ސިވިލް ސާވަންޓުންތަކެއް މަސައްކަތުގައި.---ފޮޓޯ: ނިޝާން އަލީ/ މިހާރު
22 އޯގަސްޓް 2023 - 22:49
49 comments
ރޯދަ މަހުގެ ފަހު 10 ގައި ސަރުކާރު މުވައްޒަފުން އޮފީހަށް ނުނުކުމެ ގޭގައި މަސައްކަތް ކުރާ ގޮތަށް، އެމްޑީޕީގެ މެނިފެސްޓޯގައި ހިމަނައިފި އެވެ.
އަންނަ މަހުގެ 9 ވަނަ ދުވަހު ބާއްވާ އިންތިހާބުގެ ކެމްޕެއިނަށް، ރައީސް އިބްރާހިމް މުހައްމަދު ސޯލިހު ބ. އަތޮޅަށް ފައްޓަވާފައިވާ ދަތުރުފުޅުގައި، އެ އަތޮޅު ދަރަވަންދޫގައި ބޭއްވި ޖަލްސާގައި ވަނީ "ހެޔޮވެރިކަން" ސިޔާސަތުގެ ދަށުން ކޮށްދޭނެ ކަންތައްތައް އާއްމުކޮށްފަ އެވެ.
އެ ސިޔާސަތުގެ "ދައުލަތް ހިންގުމާއި ޖަވާބުދާރީ ކުރުވަނިވި ނިޒާމު ހަރުދަނާކުރުން" ބައިގައި ބުނެފައިވަނީ ރޯދަ މަހުގެ ފަހު 10 އަކީ ގިނަ ބަޔަކު ރޭ އަޅުކަމުގައި މަސްއޫލުވެގެން އުޅޭ ދުވަސްވަރެއް ކަމަށެވެ.
އެހެންވެ، މުވައްޒަފުންނަށް ލުއި ފަސޭހަކޮށްދިނުމަށް ފަހު 10 ގައި "ވޯކް ފްރޮމް ހޯމް" ނުވަތަ ގޭގައި މަސައްކަތްކުރާނެ ގޮތް ތައާރަފްކޮށް، އެކަން ކަނޑައަޅާނެ ކަމަށް ބުންޏެވެ.
ސަރުކާރު މުވައްޒަފުން ގޭގައި މަސައްކަތްކުރާނެ ގޮތް ހުށަހެޅުމުގެ އިތުރުން، ސިވިލް ސާވިސް ހަރުދަނާކުރަން ވެސް ހުށަހަޅާފައިވެ އެވެ.
އޭގެ ތެރޭގައި ސިވިލް ސާވިސް އަކީ ވެރިކަން ހިންގުމުގެ ބާރުގެ ސިޔާސަތުތައް ހަލުވިކަމާއެކު ތަންފީޒުކުރެވޭނެ ފަދަ އެފިޝަންޓް ނިޒާމެއްގެ ގޮތަށް ބަދަލު ކުރުމަށާއި ސިވިލް ސާވިސްގެ ރެގިއުލޭޓަރީ ނިޒާމަކީ ޒަމާނީ ހިންގުމުގެ ގޮތަށް ބައްޓަންކުރެވިފައިވާ ފްލެކްސިބަލް އަސާސްތަކުގެ މައްޗަށް ގާއިމްކުރެވިފައިވާ ނިޒާމެއްގެ ގޮތަށް ބަދަލުކުރުމަށް ސިވިލް ސާވިސްގެ މޮޑެލްއަށް ގާނޫނީ އިސްލާހުތައް ގެނައުމަށް ހުށަހަޅާފައިވެ އެވެ.
ދައުލަތުގެ މުއައްސަސާތަކުގެ ގަވަނަންސްގައި ހުރި ފަރަގުތައް ނައްތާލައި އޮޕަރޭޝަނަލް މިނިވަންކަމާއެކު ދައުލަތުގެ މުއައްސަސާތައް ހިންގޭނެ ޒަމާނީ އޮނިގަނޑެއް ގާއިމްކުރުމަށްޓަކައި، ޕަބްލިކް ސާވިސެއް ގާއިމްކުރުމުގެ ގޮތުން ގާނޫނުތަކަށް ގެންނަންޖެހޭ އިސްލާހުތައް ގެންނާނެ ކަމަށް ވެސް އެމްޑީޕީގެ މެނިފެސްޓޯގައި ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޮނިޓައްޕު ހަސަނު
23 August 2023
މުއިޒު ހުށަ ހަޅަން ވީނުން ރޯދަ މަހު އެއްކޮށް ގޭގަ ތިބެގެން މަސައްކަތް ކުރާ ގޮތަށް. އަދި ގާސިމު ހުށަ ހަޅަންވީނުން ރޯދަމަހު ސަރުކާރުގެ މުވައްޒަފުން އުމްރާގެ އަޅުކަމުގައި މައްކާ މަދީނާގައި ތިބެ އޮފީސް މަސައްކަތް ކުރާ ގޮތަށް.
މޮހޮނު123
23 August 2023
ބޭނުމަކީ؟؟؟
ހިލަބޯ
23 August 2023
އަނެއްކާ ގައުމުގެ އިގްތިސޯދައް ހަމަލައެއްދިނީ މިހާރުވެސް މުޅިތިމަހުވެސް އުފެއްދުންތެރިކަން ހުންނާނީ އެހެންމަސްތަކައްވުރެ ދަށުގަ
ބަޑިތަކުރު
23 August 2023
ދުލެއް ދީފިއްޔާ އެއަށްވުރެ ބޮޑުތަން ދަމައިގަންނާނެއެވެ. ދެންވީ ގޭގައި ތިބެގެން މާބޮޑުކަމެއްނުކޮށް މަސައްކަތް ކުރިކަމަށް ހެދޭށެވެ. އަނެއްކާ ރޯދައަށް ތިބެގެން ކުރިން ނުކުރެވޭ ފާފައެއް ކުރުމަށް މަގެއް ކޮށުނީއެވެ. މިހާރުވެސް އޯޓީދޭތީ ގަޑިހަމަކުރަން މަސައްކަތް ކުރާ މީހުން މަދެއް ނޫނެވެ. ހަމައެގޮތަށް ތިކަންވެސް އެއްބަޔަކު ތެދުވެރިކަމާއެކު ކުރިޔަސް އަނެއް ބަޔަކަށްވާނީ ލިބޭ ރަނުގެ ފުރުޞަތަކަށެވެ.
ހާސަރު
23 August 2023
ދުނިޔޭގައި ކަންހިގަމުންދާގޮތް ނޭގިތިބެ ސިޔާސީ ކޮމެންތައް ކުރަނީ . ގަލްފުގެ ހުރިހާ ގައުމުތަކެއްގާ ވެސް ރޯދަމަހު މަސައްކަތު ވަގުތު ތަކަށް އެކިކަހަލަ ލުއިތައް ދޭ. ދީނީ އަޅުކަމުގައި އުޅޭ މީހުނަށް އެގޭނީ ރޯދަމަހު ފަހުދިހައިގައި މީހުން އަޅުކަމައިގެން އުޅޭ މިންވަރު. މިނިންމުމަކީ ވަރަށް ގިނަ ބަޔަކަށް ހިތް ހަމަޖެހުން ލިބޭނެ ނިންމުމެއް.
ހަދޗ
23 August 2023
މަސައްކަތް ކުރުމަކީ ވެސް އަޅުކަމެއް
ސަބާހޭ ދަރިންނޭ
23 August 2023
މިއޮތީ ވާ ގައުމެއް! އިބޫ ފަހު ދިހައިގަ ބަންދު. ނާޒިމް ފަހު 15. ގާސިމް ރޯދަމަސް އެއްކޮށް. މުއިއްޒު ޝަވާލްމަހާއެކު. ސާބަހޭ ސާބެހޭ
އަޒީލް
23 August 2023
ކޮމެންޓް ކުރައްވާ ވަރަށް ގިނަ ބޭފުޅުން اللهގެ އިސްމުފުޅު ބޭނުންކޮށް ވަކިމީހަކަށް ވަކިގޮތެއްވުމަށް އެބަ އެދޭ. ދީން އެހާ ދަށު ދަރަޖައަކަށް ނުލުމަށް އެދެން. ނޭންގުނަށް އެ ކުރެވެނީ ގޯސްކަމެއް.
ބޮޑުރިޔާ
23 August 2023
ދެން މުއިއްޒު އެހެން ރަށަކަށް އަރާ ބުނާނެ މަވެސް ހަދާނަން
ހުވޭ
23 August 2023
ރޯދަމަހު އޮފީހަށްދިއުމަށްވުރެ ހޫނުގަދަގަޑީގައި ކުޑަވަގުތުކޮޅަކަށް ދަރިން ސްކޫލްދޮށަށް ދެއިރަށް ދުއްވަން މާބޮޑަށް އުނދަގޫ. ފަހުދިހައެއް ސްކޫލް ބަންދުކޮށްފައި އޮފީހަށްދިއުން ރަނގަޅު.
ހަސަންކާރި
23 August 2023
ވަރަށް ބުރަކޮށް އޮފީސްތަކުގައި ތިބޭ ކުދިން މަސައްކަތް ކުރަނީ.. ސަރުކާރުގެ މުއައްސަސާ ތަކުގެ ޚިދުމަތުގެ ފެންވަރުސް ވަރަށް ރަނގަޅު.. ހަމަ ގުޅާލީ ފޯނުނެގީ.. އަނެއްކާ ގިނަވަގުތު އޮފީހުގަ ތިބެނީވެސް. އެހެން ވީމަ ރޯދަމަސް އެއްކޮށް ފްރީކުރަންވެސް ހަމަ ރަނގަޅު އެހެން ނޫންތޯ؟ އަދި ފަހު 10ގެ އިނާޔަތަށް 10،000 ރުފިޔާ ޖަހާލަންވެސް ފެނޭ.