ގާކުނޑި ރީސައިކަލްކޮށްގެން ހިލަވެލި އުފައްދާ ޕްލާންޓެއް ގާއިމްކުރަނީ

ގާކުނޑި ޕްރޮސެސްކުރަން ހާއްސަ ޕްލާންޓެއް ގާއިމްކުރުމުގެ އެއްބަސްވުމުގައި ސޮއިކުރަނީ: ޗައިނާ ކުންފުންޏަކާ ހަވާލުކޮށްގެން ގާއިމްކުރާ މި ޕްލާންޓުން އިމާރާތް ކުރުމަށް ބޭނުންވާ ވެލި ނުވަތަ އެގްރިގޭޓް ތައްޔާރުކުރެވޭނެ --- ފޮޓޯ/އެންވަޔަރްމެންޓް މިނިސްޓްރީ

އައިޝަތު ނުޒުހާ، މިހާރު

31 އޯގަސްޓް 2023 - 21:02

8 comments

އިމާރާތް ކުރުމުގެ ތެރޭގައި އުފެދޭ ކުންޏާއި ތަންތަން ތަޅާލުމުން އުފެދޭ ގާކުނޑި ޕްރޮސެސްކޮށްގެން ހިލަވެލި އުފައްދާ ޕްލާންޓެއް ތިލަފުށީގައި ގާއިމްކުރަން ސަރުކާރުން ޗައިނާ ކުންފުންޏަކާ މިއަދު ހަވާލުކޮށްފި އެވެ.

އޭޝިއަން ޑިވެލޮޕްމަންޓް ބޭންކް (އޭޑީބީ) އާއި ދިވެހި ސަރުކާރު ގުޅިގެން ކުނި މެނޭޖްކުރުމަށް ހިންގަމުންދާ "ގްރޭޓާ މާލެ އެންވަޔަރަމަންޓަލް އިމްޕްރޫވްމަންޓް އެންޑް ވޭސްޓް މޭޖްމަންޓް ޕްރޮޖެކްޓް"ގެ ދަށުން 62.58 މިލިއަން ރުފިޔާއަށް މި ޕްލާންޓު ގާއިމް ކުރަން ހަވާލުކޮށްފައިވަނީ ޗައިނާ ސްޓޭޓް ކޮންސްޓްރަކްޝަން އެންޑް އިންޖިނިއަރިން ކޯޕަރޭޝަން ލިމިޓެޑާ އެވެ.

ތިލަފުށީގެ 39,000 އަކަފޫޓުގެ ބޮޑު ސަރަހައްދެއްގައި ގާއިމްކުރާ މި ޕްލާންޓަކީ އުކާލަން ގެންނަ ގައު ކުނޑި ބޭނުންކޮށްގެން، އިމާރާތް ކުރުމަށް ބޭނުންވާ ވެއްޔާއި ހިލަވެލި ފަސް ގްރޭޑަކަށް ތައްޔާރު ކުރުމުގެ ގާބިލްކަން ލިބިގެންވާ ޕްލާންޓެއް ކަމަށް އެންވަޔަރްމަންޓް މިނިސްޓްރީން ބުންޏެވެ.

އެންވަޔަރްމެންޓް މިނިސްޓްރީން ބުނީ ރާއްޖޭގެ އިމާރާތް ކުރުމުގެ ދާއިރާގައި އުފެދޭ ކުނި މެނޭޖްކުރުމާ ގުޅޭ ގޮތުން ހެދި ދިރާސާއަކުން ރާއްޖޭގައި މިފަދަ ކުނި އުކާލާ މިންވަރު އިތުރުވެފައިވާއިރު، މިފަދަ ކުންޏަކީ އަލުން ރީސައިކަލް ކުރެވޭނެ އެއްޗެއްކަން ހާމަވެފައިވާ ކަމަށެވެ.

އެންވަޔަރްމެންޓް މިނިސްޓްރީން ބުނީ އެ މިނިސްޓްރީގެ އަމާޒަކީ އެއް އަހަރު ތެރޭގައި މި މަޝްރޫއު ނިމުމާއެކު، އަންނަ އަހަރުގެ ތިން ވަނަ ކުއާޓަރުގައި ބޭނުން ކުރަން ފެށުން ކަމަށެވެ.

ފަހުގެ ތަފާސްހިސާބުތައް ދައްކާ ގޮތުގައި ދުވާލެއްގެ 200 ޓަނަށް ވުރެ ގިނަ މިފަދަ ކުނި އުކާލަ އެވެ.

ތިލަފުށި އެންވަޔަރްމެންޓް މިނިސްޓްރީ ވެމްކޯ އިމާރާތްކުރުމުގެ ރައްކާތެރިކަން ކޮންސްޓްރަކްޝަން ދާއިރާ ވޭސްޓް މެނެޖްމެންޓް އޭޝިއަން ޑިވެލޮޕްމެންޓް ބޭންކް

8 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަރުބާދު

01 September 2023

މިޔޮއް އުކާލާހާ ކުނިތައް އަކިރިއައް ހަދާ މެސިނެއް ބަހައްޓާލަންވީނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތްދައްތަ

01 September 2023

ފާރޮށި ކުޑި ހިލަޔަށް ބަދަލު ކުރާ މެޝިނެއްވެސް ބަހައްޓާތި. ރުފިޔާ ކެވޭނެ ގޮތެއް ހޯދަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޭކުބެ

01 September 2023

ގަލާ ހިލައާ މީ ތަފާތު ދޭއްޗެކެވެ. ގައުކުނޑިން ހިލަވެލި އުފެެއްދޭނަމަ ތީ އަޖާބެކެވެ. ގާކުނޑިން އާދައިގެ ވެލި އުފެއްދުމަކީ ދާދި ފަސޭހަ ކަމެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޭޖެހެން ފެނޭ

01 September 2023

އިމާރާތްތަކުގެ ވޭސްޓްގައި ހުންނާނީ ގަލާ ވެލި ނޫންތަ؟ އެއެްޗެހި ވަކިކޮށްލެވުނީމާ އެއޮތީ ރީސައިކްލް ކުރެވިފައި. ގަލާ ވެއްޔާކީވެސް ގަނެގެން ފްރައިޓްކޮށްގެން ބޭރުން ގެންނަ މުދާ ނޫންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެންނާނެކަމަށް

01 September 2023

ދޮހޮއްކޮބޭވެސް ކިޔައި ވެލި ހަކުރަށްވެފައި މާމުއި އުޑުން ވެހިފައި ކަނޑު ޝަރުބަތަށް ވެފައި ވާނަމަ ކިހާ ރަނގަޅުހޭ . ދެން ވެލިން ހިލަ ނުކުތުންވެސް މިދަނީ ފެންނަމުން ކަމަށްވާނަމަ ދޮހުއްކޮބޭގެ ވާނެ ނަމަ އަންނަނީ ގައި އަންނަނީ ޖަހައިގެން އަހަރެމެން މިތިބީ ވަރަށް އުފަލުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

01 September 2023

ގާކުނޑި މައުމޫނު ދައުރުގައި ބޭނުންކުރީ ތިޔަ މަސައްކަތްކުރުމަށް ކަނޑައަޅާފައިވާ ބިން ހިއްކުމަށް. ހަރަދު ދެކޮޅުޖެހޭ އެހެން ގޮތެއް ނެތް. ގާކުނޑިން ރަންވެސް ހެދިދާނެ، އެކަމަކު އެއީ ބާޒާރުގަ ވިއްކަންހުންނަ އަގަށްވުރެ 10 ގުނަ ބޮޑު އަގުގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޥަކި ފަރާތަކައް ބުރަނުވާ ހެކި

31 August 2023

ޗައިނާ އާއި މިސަރުކާރު ގުޅިފަވާ މިންވަރު މިފެންނަނީ.. ސާބަހޭ ރައީސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަމެންދޯ

31 August 2023

ގާކުނޑިން ހިލަވެލި ހެދޭނަމަ ކަޅުބިލަމަސް ގެރި ވިހާނެއޭ ތިޔާއީ ކަނޑުކޮހުން ދައްކާ ޒާތުގެ ވާހަކަތަކޭ ތިޔާއީ އިންޖިނިއަރިންގް ބުނެނުދޭ އެއްޗެކޭ އޭޑީބީން ކުރާ އެއްވެސް ކަމެއްގައި އިށްޓަރެއް ނުހުރޭ މުޅިން ވެސް ސުއްދާނު ނުހިފޭ ކަންކަނޭ ކުރަނީދޯ..