އެސްއޯއެފްގެ ހިއްސާދާރެއް ކަމަށްވާ އައްލާމް: އޭނާ މިހާރު އުޅެނީ ރާއްޖޭން ބޭރުގައި ފިލައިގެން
06 ފެބުރުއަރީ 2017 - 14:26
9 comments
މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ބޮޑު ޚިޔާނާތާ ގުޅުން އޮތް ކަމަށް ތުހުމަތު ކުރެވޭ އެސްއޯއެފް ކުންފުނި އަތުން 160 މިލިއަނަށް ވުރެ ގިނަ ރުފިޔާ ހޯދަން އެމްއެމްޕީއާރުސީ އިން ދައުވާކުރި މައްސަލައިގެ ޝަރީއަތަށް އެ ކުންފުނިން ހާޒިރު ނުވުމުން އެ މައްސަލަ ކޯޓުން މިއަދު ބޭރުކޮށްލައިފި އެވެ.
ކުރީގެ ނައިބު ރައީސް އަހުމަދު އަދީބާ ގާތް ގުޅުމެއް އޮންނަ އަދި މިހާރު ފިލައިގެން އުޅޭ މުހައްމަދު އައްލާމް ލަތީފް (މޮހޯ) ގެ ހިއްސާ އޮތް އެސްއޯއެފް ކުންފުންޏަކީ އެމްއެމްޕީއާރުސީ މެދުވެރިކޮށް ދައުލަތަށް ލިބެންޖެހޭ 1.22 ބިލިއަން ރުފިޔާ އެކައުންޓަކަށް ޖަމާކޮށް، އެކި ފަރާތްތަކަށް ބެހި ކުންފުންޏެވެ.
އެމްއެމްޕީއާރުސީ އިން އެސްއޯއެފްއާ ދެކޮޅަށް ދައުވާކުރީ އެ ދެ ކުންފުނީގެ ދެމެދުގައި އޮތް އެއްބަސްވުމެއްގެ ދަށުން އެމްއެމްޕީއާރުސީ އަށް ލިބެންޖެހޭ 10 މިލިއަން ޑޮލަރު (158 މިލިއަން ރުފިޔާ) އާއި އެމްއެމްޕީއާރުސީން އެސްއޯއެފް އަށް ދިން ހަތަރު ލައްކަ ޑޮލަރު (ހަ މިލިއަން ރުފިޔާ) ހޯދުމަށެވެ.
އެ މައްސަލައިގެ މިއަދު ބޭއްވި ޝަރީއަތަށް އެމްއެމްޕީއާރުސީ އިން ހާޒިރު ނުވުމުން އެ މައްސަލަ ސިވިލް ކޯޓުން ބޭރުކޮށްލިއިރު އެ މައްސަލަ އޮތީ ކޯޓުގެ ފައިސާ އާއި މުދަލުގެ ބޮޑެތި މައްސަލަ ބަލާ ޑިވިޝަންގަ އެވެ.
މަދަނީ މައްސަލަތަކުގައި ދައުވާކުރާ ފަރާތުން ހާޒިރު ނުވެއްޖެ ނަމަ އެ މައްސަލައެއް ބޭރުކޮށްލުމުގެ ބާރު ކޯޓަށް އޮވެ އެވެ.
މީގެކުރިން އެ މައްސަލައިގެ ޝަރީއަތަށް އެސްއޯއެފް ހާޒިރު ނުވެ ތިބުމަށް ފަހު ހާޒިރުވާން ފެށީ އެ ކުންފުނީގެ ޣައިރު ހާޒިރުގައި މައްސަލަ ހިންގާނެ ކަން ކޯޓުން އިއުލާން ކުރުމުންނެވެ.
ރަށްތަކާއި ފަޅުތައް ދޫކޮށްގެން ދައުލަތަށް ލިބެންޖެހޭ 1.22 ބިލިއަން ރުފިޔާ އަށް އެސްއޯއެފްގެ އެކައުންޓަށް ޖަމާކޮށް، އެކި ފަރާތްތަކަށް ވަނީ ބަހައިފަ އެވެ. އޭގެ ތެރެއިން ބައެއް މައްސަލަތަކާ ގުޅިގެން ކުރީގެ ނައިބު ރައީސް އަހުމަދު އަދީބާއި އެމްއެމްޕީއާރުސީގެ އޭރުގެ މެނޭޖިން ޑިރެކްޓަރު އަބްދުﷲ ޒިޔަތު ޖަލަށްލާން ވެސް ކޯޓުން ވަނީ ހުކުމްކޮށްފަ އެވެ.
އެމްއެމްޕީއާރުސީގެ ޚިޔާނާތުގެ ބޮޑު ތަހުގީގެއް އެންޓި ކޮރަޕްޝަން ކޮމިޝަނުން ދަނީ ހިނގަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކާފަބެ
06 February 2017
ކޯޓުން މައްސަލަ ބޭރުކޮށްލީމާ ހުދުކާފޫރަށްވީ
ދާދޭ
06 February 2017
ތިޔާކަން ތިހެންވާނެނޫންތޯ ދައުވާލިބޭ ފަރާތުން ދައްކާ ވާހަކައަކުން ގައުމީ ސަލާމަތަށް ނުރައްކާ ވެދާނެވިއްޔާ. މަށަށް ބޮޑަށް ވައްތަރީ ދެން ތި ޝަރީޢަތް ހިންގާނީ ސިއްރުން މީހުންނަށް އަޑުއަހަން ނުވަދެވޭގޮތަށް.
އައްޑޫ ރަދުން
06 February 2017
ތީ ކޯޓްތަކަށް ބެލޭވަރަށްވުރެ ބަރު މައްސަލައެއް ...
އިޔެ
06 February 2017
ބަލަގަ ރައްޔިތުންނަކީ މޮޔައިންނެއް ނޫނޭ. އަދީބުފަދަ ކިޔަވައިގެން ތިބި އެތަށް ޒުވާނުންގެ ބޮލަށް ސަވާރުވެގެން ގުޅިގެން ޤައުމު ދަވާލާފަ ކުޅޭ ޑްރާމާ. ފައިސާ ހުރީ އަދީބު އަތުގައި ނަމަ އެފަކީރު އެހާލަކު ޖަލަކު ނޯންނާނެ. ކަޅުފައިސާ، ސިހުރު އަދި އަނިޔާވެރިކަން މިއީ ކޮންމެ ޤައުމެއް ހަލާކުވެ ކޯފާ އާންމު ވެދާނެ ކަންކަން. ﷲގެ އިރާދަފުޅާއިއެކު، މިޤައުމަށް އަމާނަތްތެރި، އަދުލުވެރި އަދި ދީންވެރި ސާލިހު ދިވެހި ދަރިއެއްގެ ވެރިކަން ފެންނާނެ.
ޒާ
06 February 2017
މައްސަލަ ނިމުނީއެވެ. ތިހިރީ އެނގިގެން އަނބުރާ ގޭސްގަނޑެވެ.
ކީއްވެތޭ
06 February 2017
އަދި އަނެއްކާ ތިޔާ މައްސަލަ އަދި ކޯޓަށް ހުށައަޅައިގެން ކުރިއަށް ގެންދަންވީއެވެ. ތިޔާ މައްސަލަ ޖެހޭނެ ބެލެން ވަރަށް ރަނގަޅަށް. އެމްއެމްޕީއާރުސީން މޭޒު ދަށުން ދަމާ ކުޅެނީތޭ ބްރޯގެ އެޖެންޓުން ނާއިއެކު. އެމްއެމްޕީއާރުސީން މިއަދު ކީއްވެގެންތޯ ކޯޓަށް ހާޒިރު ނުވީ. މީ ވަރަށް ބޮޑު މައްސަލަ އެކެވެ. މީގެ ސަބަބުން މަމެންނަށް މަލާމާތާއި ފުރައްސާރަ އާއި އަދި ތުހުމަތު ތައް ނޫންތޭ އިތުރަށް އަންނާނީ.
މި ރައީސް
06 February 2017
ކޮބާ ހީވޭ، އެހެންނުންވާނީ ތިކަމުގަ ޖަވާބުދާރީވާންޖެހޭ ރައީސް އިން ފެށިގެން ގޮސް ޕިޔޯނާހަމަޔަށް، އަދި މީރާ މީހުން މިކަމުގަ ކޮބާބާ،،، މިއޮއް ހުރިހާ ލާރި އެނބުރިއިރުވެސް ވާނުވާގަ؟ ހަމަ ނޭނގޭ އެކެައްޗެއްވެސް؟ އެކަމު ނިކަމެތި ރައްޔަތުން ފަހާދުވަންވެއްޖެއްޔާ ހެޔެއްނުހުރޭ
އުމަރު
06 February 2017
މަޑުމަޑުން ތިޔަ މައްސަލަތަށް ކޯޓުން ބޭރުކުރަނީ، މިއީ ތަންފުކެއް ބޮޑުވަރު، ސަރުކާރުގެ އެޓާނީންތަށް ކޮބައިތޯ؟
މަގޭގައުމު
06 February 2017
މިވާގޮތް ވަރަށް ސާފު އެހެންނުންތޯ! ސްޓޭޓް ސްޕޮންސާޑް ކޮރަޕްޝަން... ނަންވާނީ އަދީބު... ޖަލުގަ އޮވެގެންވެސް ސަރުކާރަށް ބާރުފޯރުވަނީ އުތަ!