ސްޓެލްކޯއިން ކަރަންޓް ހިދުމަތް ދިނުމުގައި ބޭނުން ކުރާ ކޮންޓްރޯލް ރޫމްގައި މުވައްޒަފުން މަސައްކަތުގައި. --ފޮޓޯ: މިހާރު
24 ސެޕްޓެމްބަރ 2023 - 20:57
74 comments
ކަރަންޓަށް ބިލްކުރާ ބޭންޑް ފްލެޓް ރޭޓަކަށް ހެދުމުން ގޭބިސީތަކުގެ މިހާރުގެ ކަރަންޓް ބިލުން 30-50 ޕަސެންޓު ކުޑަވާނެ ކަމަށް ސްޓެލްކޯގެ މެނޭޖިން ޑިރެކްޓާ އަހުމަދު ޝަރީފް މިރޭ ވިދާޅުވެއްޖެ އެވެ.
އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހު ވަނީ ރާއްޖޭގެ ހުރިހާ ގޭބިސީތަކެއްގެ ކަރަންޓު ބިލަށް ވެސް، ކިތަންމެ ގިނައިން ބޭނުންކުރިޔަސް، ބޭންޑުތަކަށް ޗާޖުކުރާ ރޭޓް ބަދަލު ނުވެ އެއް ރޭޓަކުން ބިލްކުރަން ނިންމަވައި އެކަން އިއުލާން ކުރައްވައިފަ އެވެ.
އެ ބަދަލާ ގުޅޭ ގޮތުން ޝަރީފް "މިހާރު" އަށް ވިދާޅުވީ މި އަހަރު ހޫނު މޫސުމުން ފެށިގެން އަންނަ އެންމެ ބޮޑު އެއް ޝަކުވާއަކީ ކަރަންޓު ބިލް ބޮޑުވުމުގެ މައްސަލަ ކަމަށާއި މިހާރު މި އަންނަ ބަދަލާ އެކު އެ މައްސަލަ އެއްކޮށް ހައްލުވެގެން ދާނެ ކަމަށެވެ.
ޓެރިފް ބޭންޑްތަކަށް ކަނޑައަޅާފައިވާ އަގުތައް
ޝަރީފް ވިދާޅުވި ގޮތުގައި މީގެ ކުރިން، ގޭބިސީތަކަށް ގާތްގަނޑަކަށް ހަތް ބޭންޑް ކަނޑައަޅާފައި އޮންނަ ކަމަށެވެ. ކަރަންޓު ބޭނުންކުރާ ވަރަކަށް ކޮންމެ ބޭންޑަކަށް އިތުރުވަމުންދާ ކަމަށާއި އެކަމުގެ ސަބަބުން ބިލް ވަރަށް ބޮޑުވެގެންދާ ކަމަށް އޭނާ ވިދާޅުވި އެވެ.
"ރައީސް މިހާރު އެ ވަނީ ފްލެޓް ރޭޓެއް ކަނޑައަޅަން ނިންމަވާފައި. އެކަމުގެ ސަބަބުން ކަރަންޓު ބިލް 30-50 ޕަސަންޓުގެ އަދަދަކުން ކުޑަ ވާނެ." ޝަރީފް ވިދާޅުވި އެވެ.
ސްޓެލްކޯގެ އެމްޑީ އަހްމަދު ޝަރީފް: އޭނާ ވިދާޅުވީ ބިލްކުރާ ގޮތް ބަދަލުކުރުމުން ޝަކުވާތައް ހައްލުވާނެ ކަމަށް. -- ފޮޓޯ: މިހާރު
އޭނާ ވިދާޅުވީ މިއީ ރައްޔިތުންނަށް ވަރަށް ބޮޑަށް ބޭނުންވެފައިވާ އަދި ދިރިއުޅުމަށް ބޮޑެތި ލުއި ފަސޭހަތަކެއް އަންނާނެ ޕޮލިސީއެއް ކަމަށެވެ.
"ސަރުކާރުން މިހާރު މި ނިންމެވީ ތާރީހީ ނިންމެވުމެއް. މިހާތަނަށް އެވަރުގެ ނިންމުމެއް އެއްވެސް ބަޔަކު ނެތް ނިންމާފައެއް،" ޝަރީފް ވިދާޅުވި އެވެ.
މާލެ ސަރަހައްދުގެ ކަރަންޓް އެވްރެޖުކޮށް ބޭނުން ކުރާ މިންވަރު-- ފޮޓޯ: މިހާރު
ސްޓެލްކޯ އިން މިހާރު ކުރަމުން އަންނަ މަސައްކަތަކީ ރޭޓެއް ކަނޑައެޅުމުގެ މަސައްކަތް ކަމަށާއި އެކަމާ ގުޅިގެން ޔޫޓިލިޓީ ރެގިއުލޭޓަރީ އޮތޯރިޓީއާ އެކު މަޝްވަރާ ކުރަމުން އަންނަ ކަމަށް ޝަރީފް ވިދާޅުވި އެވެ.
ރާއްޖޭގައި ކަރަންޓްގެ އަގުތައް ކަނޑައަޅާ ޓެރިފް ރޭޓުތަކަށް އެންމެ ބޮޑު ބަދަލެއް ގެނެސްފައި ވަނީ 2009 ވަނަ އަހަރު އެވެ. އޭގެ ކުރިން ތިން ބޭންޑަކަށް ކަރަންޓުގެ އަގުތައް ހުއްޓެވެ. ސަރުކާރުން 2009 ވަނަ އަހަރު ގެނައި ބަދަލުގައި ވަނީ ހަތް ބޭންޑަކަށް ކަރަންޓު ޓެރިފް ބައިކޮށްފަ އެވެ. އޭގެ ފަހުން 2016 ވަނަ އަހަރާއި 2019 ވަނަ އަހަރު ކަރަންޓުގެ އަގުތަކަށް ޑިސްކައުންޓްތަކެއް ގެނެސް މާލެ އާއި ރަށްރަށުގެ އަގުތައް އެއް ހަމައަކަށް ގެނައި ނަމަވެސް ޖުމްލަކޮށް މާ ބޮޑު ބަދަލެއް ޓެރިފްތަކަށް ގެނެސްފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
25 September 2023
ފްލެޓް ރޭޓާއި، ފްލެޓާއި ގޯތްޗާއި މިހުރިހާ އެއްޗެހި މިހުރީ ކަރުދާހުގަ. ވޯޓު ހޯދަން ކަނޑަޖެހުމުގައި އާ އުސްމިނަކަށް. މައުމޫނަށް ފާޑުކީ މީހުންގެ ހާލު
ސޮހޮލުސީދީ
25 September 2023
ކޮބާހާ ފުލެޓް ރޭޓް؟ އަދިވެސް ތިރޭޓް ނުފެނޭ؟
ގުލިސްތާ
25 September 2023
ތިޔައީ އަޖައިބު ވަނިވި ކަމެއް ނޫން އަނިޔާގެތެރެއިން ފާލުވީ އަނިޔާއެއް ހާތަ|ށް ދުވަހު ނަގާފަ ހުރި ފައިސާ ހުންނާނެ ހިލޭ ދިނަސް ދައްކާނެ ފައިސާ ހުންނާނެ
ގފގފ
25 September 2023
ރޭޓު ހާމަކުރީމަ އަދި ކޮންމެ ގޭބިސީއަކަށް ބޮޑުތޯ ވަނީތޯ ނުވަތަ ކުޑަތޯ ބަލާފަ ނޫނީ މިވެރިން ދައްކާ ވާހަކައަށް ނުހެއްލޭތި. މިމީޙުންނަކީ ވަރަށް ދޮގުވެެރި މަކަރުވެރި ބައެއް. ރައްޔިތުންއަތުން ބޮޑު ޓެކްސް ނަގާފަ ކޮތަޅަށް ލާރި ނަގާފަ ގަންނަ ހަނޑޫކޮޅަށްވެސް އިތުރު 2 ރުފިޔާ ދައްކަން ޖައްސުވާފަ އެތިބީ. ވޯޓު ލުމުގެ ކުރިން އެބުނާ ފްލެޓް ރޭޓެއް ނުބުނެފިނަމަ ބަލާ އެއީ އޮޅުވާލުމެއްކަމަށް.
ފްލެޓް
25 September 2023
އަހަރެމެން ނޫޅެން އަގު ހެޔޮވާކަން ނޭގިގެނެއް. އަހަރެމެން މިބުނަނީ ތިމީހުން ރައްޔަތުން ޖީބުލޫޓުވުން ހުއްޓާލާށޭ. ރައްޔަތުންނަށް ޒަރޫރީ ބޭނުން ފުއްދޭނެ ލާރިކޮޅެއްވެސް ކުލި ދައްކާފަ ނޯވެޔޭ ބުނީމާ އަޑުއަހަނީ ކާކުތަ. މިމާލޭގައި ދިރިއުޅެން މަޖުބޫރު ތިކުރުވަނީ އަހަރެމެން ބުނެގެން ތަ؟ މިނޫން ބިމެއް ރާއްޖޭގައި ހަމަ ނެތީތަ. މިއިން އެއްވެސް ވެރިއެއް ހޮވަން ރައްޔަތުން ވޯޓެއްވެސް ދޭނެ ކަމެއްނެތް. މިމީހުން ނޫން ގޮތެއް ދިވެހިން އެބަޖހޭ ހޯދަން.
އިސްމާލި
25 September 2023
ރައީސް މީހާ ހަމަ ތިގޮތަށް މޯލްޑިވިއަން ގެ ޓިކެޓު ވެސް އަގުހެޔޮ ކުރީމު ނޫންތޯ؟ އަގުހެޔޮވި ޓިކެޓު ނުލިބި ރައްޔިތުން ހަނާ ވަނީ./
އިސްމާލި
25 September 2023
ބަލަ ރައީސް ވިދާޅުވީ ފްލެޓް ރޭޓް ކަނޑައަޅާ ވާހަކައެއްް ނޫނޭ. ރައީސް ވިދާޅުވީ ކަރަންޓު ބިލް ކުޑަކުރާ ވާހަކައެއް ނޫނޭ. ރައީސް ވިދާޅުވީ ކިތަންމެ ގިނައިން ބޭނުންކުރިއަސް ކަރަންޓުބިލް ބޮޑު ނުވާނެ ކަމަށް. ފްލެޓް ރޭޓް ހެދިއަސް ގިނައިން ބޭނުންކުރީމަ ބިލަށް އަރާވަރު ގިނަވާނެ ދޯ. ރައީސް އެހެން ވިދާޅުވީމަ އަހަރެން މިހާރު އިތުރު 3 އެއަރކޯން އާ ރިސޯޓް ފެންވަރުގެ ފެން ހީޓަރެއް ގަންނަން އޯޑަރު ޖަހައިފިން. މި ކިހާބޮޑު ގެއްލުމެއް.
އަފުން
25 September 2023
އިޚްލާސްތެރިކަމެއްނެތި ވޯޓަށް ކޮށްލާ ތިޒާތުކަންކަން ދާނީ ޗޮކުންހެން ހަމަ ހީވަނީ، ކޮޗިން ފެރީގޮތަށް ޗޮކުން ދާތަން އެބަފެނޭ. ތިޔަ ފްލެޓް ރޭޓް ފުލެޓްވާތަން ހަމަ ފެންނަނީ.
ސަޜީފުއަލީ
25 September 2023
ފްލެޓް ރޭޓެއް ކަޑަ އަޅާއިރު 2.15ރ އަށް ވުރެ ބޮޑުރޭޓެއްކަޑައަޅައިފިނަމަ ކުދި ފެމެލީ ތަކުގެ ބިލް ބޮޑުވާނެ.
ހހހހ
25 September 2023
އެއްކަލަ 500 ރުފިޔާއިން ބޮޑުވާނެ ކަމަށް ބުނިއިރު ހާހުން ހާހުން ބޮޑުވި މީހުން ގިނައީ. ދެން އަނެއްކާ އަނެއް ސިމްޕްލިފިކޭޝަން ބޭނުންކޮށްގެން ގުނބޯ ހައްދަން. ތިބުނާ އެއްޗެއް ކުޑަވާނީ މުއްސަނދިންގެ ބޮޑު ބިލުތަކުން. ނިކަމެތިމީހާ އަށް ކުޑަ ނުވާނެ.