ތިލަމާލެ ބްރިޖު ހަދަން ބޭނުންކުރާ ޕްލެޓްފޯމެއް ވިލިމާލެ ފަރުމަތީގައި: ފަރަށް ލިބުނު ގެއްލުމާ ގުޅިގެން އެފްކޮންސް ކުންފުނި ވަނީ 69 މިލިއަން ރުފިޔާ އިން ޖޫރިމަނާކޮށްފައި.-- ފޮޓޯ: ފަޔާޒް މޫސާ | މިހާރު
22 އޮކްޓޯބަރ 2023 - 13:09
28 comments
ތިލަމާލެ ބްރިޖު ހެދުމުގެ މަސައްކަތް ކުރާ އިންޑިއާގެ އެފްކޮންސް ކުންފުނީގެ 69 މިލިއަން ރުފިޔާގެ ބޮޑު ޖޫރިމަނާ، ތިމާވެއްޓާ ބެހޭ މިނިސްޓަރު އައިމިނަތު ޝައުނާގެ އަރިހަށް އިސްތިއުނާފަށް ހުށަހެޅުމުން، އެ ޖޫރިމަނާ މުރާޖައާ ކުރަމުން ދާތާ އަހަރެއްހާ ދުވަސް ވާން ކައިރި ވެއްޖެ އެވެ.
އެ ޖޫރިމަނާ މުރާޖައާ ކުރުމުގެ މަސައްކަތް އޮތް ހިސާބެއް ބެލުމަށް މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން "މިހާރު" އިން ހުށަހެޅި އާރުޓީއައި ފޯމުގެ ޖަވާބުގައި ތިމާވެއްޓާ ބެހޭ މިނިސްޓްރީން މިއަދު ބުނީ އެފްކޮންސްގެ ޖޫރިމަނާ މިނިސްޓަރު އިސްތިއުނާފަށް ހުށަހެޅުމާ ގުޅިގެން، މިނިސްޓަރު އަދިވެސް އެ ޖޫރިމަނާ ރިވިއު ކުރުމުގެ މަސައްކަތް ކުރައްވަމުން އަންނަ ކަމަށެވެ.
ތިމާވެއްޓާ ބެހޭ މިނިސްޓަރު ޝައުނާ: އިންޑިއާގެ އެފްކޮންސްގެ ޖޫރިމަނާ ސަރުކާރަށް ނެގުމާ ގުޅޭ ގޮތުން ގޮތެއް ނުނިންމަވާ ހުންނަވާތާ އަހަރަކާ މިހާރު ކައިރިވަނީ.--- ފޮޓޯ: ނިޝާން އަލީ/މިހާރު
އޭގެ އިތުރުން އެއްވެސް ތަފުސީލެއް މިނިސްޓްރީން ނުދެ އެވެ.
އެފްކޮންސް 69 މިލިއަން ރުފިޔާ އިން ޖޫރިނަމާ ކުރަން އެންވަޔަރުމެންޓް ޕްރޮޓެކްޝަން އެޖެންސީ (އީޕީއޭ) އިން ނިންމީ ތިލަމާލެ ބްރިޖު ހެދުމަށް ބޭނުންކުރާ ޕްލެޓްފޯމެއް ވިލިމާލެ ފަރަށް މިދިޔަ އަހަރުގެ އޮގަސްޓް 16 ގައި އެރުމާ ގުޅިގެންނެވެ.
އެ ހާދިސާގައި ވިލިމާލޭގެ ފަރަށް ވަރަށް ބޮޑެތި ގެއްލުންތަކެއް ލިބުނު ކަން އީޕީއޭ އިން ހެދި ސާވޭ އިން އެނގުނެވެ.
ޕްލެޓްފޯމް އުރުމާ ގުޅިގެން ވިލިމާލެ ފަރަށް ލިބިފައި ހުރި ގެއްލުން
އެ ސާވޭ އަށް ފަހު އީޕީއޭ އިން ވަނީ އެފްކޮންސް 69.4 މިލިއަން ރުފިޔާ އިން ޖޫރިމަނާކުރީ އެވެ. ނަމަވެސް، އެ ކުންފުނިން ވަނީ މިނިސްޓަރަށް ސިޓީ ހުށަހަޅައި، މިދިޔަ އަހަރު ޑިސެމްބަރުގައި އެ ޖޫރިމަނާ އިސްތިއުނާފު ކޮށްފަ އެވެ.
މިދިޔަ އެޕްރީލް މަހު މިނިސްޓަރު ޝައުނާ ރައްޔިތުންގެ މަޖިލީހަށް ހާޒިރުކޮށް، އެ ޖޫރިމަނާއާ ގުޅޭ ގޮތުން ވެސް ސުވާލުކޮށްފައިވެ އެވެ.
އެ ދުވަހު މިނިސްޓަރު ވިދާޅުވީ އެފްކޮންސް ކުންފުނިން ޖޫރިމަނާ އިސްތިއުނާފުކޮށްފައި ވިޔަސް ޖޫރިމަނާ މާފުކުރުމުގެ ވިސްނުމެއް ނެތް ކަމަށެވެ.
މިނިސްޓަރު އޭރު މަޖިލީހުގައި ވެސް ވިދާޅުވި ގޮތުގައި، އެފްކޮންސް ޖޫރިމަނާ ކުރި މައްސަލައިގެ ލީގަލް ރިވިއުއެއް ހަދަން ނިންމައި އެ މަސައްކަތް އަންނަނީ ކުރަމުންނެވެ. އޭގެ ފަހުން ވެސް މިހާރު ހަ މަސް ދުވަސް ވަނީ އެވެ.
އިންޑިއާގެ އެހެން ކުންފުންޏެއް ކަމަށްވާ އެމްއެމް އެކްސްޕޯޓްގެ ބާޖެއް 2015 ގައި ކ. ފުށިދިއްގަރު ފަރަށް އެރި މައްސަލާގައި މި ސަރުކާރުން ވަނީ 100 މިލިއަން ރުފިޔާ އަށް ވުރެ ބޮޑު އަދަދަކުން އެ ކުންފުނި ވެސް ޖޫރިމަނާ ކޮށްފަ އެވެ. އެކަމަކު، އެ މައްސަލައިގެ އިސްތިއުނާފު މަރުހަލާ ނިމުމަށް ފަހު ވެސް، އެ ކުންފުނިން ވަނީ ޖޫރިމަނާގެ ފައިސާ ދައްކަން ދެކޮޅު ހަދައިފަ އެވެ.
އެމްއެމް އެކްސްޕޯޓަށް ދައުވާ ކޮށްދޭން އެދި އީޕީއޭ އިން އެޓާނީ ޖެނަރަލް އޮފީހަށް ފޮނުވި މައްސަލާގައި ވެސް މިހާތަނަށް އެއްވެސް ފިޔަވަޅެއް ނާޅަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަނބިލި
23 October 2023
ތިމާވެއްޓާ ހެދި ނުނިދިގެން އުޅޭ މީހުންގެ ހާލު. މަގާމު ލިބުނީމާ ތިމާވެށީގެ މަތިން ހަނދުމަނެތިކޮށް މަގާމުގައި ޕަޕެޓުހެދިގެން ހުރެވޭތޯ ބަލާނީ. ޕޯޑިއަމަކަށް އަރައިފިއްޔާ އޮންނާނީ ރައްޔިތުންނަށް އޮޅުވާލުމުގެ ޑުރާމާ ސީރީސް ޖެއްސުން. ހޮޓުބާ
ހާމަދުރު
23 October 2023
މިސަރުކާރުގެ ފަހު ދުވަހ ދެން ދޭނޭ ތި ކުންފުނިތަކަށް ބޮޑު ބަދަލެއް. މޭބީ 200 އޯ ތިރީ ހަންޑްރެޑް މިލިޔަން ޑޮލަރު އެމީހުންނަށްދީ ޖީބަށް ކަހާލާނީ.
އަހަނދު ވަޅި
23 October 2023
ޕުލީސް މިހާރުގެ ނޫސްވެރިން ތިކަމާ ނޫޅެބަލަ ތިލަ މާލޭ ބުރިޖު އެދަނީ ބާރަށް ކުރިޔަށް
ބޮޑުމީހާ
22 October 2023
ހުރިހާ ބާރެއް ގޮސް ރައިސާ ހަމައަށް ނިމޭތީ ވާގޮތް. ދައުލަތަށް ދައްކަންޖެހޭ ޖޫރިމަނާތަކަކީ ކޯޓުގައި ޗެލެންޖްކޮށް ކޯޓަކުން ނިންމާ ނިންމުމަކުން ނޫނީ މާފު ނުކުރެވޭނެ ގޮތް ހަދާބަލަ. އޭރުން ތި މިނިސްޓަރުންވެސް ސައިޒު ވާނެ. އަދި ރައީސް މީހާ ހިތަށް އެރީމާ 4.1 ބިލިއަން ޓޫރިސްޓް ބެޑް ޓެކްސް މާފުކޮށް، 800 މިލިއަން ޕާކިންގ ވައިލޭޝަންސް މާފުކޮށް ނެހެދޭނެ.
މަހިނޫރު
22 October 2023
ޖަލްސާ ފެންބަހައްޓަން އުޅެފަ ވަޒީރުންނަށް ވީމަ ވާނެ ގޮތް
ކަލޫ
22 October 2023
މީ ތިމާވެއްޓޭ ކިޔާމީހުންގެ ހާލު
ހިދާޔާ މިސް
22 October 2023
ކޮބާތަ ތިމާވެށީގެ ކަންަަކަމަށަް ވަކާލާތު ކުރާ ފުންނާބު އުސް ބޭފުޅުން ނާ ކަނބަލުން
ގުލުމީ
22 October 2023
ކޮބަާތަ ތިމާވެށި ސަބުރާ؟
އިސްމާލި
22 October 2023
"އެ ދުވަހު މިނިސްޓަރު ވިދާޅުވީ އެފްކޮންސް ކުންފުނިން ޖޫރިމަނާ އިސްތިއުނާފުކޮށްފައި ވިޔަސް ޖޫރިމަނާ މާފުކުރުމުގެ ވިސްނުމެއް ނެތް ކަމަށެވެ." މާފެއް ނުކުރާނެ. ޖޫރިމަނާ ރިވިއު ކުރާނީ. ރިސޯޓުތަކުގެ ޖޫރިމަނާ ރިވިއުކޮށް އެއް ބިލިއަން ގެއްލުވާލި ގޮތަށް. 5،000 ރުފިޔާއަށް ޖޫރިމަނާ ރިވިއު ކޮށްލީމައި ސުޕާރީ ގަންނަން މިނިސްޓަރަށް 1 މިލިއަން ދޭނެ އެފްކޮން އިން. ވިން-ވިން. އޮންލީ ވީ ލޫސް.
އައުޓް
22 October 2023
ޝައުނާ އައުޓް އެފްކޮންސް އައުޓް ޝައުނާ އައުޓް އެފްކޮންސް އައުޓް ޝައުނާ އައުޓް އެފްކޮންސް އައުޓް ޝައުނާ އައުޓް އެފްކޮންސް އައުޓް ޝައުނާ އައުޓް އެފްކޮންސް އައުޓް ޝައުނާ އައުޓް އެފްކޮންސް އައުޓް ޝައުނާ އައުޓް އެފްކޮންސް އައުޓް ޝައުނާ އައުޓް އެފްކޮންސް އައުޓް ޝައުނާ އައުޓް އެފްކޮންސް އައުޓް ޝައުނާ އައުޓް އެފްކޮންސް އައުޓް ޝައުނާ އައުޓް އެފްކޮންސް އައުޓް ޝައުނާ އައުޓް އެފްކޮންސް އައުޓް ޝައުނާ އައުޓް އެފްކޮންސް އައުޓް