އިންޓަނޭޝަނަލް ޑްރައިވިން ލައިސަންސަށް އެދުމުގެ ފުރުސަތު ހުޅުވާލައިފި

ޓްރާންސްޕޯޓް މިނިސްޓްރީގެ އިދާރާ: އިންޓަނޭޝަނަލް ޑްރައިވިން ލައިސަންސަށް އެދުމުގެ ފުރުސަތު ވަނީ ހުޅުވާލައިފައި.-- ފޮޓޯ: ނިޝާން އަލީ | މިހާރު

އިފްރާޒް އަލީ، މިހާރު

27 ސެޕްޓެމްބަރ 2023 - 10:46

6 comments

އިންޓަނޭޝަނަލް ޑްރައިވިން ލައިސަންސް ހޯދުމަށް ފުރިހަމަ ކުރަން ޖެހޭ ތަމްރީން ޕްރޮގްރާމްގައި ބައިވެރިވުމުގެ ފުރުސަތު ޓްރާންސްޕޯޓް މިނިސްޓްރީން އިއްޔެ ހުޅުވާލައިފި އެވެ.

އެ މިނިސްޓްރީން ކުރި އިއުލާނެއްގައި ބުނީ، އެއްގަމު އުޅަނދު ދުއްވުމަށް ދޫކުރާ ލައިސަންސްތައް ބައިނަލްއަގުވާމީ ގޮތުން ކަނޑައަޅާ މިންގަނޑުތަކަށް ފެއްތުމަށް ކުރަމުން އަންނަ މަސައްކަތްތަކުގެ ތެރެއިން، "އިންޓަނޭޝަނަލް ޑްރައިވިން ލައިސަންސް" ހޯދުމަށް ފުރިހަމަ ކުރަން ޖެހޭ ތަމްރީން ޕްރޮގްރާމްގައި ބައިވެރިވުމުގެ ފުރުސަތު މިހާރު ހުޅުވާލާފައިވާ ކަމަށެވެ.

އެ ޕްރޮގްރާމްގައި ބައިވެރިވުމަށް އެދޭ މީހުން މިނިސްޓްރީގެ ސިމްސް ޕޯޓަލް މެދުވެރިކޮށް އެކަމަށް އެދުމަށް އެ އިއުލާނުގައިވެ އެވެ.

އެ އިއުލާނުގައި ބުނީ ތަމްރީން ޕްރޮގްރާމުގައި ބައިވެރިވުމަށް އެދެވޭނީ މިނިސްޓްރީން ދޫކޮށްފައިވާ އޭ-ޒޯނުގެ "ދާއިމީ ލައިސަންސް" ލިބިފައިވާ މީހުންނަށް ކަމަށެވެ. އިންޓަނޭޝަނަލް ޑްރައިވިން ލައިސަންސް ދޫކުރާނީ ތަމްރީން ޕްރޮގްރާމް ފުރިހަމަކޮށްފައިވާ މީހުންގެ ތެރެއިން މިނިސްޓްރީން ޝަރުތު ފުރިހަމަވާ ކަމަށް ކަނޑައަޅާ މީހުންނަށް ކަމަށް ވެސް ބުންޏެވެ.

މިނިސްޓްރީން ދޫކުރާ "އިންޓަނޭޝަނަލް ޑްރައިވިން ލައިސަންސް" އަކީ އދ. ގެ "ވިއެނާ ކޮންވެންޝަން އޮން ރޯޑް ޓްރެފިކް 1968" ގައި ބައިވެރިވެފައިވާ ގައުމުތަކުގައި ގަބޫލުކުރާނެ ލައިސަންސެއް ކަމަށް ވެސް އެ އިއުލާނުގައި ބުންޏެވެ.

އެއްގަމު އުޅަނދު ދުއްވުމަށް ޓްރާންސްޕޯޓް މިނިސްޓްރީން ދޫކުރާ ލައިސަންސްތައް ބައިނަލްއަގުވާމީ ގޮތުން ކަނޑައަޅާ މިންގަނޑުތަކަށް ފެއްތުމަށް ގިނަ މަސައްކަތްތަކެއް ކުރަމުން އަންނަ ކަމަށް ސަރުކާރުން ކުރިން ވެސް ބުނެފައިވެ އެވެ. ރާއްޖޭގެ ލައިސަންސް އެހެން ގައުމުތަކުގައި ބޭނުންކުރެވޭ ގޮތް ހަދަން ބައެއް ގައުމުތަކާ އެކު މަޝްވަރާ ވެސް ކުރި އެވެ.

ދަތުރުފަތުރު ޑްރައިވިން ލައިސަންސް ޓްރާންސްޕޯޓް މިނިސްޓްރީ

6 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްޑޫޅް +

28 September 2023

ތަމްރީނު ކުރާއިރު ކިހިނެއް 8 ލޭނު ހައިވޭ އާއި، އޯޓޯބާން ގަ ދުއްވަން އެގޭތޯ ބަލާނީ؟ ކަލޭމެންގެ ތިޔަބުނާ ލައިސަނު ގަބޫލުކުރުމާ ވައްތަރީ، ޓުވަލޫ، ކިރިބަސީ، އަންޒަމާނު، ނާގަބާޑި، މަލިކު، މިކަހަލަ ތަންތަނުގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްލު މިއޮތީ

03 October 2023

ނީޑް ފޯ ސްޕީޑް މޯސްޓް ވޯންޓެޑް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލައިސަންސު

27 September 2023

މިވެސް ހަމަވޯޓް ކައިރިވާތީ. އަޖަބެއްކަހަލަ ކަމެކޭދޯމީ. ވޯޓް ލާންވީމާ ހާދަހާވާ ހެޔޮފުޅޭ ކެކެކެކަކަކ. އެކަމްނޯ ވޯޓް. ގެޓް އައުޓް. ވޯޓް ލާނީ 4 ނަންބަރަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮންސާން

27 September 2023

އެޕުލައި ކުރަންވީތަނެއް ގޮތެއް ނޭެގެ 15މިނެޓުގެ ޕެރެގުރާ ފެއް ލިޔުނުއަރު. ޓުރާންްޕޯޓުގަ 50 ޕޯޓަަލް އޮންނައިރު ކޮން ޕޯޓަލް އަށް ކަން ވެސް ނޭގެ. ބޭކާރު އަގަ ! ކިންކިން ކުރެވޭނެގޮތުގެ މައުލޫމާތު ހޯދާލިޔެ ބަލަ މީހަކު ބުނާހާ އެއްޗެއް ނުލިޔެ !

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިމްސް ޕޯޓަލް

27 September 2023

ކުރިން އޮތް ނެތްކަމެއް ނޭނގެ، މިހާރު އެބައޮތް: “އެ ޕްރޮގްރާމްގައި ބައިވެރިވުމަށް އެދޭ މީހުން މިނިސްޓްރީގެ ސިމްސް ޕޯޓަލް މެދުވެރިކޮށް އެކަމަށް އެދުމަށް އެ އިއުލާނުގައިވެ އެވެ.”