މީރާގެ މުވައްޒަފުން މީހަކަށް ހިދުމަތް ދެނީ.-- ފޮޓޯ: މީރާ
02 ފެބުރުއަރީ 2017 - 22:28
8 comments
މަހެއްގެ މައްޗަށް ލިބޭ އާމްދަނީ 40،000 ރުފިޔާ އަށް މަދު ނަމަ، ވަކި ފަރުދުންނާއި ޑީމްޑް ޕާޓްނަޝިޕްތައް ރަޖިސްޓްރީ ކުރަން ނުޖެހޭ ގޮތަށް މޯލްޑިވްސް އިންލެންޑް ރެވެނިއު އޮތޯރީޓީ (މީރާ) އިން މިއަދު ހަމަޖައްސައިފި އެވެ.
އެ ގޮތަށް ހަމަޖެއްސީ މީރާ އިން ނެރުނު ޓެކްސް ރޫލިންއެއްގަ އެވެ. ކުރިން ކަނޑައަޅާފައިވާ އާމްދަނީގެ ނިސްބަތަކީ 20،000 ރުފިޔާ އެވެ.
ވަކި ފަރުދުންނާއި ޑީމްޑް ޕާޓްނަޝިޕްތަކަށް މީރާ އިން ވަނީ މިދިޔަ ހަފުތާގައި ވެސް ލުޔެއް ދީފަ އެވެ. އެ ގޮތުން، އެ ފަރާތްތަކުން އަހަރަކަށް ޖެހޭ އާމްދަނީ އެއް މިލިއަން ރުފިޔާ އަށް ވުރެ މަދު ނަމަ، ވިޔަފާރީގެ ފައިދާ އިން ނަގާ ޓެކްސް (ބީޕީޓީ)ގެ ބަޔާން ހުށަހަޅަން ނުޖެހޭ ގޮތަށް ވަނީ ހަދައިފަ އެވެ.
މީގެ އިތުރުން، ބީޕީޓީގެ ކަންކަން ބެލެހެއްޓުމުގައި ވެސް މީރާ އިން ވަނީ މި ފަހުން ބޮޑެތި ލުއިތަކެއް ދީފަ އެވެ. އެ ގޮތުން، އަހަރަކު 10 މިލިއަން ރުފިޔާ އަށް ވުރެ މަދުން އާމްދަނީ ލިބޭ ވިޔަފާރިތަކުން، ބީޕީޓީގެ ބަޔާނާ އެކު އޮޑިޓް ރިޕޯޓް ހުށަހަޅަން ނުޖެހޭ ގޮތަށް ވަނީ ހަމަޖައްސައިފަ އެވެ. އޭގެ ކުރިން މި ލުއި ދީފައި ވަނީ އަހަރަކު ފަސް މިލިއަން ރުފިޔާ އަށް ވުރެ މަދުން އާމްދަނީ ލިބޭ ވިޔަފާރިތަކަށެވެ.
އަހަރަކު 10 މިލިއަން ރުފިޔާ އަށް ވުރެ ދަށުން އާމްދަނީ ލިބޭ ވިޔަފާރިތަކުން ހިސާބު ބެލެހެއްޓުމުގައި ފައިސާ ލިބޭ ނުވަތަ ހޭދަކުރާ ތާރީހެއްގައި އާމްދަނީ އާއި ހަރަދުތައް ހިމެނެމުގެ އިހްތިޔާރު ވެސް ވަނީ ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހާސަރު
04 February 2017
ކިޔާ އެއްޗަކާ ވާގޮތް މީރާ އާއި އިކޮނުމިކް މިނިސްޓްރީން އަދި ރަށްރަށު ކައުންސިލް ތަކުން ރައްޔިތުންނަށް ރަގަޅަށް އޮޅުންފިލުވާދީބާލަ.
ޓެކްނިކަލް ޓީމު
04 February 2017
ޓެކްސްދައްކާ ފަރާތްތަކަށް ލުޔެއް ދިނުމުގެ ނިޔަތުގައި ނަމަވެސް، ގުޅުންހުރި ޤާނޫނުތަކާ ފުށޫ އަރާގޮތަށް ލުޔެއް ދެވިދާނެ ކަމަށް ނުދެކެން. ޤާނޫނު ހެދުމުގެ ބާރު އޮންނަނީ ރައްޔިތުންގެ މަޖިލީހަށް. ގަވާއިދު ހަދަންވާނީ ޤާނޫނުން ހުއްދަކުރާ މިންވަރަކަށް، ޤާނޫނުގެ ތަރަހައިގެ ތެރެއިން.
ދިވެއްސެއް
03 February 2017
މިހާރު ނޫހުން ތިޔަ ގެނެސްދެއްވާ ގޮތޮން ރައްޔެތުންނަށް ވަރަށް އޮޅުންއަރާނެ. އޭގައި ވިޔަފާރިއެއްގެ ގޮތުގައި އިކޮނޮމިކް މިނިސްޓްރީގައި ރަޖިސްޓްރީ ކޮށްފައިވާ ފަރާތްތަކެއް ނުހިމެނޭ އެހެން ކަމުން އަދިވެސް ވިޔަފާރިއެއް ވެއްޖެއްޔާ ކުރަންޖެހޭނެ.
ރަށުމީހާ...
03 February 2017
ބޭރުން މުދާގެނެސް އެކަމަކު މެހެއްގެ މައްޗަށް 15000 ހާސް ވެސް ނުޖެހޭ އެކަމަކު ޖީއެސްޓީ ދއްކަން އބަޖެހޭ އަދިއަތޮޅުތަކަުގެ މީރާ ގޮފިތަކުގައި ތިބި ބޭފުޅުންނަށް ވާއެއްނުވާއެއްނޭގެ...ކިހިނެއްމިކަންތަ ރަގަޅުކުރާނީ..
ރަށުންބޭރުމީހާ
04 February 2017
ޖީ.އެސް.ޓީއާ ބީ.ޕީ.ޓީގެ ތަފާތު ނޭންގުނީމަ ވާގޮތެއް ތިއީ.
ޢަހޫ
03 February 2017
ތިޔަ މީރާއިން ދައްކާ ވާހަކަ މިހާރު ގަބޫލެއް ނުކުރަން. ކިތައް ކުދި ވިޔަފާރިތޯ ބޮޑެތި އަދަދު ތަކުން ޖޫރިމަނާ ކޮށްގެން ބަގުރޫޓް ކޮށްލީ.
ދޫހު
02 February 2017
ވަރައް ރަނގަޅު ސުކުރިއްޔާާ ރައީސް
އަފިހުން ގޮއްޔެ
02 February 2017
ހެޔޮފުޅުކަމުން ތިޔަދެއްވާ ހުރިހާ ލުޔެއްގެ ބަދަލު ދޭން ޖެހޭނެތޯ، ތިހުރިހާކަމެއް އިހު ހުރިގޮތަށް ނޫނީ އެއަށްވުރެވެސް ބުރަ ބޮޑުވާނީ ލޯކަލް ކައުންސިލްތަކުގެ އިންތިޚާބު ނިމުނީމަތޯ، އޯސަމް އެންޑް ފްލޯލެސް ސަރުކާރުން މިހާތަނަށް ތިޒާތުގެ ކަންކަން ކޮށްފަ ހުރިގޮތުން ހަމަ އަހާލެވުނީ، ސޮރީ.