ވިޔަފާރި / ޑޮލަރު ރިޒާވް

ރިޒާވް 126 މިލިއަން ޑޮލަރަށް ދަށްވެއްޖެ

އެމްއެމްއޭ. ރިޒާވްގެ އަދަދު އަނެއްކާ ވެސް ދަށްވެފައި -- ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

02 ނޮވެމްބަރ 2023 - 10:17

8 comments

ދައުލަތުގެ ޔޫޒަބަލް ރިޒާވްގައި ހުރި އަދަދު 126 މިލިއަން ޑޮލަރަށް ދަށަށް ހިނގައްޖެ އެވެ.

އެމްއެމްއޭ އިން އާންމުކޮށްފައިވާ ތަފާސް ހިސާބުތަކުން އެނގޭ ގޮތުން މިދިޔަ ސެޕްޓެމްބަރު މަހު ރާއްޖޭގެ ރިޒާވް ވަނީ މި އަހަރު ފެށުނު އިރު ޔޫޒަބަލް ރިޒާވްގައި ހުރި އަދަދަށް ވުރެ 128 މިލިއަން ޑޮލަރު ދަށްވެފަ އެވެ. ޖެނުއަރީ މަހު 254 މިލިއަން ޑޮލަރު ހުއްޓެވެ.

މިދިޔަ އަހަރުގެ ސެޕްޓެމްބަރު މަހާ އަޅާބަލާ އިރު ޔޫޒަބަލް ރިޒާވް ވަނީ 35 ޕަސެންޓް ދަށަށް ގޮސްފަ އެވެ. އެ މަހު ޔޫޒަބަލް ރިޒާވް ހުރީ 193 މިލިއަން ޑޮލަރުގަ އެވެ.

ޔޫޒަބްލް ރިޒާވަކީ ރަސްމީ ރިޒާވުން ކުރު މުއްދަތުގެ ބޭރުގެ ލައިބިލިޓީތައް އުނިކުރުމުން ބާކީ އޮންނަ އަދަދެވެ. ޔޫޒަބަލް ރިޒާވުން ދައްކައިދެނީ ބޭރު ފައިސާގެ އެކި މުއާމަލާތްތަކަށް ވަގުތުން ވަގުތަށް ބޭނުންކުރުމަށް ހުރި ފައިސާގެ އަދަދެވެ.

ފިނޭންސް މިނިސްޓަރު އިބްރާހިމް އަމީރު ދާދި ފަހުން "މިހާރު" އަށް ދެއްވި އިންޓަވިއުއެއްގައި ވިދާޅުވީ، ރިޒާވް އެހާ ބޮޑަށް ދަށްވަނީ، ތެލުގެ ހަރަދަށް ހޭދަކުރަންޖެހޭ ވަރު އިތުރުވުމުން ކަމަށެވެ. މިއަހަރު ތެލަށް ވަނީ ގާތްގަނޑަކަށް 800 މިލިއަން ޑޮލަރު ހޭދަކޮށްފަ އެވެ.

އަމީރު ވިދާޅުވީ، 2020 ވަނަ އަހަރު ކޮންމެ މަހަކު ތެލަށް 22 މިލިއަން ޑޮލަރު (339 މިލިއަން ރުފިޔާ) ހަރަދުކުރި އިރު މިދިޔަ އަހަރު އެވްރެޖުކޮށް ކޮންމެ މަހަކު 70 މިލިއަން ޑޮލަރު (އެއް ބިލިއަން ރުފިޔާ)، އަދި މިއަހަރުގެ މިހާތަނަށް މަހަކު އެވްރެޖުކޮށް 65 މިލިއަން ޑޮލަރު (އެއް ބިލިއަން ރުފިޔާ) ހޭދަކުރަން ޖެހުނު ކަމަށެވެ.

ދައުލަތުން ތެލަށް ކުރަންޖެހޭ ހަރަދު ދެ ގުނަ އިތުރުވުމުން ރިޒާވަށް ވަރަށް ބޮޑު ޕްރެޝަރެއް އައިސްފައިވާ ކަމަށެވެ.

މިދިޔަ ސެޕްޓެމްބަރު މަހުގެ ރިޒާވް ހުރީ 592 މިލިއަން ޑޮލަރުގަ އެވެ. މިއީ މި އަހަރުގެ ޖެނުއަރީ މަހު ރިޒާވް ހުރި ވަރަށް ވުރެ 198 މިލިއަން ޑޮލަރު ދަށް އަދަދެކެވެ.

ވޭތުވެދިޔަ ދެ އަހަރު ތެރޭގައި ދައުލަތުގެ ރިޒާވު އެއްވަރެއްގައި ނުހިފެހެއްޓި، ބޮޑެތި ބަދަލުތައް ދަނީ އަންނަމުންނެވެ. ރިޒާވްގެ އަދަދު 50 ޕަސެންޓާ ހަމައަށް ވެސް ދަށްވެފައި އެބަހުއްޓެވެ.

ފިނޭންސް މިނިސްޓްރީ އެމްއެމްއޭ ޑޮލަރު ރިޒާވް

8 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ާރިމާޙް

03 November 2023

މުޅި ރާއްޖޭގެ އެންމެނަށް މާލެއިން ފްލެޓް ދޭޭން ބިން ދޭން އުޅުނީމަ ވާނީ މިހެން.... ކިހާ ހަރަދެއް ބިން ހިއްކަން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

02 November 2023

ރިޒާވް ދަށައްދާއިރަށް ބޮޑު ލޯން އެއް ނަގާ ފަ ނޫސްތަކުގަ ރިޒާވް ހާމަ ކޮށްލާނެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙުސެންބ564

02 November 2023

އެކަމަކު ހާދަ ބަޔަކު މުއްސަދިވެއްޖޭ ތެޔޮ ވިއްކާގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮކްސިޖަން

02 November 2023

ލަންކާއަށް ވިގޮތް މިގައުމަށް ދިމާވިޔަ ނުދިމުމަށް އެދެން. މިހެން ބުނާއިރުވެސް އެގޭ މިގައުމުގައި ކޮރަޕްޝަނަށް ދެވިހިފާފައި ތިބިމީހުންއެބަތިބި. އެމީހުން ފަސްނުޖެހޭނެ އެމީހުންގެ އަމިއްލަ އެދުމެއް ފުއްދާލަން އެހެންބަޔަކު މިގައުމުގައި ތިބިތޯ ބަލަން. އެމީހުންނަ ބޭރުގައުމުތަކުގައި އުޅެވެން އެބައޮތް، ގެތައް ގަނެފައި ހުންނަނީ. މިތަން ދޫކޮށް އަހަރުމެންނަށް ދާނެ އެހެންތަނެއްނެތް. ދެވޭނެ ތަނެއްވެސް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1206

02 November 2023

ތެޔޮ ގަންނަނީ ޑޮލަރު ދީފައި. އެކަމަކު އެ ވިއްކަނީ ދިވެހި ރުފިޔާ އިން. ދައުލަތުން ފައިސާ ޗާޕުކުރުމުގައި ހައްދު ފަހަނަ އަޅައިދިޔައީމާ އިގްތިސާދުގައި ދައުރުވާ ދިވެހި ފައިސާ އިތުރުވޭ ބޭރު ފައިސާއަށް ވަނީ ބާރު ބޮޑުވެފައި. މާނައަކީ، ދައުލަތުން ހިފަހައްޓާފައި އޮތް ބޭރު ފައިސާ މާރު ރޭޓަކީ މިހާރު ޚިޔާލީ ފޮލާއެކޭ. އެޔަކު އެއް ވެސް އުރައްޕަތެއް ނެތޭ. ލާދައިގެ ހަގީގީ މިންގަނޑު (ސަބްސިޑީ ނުލައި) ހިސާބު ޖަހައިފި ނަމަ، މިއީ ބަނގުރޫޓުވެފައި އޮތް އިގުތިސާދެއް.