އަލްހާން ފަހުމީ: އޭނާ އާއި އޭނާގެ ދެ ކޮއްކޮއަކަށް ދައުވާކޮށްދޭން ފުލުހުން ވަނީ ފޮނުވާފައި. -- ފޮޓޯ | މިހާރު
14 ނޮވެމްބަރ 2023 - 10:05
14 comments
ކިންގްސް ކެޕިޓަލް ހޯލްޑިންގްސް ކުންފުނިން ގާނޫނާ ހިލާފަށް އިންވެސްޓްމަންޓް ސްކީމެއް އުފައްދައި ގިނަ ބައެއްގެ އަތުން ފައިސާ ނެގި މައްސަލައިގައި އެ ކުންފުނީގެ ބޯޑު މެމްބަރު އަދި ރައްޔިތުން މަޖިލީހުގެ ކުރީގެ މެމްބަރު އަލްހާން ފަހުމީގެ މައްޗަށް ދައުވާކޮށްދޭން ފުލުހުން އިއްޔެ ފޮނުވައިފި އެވެ.
ޕްރޮސިކިއުޓާ ޖެނަރަލްގެ އޮފީހުން މިއަދު ބުނީ އެ މައްސަލާގައި ވަރަށް އަވަހަށް ގޮތެއް ނިންމާނެ އެވެ.
އަލްހާންގެ އިތުރުން އޭނާގެ ދެ ކޮއްކޮއެއް ކަމަށްވާ ޝަހުބާން ފަހުމީ އާއި ޝަޒްބާން ފަހުމީގެ މައްޗަށް ވެސް ތުހުމަތުކޮށް ދައުވާ އުފުލައިދޭން ފުލުހުން އެދިފައިވާ ކަމަށް އެ އޮފީހުން ބުންޏެވެ.
ދައުވާކުރަން އެދިފައިވާ އެ ތިން މީހުންނަކީ ވެސް ކިންގްސް ކެޕިޓަލް ހޯލްޑިންގްސްގެ ބޯޑް މެންބަރުންނެވެ.
ފުލުހުން މީގެކުރިން ހާމަކުރި މައުލޫމާތަށް ބަލާއިރު، އަލްހާންގެ މައްޗަށް ތުހުމަތު ކުރަނީ މަނީ ލޯންޑްރިންގެ ތުހުމަތެވެ. އެ ތުހުމަތުގައި އޭނާ ފުލުހަށް ހާޒިރުކޮށް ޕާސްޕޯޓް ވެސް ހިފެހެއްޓި އެވެ. އަދި އޭނާއާ ގުޅޭ ބައެއް ތަންތަން ބަލައިފާސްކުރި އެވެ.
އަލްހާން ހިންގި ކިންގްސް ކެޕިޓަލް ސްކީމް މައްސަލަގަނޑަކަށް ވި ހިސާބުން އެ ފައިސާ ހޯދަން އިންވެސްޓަރުން މަސައްކަތް ކުރި އެވެ. އެ ސްކީމް މައްސަލަ އަކަށް ވީ، އެއީ ޕޮންޒީ ސްކީމްގެ ހުރިހާ ސިފައެއް ހުރި ސްކީމަކަށް ވެފައި، ހުއްދަ ނުހޯދައި އެކަހަލަ ފަންޑުތައް ނުހިންގޭނެ ކަމަށް އެމްއެމްއޭ އިން އިއުލާން ކުރި ހިސާބުންނެވެ.
އޭރު، އެތައް ބަޔަކު އެ ސްކީމަށް ވަނީ އިންވެސްޓްކޮށްފަ އެވެ. އެ މީހުން ފައިސާ އިންވެސްޓް ކުރީ، އިންވެސްޓްކުރި ފައިސާ ވަކި މުއްދަތެއްގެ ތެރޭގައި ފައިސާ ދެ ގުނަ، ތިން ގުނަ ވާނެ ކަމަށް ބުނެ ކުންފުނިން ދިން ޔަގީން ކަމާ އެކު އެވެ. އެކަމަކު މި ސްކީމުން އެތައް ބަޔަކަށް ވަނީ ލަނޑު ލިބިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަތާހަރާމީ
16 November 2023
ހޭޅިފަށުން އަޑުއިވޭގޮތުގައި އާރުޑީސީގެ "ޕެޓީކޭޝް" ވަނީ އަލްހާން ގެ ސްކީމުގައި "އިންވެސްޓް" ކޮށްފައި. މަގްސަދަކީ ފައިސާދެގުނަވީމާ ޕެޓީކޭޝް އަބުރާ އާރުޑީސީއަށް ދިނުން.
ތަފާތު ނުކުރޭ
15 November 2023
އަދީބާ ޒިޔަތާ ޔާމީނާ 3 މީހުން ހުދު ފޮތިކޮޅަކަށް ވެއްޖެއްޔާ، ދެން މި އަލްހާނު ފަހާ ދުވަނީ ކީއްކުރަން
ރަދީފު ބިން ރަފައިދާ
14 November 2023
ނޫރުބާޒު ސަލާމަތްވިކަން އެއީ ނަސީބު.
ކަތިބުރުމާަ
14 November 2023
ޝަރިއަތަށް ފޮނުވޭވަރުގެ ހއްކެއް ތިޔަ ރިޕޯޓުން ޕީޖީޝަމީމަށް ފެންނާނެހެނެއް ހިއެއްނުވޭ. އެބުނީ ގޮތެއް ނިންމާނަމޯ. އެގޮތަކީ ވާނީ މިބުނިގޮތަށް.
މުފޯރީއައު
14 November 2023
ޢަލްހާނަކަށް ދައުވާއެށް ނުކުރެވޭނެ. ޢޭނައަކީ ދިވެހިރާއްޖޭގެ ބީއެމްއެލް އަދި އެމްއެމްއޭވެސް، ކަލޭމެން ލަދުގަންނަންޖެހޭނެ.
ކުޑަކަތީބު
14 November 2023
އެސޮރު މިހާރު މުއީޒް ފަޅިއައް އަރާ އެމަނިކުފާނު ނެތްދުނިއައެއްގައި ނޫޅޭނަކަމަށް އިއުލާން ކުރުމުގެ މަގުމަތީގަވީ . . . މި ފަސްއަހަރު ނިމެންދެން ދޭތެރައަކުން ހެޑްލައިން އަށް އަރާ ހިފަހައްޓާލާނީ!
ޑަސްކު
15 November 2023
މުއީޒު އެއްނޫން. މުޢިއްޒު
ސަސި.
14 November 2023
އަލްހާނު ސޯލިހަށް ތާއިދު ނުކުރިނަމަ މިހާރު ހުކްމްވެސް ކޮށް ނިމިދާނެ
ތުއްތޮންބެ
14 November 2023
ނިމިދިޔަ ރިއާސީ އިންތިހާބުގާ ރައީސް ސޯލިހައް ވަރަށްބޮޑައް އަލްހާން ކެމްޕެއިންކޮއްދެއްވި ހޮވުމާނުހޮވުން ރައްޔިތުން ނިންމެވިގޮތް.
ޖިމޯނީ
14 November 2023
ދައުރު ނިމެން ދެ ދުވަހަށް ވީމަ ތޯ އެނގުނީ މިކަން ކުރަން؟ އިންތިހާބު ތެރޭ ވެސް ބުނިން..ފިޔަވަޅުނޭޅި/.. ކޮބާ ތޯ މީނަ އޮޅުވާލައިގެން ފައިސާ ހޯދިހާ މީހުންގެ ހައްގުތައް؟ 100 މިލިއަނެއްހާ ރޯލް ކުރިކަމަށް ޚަބަރުގައ އޮތް.
ޝިމޯނީ
14 November 2023
އިންތިހާބު ތެރޭ އަލްހާން އުޅުނީ ރައީސް ޞާލިޙާއި އެއްކޮށް
ރުފިޔާ ދޮވުން ހަބޭސް. ވައްކަން ކުރުން އޯކޭ!
14 November 2023
އުސްތާޒް ޢަލްހާން ބޭބެ އާ ނުކުޅެއްޗޭ! ތިކަމެއް ނުވާނެ! އެމެރިކާގަ ސޭމް ބ ފްރީޑްމަން އައް ފިޔަވަޅު އެޅުނަކަސް މި ބިމިގުގަ ނެތް އަލްހާން ފަދަ މާތްވބޭފުޅެއްގައިގަ އަތްލެވޭނެ މީހެއް!