ކޯޓުގެ ހުރުމަތް ކެނޑުމުން ޕީޖީ އޮފީސް 10،000ރ. އިން ޖޫރިމަނާކޮށްފި

ޕީޖީ ހުސައިން ޝަމީމް: ކޯޓުގެ ހުރުމަތް ކެނޑުމުން ޕީޖީ އޮފީސް 10،000ރ. އިން ޖޫރިމަނާ ކުރަން ވަނީ ހުކުމް ކޮށްފައި --- ފޮޓޯ/މިހާރު

މުއިއްޒު އިބްރާހިމް، މިހާރު

30 އޮކްޓޯބަރ 2023 - 20:57

19 comments

ކޯޓުގެ އަމުރަކަށް ޕްރޮސިކިއުޓާ ޖެނެރަލްގެ އޮފީހުން އަމަލު ނުކުރުމުން ކޯޓުގެ ހުރުމަތް ކެނޑުމުގެ ކުށުގައި އެ އޮފީސް 10،000ރ. އިން ޖޫރިމަނާ ކުރަން މެޖިސްޓްރޭޓް ކޯޓަކުން މިއަދު ހުކުމްކޮށްފި އެވެ.

ސ. ފޭދޫ މެޖިސްޓްރޭޓް ކޯޓުން އެގޮތަށް ހުކުމްކުރީ ޖިނާއީ މައްސަލައަކާ ގުޅިގެން ބައެއް މައުލޫމާތު ހާމަކުރަން އެ ކޯޓުން އެންގުމުން އެ އަމުރަށް ތަބާނުވި މައްސަލައިގަ އެވެ. އެ މައުލޫމާތު ހާމަކުރަން ޖެހޭނެ ކަމަށް ހައި ކޯޓާއި ސުޕްރީމް ކޯޓުން ކުރިން ނިންމުމުން ވެސް އެ އަމުރަށް ދައުލަތުން އަމަލެއް ނުކުރެ އެވެ.

ފޭދޫ ކޯޓުން މިއަދު ކުރި ހުކުމުގައި ވަނީ މިދިޔަ އޭޕްރީލް މަހު އެ ކޯޓުން ނެރުނު އަމުރާ އެއްގޮތަށް މައުލޫމާތު ހާމަ ނުކުރުމުގެ އިތުރުން އެ މައުލޫމާތު ހާމަކުރަން ދެ ފަހަރަށް ފުރުސަތު ދިނުމުން ވެސް އެގޮތަށް ދައުލަތުން އަމަލު ކޮށްފައިނުވާ ކަމަށެވެ. ތަކުރާރުކޮށް ފުރުސަތު ދިނުމުން ވެސް އެ އަމުރަށް އަމަލު ކޮށްފައި ނުވާތީ އެއީ ކޯޓުގެ ހުރުމަތް ކެނޑުމުގެ އަމަލެއް ކަމަށް ހުކުމުގައި ވެ އެވެ. އެހެންވެ، އޭގެ އަދަބެއްގެ ގޮތުން 10،000ރ. އިން ޕްރޮސިކިއުޓާ ޖެނެރަލްގެ އޮފީސް ޖޫރިމަނާ ކުރީ ކަމަށް ހުކުމުގައިވެ އެވެ.

އެ ފައިސާ އެއް މަސް ތެރޭގައި އެ ކޯޓަށް ދެއްކުމަށް ހުކުމުގައި އަންގާފައިވެ އެވެ.

އެ މައްސަލާގައި ހާމަކުރަން އެންގީ ދައުލަތުގެ ހެކިވެރިންގެ ކުށުގެ ރެކޯޑާއި ހައްޔަރު ރެކޯޑެވެ. ކުށުގެ ރެކޯޑު ކުރިން ހާމަކުރިޔަސް، ހައްޔަރު ރެކޯޑެއް ދައުލަތުން މިހާތަނަށް ހާމައެއް ނުކުރެ އެވެ.

މިއީ ކޯޓުގެ ހުރުމަތް ކެނޑުމުގެ ކުށެއްގައި ޕްރޮސިކިއުޓާ ޖެނެރަލްގެ އޮފީހުގެ މައްޗަށް ފިޔަވަޅު އެޅި ފުރަތަމަ ފަހަރެވެ.

ކުށްކުރުން ޕްރޮސެކިއުޓާ ޖެނެރަލް ޕީޖީ އޮފީސް ފޭދޫ މެޖިސްޓްރޭޓް ކޯޓް ކޯޓުގެ ހުރުމަތް ކެނޑުން ހުސައިން ޝަމީމް (ޕީޖީ)

19 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

LaamuonlineDOTcom

31 October 2023

ކޯޓުތަކުންވެސް ބިޒުނަސް، ބޮޑެތިކުށްވެރިންގެ އަދަބުވެސް ޖޫރިމަނާއަކަށް ބަދަލުކޮށްދެނީ! ސިފައިންވެސް ވެލްފެއާފަންޑު ހަދައިގެން މިހާރު 22 މިލިޔަންރުފިޔާ އެއްފަހަރުން، ފިރިމީހާ އަނބިމީހާގައިގަ އަތްލިޔަސް ގެވެށިއަނިޔާގެ ނަމުގާ 14 ވަރަކަށްހާސްރުފިޔާއިން އެބަޖޫރިމަނާކުރޭ، ޓުރެފިކު މައްސަލަތަކުގައި ވެހިކަލްގެ އަހަރީފީއަށްވުރެން އެންމެކުޑަ ޖޫރިމަނާގެ އަދަދު އެބަބޮޑުވޭ! މަގުސަދަކީ އިސްލާހުކުރުންތަ ނޫނީ މީރާއަށް ފައިސާވެއްދުންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަންދެލި

31 October 2023

މީހަކު ކުރާ ހެއްވާ ނުވަތަ ލަދުކުޑަ ކަމަކުން އެމީހަކު ވަޒީފާ އަދާ މުއައްސަސާ ޖޫރިމަނާ ކުރެވިގެން ނުވާނެއެވެ. އެކަން ކުރި މީހަކު ހޯދާ އެ މީހާ ޖޫރިމަނާ ކުރަން ދަސްކުރާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

÷ ޕީޖީ މިޔާ

31 October 2023

ލާރި ކޮޅު ދައްކާނީ އިންތިޤާލީން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚަދީޖާ އަޙްމަދު

31 October 2023

އަމިއްލަ ބުރަކަށީގައި އޮތް ބާރަ ގުދު މި ޝަމީމުއަށް ނުފެނޭ. މީނަ މިއުޅެނީ އެހެން އޮފީސްތަކަށް ކޮންސަލްޓަންސީ ދިނުމުގައި ވަރަށް ބުރަކޮށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮލިނަ

31 October 2023

ދެން މި.ލާރި ދައްކާނީ ސަމީމް ޖީބުންތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑުރާމާކަންނަ

31 October 2023

އިންސާނުން ކުއްކުރަނީ ވީމާ އެތަން ޖޫރީމަނާކުރުމުގެ ބަދަލު ސީދާ ޕީޖީ ނުވަތަ އެކަމެއް ޝާމިލުވިމީހަކު ނުވަތަ މީހުން ޖުރިމާނާކޮއް އަދަބެއްލިބެންޖެހޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޯޔަރު ވައްޑޭ

30 October 2023

ފޭދޫ ކޯޓު މެޖިސްޓްރޭޓް އަކީއައްޑޫގައި ހުރި އެންމެ އިންސާފުވެރި މެޖިސްޓްރޭޓް، ޝަރީޢަތްތަކުގެ ސްޕީޑް ވެސް ރަގަޅު. ޕީޖީ އޮފީސް ވިޔަސް ގާނޫނަށް ވުރެ މަތި ނުވާނެ. އެހެން ރަށްތަކުގެ ކޯޓުތަކާ ބަލާއިރު ފޭދޫ ކޯޓު ވަރަށް އިންތިޒާމު ރަނގަޅު. މި އަހަރު މިހާތަނަށް ވެސް ޓްރެފިކިން މައްސަލަތަކުގައި 4 ވަރަކަށް މީހުން އުމުރަށް ޖަލަށް ކަނޑާލައިފި. ތައުލީމީ ގާބިލު އަދި އިޚްލާސްތެރިން މަގާމުތަކުގައި ތިބުމަކީ މުހިއްމު ކަމެއް. އަފީފު އަށް ހެޔޮ ރަޙްމަތް ލައްވާށި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންގައްޕާ

30 October 2023

ކުރިއަށް އެޅުނު ވަރަށް ސަތޭކައިގެ ނަމޫނާ ފިޔަވަޅެއް. ޕީޖީއަކަސް އޭބީސީޑީއަކަސް ގާނޫނަށް ހުރުމަތްތެރިވާންޖެހޭނެ. އެހެންނޫނީ ގާނޫނުގެ ތެރެއިން އަދަބުދީ ވަޒީފާނިގުޅައިގަނަން ޖެހޭނެ.