިންގެ ހަމަލާތަކުގައި ސުންފާތިކޮށްލި ބަޚްމުތު ސަހަރުގެ ވަށައިގެންވާ ބައެއް ސަރަހައްދުތަކެވެ. އެއީ ޔޫކްރޭން ސިފައިން ހިފި ބިންތަކެއް ނަމަވެސް، އެ ބިންތަކުގައި ރަޝިޔާ ސިފައިން ނުތިބޭތާ އެތައް މަސްތަކެއް ވެއްޖެ އެވެ.
ރަޝިޔާ ސިފައިން ހިފި ބިންތަކުގެ ތެރެއިން، ރަޝިޔާ ސިފައިން ގާއިމުވެ ތިބި އެއްވެސް ސަރަހައްދެއް މިހާތަނަށް ޔޫކްރޭން ސިފައިންގެ ބާރުގެ ދަށަކަށް ނުގެންދެވެ އެވެ.
ރަޝިޔާގެ އަޅުވެތިކަމުން ޔޫކްރޭންގެ ބިންތައް މިނިވަންކުރުމަށް ކުރަމުންދާ މަސައްކަތަށް އެހީތެރިވެދިނުމުގެ ގޮތުން، އެމެރިކާގެ އެންމެ ޒަމާނީ އެފް16 މަރުކާގެ ހަނގުރާމަމަތީ މަތިންދާބޯޓު ޔޫކްރޭނަށް ދިނުމަށް އެމެރިކާ އިން ވަނީ ނިންމައިފަ އެވެ. އެ ބާވަތުގެ މަތިންދާބޯޓު ދުއްވުމަށް، ޔޫކްރޭންގެ ޕައިލެޓުން ތަމްރީން ކުރުމަށް ޔޫރަޕްގެ 11 ގައުމެއް މިހާރު ވަނީ ކޯލިޝަނެއް ހަދައި މަސައްކަތް ފަށައިފަ އެވެ.
ޔޫކްރޭންގެ ޕައިލެޓުން ތަމްރީން ކުރުމުގެ މަސައްކަތް އަންނަ އޮގަސްޓް މަހުގެ ތެރޭގައި ޑެންމާކްގައި ފަށާނެ އެވެ. އަދި ޔޫކްރޭންގެ ޕައިލެޓުން ތަމްރީން ކުރާނެ މަރުކަޒެއް ރޮމޭނިއާގައި ގާއިމުކުރުމުގެ މަސައްކަތް މިހާރު އަންނަނީ ކުރަމުންނެވެ.
ރަޝިޔާ ސިފައިން ޔޫކްރޭނާ ދެކޮޅަށް ހަނގުރާމަ ފެށި ފަހުން، އެމެރިކާ އިން މިހާތަނަށް ޔޫކްރޭނަށް ފޯރުކޮށްދިން އަސްކަރީ އެހީތެރިކަމުގެ މިންވަރު 41 ބިލިއަން ޑޮލަރަށް އަރަ އެވެ. އޭގެ އިތުރުން ނޭޓޯގެ ބައެއް ގައުމުތަކުން ވެސް އެތައް ބިލިއަން ޑޮލަރެއްގެ އަސްކަރީ އެހީތެރިކަން ޔޫކްރޭނަށް ފޯރުކޮށްދީފި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފެރެޑޭ
26 July 2023
ޔޫކުރޭނުގެ ރައީސަކަށް ރައްޔަތުން ހޮވީ އެކުޓަރެއް ރައްޔަތުން އެ ޒިންމާ ނަގަން ޖެހޭނެ
ކިޑުނީ
27 July 2023
ހަމަ ހެޔޮކޮށް ތިޔަ ބުނީ!
ސަލީމު އިދުރީސް
25 July 2023
ބާރެއްނެއް ޔޫކުރޭނު ނުހިފޭހާލުގަ ޕުޓިން ސޯވިއެޓު ޒަމާނުގެ ބާ ދަނގަޑުތައް ހިފައިގެން ޔޫކުރޭނުގަ މިޖަހާ ސަކަރާރުތުން އިންޑިއާއާ އެމެރިކާއިން މީންޒަމާނެއްގަ ނުނަގާވަރު ފައިދާ ނެގިޔަސް ރޫސީ ރައްޔިތުންނަށާ ދުނިއެއައް ބޮޑު ބުރައަކައް ވެއްޖެ ކަމުގަ ދެކެން
ބީރުބޮލުވަޒީރު.
26 July 2023
ސަލީމުގެ ސިކުނޑިއަށް ޖެހިފަ ތިއަހުރި ބައްޔެއް ނޭނގޭ. ބަލިކަށި ޔޫކުރޭނޯ. ކޮންގޮތަކުންތަ ޔޫކުރޭނު ބަލިކަށިވީ. އެމެރިކާ އިނގިރޭސިވިލާތް ފުރާންސު ޖަރުމަނު މިހުރިހާ ގައުމެއްގެ ޓެކުނޮލޮޖީ ޖާސޫސީ މަޢުލޫމާތު . ކުލީ ސިފައިން އެންމެ ފަހުގެ ހަތިއާރު ޔޫކުރޭނަށް ލިބުނީމަ އެމީހުންވާނެ ދުނިޔޭގެ ސުޕަރޕަވަރަށް. އެމީހުނަށް ޕުޓިންގެ ހަންވެސް ބޭލެންޖެހޭނެ. އެކަމަކު މުނާފިގުންނަށް ނަސްރު ނުލިބޭނެ ވާހަކަ އެލަން މަސްކު ވެސް ވަރަށްފަހަކުން ބުނި.
އަފްރާސިޔާބު
25 July 2023
ހުސް ހޮޅި ވާހަކަ ތި ދައްކަނީ. މީހުން މިހާރު އެމެރިކާ އަށްވުރެ ހޭލުންތެރިކަން ބޮޑު. އެހެންވީމާ ޗިޕެއް ނުޖެހޭނެ.
މިނިވަންކަމަކީ ކުޅޭ ކުޅޭ އެއްޗެއް ނޫން.
25 July 2023
ތިބުނަނީ ގައުމަކަށް އަނެއް ގައުމެއްގެ ސިފައިން އަރައިގަތީމަ، އެގައުމެއްގެ ރައްޔިތުން ޖެހޭނީ އަމާން ދޭށޭ ދޯ. ނަސީބެއް ތިކަހަލަ ވިސްނުމެއްގެ ބަޔަކު ނޮވެމްބަރު 3 ގައި ދިވެހި ސިފައިންގެ ތެރޭގައި ނެތްކަން. ނޫންނަމަ، އެލް.ޓީ.ޓީ ހަނގުރާމަވެރިން ޖުމްހޫރީ މައިދާނަށް އެރި ދުވަހު ހަޅޭއްލަވަމުން ދުވާނެ، އެއީ މާ ބޮޑު ގައުމެއްގެ ބަޔެކޭ، މާ ބާރުގަދަ ބަޔެކޭ، އަހަރުމެން ޖެހޭނީ ތަމަޅަ ޓައިގަރުންގެ ކުރިމަތީ ކުޑަކަކޫ ޖަހާށޭ، މާލެއަކީ މިހާރު ޓައިގަރުންގެ ތަނެކޭ.
އަފްރާސިޔާބު
25 July 2023
ފުރަތަމަ ތިމާއަށް މިނިވަންކަމަކީ ކޮންއެއްޗެއްވެސް ކަމެއްނޭގުނު. 9އަހަރު ވަންދެން ގައުމުގެ މައިނޯރިޓީ މަރައި ހުސްކުރަން ހިފާބަޔަކު ނުވާނެ މިނިވަން ގޮތުގައި ދޫކޮށްލާކަށް. އެހެން އެކަން އޮތުމާއި އަދި ރަޝިޔާއަށް އަރައިގަތުމަށް ނޭޓޯގެ ސިފައިން ތަމްރީނު ކޮށް ހަތިޔާރުދީ ޖެއްސުން ކުރަންފެށީމާ ދެން އެހިސާބުން މިނިވަންކަމުގެ ވާހަކަ ދެއްކުމުގެ ހައްގެއްނެތް. މިނިވަން ކަމަކީ ޒީލެންސްކީއާއި ނޭޓޯގެގައުމުތަކުން ބުނާ އެއްޗެއް ކަމުގައިގަބޫލު ކުރުމަކީ ބޮޑު ގޯހެއް.
ސަލީމު އިދުރީސް
25 July 2023
އަފުރާސިއާބު ތިބުނަނީ މައިނޯރިޓީ މަރައި ހުސްކުރަން ހިފާބަޔަކު ނުވާނެ މިނިވަން ގޮތުގައި ދޫކޮށްލާކަށް! ޔޫކުރޭން އެއްވެސް ހާލެއްގަ ރޫސީދަރިކޮޅު ނުވަތަ އެބަހުން ވާހަދައް ކާބަކާ އެއްވެސް ތަފާތެއް ނުކުރޭ! އަޅުގަނޑާއެކު މަސައްކަތްކުރޭ ރޫސީއަދީ ޔޫކުރޭނުގެ މީހުންވެސް ތީންކަމެއް އެމިހުންގެ ވާހަކައިން އެމިހުންބަލާ ޗެނަލަކުން ނުފެނޭ!އެކަމަކު ފާޅުކަން ބޮޑުގޮތެއްގަ ޗައިނާއިން މުސްލިމުދަރިކޮޅު ނައްތާލައް މަސައްކައްކުރޭ އެމުހުނާ ހަނގުރާމަ ކުރާނީ ކޮންބައެއްތޯ
ޖުހާ.
25 July 2023
ތިއަބިނީ އެންމެ ފެންފޮދެއްވެސް ނެތް ބޮޑު ކާއްޓެއް. ދެން ހިތްހަމަޖައްސާލައުގެން ހުރޭ. ބުލިންކެން އާއި އެމެރިކާގެ މާލީވަޒީރު ޗައިނާ އަށް ގޮސްގެން ހުސްއަތާ ލަދުން ގައުމަށް ގޮއްސަ ތިއަކަހަލަ ފެންނެތް ކާއްޓެއް ބިނދެލީމަ ބަޔަކު ގަބޫލުކޮށްފާނެ.