ޕީޕީއެމްގެ ލީޑަޝިޕް ބޭފުޅުން މުޒާހަރާއެއްގައި: ރާއްޖޭގެ މިނިވަން ގެއްލިފައިވާ ކަމަށް އިދިކޮޅުން މިއަދު ވެސް ވަނީ ތުހުމަތުކޮށްފައި. -- ފޮޓޯ | މިހާރު
26 ޖުލައި 2023 - 14:25
26 comments
ދިވެހީންގެ ފަހުރުވެރި މިނިވަން ދުވަަސް މިއަދު ފާހަގަކުރާއިރު، ކުރެވެނީ ހިތްދަތިކަމާއި ބަނަކަމުގެ އިހުސާސްތައް ކަމަށް، ޕީޕީއެމް/ޕީއެންސީ ކޯލިޝަނުން މިއަދު ބުނެފި އެވެ.
ރާއްޖޭގެ މިނިވަން ދުވަހުގެ މުނާސަބަތުގައި، އެ ކޯލިޝަނުން ނެރުނު ބަޔާނުގައި ބުނީ މިނިވަން ދުވަހާ ބައްދަލުވީ، ކަޅު އަނދިރިކަމާއި ހިތްދަތިކަމާއި ބަނަކަމުގެ އިހުސާސްތައް ކުރުވަމުން ކަމަށެވެ.
އެ ޕާޓީން ވަނީ ގައުމުގެ މިނިވަންކަމާއި އިސްތިގުލާލު ނަގާލައި، ދިވެހީންގެ މައްޗަށް އިންޑިއާއިން ނުފޫޒު ފޯރުވަމުން ގެންދާއިރު މިނިވަންކަމުގެ އިހުސާސް ކުރެވޭތޯ ސުވާލު އުފައްދައިފަ އެވެ.
އެ ބަޔާނުގައި ބުނި ގޮތުގައި ރައީސް އިބްރާހިމް މުހައްމަދު ސޯލިހު އިސްވެ ހުންނަވައި އިންޑިއާގެ އަތްމައްޗަށް ގައުމު ދީލާލައި އަދި ރާއްޖޭގެ ކަނޑުން ބައެއް ވިއްކާލައިގެން ކުރާ މި ވެރިކަން ނިމުމަކަށް ގެނެސް، އެ ކޯލިޝަންގެ ލީޑަރު އަދި ކުރީގެ ރައީސް އަބްދުﷲ ޔާމީން އަނބުރާ ވެރިކަމަށް ގެނެސްގެން ނޫނީ ދިވެހީންގެ ގައުމު ދިވެހީންނަށް އަނބުރާ ހޯދޭނެ ގޮތެއް ނެތެވެ.
"ދިވެހި ގައުމު އަޅުވެތިކަމުގެ ވިލާތަކެއްގެ ދަށުގައިވާ މި ހައްސާސް ވަގުތުގައި، ގައުމުގެ މަސްލަހަތު ދިފާއުކުރުމަށް އެންމެން އެކީ ބާރުލައި މަސައްކަތްކުރުމަށް އަތުގުޅާލުމަކީ ރައީސް އަބްދުﷲ ޔާމީން އަބްދުލްގައްޔޫމްގެ އެދިވަޑައިގަތުމެކެވެ،" ބަޔާނުގައިވެ އެވެ.
"ރައީސް ޔާމީނާއި މި ކޯލިޝަންގެ އުއްމީދާއި ދުއާއަކީ މަދު ދުވަސްކޮޅެއްގެ ފަހުން އަޅުގަނޑުމެންނާ ބައްދަލުކޮށް ރިޔާސީ އިންތިހާބަކީ ގައުމުގެ ހާލަތު ބަދަލުކުރެވޭނެ އިންތިހާބެއް ކަމުގައި ވުމެވެ."
އަންނަ ސެޕްޓެމްބަރު މަހު ބާއްވާ ރިޔާސީ އިންތިހާބުގައި ޕީޕީއެމްގެ ކެންޑިޑޭޓަކަށް ހަމަޖައްސާފައިވަނީ ޔާމީނެވެ. ނަމަވެސް އެ މަނިކުފާނުގެ މައްޗަށް އިއްވާފައިވާ ރިޝްވަތު ހިފުމާއި މަނީ ލޯންޑަރިން ހުކުމުގެ ސަބަބުން ވާދަކުރުމުގެ ގާނޫނީ ޝަރުތެއް ވަނީ އުނިވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަރުތަ
27 July 2023
ޕްރެޒިޑެންޝަލްސިންޑްރޯމް ޖެހުނީމަ އަބަދުވެސް ކުރެވޭނީ ތިޔަޒާތުގެ އިހުސާސެއް، އަބަދު ގައިވެސް ހިރުވާހެން ހީވާނެ، ކައިގެން ނުކުތަސް ބަނޑުފުރޭހެން ހިއެއްނުވާނެ އަނެއްކާވެސް ކާން ބޭނުންވާނީ.........
ރޯޒަސް
27 July 2023
ފްރަންޓް ރޯގަ މިތިބީ ހާދާ ކާލައިގެން ނިކުމެ ތިބި ބޔެކޭދޯ؟
ބްރޯސް
27 July 2023
ރައްޔިތުންގެ ލާރިން ވައްކަންކުރުމުގެ މިނިވަންކަން ނެތްކަމުގެ އިހުސާސްތޯ؟
ރަމަ
27 July 2023
މިނިވަންދުވަހުގައި ކުރެވެނީ ޤައުމުގެ ބައިތުލްމާލު އަމިއްލަ އެކައުންޓަށާއި، ހެންވޭރުކޮޅުގައި 17 ބުރީގެ އިމާރާތެއް ރައްޔިތުންގެ ފައިސާއިން ހަދާ ނިންމަމުންދާ ކަމުގެ އިހުސާސް!
އަންދަލޫސިޔާ
27 July 2023
މީހަކު އިދިކޮޅު ޚިޔާލެއް ފާޅުކުރާއިރަށް 150 ދުވަހަށް ނޫނީ އެފަހަރަކު ޔާމީން އެންގި މުއްދަތަކަށް ޖަލަށް ލައިގެން އުޅެން އާދަވެފަ ތިބީމާ މިނިވަންކަން ކަމަކުނުދާނެ. ކަމުދާނީ ވައްކަންކޮށް އިދިކޮޅު އެންމެން ޖަލަށް ލައިގެން އުޅެން!
ޢަރުތަ
27 July 2023
"ކޯލިޝަންގެ ލީޑަރު އަދި ކުރީގެ ރައީސް އަބްދުﷲ ޔާމީން އަނބުރާ ވެރިކަމަށް ގެނެސްގެން ނޫނީ ދިވެހީންގެ ގައުމު ދިވެހީންނަށް އަނބުރާ ހޯދޭނެ ގޮތެއް ނެތެވެ". މިނިވަން ދުވަހުގެ ޖޯކު، ބަލަގަ މިވަރުގެ މީހަކުތަ ރައްޔިތުން ނުކުމެ 2018 ގަ ނޫނެކޭ ދެންހެވޭ ބުނެ ވެރިކަމުން ދުރުކުރީ.
އައިމިނާބީ ވީ
26 July 2023
އިދިކޮޅަކަށް ތިޔަ ނޫން އިހުސާސެއް ކުރެވުނު ތަނެއް މަގޭ ހަޔާތަކު ނުދެކެން
އ
26 July 2023
ދައުލަތް ލޫޓުވީމައި އެހެންވާނީ...
ކުދުބެއްޔާ
26 July 2023
އެއްބަޔަކު އުފާކުރާއިރު އަނެއްބަޔަކު ހިތާމަ ކުރުމަކީ ފިތުރީ ކަމެކެވެ. ޕީޕީއެމް ވެރިކަން ކުރާއިރު އެމްޑީޕީ ތިބޭނީ އިދިކޮޅުގައެވެ. އެކަމާ މާޔޫސްވުމަކީ އެންމެ ބޮޑު ހިތާމައެވެ. އިދިކޮޅު ހިތްވަރު ދެރަވުމަކީ ވެރިކަންކުރާ ޕާޓީ ރަގަޅުކަމަށް ގަބޫލުކުރުމެވެ.
ހަސަންޑީ
26 July 2023
އަހަރެމެން ރަށްޔިތުންނަށް ކުރެވެނީ އުފާވެރިކަމުގެ އިޙުސާސް މިލޮބުވެތި ގައުމަށް ޣައްދާރުވެފައިވާ އަދި ޣައްދާރުވާން މަސައްކަތް ކުރާ ބަޔަކަށް ހިތާމަވެރި އަޅުވެތި ދުވަހެއް.....