ހުރިހާ ސްކޫލަކަށް ޓީޗަރުން ހަމަވާނެ: މިނިސްޓްރީ

ހުޅުމާލެ ފޭސް ދޭއްގައި ފުރަތަމަ ހުޅުވި، ސަލާހުއްދީން ސްކޫލުގެ ދަރިވަރުން އެސެމްބްލީގައި.-- ފޮޓޯ: ފަޔާޒް މޫސާ / މިހާރު

ފާތިމަތު އަޖްފާން، މިހާރު

06 އޯގަސްޓް 2023 - 08:49

ދިރާސީ އާ އަހަރުގެ ކިޔެވުން މިއަދު ފެށިއިރު، ހުރިހާ ސްކޫލަކަށް ބޭނުންވާ އަދަދަށް ޓީޗަރުން ހަމަވާނެ ކަމަށް އެޑިއުކޭޝަން މިނިސްޓްރީން ބުނެފި އެވެ.

ސްކޫލްތަކުގެ ކިޔެވުން ފަށާ ދުވަހަށް ޓީޗަރުން ހަމަނުވާ ކަމުގެ ޝަކުވާ ވަރަށް ގިނައިން ބެލެނިވެރިން ކުރެ އެވެ.

ނަމަވެސް އެޑިއުކޭޝަން މިނިސްޓްރީން މިއަދު ބުނީ ދިރާސީ އާ އަހަރަށް ތައްޔާރުވުމުގެ ގޮތުން އެ މިނިސްޓްރީ އާއި ސްކޫލްތަކުން ގިނަ މަސައްކަތްތަކެއް ކޮށްފައިވާ ކަމަށެވެ.

އޭގެ ތެރެއިން އެއް ކަމަކީ އެޑިއުކޭޝަން މިނިސްޓްރީން ބުނިގޮތުގައި ސްކޫލްތަކަށް ބޭނުންވާ އަދަދަށް ޓީޗަރުން ހަމަކޮށްދިނުމެވެ. އެހެންވެ، 6،516 ދިވެހި ޓީޗަރުންނާއި 1،843 ބިދޭސީ ޓީޗަރުން ސްކޫލްތަކުގައި މިހާރު މަސައްކަތް ކުރާނެ ކަމަށް އެޑިއުކޭޝަން މިނިސްޓްރީން ބުންޏެވެ.

ކުދިންނަށް ބޭނުންވާ ޓެކްސްޓް ފޮތްތައް ވެސް ސްކޫލްތައް ފޮނުވުމުގެ މަސައްކަތް ވެސް މިހާރު ނިންމާލާފައިވާ ކަަމަށް ބުންޏެވެ.

މި ދިރާސީ އާ އަހަރު ފެށީ 84،000 އަށް ވުރެ ގިނަ ކުދިންނާ އެވެ. ސަރުކާރުގެ 216 ސްކޫލްގައި 73,000 އެއްހާ ކުދިން ކިޔަވާނެ އެވެ. މާލެ އާއި ވިލިމާލެ އަދި ހުޅުމާލޭގެ ސްކޫލްތަކުގައި 25,000 އަށް ވުރެ ގިނަ ކުދިން ކިޔަވާނެ ކަމަށް އެޑިއުކޭޝަން މިނިސްޓްރީން ބުންޏެވެ.

ސްކޫލް ޓީޗަރުން އެޑިއުކޭޝަން މިނިސްޓްރީ ދިރާސީ އާ އަހަރު

20 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހުޒާމްހަމްދާން

06 August 2023

ރާއްޖެ މިއަދު ޕްރޮގްރާމް ގަ ކޮންދޮގެއް ހަދާކަށް! ޓީޗަރުން ހަމަޔެއް ނުވޭ! ކިޔަވައިދޭނެ ޓީޗަރެއް ނެތް! މިނިސްޓްރީއިން އިހުމާލް ވެއްޖެ! ވަރަށް ދެރަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަދެރަ

06 August 2023

މާލޭ ސްކޫލްތަކުގައި ކިޔަވައިދޭ ޓީޗަރުންތައް އެންމެ ފަހު ވަގުތު ސަލާހުއްދީން ސްކޫލަށް ބަދަލު ކުރީ ކަމަށް ޓީޗަރު ބުނަނީ ... މާލޭގެ ގިނަ ސްކޫލްތަކުގައި މިއަދު ކިޔަވައިދޭނެ ކްލާސްޓީޗަރެއް ނެތް، ސަބްޖެކްޓް ޓީޗަރެއް ނެތް... މިނިސްޓްރީއިން ހުއްދަ ނުދީގެން އިތުރު ޓީޗަރުން ސްކޫލަށް ނުނެރެވޭ ކަމަށް ލީޑިންގ ޓީޗަރު ވެސް ބުނަނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަރަބިންދާލި

06 August 2023

މަށަށް ކެރޭނެ ތެދުބަހުން ލިޔަން ކަލޭމެނަށަ ނުކުރޭނެ ޕަބްލިސްކުރާކަށް ސީދާސާފު ހެކިބަހާއެކު ލިޔާނީ . ސިޔާސީމީހުންނާގުޅިގެންޓީޗަރުކަން ހޯދާ ވަޒީފާދީފަތިބި ބައެއްގެ ވަޒީފާދާއިމީ ކޮއްގެން ނުވާނެ . އޭގެއަސަރު މިދަނީ ފެންނަމުން ގުރޭޑް 1 ކުންފަށާއިރު ކައްޗަށް އަޅާބިންގާ ކެއްޗާހަމައަށް ނިކުތަސް ނިކުންނާނީ ކައްޗަށް. ސަރުކާރު ސުކޫލުތަކާބެހޭގޮތް ސުވާލު ކޮއްލާއިރަށް ބުނާނެ މިއަދު މިވެނި މާއްދާއެއްގެޓީޗަރ ނެތް . ހަފަތް 2 ވާއިރުވެސް އެޖަވާބު އަންނާނީ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަރަބިންދާލި

06 August 2023

ކޮންމެ އަހަރަކުވެސް އެފޮންޏެއްކަޑާނެ . ޓީޗަރުން ހަމަވެއްޖެއޭ ،ސިޔާސީކަންކަމުގަ ލިސްޓް ބަލަހައްޓައިދޭން ތިބޭޓީޗަރުންނަކީ ޣިޔާސުއްދީން ސުކޫލު ފްރައިވެޓްވުމުންވަޒީފާއިން، ފެންވަރުދަށްވެގެންކަޑާލި ޓީޗަރުން ސުކޫލުގެ ކޮލިޓީހިފަހައްޓަން ގުރޭޑް7 ކާހަމައަށްކިޔަވައި ޓީޗަރުކަން ހޯދައިފަ ދެންތިބީ ހަރުގެ ތަކަށް ވަދެ ނުކިޔަވާތިބެ ފްރައިވެޓް ގުރުއާން ކުލާސްތަކުން ކިޔަވިކަމަށް ބުނާ ހުރހާ ފާހިސް ކަންކަމުގަ އުޅެފަ ތިބި ވަގުތީޓީޗަރުން ދާއިމީ ކޮއްފަތިބީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަށީނާ

06 August 2023

ނަޝީދުގެ ފިކުރީ އަދި މެންޓަލީ ގުޅުން އޮންނަ ތައުލީމީ ވަޒީރު ކީއްވެތޯ ތިޔަހާ ބޮޑެތި ދޮގު އަދި އޮޅުވާލުން ތިޔަ ހަދަނީ؟ މުޅި ތައުލީމީ ނިޒާމްވަނީ ކަމަނާގެ ނާގާބިލް ކަމުން ފުޑުފުޑު ކޮށްފަ