ވިޔަފާރި

ދައުލަތުގެ ދަރަނި އަންނަ އަހަރު 129 ބިލިއަނަށް

ފިނޭންސް މިނިސްޓްރީގެ އިމާރާތް. އަންނަ އަހަރު ދަރަނި 129 ބިލިއަނަށް އަރާނެ-- ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

17 އޮކްޓޯބަރ 2023 - 11:33

9 comments

ދައުލަތުގެ ދަރަނި އަންނަ އަހަރު 129 ބިލިއަން ރުފިޔާ އަށް އަރާނެ ކަމަށް ފިނޭންސް މިނިސްޓްރީން ބުނެފި އެވެ.

އެ މިނިސްޓްރީން އާންމުކުރި ފިސްކަލް ސްޓްރެޓެޖީ އަންގައިދޭ ބަޔާނުގައިވާ ގޮތުން، ޖީޑީޕީގެ ނިސްބަތުން އަންނަ އަހަރު ދަރަނި 111 ޕަސެންޓަށް އަރާނެ އެވެ. އެ އަށް ފަހު 2025 ވަނަ އަހަރު ދައުލަތުގެ ދަރަނި 130 މިލިއަން ރުފިޔާ އަށް އަރާނެ ކަމަށް އެ ބަޔާނުގައި ވެ އެވެ.

ފިނޭންސް މިނިސްޓްރީން ބުނީ، އަމާޒަކީ 2026 ވަނަ އަހަރު ދައުލަތުގެ ދަރަނި ޖީޑީޕީގެ ނިސްބަތުން 93 ޕަސެންޓަށް ކުޑަކުރުން ކަމަށެވެ.

އަންނަ އަހަރު ދަރަނި އަނބުރާ ދެއްކުމަށް 2.5 ބިލިއަން ރުފިޔާ ހޭދަކުރާނެ ކަމަށް ފިނޭންސް މިނިސްޓްރީން ލަފާކޮށްފައި ވެ އެވެ.

ސަރުކާރުގެ އަމާޒަކީ ރިކަރަންޓް ހަރަދު ދައުލަތަށް ލިބޭ އާމްދަނީން ހަމަޖެއްސުމެވެ. ބަޖެޓުގެ ޕްރައިމަރީ ޑެފިސިޓް ޖީޑީޕީގެ ނިސްބަތުން ފަސް ޕަސެންޓުގައި ބެހެއްޓުމެވެ. ނަމަވެސް، މި އަހަރުގެ ބަޖެޓު ޑެފިސިޓް ވެސް ހުރީ ޖީޑީޕީގެ ނިސްބަތުން މައިނަސް 6.3 ޕަސެންޓުގަ އެވެ. އެއީ 11.5 ބިލިއަން ރުފިޔާ އެވެ.

އަންނަ އަހަރު ބަޖެޓު ޑެފިސިޓް ބެހެއްޓުމަށް ފިނޭންސް މިނިސްޓްރީން ކަނޑައަޅާފައިވާ އަންދާޒާ އަކީ 9.8 ބިލިއަން ރުފިޔާ އެވެ.

ދަރަނި އަދާކުރަން އެންމެ ބޮޑު ހަރަދެއް ކުރަން ޖެހެނީ 2026 ވަނަ އަހަރު އެވެ. އެ އަހަރު ދަރަނި ދެއްކުމަށް 11.5 ބިލިއަން ރުފިޔާ ހޭދަކުރަން ޖެހެ އެވެ.

ފިނޭންސް މިނިސްޓްރީ ދައުލަތުގެ ބަޖެޓް ރާއްޖޭގެ އިގްތިސާދު އިގްތިސާދު ދައުލަތުގެ ބަޖެޓް 2024

9 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސުރުހީ

18 October 2023

ދަޢުލަތް 2026 ގައި ޑިފޯލްޓް ނުވާންވީ ސަބަބަކީ ކޮބާ؟ ޓޫރިޒަމ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޯހާސް

17 October 2023

ހާސްކަނޑާލާ. މުއިއްޒު އެންމެ ކޯލަކުން ތިކަން ހަމަޖައްސާލާނެ. ޢެހެންނޫނަސް އަރަބިން ކައިގެން ތިބިއްޔާ ދިވެހިންވެސް ތިބޭނީ ކައިގެން. (ނޯޓް: ދިވެހިންނަކީ އެއްގޮަތަކަށްވެސް މާދަމާއަށް ވިސްނާބައެއްނޫން. ބަނޑުގަ އޮންނަ ދަރީގެ ނަމުގަ ލޯނު ނަގައިގެން އަޗާތަޅަން އަޅުގަނޑުމެން ވަރަށް ކުޅަދާނަ ވާނެ).

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިނެ

17 October 2023

އެއިރަކު އޮންނަ ސަރުކާރަކަށް އިނގޭ ތިމަންމެން ބޮޑެތި ދަރަނި ތައް ނަގާފައި ވެރިކަން ނިންމާލާއިރަށް ޒިންމާވާ ނުޖެހޭ ކަމަށް. އޭތި އެޅޭނީ ނިކަމެތި ރައްޔިތުން ބޮލުގައި އަދި ދެން އަންނަ ސަރުކާރުގެ ބޮލުގަ. 2026 ގައި ރާއްޖެ ޑިފޯލްޓް ވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަބަބުތައް

18 October 2023

އެހެން، ހަމަ ޑިފޯލްޓްވުން ގާތީ، ސަބަބުތައް ބައިވަރު: ޓޫރިޒަމަށް ރެޑް ސީ ޕްރޮޖެކްޓުން ހިޔަނި އެޅިފަ، ލޯނު މަތިމައްޗަށް ނަގާފަ އޮތީ، ޖީޑީޕީ ގެ ނިސްބަތުން ދަރަނި %111 އަށް އަރަނީ، މުސާރައިގެ ފަރަގު ވަރަށް ބޮޑު، އިތުރު އާމްދަނީ ހޯދޭނެ ގޮތްތައް ނުހޯދާ ތިބެނީ، އައިހެވަން ޕްރޮޖެކްޓް ފަދަ ކަންކަން ދޯދިޔާކޮށް ދަނީ، ކޮރަޕްޝަން އެހާ މަތި، ކްރެޑިޓް ފައިނޭންސިންގަ ރައްޔިތު އެންމެން ބަދެވިފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސޯ

17 October 2023

މުއިއްޒު ތިކަންތައް ހަމަޔަކަށްއަޅުވާނެ. އަންނައަހަރު ހުންނާނީ މުއިއްޒު. މުއިއްޒު ހުންގާނާހަވާލުވެ ދަރަނިއޭވެސްނުކިޔާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދުލީބެއްޔާގެ ތެދުބަސް

17 October 2023

ޔަމީނު އައީ މިގައުމު އަރަނިކުރާން. މިހާރު އެކަންކުރާން އައިސްމިއުޅެނީ މުއިއްޒު. އެނގިދާނެތާ ވާގޮތެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

17 October 2023

ދައުލަތުގެ ދަރަނި ދާނީ މައްޗަށެވެ. ދަރަނީގެ ބޮޑު ބައެއް އެދަނީ ކޮރަޕްޝަން ގެ ގޮތުގަ ސިޔާސީ ބައެއް މީހުން އެކި ނަމުގަ ބޭނުން ކުރަމުންނެވެ. 5 ލައްކަ އަށް ކުރެވޭ މަސައްކަތެއް 1 މިލިއަން އަށް ވެސް އެބަ ކުރެއެވެ. ހުރިހާ ބުރަ އެއް އާއްމު ރައްޔިތުންނަށެވެ. އެއްޕާޓީ އިން އަނެއް ޕާޓީގެ ކޮރަޕްޝަން މައްސަލަ އެއް ނުބަލަ އެވެ. ވެރިކަމަށް އަންނަން ވާހަކަ ދެއްކިއަސް ވެރިކަން ލިބުނީ މާފް ކޮށްދެނީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޅުސޮރު01

17 October 2023

129 ބިލިޔަން ރާއްްޖޭގެ އާބާދީއަކީ 450،000 ކަމަށް ބަޮލަކަށް އެޖެހެނީ 268،000 ރ. މިއީ މިސަރަަހައްދުގައިވެސް އާބާދީގެ ނިސްބަތުން އެންމެ ދަރަނި ބޮޑު ޤައުމަށް ވުމަކީ އެކަށީގެންވާކަމެއް. މިއީ ރައްޔިތުން ހޮވި ވެރިން ދިވެހިންނަށް ޖެއްސި ދަންތޫރަ - ކީއްވެ - އެބައިގަނޑު ވެރިކަމުގައި ތިބެން.