އައިޖީއެމްއެޗްގައި އަލަށް ހަދާ 25 ބުރީގެ އިމާރާތް: އެތަނުގެ މަސައްކަތް އަންނަ އަހަރުގެ މެދުތެރޭގައި ނިމޭނެ. ފޮޓޯ: ހުސެއިން ވަހީދު /މިހާރު
07 ފެބުރުއަރީ 2017 - 17:45
14 comments
އައިޖީއެމްއެޗްގައި އަލަށް ހަދާ 25 ބުރީގެ އިމާރާތުގެ މަސައްކަތް ކުރިޔަށް ދަނީ ޝެޑިއުލަށް ވުރެ ބާރަށް ކަމަށާއި އަންނަ އަހަރުގެ މެދުތެރޭގައި އެ އިމާރާތް ބޭނުންކުރަން ފެށޭނެ ކަމަށް ހެލްތު މިނިސްޓަރު އަބްދުﷲ ނާޒިމް މިއަދު ވިދާޅުވެއްޖެ އެވެ.
ޑައިގްނޯސް ސެންޓަރެއް ވެސް ހިމެނޭ ގޮތަށް ހަދާ މި އިމާރާތުގެ މަސައްކަތް އަންނަ އަހަރު ނިންމަން ޖެހެ އެވެ. ސަރުކާރުން ބުނެފައިވާ ގޮތުގައި އެތަން އިމާރާތްކުރަނީ އެއް ލައްކަ މީހުންނަށް ޚިދުމަތް ދެވޭ ފެންވަރަށެވެ.
ސިންގަޕޫރުގެ ޗަންހުއާ ކުންފުންޏާ 143 މިލިއަން ޑޮލަރު (2.2 ބިލިއަން ރުފިޔާ) އަށް ހަވާލުކޮށްގެން ކުރާ އިމާރާތުގެ މަސައްކަތް ބައްލަވާލެއްވުމަށްފަހު ނޫސްވެރިންނާ ވާހަކަދައްކަވަމުން ހެލްތު މިނިސްޓަރު ވިދާޅުވީ އެ އިމާރާތުގެ ކޮންކްރީޓްގެ މަސައްކަތް އަންނަ ސެޕްޓެމްބަރު މަހާ ހިސާބުގައި ނިންމާލެވޭނެ ކަމަށެވެ. މިވަގުތު އެ އިމާރާތުގެ ހަ ޝީޓް ވަނީ އަޅައިފަ އެވެ.
"މި ބިލްޑިންގް ވެގެންދާނީ މިހާރު އައިޖީއެމްއެޗްގެ ޖާގައިގެ ދަތިކަމަށް ތަނަވަސް ހައްލު ހޯދައިދޭނެ ބިލްޑިންގަކަށް. މި ބިލްޑިންގް ވެގެންދާނީ ހަމައެކަނި ހޮސްޕިޓަލަކަށް ނޫން. ވަރަށް ހިތްގައިމު، މާލޭގެ ލޭންޑްސްކޭޕަށް ރީތިކަމެއް ގެނެސްދޭނެ ބިލްޑިންގަކަށް،" ނާޒިމް ވިދާޅުވި އެވެ.
އައިޖީއެމްއެޗްގެ އިމާރާތް ބައްލަވާލެއްވުމަށްފަހު މިނިސްޓަރު ނާޒިމް ނޫސްވެރިންނާ ވާހަކަދައްކަވަނީ. ފޮޓޯ: ހުސެއިން ވަހީދު /މިހާރު
އެ ބިލްޑިންގް ހެދުމަށް ހިނގާ ހަރަދަކީ އެކަށީގެންވާ ވަރަށް ވުރެ ބޮޑު އަގެއްތޯ ސުވާލުކުރުމުން މިނިސްޓަރު ވިދާޅުވީ އެއްގޮތަށް ދެކެވަޑައިނުގަންނަވާ ކަމަށެވެ. އަދި މަސައްކަތުގެ ކޮލިޓީ އާއި ސްޕީޑާއި އެތަނުގެ ޑިޒައިން އެކުވެގެންދާއިރު އެއީ ރަނގަޅު އަގެއް ކަމަށް ވެސް ނާޒިމް ވިދާޅުވި އެވެ.
"މި ޕްރޮޖެކްޓްގައި ހިމެނެނީ އިމާރާތަށް ބޭނުންވާ އިންޓީރިއާ އާއި ހުރިހާ މަސައްކަތްތަކެއް. އިމާރާތަށް ބޭނުންވާ ސަމާނުތައް އެ އޮންނަ އުސޫލުގެ ތެރެއިން ހޯދޭނެ އިންތިޒާމް ހަމަޖައްސައިދޭނަން،" މިނިސްޓަރު ވިދާޅުވި އެވެ.
ނާޒިމް ވިދާޅުވީ އަންނަ މަހު، އިމާރާތުގެ ތިރީ ބުރިން ފެށިގެން މައްޗަށް އިންޓީރިއާގެ މަސައްކަތް ފަށާނެ ކަމަށެވެ. އަދި މި މަސައްކަތްތައް ކުރިޔަށްދާއިރު ކޮންކްރީޓްގެ މަސައްކަތްތައް ވެސް ކުރިޔަށްދާނެ ކަމަށް ވިދާޅުވި އެވެ.
ރާއްޖޭގައި ހަދާ އެންމެ އަގު ބޮޑު އިމާރާތުގެ މަސައްކަތްކުރުމަށް 200 އަށް ވުރެ ގިނަ މުވައްޒަފުން ދަނީ ހަރަކާތްތެރިވަމުންނެވެ. އަދި އިންޓީރިއާ މަސައްކަތް ފެށުމުން މުވައްޒަފުންގެ އަދަދު އެއަށްވުރެ އިތުރުވެގެންދާނެ ކަމަށް މިނިސްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަމިމް
12 November 2017
ހޮސްޕިޓަލުގެ އަސްލު ބޭނުމަކީ އައިޖީއެމްއެޗް ނައްތާލުމެވެ. މިހާރު ޕްލޭންގައިވާ ގޮތުން އައިޖީއެމްއެޗް އިމާރާތް ދެން ބޭނުންކުރާނީ ދަރުމަވަންތަ ހޮސްޕިޓަލްގެ ވޯޑްގެ ގޮތުގައެވެ. މިހާރު ކޮންސަލްޓޭޝަން ރޫމްތައްވެސް ބަދަލުވާނީ ޕްރައިވެޓް އެގްޒެކެޓިވް ރޫމް ތަކަށެވެ.
އަގަގަދަ
08 February 2017
ތިޔަތާގެ ފްލޯއޭރިޔާއަކީ ކިހާވަރެއް؟ ކޮންމެވެސް ކުއްޖަކު ބުނެލަދީބަލަ؟ އަހަރެން ހިތަށްއަރަނީ ހާދަ ކުޑަތަންކޮޅެކޭ 25 ބުރިއަށް އެނަގަނީ. އަދި ހާދަ ބޮޑު އަގަކަށޭ.
ހުސައިންގެ ދަރި
08 February 2017
ހުޅުމާލޭގައިވެސް ހޮސްޕިޓަލެއް އަޅާ، އަޑުއެހި ގޮތުގައި އެ ހޮސްޕިޓަލް އިމާރާތްކޮށް ނިންމާ ހޮސްޕިޓަލަށް ބޭނުންވާ ހުރިހާ ސާމާނެއް ގަތުމަށް ދާ ޚަރަދަށްވުރެ އެތަށް ގުނަ އިތު ޚަރަދެއް މާލޭގަ އިމާރާތްކުރާ ހަސްފަތާލު އިމާރާތްކުރުމަށް އެކަނި ޚަރަދުވޭ. އެހެންވީމާ މީ ދިވެހިންނަށް ވެވޭ ބޮޑު ޚިޔާނާތެކޭ ނުބުނެވޭނެތޯ؟
ސސ
08 February 2017
ތިބިލްޑް ކައިރީ ޖެހިގެން ކަހަލަ ގޮތަކަށް ތިހުރި ދިރާގު ބިލްޑިންގަކީ ނުރައްކާތެރި ރޭޑިއޭޝަން ހުންނާނެ ތަނެއް އޭގެ ސަބަބުން ބަލިމީހުނަށް އެއްވެސް ގެއްލުމުގެ އަސަރެއް ކުރާނެބާ؟
އައްޑޫ ރަދުން
08 February 2017
ތިތަނުން ކިޔޫ ނަންބަރު ނަގަން ފަސޭހަ ވާނެ ކަމަށް އުއްމީދު ކުރަން.މިހެން މިބުނީ ކުރިފަހަރަކު އަތުގެ އިނގިއްޔެ ބިނދިގެން ވަރަށް އަވަހަށް ފަސޭހައިން ނިމިދާނެ ކަމަށްބަލާ -/5000ރގެ ބަޖެޓަކާއެކު އައްޑޫއިން ފުރައިގެން ތިމާގެ މީހުންއުޅޭ ކައްޅިއަކަށްވެސް ނުގޮސް ތިތާކާރީގަ ހުރިގެސްޓް ހައުސްއަކުން -/450ރ ދުވާލެއްގެ މައްޗައް ކޮޓަރިއެއް ހިފައިގެން ނިމިދާނެ ކަމަށްބެލީ.ކައުންޓަރަށް ދިއުމުން އެގުނީ ކިއުނަންބަރެއް ނަގައިގެންނޫނީ ނުދެއްކޭނެކަން.މައުލޫމާތު ސާފްކޮއްގެން އެބުނާ ނަންބަރެއް ނަގަން ހަވީރު ދިޔައިރު ކިޔުވަރަށްދިގު ކައުންޓަރާ ހަމައަށް ދެވުނުއިރު ބޭނުންވާ ޑަކްޓަރުގެ ނަންބަރު ކަޓައިފި(ކިރިޔާ ނުރޮވުނީ).ރަނގަޅަށް ބަލާލިއިރު ހަވީރުގެ ނަންބަރު ނަގަން ފަތިހު ކިޔޫގަ ޖެހެންޖެހެޔޯ.....ވަރަށް ސަކަރާތް...ކިޔުނަންބަރު ކަންތަކަށް 1 ބުރި ހުސްކުރާނެ ކަމަށް ހީކުރަން..
އިބޫ
08 February 2017
މަހަކު 2 ސްލެބް އެޅުން ރާއްޖޭގެ ކޮންޓްރެކްޓަރުންވެސް ކުރޭ. އަކަފޫޓެއްގެ ކޮސްޓް އަކީ ކޮބަިއތަ؟ ތިޔަ ހަދާ ގޮޅި ކުޑައީ އެކަމު، މޮހާރު ހިުރި އިންޑިޔާ ބިލްޑިންގ އަށް އެކުރި ބޮޑު މަރާމާތަށްވުރެ މިހަރު ހަދާ ތނުގެ އޭރިޔާ ބޮޑު ކުރި ނަމަދޯ.
އަލްޖިބްރާ
07 February 2017
25ބުރީގެ އިމާރާތެއް ކުރެވޭވަރުގެ ބާރު ތިބިމުގައި އެބަހުރިތަ ؟
ކާފަ
07 February 2017
ރަނގަޅު ރާއްޖޭގެ އާބާދީގެ ދެބައިކުޅައެއްބައި އެޑުމިޓް ކުރެވޭނެ
ޚަރީމް
07 February 2017
ތިތަން ބަލާލި ކޮންމެ މީހަކު ލޮލުން އަޅާނީ ކަރުނަ. ގައުމު 2 ބިލއަން ރުފިޔާ އަށް ދަރުވާލައިގެން ބަޔަކަށް ބޮޑު ނަފާ އެއް ލިބޭތީ ކުރާ ބޮޑު ކޮރަޕްޝަން އެއްތީ. ބިއްލޫރިން ޖަރީކޮށްފަ ރައްޔުތުންނަށް ތަރައްގީ ތިގޮތަށް ދެއްކިއަސް މިއަދު ތިކަން ނޭގޭ މީހަކު ނުހުންނާނެ.
ނަމީދު
07 February 2017
އެއޮށް ބޮޑު ބިމުގައި ތިހަދަނީ ނިސްބަތުން ކުޑަ މިންވަރެއް. 2 ބިލއަން ރުފިޔާގެ އިމާރާތެއްނޫންތީ. ބިޑް ކުރުމެއްނެތި ހިންގާ ބޮޑެތި ޖަރީމާތީ. 2 ބިލއަނުން ހެދޭނެ ތީގެ 4 އިމާރާތް. ބޮޑެތި ރިސޯޓްތައްވެސް ނިންމަނީ 45 މިލިއަން ޑޮލަރަށް. އެތަންތަނާ ބަލާފަތީ ހަމަ ހައްޕުޑު.