ޓެރަރިޒަމްގެ ކުށުގައި އަމީން 27 އަހަރަށް ޖަލަށް

އަމީން: އޭނާ 27 އަހަރަށް ޖަލަށްލާން ވަނީ ހުކުމް ކޮށްފައި

08 ނޮވެމްބަރ 2023 - 15:36

އިސްލާމިކް ސްޓޭޓް (އައިއެސް) ގެ ފަރާތުން ރާއްޖޭގައި އިސްކޮށް ހަރަކާތްތެރިވާ ކަމުގެ ތުހުމަތުގައި ޓެރަރިޒަމްގެ ދައުވާ ދައުލަތުން ކުރި މުހައްމަދު އަމީން 27 އަހަރަށް ޖަލަށްލާން ކްރިމިނަލް ކޯޓުން މިއަދު ހުކުމްކޮށްފި އެވެ.

ޏ. ފުވައްމުލަކު ކަރިއްޔާވިލާ އަމީންގެ މައްޗަށް ދައުލަތުން ދައުވާކުރީ އިސްލާމިކް ސްޓޭޓް ޖަމާއަތާ ގުޅިގެން އުޅުމާއި ހަނގުރާމައިގައި ބައިވެރިވުމަށް ސީރިއާއަށް ދިވެހިން ފޮނުވި ކަމަށް ބުނެ އެވެ. އޭނާގެ މައްޗަށް ކުރީ ޓެރަރިސްޓް ޖަމާއަތެއްގައި ބައިވެރިވުމުގެ ދައުވާ އާއި ޓެރަރިޒަމްގެ އަމަލެއް ރޭވުމުގެ ދައުވާ އެވެ.

އަމީންގެ ޝަރީއަތް ކުރިއަށް ގެންދިޔައީ ސިއްރުކޮށްގެން ކަމަށްވާތީ އެ ހުކުމުގެ ތަފްސީލެއް ނުލިބެ އެވެ. ނަމަވެސް އޭނާގެ މައްޗަށް ކުރި ދެ ދައުވާ ވެސް ސާބިތުވެ، އޭނާ 27 އަހަރަށް ޖަލަށްލާން މިއަދު ހުކުމް ކުރިކަން ވަނީ ކަށަވަރުވެފަ އެވެ.

އަމީންގެ ޝަރީއަތް ހިންގީ އާންމުކޮށް ހުޅުވާނުލައި، ސިއްރުކޮށްގެންނެވެ.

އޭނާ 27 އަހަރަށް ޖަލަށްލާން ހުކުމް ކުރިޔަސް، އޭނާ ބަންދުގައި ހޭދަކުރި މުއްދަތު އުނިކުރުމުން އޭނާ ދެން ތަންފީޒު ކުރަން ޖެހޭނީ 23 އަހަރުގެ ޖަލު ހުކުމެކެވެ.

އަމީނަކީ 2007 ވަނަ އަހަރު ސަލްޓަންޕާކްގެ ބޮމުގެ މައްސަލާގައި ވެސް ތުހުމަތު ކުރެވުނެވެ. އެ މައްސަލާގައި ރާއްޖެއިން ބޭރުގައި އޭނާ ހުއްޓާ އިންޓަޕޯލް ރެޑް ނޯޓިސްއެއްގެ ދަށުން އޭނާ ހައްޔަރުކޮށްގެން ރާއްޖެ ގެނައި ނަމަވެސް 2012 ވަނަ އަހަރު ފަހުން ވަނީ ދޫކޮށްލައިފަ އެވެ.

އަމީނަކީ އެމެރިކާއިން ނެރުނު ޓެރަރިސްޓުން ލިސްޓުގައި ވެސް ހިމެނޭ މީހެކެވެ.

ކުށްކުރުން ޓެރަރިޒަމް ކްރިމިނަލް ކޯޓް ޓެރަރިޒަމާ ދެކޮޅު ހަނގުރާމާ މުހައްމަދު އަމީން

21 ކޮމެންޓް, 37 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޒަރީރު

11 November 2023

ދުވަހަކުވެސް ދޫކުރަންޖެހޭ މީހެއްނޫން. ހަރުކަށި ފިކުރަކީ މާފިޔާއަށް ވުރެވެސް ނުރައްކާތެރި އެއްޗެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމީނާ އަލީ

09 November 2023

މައްސަލަ ހިނގާދިޔަގޮތާއި މުޙައްމަދު އަމީން ގެ ބަންދުގެ މުއްދަތުގައި ދައުލަތުގެ ފަރާތުން ދީފައިވާ އަނިޔާއަށް ބަލައި އާއިލާއިން މިކަންކަން ކުއްވެރިކޮށް 8 ނޮވެންބަރު 2023 ގައި ކުރެވުނު ޙުކުމް އިސްތިއުނާފް ކުރަން ނިންމައިފީމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރިޔަމް ދީދީ

09 November 2023

މުޙައްމަދު އަމީންގެ މައްސަލާގެ އަޑުއެހުންތައް ކުރިއަށް ގެންދާއިރު ޝަރީޢަތް ތާވަލް ވެގެން އަންނަނީ ސިޔާސީގޮތުން ދިވެހިރާއްޖެ އެންމެ ހަލަބޮލި ދުވަސްވަރު ނުވަތަ ރައިސުލްޖުމްހޫރިއްޔާ ޢަބްދުﷲ ޔާމީންގެ ސަރީޢަތް އޮންނަ ދުވަހު ނުވަތަ ފަހުދުވަހުކަން ވަރަށް ބޮޑަށް ފާހަގަވެފައިވާކަމެއްކަން ފާހަގަކުރަމެވެ. ސިޔާސީ ގޮތުން ދުއްވާ ދެބޯގެރިއެއްގެ ގޮތުގައި އަމީނުގެ މައްސަލަ ގެންގެޅެފައިވާކަން ފާހަގަވެގެން ގޮސްފައިވެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޫކޮށްލާ

09 November 2023

ހަމައެކަނި އެމެރިކާއިން ދިން ޖާސޫސީ މައުލޫމާތަށް ބަލައި ދިވެހި ލޮބުވެތި ރައްޔިތަކަށް 27އ ޖަލުހުކުމެއްޖެހުމުގައި ބައިވެރިވި އެންމެނަށް ހަލާކުހުއްޓެވެ. ޔައުނީ އެމެރިކާގެ ޖާސޫސީ މައުލޫމާތު ތަކަށް ބުރަވެ އިރާގަށް ބޮަންއަޅައި އެތަކެއް ހާސް ރައްޔިތުން މަރައި ނިމުނުފަހުން މިއެނގުނީ ޖާސޫސީ މައުލޫމާތު ސައްހަނޫންކަމެވެ. އެމެރިކާނުންގެ ޖާސޫސީ މައުލޫމާތުގެ ސައްޙަކަން ކަށަވަރުވެފައިނުވާތީ މިހިނދުން މިހިނދަށް މި ބޭފުޅާ މިނިވަންކުރުމަށް ހަރުއަޑުން ގޮވައިލަމެވެ.