ހޮޑުލައި ބޭރަށް ހިންގާ ރޯގާގެ ކޭސްތައް މިދިޔަ މަހު 7،000 އިން މަތީގައި

އައިޖީއެމްއެޗްގެ މައި ކައުންޓަރު: ހޮޑުލައި ބޭރަށް ހިންގާ ރޯގާގެ ކޭސްތައް މިދިޔަ މަހު ވަރަށް ބޮޑަށް އިތުރުވި.-- ފޮޓޯ: މިހާރު

އިފްރާޒް އަލީ، މިހާރު

02 އޯގަސްޓް 2023 - 17:13

9 comments

މިހާރު ރާއްޖޭގައި ވަރަށް ބާރަށް ފެތުރެމުންދާ ހޮޑުލައި ބޭރަށް ހިންގާ ރޯގާގެ ކޭސްތައް މިދިޔަ މަހު 7،000 އިން މައްޗަށް ދިޔަކަން ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ ތަފާސްހިސާބުތަކުން ދައްކައިފި އެވެ.

އެ އެޖެންސީން މިއަދު އާންމުކުރި މިދިޔަ މަހުގެ ތަފާސްހިސާބުތަކަށް ބަލާއިރު، މިދިޔަ ޖޫން މަހު، ހޮޑުލައި ބޭރަށް ހިންގާ ރޯގާގެ 3،328 ކޭސް ރިޕޯޓްކޮށްފައިވެ އެވެ. ނަމަވެސް، މިދިޔަ މަހު އެ އަދަދު ވަރަށް ބޮޑަށް އިތުރުވި އެވެ. މިދިޔަ މަހު އެ ރޯގާގެ 7،384 ކޭސް ރިޕޯޓްކޮށްފައިވެ އެވެ.

މިނިވަން ދުވަހާ ގުޅިގެން މާލޭގައި މިދިޔަ ހަފުތާގައި ބޭއްވި ޕެރޭޑާއި ފުޅަނދުބުރު ބަލަން އެތައް ހާސް ބަޔަކު އެއްވި ފަހުން، އައިސް ހޮޑުލާތީ ހޮސްޕިޓަލްތަކަށް ކުޑަކުދިން ދެއްކި ވަރު ވަރަށް ބޮޑަށް އިތުރުވެ، ގާތްގަނޑަކަށް ހުރިހާ ހޮސްޕިޓަލެއްގެ އިމަޖެންސީ ރޫމްތައް ފުރުނެވެ.

Hodulai beyrah hingaathee iyye 1,000 ah vure gina meehun doctor ah dhekki

The most trusted news source in the Maldives

Mihaaru

އެޗްޕީއޭ އިން ބުނެފައި ވަނީ މާލެ ސަރަހައްދުގައި ފެތުރެމުންދާ ހޮޑުލުމާއި ބޭރަށް ހިންގުމަކީ ވަރަށް ފަސޭހައިން ހަލުވިކަމާއެކު ފެތުރޭ ނޯރޯވައިރަސްގެ ރޯގާއެއް ކަމަށެވެ.

މާލެ އާއި ރަށްރަށުގައި ވެސް މި ރޯގާ ވަނީ ވަރަށް ބޮޑަށް އިތުރުވެފަ އެވެ.

ނޯރޯވައިރަސްގެ އަލާމާތްތަކުގެ ތެރޭގައި ހިމެނެނީ ގިނައިން ހޮޑު ލެވުމާއި ހުން އައުމާއި ބަނޑުގައި ރިއްސުމާއި ވަރުދެރަވުން ފަދަ ކަންކަމެވެ. މި ބައްޔަށް "ސްޓަމަކް ފްލޫ" އޭ ވެސް ކިޔަ އެވެ.

ސިއްހަތު ހޭންޑް ފުޓް އެންޑް މައުތު ޑިޒީސް ހެލްތު ޕްރޮޓެކްޝަން އެޖެންސީ ހެލްތު މިނިސްޓްރީ

9 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޭސް

03 August 2023

ރޯގާ ކޭހެއް ވިއްކަނީ ކިހާވަރަކަށްތަ! 7000 ކޭސް އޮތިއްޔާ ކޮންމެވެސް އެއްބައި ވިއްކާލަންވީނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުމާފަ

02 August 2023

ސިޔާސީ މާ ބޮޑަށް ވެފަ މި އޮތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިސް

02 August 2023

7000 އަށް ވުރެ މަތި ނަމަވެސް އެކަމާ މާބޮޑު ސަމާލު ކަމެއް ދެވޭހެނެއް ހިޔެއް ނުވޭ. ގޭގޭ އެންމެން މިރޯގާ ޖެހިގެން ވަރަށް ހާލުގަ އުޅޭ ކިތަންމެ އާއިލާއެއް. ސްކޫލްތައްނޫނަސް މީހުން އެއްކޮށް ޖަމާވެ އުޅޭ ހުރިހާތަނެއް ބަންދުކޮށް ޚާއްސަ މަސައްކަތް ތަކެއް ކުރެވިގެން ނޫނީ މިކަމުންސަލާމަތް ވެވޭނެ ހެނެއް ހިޔެއްނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

02 August 2023

ތި މާލޭގަ ތޮއްޖެހިގެން އުޅޭހާ ހިނދަކު ތިހުރިހާ ކަމެއް ދިމާވާނެ. މިގައުމުގެ ހިކިފަސްތަނަކަށް ފެންނަނީ މާލެ އެކަނި. މިހެން ބުނީމަ މިގައުމުގެ ވެރިމީހާ އެބަދޭ 200 މީހުން ހަމަނުވާ ރަށްރަށުގަވެސް އެއާޕޯޓާއި ހޮސްޕިޓަލް އަޅަމުން. ކޮންމެ ރަށެއް ތަރައްގީކުރާނަމޭ ކިޔައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަމެން1

02 August 2023

ބޭރަށް ހިންގުމުގެ ރޯގާ އެއް ފެތުރޭކަން އެނގުނީ ވެސް 28 ޖުލައި ވަނަ ދުވަހު ހޭލައިގެން ހަބަރުތައް ކިޔާލީމާ، ސާޖްއެއް އައިސް ހޮސްޕިޓަލުތައް ފުރި ޑޮކްޓަރުން ޓްވީޓުކޮށްގެން ނޫސްތަކަށް އެ ޚަބަރު އެރީމާ. އޭގެކުރިން އެޗް.ޕީ.އޭއަކުން އާންމުންގެ ސަމާލުކަމަށް މިކަން ގެނެސްފައެއް ނުވޭ، އެކަމަކު ޖޫން މަހުވެސް 3000 އަށް ވުރެ ގިނަ ކޭސްކަމަށް މި ހަބަރުގައި މި އޮތީ. ވައިރަސްގެ ބާވަތް ޓެސްޓު ކުރީ ވެސް ސާޖުއެއް އައިސް ހޮސްޕިޓަލުތައް ފުރުނީމަ.