އިންތިހާބީ ރައީސް އަދި މޭޔަރު ޑރ. މުހައްމަދު މުއިއްޒު އާއި ޑެޕިއުޓީ މޭޔަރު އަހުމަދު ނަރީޝް ސިޓީ ކައުންސިލްގެ ޖަލްސާއެއްގައި.-- ފޮޓޯ: ފަޔާޒު މޫސާ | މިހާރު
23 އޮކްޓޯބަރ 2023 - 17:12
54 comments
މާލޭ ސިޓީ ކައުންސިލް ހިންގުމުގައި ވަގުތީ ގޮތުން ހަވާލުވެޑައިގެން ހުންނެވި މާލޭގެ ޑެޕިއުޓީ މޭޔަރު އަހްމަދު ނަރީޝް، އަންނަ އަހަރުގެ ރައްޔިތުންގެ މަޖިލީހުގެ އިންތިހާބުގައި ވާދަކުރައްވަން ނިންމަވައިފި އެވެ.
ނަރީޝް މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ ކުރިއަށް އޮތް ރައްޔިތުން މަޖިލިސް އިންތިހާބުގައި ކުޅުދުއްފުށީ އުތުރު ދާއިރާގެ ޕީޕީއެމް/ޕީއެންސީ ޕްރައިމަރީގައި ވާދަކުރައްވަން އޭނާ ނިންމަވާފައިވާ ކަމަށެވެ. އެގޮތަށް ނިންމެވީ އެ ދާއިރާގެ ގިނަ ބައެެއްގެ އެދުުމުގެ މަތިން ކަމަށް ވެސް ނަރީޝް ވިދާޅުވި އެވެ.
"ދާއިރާގެ ހުރިހާ ރައްޔިތުންގެ ހައްގުގައި ބަސް ބުނާނެ، ދާއިރާގެ ތަރައްގީ އަށް ސަރުކާރާ އެކު މަސައްކަތް ކުރެވޭނެ އަދި ހަގީގީ މާނާގައި ސިޓީއެއްގެ ދަރަޖަ ކުޅުދުއްފުއްޓަށް ހޯދައިދޭން ސަރުކާރާއި ރައްޔިތުންނާ ދޭތެރޭގައި ސާބިތުކަމާ އެކު ހުންނާނެ، ރައްޔިތުންގެ ހާދިމަކަށް އަޅުގަނޑުވާނެ،" ނަރީޝް ވިދާޅުވި އެވެ.
ގއ. ކޮލަމާފުއްޓަށް އުފަން ނަރީޝް ވިދާޅުވި ގޮތުގައި، އޭނާގެ އެދުމަކީ ކުޅުދުއްފުށީ އުތުރު ދާއިރާގެ ޕީޕީއެމް/ޕީއެންސީގެ މެންބަރުން އޭނާ އަށް ތާއިދުކޮށް، ޕްރައިމަރީ ކާމިޔާބި ކޮށްދިނުމެވެ.
މާލޭ ސިޓީ ކައުންސިލް ހިންގުމަށް ނަރީޝް ވަގުތީ ގޮތުން ހަވާލުވެޑައިގަތީ، މާލޭގެ މޭޔަރު ޑރ. މުހައްމަދު މުއިއްޒު ރިޔާސީ އިންތިހާބު ކާމިޔާބު ކުރައްވައި، އަންނަ މަހު އެމަނިކުފާނު ހުވާކުރައްވަން ދެން މި ހިނގާ އިންތިގާލީ މަރުހަލާގެ ކަންކަން ކުރެއްވުމަށް ވަގުތު ދެއްވުމުގެ ގޮތުން މޭޔަރުގެ ޒިންމާތައް ދޫކޮށްލެއްވުމުންނެވެ.
މާލޭގެ ޑެޕިއުޓީ މޭޔަރުގެ މަގާމާ ނަރީޝް ހަވާލުވެވަޑައިގެންނެވީ ޖޫން 21، 2021 ގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮގުވ
24 October 2023
ދޮގު ހެކިދޭ މީހުން މިފަދަ މަގާމު ތަކަށް ނުނެރޭށެވެ.
ބޮޑުރިޔާ
24 October 2023
ބޯކޮން ޑޮލަރު ކަންނޭގެ މެސިނުން ގުނާނީ ލައްކަ ވާހަކަމީ
ފަރު
24 October 2023
ކުޅުދުއްފުށީގަ ކުޅުދުއްފުށީގެ އުފަން ތިޔައްވުރެ ތައުލީމީ ގާބިލް މީހުންތިއްބާ އެހެން ހިސާބެއްގެ މީހަކު ހޮވަން އުޅެފާނެކަމަކަށް ގަބޫލެއްނުކުރެވޭ އަދި ރައްޔިތުން އެކަމާދޭތެރޭ ވިސްނާނެކަން ޔަގީން
ޕަބުޖީ ބުރޯ
24 October 2023
ކުނިބުނި ލައްގާ ތަނަކަށް މަޖިލިސް ނުހަދަމާ. އެބަޖެހޭ މަޖިލީހަށް ކުރިމަތިލެވޭނެ ތަޢުލީމީ ނުވަތަ ތަޖުރިބާގެ ވަކި މިންގަނޑުތަކެއް ކަނޑައެޅެން. މަޝްހޫރު ކޮންމެ މީހަކީ ކަންކަމަށް އެންމެ އެކަށީގެންވާ މީހާކަމަށް ނުވެދާނެ.
ފޫހި
24 October 2023
ކުޅުދުއްފުށީ މީހުން ހޭލާތިބޭތި ތީ ވާބޭކަލެއް މާލޭގެ ކާރު ޕާކިން ތައްވަނީ ފަހަތު ޒީބައްކަހާލާފާ ........... އެއްވެސް ހަހުލާގެއްހުރިމީހެއްނޫން
ފަޑުއްކަ
24 October 2023
ސަރުކާރެއް ހިންގުމަކީ ކިހާވަރެއްގެ ކަމެއްކަން ޓިނުއަދުރޭއަށް އަދި ރަނގަޅަށް ރިއްލައިޒްވާނެ ނިކަން އަވަހަށް މަޖިލިސް އޮތީކުރިޔަށް
ޗަކޮއި
24 October 2023
ޗަކޮއި ޖޭވިޔަސް.. ގަބޫލުކުރިޔަސް ނުކުރިޔަސް.. މިފަހަރު ތިޔަކިޔާ “ޓިނުއަދުރޭ”، “ހިސާބުޓީޗަރު”. ގެ ހިތްވަރައިއެކު ތިއޮތީ އިލެކުޝަން ކާމިޔާބުކޮށްފައި…
ހުތްކިޔާފަ
24 October 2023
ކުޅުދުއްފުށްޓަށް ފައިސާ ގުނާ މެޝިނެއް ލިބެނީ. ސަޅި.
މުހައްމަދު އެއްވަނަ
24 October 2023
މީނައަށް މީނަގެ އުފަން ދާއިރާއަށް ކުރިމަތިލާން ނުކެރިގެން މިއުޅެނީ ކީއްވެތަ؟ މީނައަކަށް ނޭގޭ ދޯ ކުޅުދުއްފުށީ ރައްޔިތުންނަކީ ވަތަނީ ބައެއް ކަމެއް.
ޔަގީންޓާރ
24 October 2023
ކުޅުދުއްފުށީގައި ތިބޭނެ ކިޔަވައިގެންތިބި ހަރުދަނާ ޒުވާނުން! ނުކިޔަވައި ހުރި ލަޓޯފަޓޯ މީހަކަށް ކުޅުދުއްފުށީ ޕީޕީއެމް އަކުން ފުރުސަތު ނުދޭނެ
ފުލެޓް އަހަންމަދު.
24 October 2023
ކިޔަވައިގެން ނުވަތަ ނުކިޔަވައި ހުއްޓަސް ދާއިރާގެ ރަށްވެއްސަކަށް ނޫނީ ވޯޓު ދޭނެ ކަމެއްނެތް. އޭރުން މިކަހަލަ މީހުން ދަލުބޭރުން ޖެހުން ހުއްޓޭނެ.
އޮނަރަބްލް އަފީފު ދީދީ
24 October 2023
ޤއ ގެ 72 ހ އިން އެކިސަރަޙައްދުތަކުގެ ރައްޔިތުނަށް ދީފައިއޮތް ޤާނޫނީ ބާރުވެރިކަމެއްގެ މައްޗަށް "ޤާނޫނީ އިމުގެބޭރުން މަކަރާއި ހީލަތްތެރިކަމުން" ވެރިވެގެންތިބުމަށް ބަޔަކަށް ފުރުސަތުދީގެން ނުތިބެވޭނެ. # އެހެންކަމުން ރާއްޖޭގެ އެހެންއެއްވެސް ބަޔަކު މި ޙައްޤު ލިބިގަތުމަށް ބޭނުންނުވިޔަސް އައްޑޫރަށްޔިތުން މިގޮތްބޭނުންނުވާތީ، 2024 ގެ އިންތިޙާބުގައި މަރަދޫދާއިރާއާއި މީދޫދާއިރާގެ މެންބަރުންނަށް ތިބިފަދަ "ބީރަށްޓެހިން" ގެ ބަދަލުގައި އެކަމަށްނިމުން ގެންނާނަން.