ރާހުލް ގާންދީ: އޭނާގެ ޖަލު ހުކުމް ސަސްޕެންޑްކޮށް، މެމްބަރުކަން އަނބުރާ ދޭން ސުޕްރީމް ކޯޓުން ވަނީ އަންގާފައި
04 އޯގަސްޓް 2023 - 15:45
16 comments
އިންޑިއާގެ އިދިކޮޅު ލީޑަރު ރާހުލް ގާންދީ ޖަލަށްލާން ކުރި ހުކުމާ އެކު އޭނާގެ މެމްބަރުކަން ގެއްލިފައި ވަނިކޮށް އެ ހުކުމަށް އަމަލުކުރުން އެ ގައުމުގެ ސުޕްރީމް ކޯޓުން މިއަދު ހުއްޓުވައިފި އެވެ.
ރާހުލް ދެ އަހަރަށް ޖަލަށްލާން މިދިޔަ މާޗް މަހު ދަށު ކޯޓަކުން ހުކުމްކުރީ 2019 ވަނަ އަހަރު ބޭއްވި އެއްވުމެއްގައި ބޮޑުވަޒީރު ނަރެންދުރަ މޯދީއަށް ނިސްބަތް ކުރައްވައި، ވަގަށް ގޮވައި އަބުރާ ބެހުނު ކަމަށް ބުނެ އެވެ. އެ ހުކުމާއެކު ރާހުލްގެ މަޖިލިސް މެމްބަރުކަމުގެ ގޮނޑި ގެއްލި އަދި އަންނަ އަހަރުގެ އާންމު އިންތިހާބުގައި ވާދަކުރުމުގެ ފުރުސަތު ވެސް ބަންދުވި އެވެ.
އިންޑިއާގެ ސުޕްރީމް ކޯޓުން މިއަދު ވަނީ އެ ހުކުމަށް އަމަލުކުރުން މަޑުޖައްސާލަން އަމުރެއް ނެރެފަ އެވެ. އެއާ އެކު، އެ މައްސަލަ ނިމެންދެން ރާހުލްގެ މެމްބަރުކަމުގެ ގޮނޑި އާއި އަންނަ އަހަރުގެ އާންމު އިންތިހާބުގައި ވާދަކުރުމުގެ ފުރުސަތު ވެސް ވަނީ ލިބިވަޑައިގެންފަ އެވެ.
ސުޕްރީމް ކޯޓުގެ ނިންމުމުގައިވަނީ ރާހުލް ދެއްކެވި ވާހަކަތަކަކީ އޭގެ ޒާތުގައި މުޅިން ރަނގަޅު ވާހަކައަކަށް ނުވިޔަސް، އޭނާގެ މެމްބަރުކަން ގެއްލޭ ގޮތަށް އެ ކުށުގެ އެންމެ ބޮޑު އަދަބު ރާހުލްއަށް ދިން ސަބަބެއް ސާފުނުވާ ކަމަށެވެ. އިންޑިއާގައި މަޖިލިސް މެމްބަރުކަން ގެއްލެނީ ދެ އަހަރުގެ ހުކުމެއް އައުމުންނެވެ.
ކުރީގެ ބޮޑުވަޒީރު ރަޖީވް ގާންދީގެ ދަރިކަލުން އަދި އޭގެ ކުރީގެ ބޮޑުވަޒީރު އިންދިރާ ގާންދީގެ މާމަ ދަރިކަލުން ކަމަށްވާ ރާހުލްއަށް ސުޕްރީމް ކޯޓުން ލިބުނު ކާމިޔާބާ ގުޅިގެން އޭނާ ވަކި އެއްޗެއް ވިދާޅެއް ނުވެ އެވެ. ނަމަވެސް އިދިކޮޅު ސަޕޯޓަރުން މަގުތަކަށް ނިކުމެ ދަނީ އުފާ ފާޅު ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަފްރާސިޔާބު
06 August 2023
ޗައިވާލާ އަކީ ވެސް މޯދީ އެއް. އެކަމަކު ރާހުލް އާ އަޅާ ނުކިޔޭނެ. ރާހުލް ބުނި ވާހަކަ އަކީ ވަށްކަމެއް ކޮށްގެން ބަލާއިރު ފަހަތު ނަމަކަށް މޯދީ އެބައާދޭ މީ އަޅެ އަޖާއިބެއް ނޫންހޭ.
އަބްޑޫޅް +
06 August 2023
ތިޔަ ގާނދީ އަކީ ތަހުޒީބު މީހެއް. ސައި ފޮޓަލެއްގެ މުޓިޔާވާލާ ކަން ކުޅަ މީހެއް ނޫން. ސާހިބުންނާއި މޭމްސާހިބުންގެ ރެކުސާ ދަމަން އުޅުނު ރެކުސާވާލާއެއްވެސް ނުމެނޫން. އޭނާގެ މަންމަ އަކީ އޮރިޖިނަލް، އިޓާލީ މޭމްސާހިބެއް. ގާނދީގެ ލޭހޮޅިތަކުގަ ދެމެނީ ރޫމީ އިންބަރަދޯރުންގެ މަތިވެރި، މާތް ލޭ. ބްރާވޯ ޕްރީމޯ މިނީސްތުރޯ!
ޖުހާ.
06 August 2023
( ރޫމީ އިންބަރަދޯރުން ) އެއީ މާ މަތިވެރި ބައެއްތަ. ހަމަގައިމު ހައްޖަތުލް ވަދާޢުގެ ހުތުބާގައި މާތް ނަބިއްޔާ ވަނީ ތިއަކަހަލަ އިންސާނީ ގިންތިކުރުންތައް ނައްތާލައްވާފަ.
ރާސާ
05 August 2023
ރާހުލް ކިއެއްޗެކީ، އަނގައިންތާ، އެކަމް މިގައުމުގައި ޖަލުގައި ތިބީ ޖީބު ފުރާމީހުންތާ
ބީރުބޮލުވަޒީރު.
04 August 2023
މަރުހަބާ ރާހުލްގާނދީ. މިހާރުހުރި ބޮޑުވަޒީރަށްވުރެ ރާހުލް މުސްލިމުންނަށް ހެއުވާނެކަމަށް އުންމީދުކުރަން. ތިއަ ދަރިއަކީ އިންޑިއާގެ އަންހެނެއްގެ ބަނޑުންވިހޭ ދަރިއެއްނަމަ އިންޑިއާ މީހުން ތަންކޮޅެއް ގަޔާވިސް. އެކަމަކު ބަފަޔަށް ކަމުދިއައީ ޔޫރަޕުގެ އަންހެނެއް. ނަތީޖާއަކީ ސިޔާސީ ކެރިއަރު ބަލިކަށިވުން.
ސޭބޫ
05 August 2023
ތިކަމެއް ނޭންގެ. ތިޔަބުނާ ވިލާތުމީހާއަށް އެމީހުން ބޮޑުވަޒީރުކަންވެސްދިން. މީ ކާކު ކުރާނެކަމެއް އިންޑިޔާމީހުން ފިޔަވާ.
6
04 August 2023
އަހަރެމެންގެ ޔާއްޓޭވެސް މިހެންހުންނާނެނަމަ.
ހަބީބު.
04 August 2023
އެންމެފަރުދަކު ގޮޅިޔައްލައިގެން މީ އަޅެ އަޑުލުވެރިކަމެއްތަ
ސިމްޕަލް
04 August 2023
ޚަބަރުގެ ސުރުޚީ މަށަށް ފެނުނީ، "ޔާމީންގެ ޖަލުހުކުން ކޯޓުން ހުއްޓުވައި ރިޔާސީ ކެންޑިޑެސީ އަނބުރާ ދީފި" ކަމަށް. ލޯބޯކޮށިވެފައި، އުންމީދު ނަގާނުލާ، މާޔޫސް ނުވާށޭ ޕީޕީއެމް/ޕީއެންސީ ކޯލިޝަނުން އަބަދު ބުނާތީ ވީ ގޮތެއްތޯއްޗެއް. ކޮންމެއަކަސް ރާހުލް ގާންދީއަށް ފަށްފަށުން މަރުހަބާ!
އެޗް އެމް
04 August 2023
މިއޮތީ އިންޑިއާއިން މިސާލުދައްކާފަ!
އައުޓް
04 August 2023
ކަލޭމެން އިމްޑިއާއުޓޭ ވެސް ގޮވަނީ..އިންޑިއާ ކަމުނުގޮސްގެން ވެސް އުޅެނީ.. އެހެންވީމަ އިމްޑިއާ ވައްތަރުގެ ހުކުމްތައްކުންވެސް ކަލޭމެން އައުޓް.
ޜާހުލް
04 August 2023
ކުރިން އެހާ ރީތި މީހަކު ބޮޑު ތުބުޅި އާ އެކު ޖަހާ ވައްތަރެއް!! މީހާ ގެ ސިފަ ގެއްލިފަ
އިސްލާހު
04 August 2023
އެސޮރު އިސްލާހުވެ ދީނީވީކަމަށްވެސް ވެދާނެ..
ސައްޙާފް
04 August 2023
މަށަށް ފެންނަނީ ހަމަ މި ތާރީހުގައި ރާއްޖޭގެ އިދިކޮޅު ލީޑަރުވެސް އިންތިހާބަށް ކުރިމަތިލެވޭގޮތް ހަދާލަން. މަ މާ ސަޕޯޓުކުރާތީއެއްނޫން، އޭނަ ނެތީމަ މިމީހުން ކުޅެނީ. ކެމްޕެއިންވެސް ވަރަށް ވައިކޮށްދަނީ.