ވޯލްޑް ބޭންކް އިދާރާ. ދަރަނީގެ ހާލަތުގެ ސަބަބުން 2026 ގައި ޕްރައިވެޓް ސެކްޓަރަށް އަސަރު ކުރާނެ-- ފޮޓޯ: ވޯލްޑް ބޭންކް
07 އޮކްޓޯބަރ 2023 - 09:08
47 comments
ރާއްޖެ އިން އެން ބޮޑު އަދަދެއްގެ ދަރަނި އަދާކުރަން ޖެހޭ 2026 ގައި އެއް ބިލިއަން ޑޮލަރު (15.4 ބިލިއަން ރުފިޔާ) ދައްކަން ޖެހުމުގެ ސަބަބުން ރާއްޖޭގެ ޕްރައިވެޓް ސެކްޓަރަށް އޭގެ އަސަރުތައް ކުރުމުގެ ފުރުސަތު ބޮޑު ކަމަށް ވޯލްޑް ބޭންކުން ބުނެފި އެވެ.
އެ ބޭންކުން ނެރުނު މި ސަރަހައްދުގެ އިގްތިސާދީ ހާލަތާ ގުޅޭ ރިޕޯޓުގައިވާ ގޮތުން، މާލީ އެންމެ ބޮޑު ގޮންޖެހުމެއް ރާއްޖެ އަށް އެ އަހަރު ކުރިމަތިވާ އިރު ލޯނުތައް ދެއްކުމަށް އެހާ ގިނަ އަދަދެއްގެ ފައިސާ އެއްފަހަރާ ބޭނުންވެ، ފައިނޭންސިން ހޯދުމަށް ބޮޑެތި ގޮންޖެހުންތަކާ ކުރިމަތިވާނެ އެވެ. ބޭރުގެ ފައިނޭންސިން ހޯދުމަށް ގޮންޖެހުންތައް ކުރިމަތިވެ، މާލީ ދާއިރާ އަށް އެކަމުގެ އަސަރު ކުރާނެ ކަމަށް ވޯލްޑް ބޭންކުގެ ރިޕޯޓުގައި ބުންޏެވެ.
މީގެ ތިން އަހަރު ފަހުން، ތިން ގުނަ ބޮޑު އަދަދަކަށް ރާއްޖެ އިން ދަރަނި އަދާކުރަން ޖެހެ އެވެ. އެހެންވެ، ރާއްޖޭގެ ފިސްކަލް ހާލަތަށް ބަދަލު އަންނާނެ ކަމަށް ވޯލްޑް ބޭންކުން ބުންޏެވެ.
މިކަމުގެ އަސަރު އެހާ ބޮޑަށް ކުރަނީ ރާއްޖޭގެ ބޭރު ފައިސާގެ ރިޒާވު ދަށްވުމުން ކަމަށް އެ އިދާރާއިން ބުންޏެވެ. ވޯލްޑް ބޭންކުން ބުނީ، މާލީ ގޮތުން މުޅި އިގްތިސާދަށް ކުރިމަތިވާ ތާށިކަން ޕްރައިވެޓް ސެކްޓަރަށް ވެސް ކުރާނެ ކަމަށެވެ.
ދެހާސް ސައްބީސް ވަނަ އަހަރު ދައްކަން ޖެހޭ ދަރަނީގެ 50 ޕަސެންޓަކީ މި ސަރުކާރުން 2021 ވަނަ އަހަރު ނެގި 500 މިލިއަން ޑޮލަރު (7.7 ބިލިއަން ރުފިޔާ) ގެ ސުކޫކެވެ. އެ ސުކޫކުގެ ބޮޑު ބައެއް ހޭދަކުރީ ކުރީގެ ރައީސް އަބްދުﷲ ޔާމީންގެ ސަރުކާރުން 2017 ވަނަ އަހަރު ނެގި "ސަނީ ސައިޑް" ބޮންޑު ދެއްކުމަށެވެ.
މި އަހަރު ނިމޭ އިރު ރާއްޖޭގެ ދަރަނި 115 ޕަސެންޓަށް އަރާނެ ކަމަށް ވޯލްޑް ބޭންކުން ލަފާކުރެ އެވެ. ސަރުކާރުން ލަފާކުރަނީ ދައުލަތުގެ ދަރަނި 114 ބިލިއަން ރުފިޔާ އަށް މި އަހަރު ނިމޭއިރު އަރާނެ ކަމަށެވެ. ފިނޭންސް މިނިސްޓްރީން އަހަރުގެ ފުރަތަމަ ކުއާޓަރުގައި ހާމަކުރި މައުލޫމާތުން އެނގޭ ގޮތުން ދައުލަތުގެ ދަރަނީގެ ތެރެއިން 49 ބިލިއަން ރުފިޔާ އަކީ ބޭރުގެ ދަރަންޏެވެ. އެތެރޭގެ ދަރަންޏަކީ 59 ބިލިއަން ރުފިޔާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަހުމަދުބެ766
07 October 2023
2017ގަ 336.77 މިލިޔަން ރުފިޔާ 2018ގަ 1,315.26 މިލިޔަން ރުފިޔާ 2019ގަ 1,385.21 މިލިޔަން ރުފިޔާ 2020ގަ 393.64 މިލިޔަން ރުފިޔާ 2021ގަ 453.75 މިލިޔަން ރުފިޔާ 2022ގަ 849.31 މިލިޔަން ރުފިޔާ ދެން މިހިސާބުތަކުން ކިޔާ ފާޑެއް ކިޔާބަ!
ކޮރަލް
07 October 2023
5 ބިލިއަން ލޯން ނަގައިފިނަމަ 1 ބިލިއަން ކާލާނެ އެވެ. އެއީ ކޮރަޕްޝަން ގެތެރެއިން ނެވެ. ޕާޓީ ތަކުން ކޮރަޕްޝަންގެ ވާހަކަ ނުދައްކާ ނެ އެވެ. ރައްޔިތުންވެސް ދައްކާ ނީ ލޯން ގެވާހަކަ އެވެ. 1 މިލިއަން އަށް ކުރެވޭ މަސައްކަތެއް 5 މިލިއަން އަށް ކުރިއަސް އެ މައްސަލަ އެއް ނުބަލާނެ އެވެ.
އަލީމު
07 October 2023
ބަލަތީ ހަމަރައްޔިތުން ބޭނުންވިގޮތޭ! މިހާރުހަޅޭއްލަވާނެކަމެއްނެތް: "ދައްކަން ޖެހޭ ދަރަނީގެ 50 ޕަސެންޓަކީ މި ސަރުކާރުން 2021 ވަނަ އަހަރު ނެގި 500 މިލިއަން ޑޮލަރުގެ ސުކޫކެވެ. އެ ސުކޫކުގެ ބޮޑު ބައެއް ހޭދަކުރީ ކުރީގެ ރައީސް އަބްދުﷲ ޔާމީންގެ ސަރުކާރުން 2017 ވަނަ އަހަރު ނެގި "ސަނީ ސައިޑް" ބޮންޑު ދެއްކުމަށެވެ." އެއައް ވުރެސާފު ކޮށްލިޔުނީމަވެސްހަމަނޭގޭކަމަށްހަދާ ބަޔަކަށް ދުވަހަކުރަގަޅު ގޮތެއް ނޯންނާނެ! "ސަނީސައިޑް" ބޮންޑު ކާލިމީހާއެހެރީކުޑަދޮރުކައިރީ!
އިސްމާލި
07 October 2023
ސަނީ ސައިޑް ބޮންޑު ދައްކަން ލޯނު ނަގަން ޖެހުނީ ސޮވަރިން ފަންޑުގައި ހުރި ޑޮލަރު ކޮޅު މި ސަރުކާރުން ނެގީމައި ކަމަށް ވަނީ. ޑޮލަރު ކޮޅު ނެގީ ކޮވިޑާއި ގުޅިގެނޭ ނުބުނާތި. ކޮވިޑަށް އެތައް މިލިއަން ޑޮލަރު ލިބުނު. އެ ފައިސާތައް ބެހީ "ބަދަލު" ގެ ގޮތުގައި ގާތް މީހުނަށް.
ނަފީސާ
07 October 2023
ފައިބައިގެން ދަމުން ބުނެލީ ކުރެވުނީ ހެޔޮވެރިކަމެއް ކަން އިހުސާސް އެބަކުރެވެޔޯ.
ތާރޭ
07 October 2023
ނިއްކުރިއަށް ރުލެއްއަރުވާނުލާ ދޮގުހަދަން މޮޅުވާނެ.
ހުސެން555
07 October 2023
އެމް އޭ އިން މިދިޔަ އަހަރު ވެސް ކުރި ދިރާސާ އެއްގައި، 2026 ވަނަ އަހަރު ޑޮލަރު -/42 އަށް އަރާނެ ކަމަށް ވަނީ ލަފާ ކޮށްފަ !!!
ނަދުރޭ ސޯ
07 October 2023
ދަރަނީގެ ތެރެއިން 49 ބިލިއަން ރުފިޔާ އަކީ ބޭރުގެ ދަރަންޏެވެ. އެތެރޭގެ ދަރަންޏަކީ 59 ބިލިއަން ރުފިޔާ އެވެ. ފޯޓީ ނައިން ޕްލަސް ފިފްޓީ ނައިން ހައުމަޗް؟
ގުދުގުދާބެއްޔާ
07 October 2023
12 ޕަސެންޓައް ޖީއެސްޓީ ބޮޑުކޮއްލާ! ހާސް ކަނޑާލާ!
އަކްމެޑް
07 October 2023
ވެރިކަމަށް އަންނަ ބަޔަކު ބޭނުންވަރަކަށް ލޯނު ނެގުމާ ދައުލަތަށް ދައްކަންޖެހޭ ފައިސާ މާފުކުރުންފަދަ ކަންތައްތައް ހިތުހުރިގޮތަކަށް ކުރެވިގެން ނުވާނެ.
ގުއިރޯނުގަ ޖެއްސުން
07 October 2023
މިއީ ޑިމޮކްރަސީ އައިމަ ސިޔާސީ މީހުން އެކަކު އަނެކަކައް ވުރެ މޮޅުވާންވެގެން ގައުމުގެ ނެތް ފެންވަރުން ދިވެހިން ނައް ތަރި ބާލަދިނީމަ ވާގޮތް!
ކަކުނިބޯ
07 October 2023
މިއީ ޤައުމު ހަކުރާޖަހާގެން ކެއުން. މިއީ ގަސްތުގައި ދަރުވާލުން މިސާލު ޕޯޓެއްހަދާކަށް ހިލޭއެހީއެއްނުލިބޭނެ އެކަމު ފެނާ ނަރުދަމާއަށް ހިލޭއެހީލިބޭނެ. ޢަމިއްލަފއިސާއިން ކުރާވައްތަރުގެ އިންވެސްޓްމަންޓާއި ލޯނުނަގާގެން ކުރާ އިންވެސްޓްމަންޓާއި ހިލޭއެހީހޯދާގެން ކުރާއިންވެސްޓްމަންޓް ނޭންގޭ ޕަބްލިކްފައިނޭންސް މެނޭޖްކުރަން ނޭންގި ނުވަތަ ނޭންގޭކަމަށްހަދާ ޖީބު ބޮޑުކުރުން މައްސަލަޔާ އިންވެސްޓްމަންޓްތަަށް އެހެރީ ފަލަމަޑީގެގޮތުގައި
މަޖާސީ
07 October 2023
އެހެންވީމާ ގަމާރީ ކޮންބައެއްބާ؟ އަބަދުވެސް ސަނާކިޔުމުގައި އުޅޭގައުމެއް ރާއްޖެ ނޫނީ އޮންނާނެހެނެއް ހިއެއްނުވޭ. މިހާރުވެސް މުއިއްޒަށް ތައުރީފްގެ ލަވަނޫންއެއްޗެއް ނީވޭ.
ވިސްނާލައްވާ ބހ
07 October 2023
މިކަން ރިޔާސީބަހުސްގަ ފާހަގަކުރި، އެކަށޭނަ ޖަވާބެއް ނުލިބި ދެންވެސް ވެރިކަންބޭނުންވެގެން މަރުދަން ޖެހޭތަންފެނިގެން ދިޔައީ، މިކަން މިގޮތަށް އޮއްވަ އަގުބޮޑުބިންތަށް ބަހާ އަޅާލީ، 5 އަހަރުގެ ދައުރެއް ނިގެން ދިޔައީ އެންމެ ރުފިޔާއެއްވެސް ބްރިޖްބޭނުންކުރާ ފަރާތްތަކުންނުނަގާ، ވޯޓުގެ ދަހިވެތިކަމުގަ ޕާކިންސްޓިކާ ޖޫރިމަނާމާފްކޮށްދިނީ، ބޭކާރުގޮތުގަ ކަންވެސްނުވެ އެތަށް ބަދަލުދީ އެތަށް ބަޔަކަށް ބަހާއަޅާލީ، މިހެންގޮސް ނަންހުސްކޮށް...ބޯހަލާކު