ސައުދީ ފަންޑުގެ އިސްވެރިންާއި ފިނޭންސް މިނިސްޓްރީން ބައްދަލުކުރައްވަނީ. ސައުދީ ފަންޑުން 150 މިލިއަން ޑޮލަރުގެ އެހީ އެއް ވަނީ ދީފައި-- ފޮޓޯ: ފިނޭންސް މިނިސްޓްރީ
15 އޮކްޓޯބަރ 2023 - 14:42
38 comments
ވެލާނާ އިންޓަނޭޝަނަލް އެއާޕޯޓް (ވީއައިއޭ) ގެ އާ ޓާމިނަލްގެ މަސައްކަތް ނިންމަން 100 މިލިއަން ޑޮލަރު އަދި ރާއްޖޭގެ ސިއްހީ ދާއިރާ ތަރައްގީ ކުރުމުގެ ކަންކަމަށް ސައުދީ ފަންޑުން 50 މިލިއަން ޑޮލަރު ދޭން ނިންމައިފި އެވެ.
ޖުމުލަ 2.3 ބިލިއަން ރުފިޔާ ރާއްޖެ އަށް ދޭން ނިންމިކަން ރާއްޖޭގައި ހުންނަ ސައުދީ އެމްބަސީގެ އިސް އޮފިޝަލަކު "މިހާރު" އަށް މިއަދު ކަށަވަރު ކޮށްދެއްވި އެވެ.
އެނގިފައިވާ ގޮތުގައި އެއީ ދިވެހި ސަރުކާރުން އެދިގެން ސައުދީ ފަންޑުން ހަމަޖައްސައިދިން ފައިސާ އެވެ. އެ ފައިސާ ރާއްޖެ އަށް ދޫކުރަން އެ ފަންޑުން ނިންމީ މިދިޔަ ހަފުތާގަ އެވެ.
އެއާޕޯޓް ތަރައްގީ ކުރުމަށް މީގެ ކުރިން 2016 ވަނަ އަހަރު ވެސް ސައުދީ ފަންޑުން ވަނީ 100 މިލިއަން ޑޮލަރުގެ ލޯނެއް ދީފަ އެވެ. އެހެންވެ، އެއާޕޯޓު ތަރައްގީ ކުރަން ސައުދީ ފަންޑުން ދިން އަދަދު 200 މިލިއަން ޑޮލަރު (ތިން ބިލިއަން ރުފިޔާ) އަށް މިހާރު އަރާނެ އެވެ.
ސައުދީ ފަންޑުގެ އެހީއާ ގުޅޭ ގޮތުން އިތުރު މައުލޫމާތު ހޯދުމަށް ފިނޭންސް މިނިސްޓްރީ އަށް ގުޅުމުން ވަނީ ޖަވާބެއް ލިބޭ ގޮތް ނުވެ އެވެ.
ކުރީގެ ރައީސް އަބްދުﷲ ޔާމީންގެ ވެރިކަމުގައި ސައުދީގެ ބިންލާދިން ގްރޫޕާ ހަވާލު ކޮށްގެން އިމާރާތް ކުރަން ފެށި އާ ޓާމިނަލްގެ މަސައްކަތް ނިމޭނެ ކަމަށް މި ސަރުކާރުން ލަފާކޮށްފައި ވަނީ 2025 ގަ އެވެ. އެކި ސަބަބުތަކާ ހެދި އެ ތަނުގެ މަސައްކަތް ވަރަށް ބޮޑަށް ވަނީ ލަސްވެފަ އެވެ.
މިދިޔަ ފަސް އަހަރު ވެސް ސައުދީ ފަންޑުން އަންނަނީ ރާއްޖޭގެ ތަރައްގީގެ މަޝްރޫއުތަކަށް ބޮޑެތި އެހީތަކެއް ދެމުންނެވެ. މަސްވެރިކަމުގެ ދާއިރާ ފުޅާ ކުރަން 25 މިލިއަން ޑޮލަރު (385 މިލިއަން ރުފިޔާ) ގެ ލޯނެއް ވަނީ ދީފަ އެވެ. ހައުސިން މަޝްރޫއަކަށް ވެސް 25 މިލިއަން ޑޮލަރުގެ (385 މިލިއަން ރުފިޔާ) އިން ދިނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްޑޫޅް +
16 October 2023
އިންޑިޔާ ސިފައިންގެ މުސާރަ އާއި ކޮއްތު ހަމަޖެހުނީ.
އަހުމަދޭ
16 October 2023
ތިހުރިހާ ލާރިއަކަށް ވީގޮތެއް ބަލަން އެބަޖެހޭ.
އަބްޑޫޅް +
16 October 2023
އެއީ ރިޔާލަ. ލާރިއެއް ނޫން.
އޮނަރަބްލް އަފީފު ދީދީ
15 October 2023
ހިންނަވަރުމީހާ 1.5 މިލިޔަން ޕެސެންޖަރުންނަށް ހިދުމަތްދޭން ތަރައްޤީ ކުރާން ވިދާޅުވި ގޭންއިންޓަރނޭޝަނަލް އެއަރޕޯޓް ތަރައްޤީ ކުރަނީ އައްޑޫ ފަރުން ބޮލި ހިލައިގެން އެބޮލިން އަގުއަދާ ކުރާ ގޮތަށްތޯ!؟ ބައެއްމީހުން އެބަބުނީ އާދަކާދައިގެ މަތިން މިފަހަރުވެސް އައްޑޫ އެއަރޕޯޓުގެ ނަމުގައި ނެގި ލޯނު ބޭނުންކުރަނީ މުޤައްދަސް ރަށްގަޅުގެ އެއަރޕޯޓަށް ބޭނުންވާ މެޝިނަރީއާއި ބައެއްކަހަލަ އިކްއިޕްމަންޓްސް ގަތުމަށް ކަމަށް.
އަސްތާ
15 October 2023
ހެޔޮނުވާނެ ތިޔަ އެހީ އަދި މަޑުޖައްސާލާ، ތީގެ ދުވަސް ތި ދިޔައީ… ތި އެއަރޕޯޓު ފެށީ ބަޖެޓް ނުކޮށްތަ؟؟ ބޯހަލާކު
މަގުލަސް
16 October 2023
މީގެ ކުރިންވެސް ސައުދީން ރާއްޖެއަށް އެހީވޭ. އެއީ ވަކިމީހަކު ވެރިކަމުގައި ހުންނާތީ ކުރާކަމެއްނޫން. މުއިއްޒު ވެރިކަމުގައި މިއަށްވުރެ މާ ގިނަ އެހީތައް ލިބޭނެކަމަށް އުންމީދުކުރަން. ކާށިދޫ ކަނޑުން އަރަބި ތެޔޮހޮޅިތައް މައްޗަށް އަރާތަން ފެނުނީމަ ކޮންފަދަ އުފާވެރިކަމެއްތޯ.
ްއ އަހްމަދު
15 October 2023
ތިޔަލާރިކޮޅު މިސަރުކާރާ ހަވާލުކޮށްފިއްޔާ ތިޔައެތިކޮޅުވެސް މުސާރަދީހުސްކޮށްލާނެ ސައުދީ ސަރުކާރުން މިސަރުކާރާ އެލާރިކޮޅު ހަވާލުނުކުރާނެކަމަށް އުންމީދުކުރަން
ބަޑިތަކުރު
16 October 2023
ކޮންކަމަކާ ހާސްވަނީ. އާސަރުކާރަކީ އަރަބިދުނިޔެއާ މާބޮޑަށް ގާތް ރަހުމަތްތެރި ބަޔަކަށްވާނެކަމާއި، އަރަބިން ކައިގެން ތިބިއްޔާ ދިވެހިން ބަނޑަށް ނުޖެހޭނެކަމަށް އޮތީ ބުނެފައެއްނޫންތޯ. އެހެންވީމާ މިސަރުކާރަށް އެދިން އެއްޗެއްގެ އެތައްގުނައެއް އިތުރަށް އާ ސަރުކާރަށް ދޭނެންނޫންތޯ.
ފޮކްސް
15 October 2023
ފަންޑްތަކާ ލޯނުތަކުން ލިބޭ ފައިސާއަށް ކީއްބާ ކުރަނީ އެއްވެސް ޕްރޮޖެކްޓެއްނެތޭ ފެނުންމަތިންނާ ބިމުންމަތިން ފެންނާކަށް. ޓ.ކޮމޓީން ރަނގަޅަށް ބަލާތި މިކަންތައް
ވާން ޗޯ
15 October 2023
ފ. އަތޮޅު ޑީލްގަ ހިމަނާލާތި
ޖުހާގެ
15 October 2023
ބިލިޔަނުން އަދަދު ކިޔާއިރު، ވިސްނާ ވިސްނާ ތި ރުފިޔާއިން ކުރިކަމެއް ނުވިސްނުނު! ބުނެދެވިދާނެތޯ؟
އަސް
15 October 2023
އުސްކޮށް ހެދީމަ އެކަނި ކަލޭމެންނަށް ފެންނާނީ.
ބުރާންތި އާދަނު
15 October 2023
މިއީ ހިލޭ ދިން ފައިސާބާ....ލޯނު ލޯނަށްވެ ދަރަންޏައް ވާނީ ހަމަ އިންޑިޔާ އިން ނެގީމާ....ތި ސައުދީން ގެ މުއްސަދިކަން ބޭނުން ކޮށް ފަލަސްތީން އަށް އެހީތެރި ވެދީ ޔާހޫދިން ނާ ދެކޮޅަށް ހަތިޔާރު އުފުލަ ބަލަ
ހެހެހިލޭ
16 October 2023
ހެހެ ކާކުތަ ހިލޭ އެއްޗެއް ދޭނީ.
އަކްމެޑް
15 October 2023
ރަނުންތަ ތިޔަ ޓާމިނަލެއް ހަދަން ތިއުޅެނީ؟
ބެކްބެޑް
16 October 2023
އިލޮށިންނެއްނޫން ހަދަނީ. ގޮސް ބަލާބަލަ. ގުޅިނުދެކޭ ކާޅެއްތަތީ؟