އިންތިހާބީ ރައީސް މުއިއްޒު މީގެ ކުރިން "މިހާރު" އަށް ވާހަކަ ދައްކަވަނީ.-- ފޮޓޯ: ނިޝާން އަލީ | މިހާރު
29 އޮކްޓޯބަރ 2023 - 11:13
48 comments
ރައްޔިތުންގެ މަޖިލީހުގައި އަންހެން މެމްބަރުން ގިނަކުރަން ބާރު އެޅުމުގެ ގޮތުން ޕީޕީއެމް/ޕީއެންސީގެ ޓިކެޓުގައި ވާދަކޮށް ހޮވޭ ކޮންމެ މެމްބަރަކަށް މަޖިލީހުގެ މުސާރަ އާއި އެލަވަންސްގެ އިތުރުން ޕާޓީން ހާއްސަ އެލަވަންސެއް ހަމަޖައްސަން މަސައްކަތް ކުރައްވާނެ ކަމަށް އިންތިހާބީ ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.
އަންނަ މަހުގެ 17 ގައި ވެރިކަމާ ހަވާލުވެވަޑައިގަންނަވާ މުއިއްޒު ކުރެއްވި ޓްވީޓުގައި ވިދާޅުވީ ކުރިއަށް އޮތް މަޖިލީސް އިންތިހާބުގައި ވީހާވެސް ގިނަ އަންހެން މެމްބަރުން ބައިވެރިވެ، ހޮވިގެން ދިއުމަކީ އެ މަނިކުފާނު ވަރަށް އެދިވަޑައިގަންނަވާ ކަމެއް ކަމަށެވެ.
މުއިއްޒު އެދިވަޑައިގަތީ ރައްޔިތުންގެ މަޖިލީހުގެ 20 ޕަސެންޓް މެމްބަރުންގެ ގޮތުގައި އަންހެނުން ހޮވުމަށް ޕީޕީއެމް/ޕީއެންސީން މަސައްކަތްކޮށްދިނުމަށެވެ.
ކުރިޔަށް އޮތް ރައްޔިތުންގެ މަޖިލީހުގެ އިންތިޚާބުގައި ވީހާވެސް ގިނަ އަންހެން ބޭފުޅުން ބައިވެރިވެ ހޮވިގެން ދިޔުމަކީ އަޅުގަޑު ވަރަށް އެދޭ ކަމެއް. މިގޮތުން، ޕީ.ޕީ.އެމް/ޕީ.އެން.ސީ އިން މަޖިލީހުގެ މަދުވެގެން %20 ގޮޑިއަށް އަންހެން ބޭފުޅުން ކުރިމަތިލާ ހޮވުމަށް މަސައްކަތްކުރުމަށް… pic.twitter.com/swsAyrXW89
— Dr Mohamed Muizzu (@MMuizzu) October 29, 2023
މަޖިލިސް އިންތިހާބު ބާއްވާނެ ސީދާ ތާރީހެއް އަދި އިއުލާނެއް ނުކުރެ އެވެ. އެކަމަކު، ދާއިރާތަކަށް ޝައުގުވެރިކަން ފާޅުކޮށް، ބައެއް ބޭފުޅުން ގެންދަވަނީ ގޮނޑިތަކަށް ވާދަކުރައްވާނެ ކަން އިއުލާންކުރައްވަމުންނެވެ.
ޕީޕީއެމް/ޕީއެންސީގެ ފަރާތުން މަޖިލީހުގެ 20 ޕަސެންޓް ގޮނޑިއަށް އަންހެނުން ކުރިމަތިލާން އިންތިހާބީ ރައީސް އެދިވަޑައިގެންނެވިއިރު، މިހާރު ހިނގަމުންދާ 19 ވަނަ މަޖިލީހުގެ 87 މެމްބަރުންގެ ތެރެއިން އަންހެން މެމްބަރުންގެ އަދަދަކީ އެންމެ ހަތަރެކެވެ. އެއީ، މި ސަރުކާރަށް ނިސްބަތްވެވަޑައިގަންނަވާ މެމްބަރުންނެވެ.
އެކަމަކު، މަޖިލީހުގެ އާ އިންތިހާބުގައި ހަ ގޮނޑި އިތުރުކޮށް، 93 ދާއިރާއަކަށް މެމްބަރުން އިންތިހާބުކުރާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސޮއީފާ
30 October 2023
އަންހެނުން ބާރުވެރި ކުރާނެ ވެރިއެއް. ސާބަސް
އާސިއްޕޭ
30 October 2023
ނަމަކުން ނޫން ހަމައެކަނި އަންހެނުން ބާރުވެރި ކުރާނީ. މިގޮތަށް އަމަލު ކޮށްގެންވާނީ. މުއިޒް ތަފާތު
ސުހާދާ
30 October 2023
ދެ ޖިންސު އެކުލެވޭހެން އެއްވެސްބައެއް ބާކި ކުރާނެ ބައެއް ނޫން މުއިޒްގެ ސަރުކާރަކީ
ސަލީމު އިދުރީސް
30 October 2023
ކޮންކަހަލަ ވިސްނުމެއް މުއީޒު މިގެންގުޅެނީ! މިގައުމުގަ އަންހެނުނައް މަގާމު ތަކައް ކުރިމަތި ލުން މަނާނޫންއިރު އެކަން ކުރެވޭނެ ކަމައް އަމިއްލަ ނަފުސައް އިތުބާރު ކުރާމީހުން ކުރި މަތި ލައިގެން ހޮވުނީމަ ނިމުނީ! ގަދަކަމުން ބަޔަކު ތަނަކައް ލީމަ އެންމެ ގާބިލު މީހުނައް ފުރުސަތު ގެއްލޭނެ އަދި ތަހުޒީބު މުޖުތަމައެއްގަ ތިގޮތައް ޖިންސީތަފާތު ނުކުރާނެ
ވިކިލީކްސް
29 October 2023
ކެނެރީގޭ ނަޝީދު ހިނގި މަގުން މުއިއްޒު ހިނގާފާނެކަމަށް ކުރިން ނުވިސްނަމެވެ. ނަމަވެސް މިހާރު މިފެންނަނީ އެމަންޒަރެވެ. އަންހެނުންނަށް ވަޒީފާ އަދާކުރެވެން ޖެހޭނެއެވެ. ނަމަވެސް ފިރިހެނުންގެ މައްޗަށް އަންހެނުން އިސްކޮށްފިނަމަ އެތަނެއް ފަސާދަ ވާނެއެވެ. އަންހެނުންނަކީ ފިރިހެނުންނަށްވުރެ މާތް މީހުން ކަމަށްވާއިރު އެމީހުން ބަކަރިކޮށްޓާއި ޒޫ ފަދަ ތަންތަނަށް ލައި ލަދުހަޔާތް ކަނޑުވަން ނަހަދާށެވެ.
ޅިންޑި
29 October 2023
އަންހެނުންނަކީ ފިރިހެނުންނަ ވުރެށް މައިބަޔެކޭ. އަލުން ދީނީ ފޮތް ތަކުގަ އޮއިއެއްޗެއް ކިޔާބަލަ.
ޛޖjs
29 October 2023
އަންހެން ކަނބަލުންވެސް ކުރިމަތިލައިގެން ވޯޓުން ހޮވެންވީ. އެއްވެސް ގޮނޑިއެއް އަންހެނުންނަށް ނުވަތަ ފިރިހެނުންނަށް ޙާއްސަ ކުރުމަކީ އެއީވެސް ބައެއްގެ ހައްގު ގެއްލޭނެ ކަމެއްކަަމައް ދެކެން
އޮނަރަބްލް އަފީފު ދީދީ
29 October 2023
މިފަދަކަންކަމުން ނެއްޓެންނޭގި ތާއަބަދު ތިވާހަކަދައްކަން އުޅުމަށްވުރެން ރަނގަޅުގޮތަކީ ކަމުގެހައްލަށް ސީދާ މަސައްކަތްކުރުން. # ތިކަމަށްއޮތް ރަނގަޅުގޮތަކީ މިހާރު އިންތިޙާބުކުރާންޖެހޭ 93 ގޮނޑިއަށްވެސް ވާދަކޮށް ހޮވޭ އަންހެން ކަނބަލުންގެއިތުރަށް މުޅިރާއްޖެއިން 6 ކަނބަލުން ހޮވުމަށްޓަކާ ރާއްޖެ 3 ބަޔަށް (ތިލަދުންމަތިން ފާދިއްޕޮޅަށް، ކ.އަތޮޅުން ދާލަށް އަދި ކޮޅުމަޑުލުން އައްޑުއަށް) ވަކިކޮށް، ކޮންމެ ދާއިރާއަކަށް އަންހެން ކަނބަލުންނަށް 2 ސީޓް ހަމަޖެއްސުން.
އަންނައުނު.
29 October 2023
އަފީފު ތިބުނަނީ މިހާރު ހުރި ތިޔަ ބުނާ ދާއިރާ ތަކުގެ ގޮނޑި ތަކުގެ ތެރެއިން ކޮންމެ ސަރަޙައްދަކުން ދެ ގޮނޑި އަންހެން ބޭފުޅުންނަށް ހަމަޖައްސަން ފެންނަ ވާހަކަތޯ ނުވަތަ 3 ސަރަހައްދަށް މުޅިން އަލަށް 6 ގޮނޑި ކަޑައަޅަން ފެންނަ ވާހަކަތޯ ؟
ތަމަންނާ
29 October 2023
މިކަމުގައި ސަލަފުގެ ސްޓޭންޑަކީ ކޮބައިތޯ
މަސްރަހުބަނަ
29 October 2023
އަމީން ދީދީގެ ވެރިކަންތޯ އަނެއްކާ މި އިޢާދަވަނީ. މުސްލުމް ކަނބަލުންގެ ބޭނުން ހިފަން އިސްލާމް ދީނުގައި އޮންނަ ގޮތަކީ މީތޯ؟ ސަލަފުގެ ބޭފުޅުން ދީނީކާޑު ކުޅުއްވާއިރު މިކަމާމެދު ވިދާޅުވަނީ ކީކޭތޯ؟
އަފްރާސިޔާބު
29 October 2023
ޕާޓީން ހުރިހާ އަންހެން މެންބަރުންނަށް އެލަވަންސެއް ދޭން ފެނޭ. ޕާޓީން ހޮވިއްޖެނަމަ މަޖިލީހުން ދޭ އެއްޗެއްގެ ގޮތުގައި އެ އެލަވަންސް ހަމަޖައްސައިގެންވެސް ދޭން ވެސް ފެނޭ.