އެފްއޭއެމުން ނެރުނު ބަޔާނުގައި ބުނެފައި ވަނީ، އެ އިދާރާގެ އެއްވެސް ވެރިޔަކު ވެސް މުވައްޒަފަކު ވެސް އަދި އެއްވެސް މެންބަރެއް ފައިސާ އަށް ހިޔާނާތްތެރިވެފައި ނުވާނެ ކަމަށެވެ.
އެފްއޭއެމް ބަލާ ފާސްކުރުމުގެ މަސައްކަތް ފުލުހުން ކުރިއަށްދާއިރު، ބައްސާމް އެފްއޭއެމް އޮފީސް ކައިރީގައި: އެ އިދާރާގެ ވެރިންނަށް ކުރާ ތުހުމަތުތައް އެފްއޭއެމުން ދޮގު ކުރޭ --- ފޮޓޯ: ފަޔާޒު މުސާ | މިހާރު
26 އޮކްޓޯބަރ 2023 - 18:17
23 comments
ބައިނަލްއަގްވާމީ އިދާރާތަކުން ދޭ ފައިސާ އެފްއޭއެމްގެ ވެރިން ނަހަމަގޮތުގައި ބޭނުންކޮށްފައިވާ ކަމަށް ކުރާ ތުހުމަތުތަކަކީ ސާބިތު ނުހިފޭ ވާހަކަތަކެއް ކަމަށާއި އަދި ޒާތީ ބޭނުމަށް ކުރިމަތިކުރާ ކަންކަމަށް ރައްދު ނުދީ ނުތިބޭނެ ކަމަށް އެފްއޭއެމުން މިއަދު ބުނެފި އެވެ.
މިދިޔަ އާދިއްތަ ދުވަހު، އެފްއޭއެމްގެ އޮފީހަށް ވަދެ ފުލުހުން ކުރިއަށްގެންދިޔަ ރެއިޑަށް ފަހު، އެކަމާ ބެހޭގޮތުން ފުރަތަމަ ފަހަރަށް ވާހަކަ ދައްކަން އެފްއޭއެމުން ނެރުނު ބަޔާނުގައި ބުނެފައި ވަނީ، އެ އިދާރާގެ އެއްވެސް ވެރިޔަކު ވެސް މުވައްޒަފަކު ވެސް އަދި އެއްވެސް މެންބަރެއް ފައިސާ އަށް ހިޔާނާތްތެރިވެފައި ނުވާނެ ކަމަށެވެ.
އެފްއޭއެމްގެ ވެރިންގެ މައްޗަށް ކުރެވޭ އެންމެހާ ތުހުމަތުތަކަށް ފުޓްބޯޅައިގެ ހައްގުގައި އެ އިދާރާގެ މެނޭޖްމެންޓުން ކުރިމަތިލާނެ ކަމަށް ވެސް އެފްއޭއެމްގެ ބަޔާނުގައި ވެއެވެ.
"ގާނޫނީ ތަރަހައިގެ ބޭރުން އެއްވެސް އަމަލެއް ވެސް މުއާމަލާތެއް ވެސް އެފްއޭއެމްގެ ފަރާތުން ކޮށްފައިނުވާނެކަން މި އިދާރާގެ މެމްބަރުންނަށާއި އެންމެހައި ލޮބުވެތި ރައްޔިތުންނަށް ސާބިތުކޮށްދިނުމުގައި ފަހަތައް ނުޖެހޭނެ ވާހަކަ ވެސް ދަންނަވަމެވެ." އެފްއޭއެމްގެ ބަޔާނުގައި ވެއެވެ.
އެ އެސޯސިއޭޝަނަށް ފީފާ އާއި އޭއެފްސީ ފޮނުވާ ފައިސާތަކަކީ ކޮންމެ އަހަރަކު އޮޑިޓް ކުރެވޭ އެހީތަކެއްކަން ބަޔާނުގައި ފާހަގަ ކޮށްފައި ވެއެވެ. ކުރެވިފައި އޮތް ތުހުމަތުތަކާ ގުޅިގެން ކުރިއަށްދާ ތަހްގީގަށް އެއްބާރުލުން ދޭނެ ކަމަށް ވެސް އެފްއޭއެމުން ބުންޏެވެ. ނަމަވެސް ސާބިތު ނުހިފޭ ކަންކަމާ ގުޅުވައި ޒާތީ ގޮތުން ކުރިމަތިކުރާ ކަންކަމަށް ފުޓްބޯޅައިގެ ހައްގުގައި ރައްދު ނުދީ ނުތިބޭނެ ކަމަށް ވެސް ބަޔާނުގައި ބުނެފައި ވެއެވެ.
"ސާބިތު ނުހިފޭ އަމިއްލަ މަސްލަހަތާއި ޒާތީ ބޭނުމަށް ހާލަތުގެ ފައިދާ ނެގުމުގެ ބޭނުމުގައި އެއްވެސް ފަރާތަކުން އެއްވެސް ޒާތެއްގައި ކުރިމަތިކުރުވާ އެއްވެސް އަމަލަކަށް ކުޅިވަރުގެ އެންމެ މަތި މާގްސަދު ހިމާޔަތް ކުރުމަށް ކުޅިވަރުގެ ރޫޙްގައި މި އިދާރާ އިން ރައްދު ނުދި ނުތިބޭނެ ވާހަކަ ވެސް ދަންނަވަމެވެ." އެ ބަޔާނުގައި ވެއެވެ.
ޖިނާއީ ތުހުމަތުތަކުގައި ތަހްގީގީ އިދާރާތަކަށާއި ތަންފީޒީ ބާރުތަކަށް އެފްއޭއެމްގެ އޮފީސް ބަލައި ފާސްކުރުމުގެ އިހުތިސާސް އޮންނާނެކަމަށް ފީފާ އާއި އޭއެފްސީން ގަބޫލު ކުރާ ކަމަށާއި ނަމަވެސް އެކަން ކުރަން ވާނީ ގާނޫނީ މަގުސަދަކަށްޓަކައި ގާނޫނީ އިމުގެ ތެރެއިން ކަމަށް ފީފާ އާއި އޭއެފްސީން ގުޅިގެން އެފްއޭއެމަށް ފޮނުވާފައިވާ ޖޮއިންޓް ސިޓީގައި ބުނެފައިވާ ކަމަށް އެފްއޭއެމްގެ ބަޔާނުގައި ވެއެވެ.
ނަމަވެސް އެފްއޭއެމް ހިންގުމުގައި މުސްތަގިއްލުަކަން ގެއްލުވާލައި ނުފޫޒު ފޯރުވާނަމަ ރާއްޖެއާ ދެކޮޅަށް ފީފާ އާއި އޭއެފްސީން ފިޔަވަޅު އަޅަނެ ކަމަށް ވެސް ބައިނަލްއަގްވާމީ އެ ދެ އިދާރާއިން އަންގާފައިވާ ކަމަށް އެފްއޭއެމުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދުވާމީހާ
27 October 2023
ބައްސާމު އެކަނި އެެެއް ނޫން މަހުލޫފު ވެސް އުޅެނީ ކުޅިވަރަށް ލިބޭ ހުރިހާ ބަޖެޓެެއް ބަނޑު އަޅައިގެން. އެތްލީޓުންގެ މުސާރަވެސް ހަމަޔަތް ނުދޭ. ބޮޑެތި އިވެންޓުތައް ބޭއްވިޔަސް އަދި ނުވާނެ އެތްލީޓުންގެ މުސާރަވެސް ދީގެންވާނީ! ދެމަސް ވަނީ އެއްވެސް ކުޅިވަރަކަށް މުސާރަ ނުދޭތާ! މަހްލޫފު ނޫން ގޮތެއް.
އެޑަލްޓު
27 October 2023
ބައްސާމު ވަގްތުން ވަގްތައް ހިފާ ހަައްޔަރުކުރޭ. ރާއްޖޭގެ ދާހިލީ ކަންކަމާ އިންފަންޓަކަސް އެޑޮލެސަންޓަކަސް އެޑަލްޓަކަސް ނުވަދެވޭނެ.
ކަލޭ ހުރުމަށް ވުރެ ސަސްޕެންޝަންގަ ގައުމު އޮތަސް މާ ރަނގަޅު.
27 October 2023
ބޮސް ކައިރިއަށް ގޮސް ބޮޑާ ހާކާފަ އެއައީ. ނެރެވޭ ނަތީޖާ އެއް އޮތީކީ ނޫން، އާންމުން ކުޅެން އޮތްތަންވެސް ގުދަން ހަދާ ހަލާކު ކޮށްފަ. އެތަން އޮތް ގޮތަށް ފަސްގަނޑު އޮމާން ކޮށްލާފަ އޮތަސް އަހަރެމެނަށް ފުޓްބޯޅަ ކުޅެވޭނެ. ސަރަހައްދު މީހުން ކުރިމަތީ އިސް އުފުލާލަން ނުކެރެ. ލައިޓެއް ވެސް ނަމަކަށް ޖަހާފަ، 5 ވޯޓް ބޮއްކެއް ދިއްލާފަ ހުއްޓަސް އެޔަށް ވުރެ ރަނގަޅު. ނާގާބިލްވީމަ މިވަރަށް އެންމެން އެކިޔަނީ ފައިބަން.
އަލީމު
26 October 2023
"ފުޓްބޯޅައިގެ ހައްގުގައި ރައްދު ނުދީ ނުތިބޭނެ ކަމަށް ވެސް ބަޔާނުގައި ބުނެފައި ވެއެވެ". ކަލޭމެންނަކަށް "ފުޓްބޯޅަ" އިގެ ވާހަކަ ދެއްކޭފެންވަރެއްނެތް! ދިވެހި ފުޓްބޯޅަ މީމިހާރު މުޅިދުނިޔޭގަވެސް ބޮޑު ޖޯކެއް! ތި އެސޯސިއޭޝަން ހަމަ ވަގުތުން އުވާލަންވީ!
އަހުމަދޭ
26 October 2023
ކޮންފިޔަވަޅެއް ކިޔާކަށް. އެއްކަމެއްވެސް ނުކުރެވޭނެ. ބައްސާމް މިފަހަރު ބެދޭނެ.
ޖާނޭ
26 October 2023
އެލަވަންސް އިން މާގިނަ ހަރަދު ކުރެވުނީ އަމިއްލަ ކަންތަކަށް
ކޮރަލް
26 October 2023
ބާރު ނުހިނގާ ސަރުކާރެކެވެ.
މަހަށްދޭދޭބަލަ
26 October 2023
ބައްސާމް އައުޓް އެފްއޭއެމްް އެކްސްކޯ އުވާލާ އެ ހުރިހާ ބަދަވިން ތައް ގާތު ބުނޭ ގެއަށް ކަނޑާލަން ތަމެން ކަނޑާލާ ގެއަށް ދެން ކޮން ލީގެއް ކުޅެންތޭ ތަމެންނަށް ގެނެވުނު ތަައްޓެއް ނެތޭ މިވީ 5 އަހަރު ތަމެން ދެން މަހަށް ދޭބަލަ މަހަށް މަހަށް މަހަށް މަހަށްދޭބަލަ...
ބޮއިކޮޓްކުރޭ
26 October 2023
އެފްއޭއެމް ބޮއިކޮޓްކުރޭ އެފްއޭއެމް ބޮއިކޮޓްކުރޭ އެފްއޭއެމް ބޮއިކޮޓްކުރޭ އެފްއޭއެމް ބޮއިކޮޓްކުރޭ އެފްއޭއެމް ބޮއިކޮޓްކުރޭ އެފްއޭއެމް ބޮއިކޮޓްކުރޭ އެފްއޭއެމް ބޮއިކޮޓްކުރޭ އެފްއޭއެމް ބޮއިކޮޓްކުރޭ އެފްއޭއެމް ބޮއިކޮޓްކުރޭ އެފްއޭއެމް ބޮއިކޮޓްކުރޭ އެފްއޭއެމް ބޮއިކޮޓްކުރޭ އެފްއޭއެމް ބޮއިކޮޓްކުރޭ އެފްއޭއެމް ބޮއިކޮޓްކުރޭ އެފްއޭއެމް ބޮއިކޮޓްކުރޭ އެފްއޭއެމް ބޮއިކޮޓްކުރޭ އެފްއޭއެމް ބޮއިކޮޓްކުރޭ އެފްއޭއެމް ބޮއިކޮޓްކުރޭ އެފްއޭއެމް ބޮއިކޮޓްކުރޭ
ބޭރުކުރޭ
26 October 2023
އެފްއޭއެމްގެ ބޮޑުން ތައް ރައްޔިތުން ނިކުމެ އެތަނުން ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ ބޭރުކުރޭ