އަމީންއަށް ދެ މިލިއަން ރުފިޔާގެ ބަދަލެއްދީ، ވަޒީފާގެ މައްސަލަ ކޯޓުން ބޭރުގައި ނިންމައިފި

ޓްރާންސްޕޯޓް މިނިސްޓަރު މުހައްމަދު އަމީން: ވަޒީފާގެ މައްސަލަ ކޯޓުން ބޭރުގައި ވަނީ ނިންމާފައި - ފޮޓޯ: ރައީސް އޮފީސް

ނާޒިމް ހަސަން، މިހާރު

21 ނޮވެމްބަރ 2023 - 10:51

މި ސަރުކާރުގެ ޓްރާންސްޕޯޓް މިނިސްޓަރު މުހައްމަދު އަމީން، އައިލެންޑް އޭވިއޭޝަންގެ ވަޒީފާ އިން ވަކި ކުރި މައްސަލާގައި އޭނާ އަށް ދެ މިލިއަން ރުފިޔާގެ ބަދަލެއް ދޭން އެއްބަސްވެ، ކޯޓުން ބޭރުގައި މައްސަލަ ހައްލުކޮށްފި އެވެ.

ޑިރެކްޓާ ފްލައިޓް އޮޕަރޭޝަންގެ މަގާމުން އަމީން ވަކިކުރީ 2019 ވަނަ އަހަރު ތެރޭގަ އެވެ. އޭނާ އަށް އެންގީ އެ މަގާމުން ވަކިކޮށް، އެއަށްވުރެ ދަށް މަގާމަކަށް ވަޒީފާ އަށް ނުކުތުމަށެވެ. ނަމަވެސް، އެގޮތަށް އަމަލުކުރީ އޭނާއާ އެކު ހަދާފައި އޮތް ވަޒީފާގެ އެއްބަސްވުމާ ހިލާފަށް ކަމަށް ބުނެ އަމީން ސިވިލް ކޯޓަށް މައްސަލަ ހުށަހެޅުއްވި އެވެ.

އެ މައްސަލާގައި މިދިޔަ އަހަރުގެ ތެރޭގައި ސިވިލް ކޯޓުން އިއްވި ހުކުމްގައި ކަނޑައެޅީ އަމީން ވަޒީފާ އިން ވަކިކޮށްފައިވަނީ ގޯސްކޮށް ކަމަށެވެ. އެހެންކަމުން 15 ދުވަހުގެ ތެރޭގައި އެ މަގާމު އިޔާދަކޮށްދީ ނޫން ނަމަ، އެ ފެންވަރުގެ އެހެން މަގާމެއް ދިނުމަށް ކޯޓުން އެންގި އެވެ.

މީގެއިތުރުން ބަދަލުގެ ގޮތުގައި ވަޒީފާ އިން ވަކިކުރި ތާރީހުން ފެށިގެން ވަޒީފާ އަނބުރާ ހަމަޖައްސައިދޭ ދުވަހާ ހަމައަށް ލިބެންޖެހޭ މުސާރަ އާއި އިނާޔަތްތަކާއި އެލެވެންސް ދިނުމަށް ސިވިލް ކޯޓުން ހުކުމްކުރި އެވެ. ނަމަވެސް އަމީން އަށް ވަޒީފާ ދިނުމުގެ ބަދަލުގައި އައިލެންޑް އޭވިއޭޝަނުން އެ ހުކުމް ހައި ކޯޓުގައި އިސްތިއުނާފުކުރި އެވެ.

ހައި ކޯޓުގައި އެ މައްސަލަ ކުރިއަށް ދަނިކޮށް، އައިލެންޑް އޭވިއޭޝަން އާއި އަމީން ވަނީ ކޯޓުން ބޭރުގައި މައްސަލަ ހައްލުކޮށް، އިސްތިއުނާފު މައްސަލަ ބާތިލްކޮށްދޭން އެދިފަ އެވެ. މައްސަލަ ހުށަހެޅި ފަރާތުން އެދިއްޖެ ނަމަ، އެ މައްސަލައެއް ހައި ކޯޓުން ވަގުތުން ބާތިލްކޮށްދެ އެވެ.

ހައި ކޯޓުން މައްސަލަ ބާތިލް ކުރި ކަމުގެ ރިޕޯޓްގައި ބުނެފައިވާ ގޮތުގައި އަމީންގެ ވަޒީފާ އިޔާދަކޮށް ބަދަލުގެ ގޮތުގައި 2،202،508ރ. ދޭން ކޯޓުން ބޭރުގައި އައިލެންޑް އޭވިއޭޝަނުން ވަނީ އެއްބަސްވެފަ އެވެ.

ސިވިލް ކޯޓް ހައި ކޯޓް އައިލެންޑް އޭވިއޭޝަން ޓްރާންސްޕޯޓް މިނިސްޓަރު މުހައްމަދު އަމީން (ޓްރާންސްޕޯޓް މިނިސްޓަރު)

34 ކޮމެންޓް, 31 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަން ޒިންމާ

21 November 2023

މިކަލަ ކަންކަމުގެ ޒިންމާ ނަގާނެ ބަޔަކު ތިބެން ޖެހޭ. ނުގަވާއިދުން މީހަކު ވަކިކުރާނީ ކޮންމެވެސް މީހެއް. މިސާލަކަށް އައިލޭންޑް އެވިއޭޝަންގަ ނަމަ ސުހޭލު. ބަދަލު ދޭން ނިންމަނީވެސް ހަމަ މިމީހުން. ލާރިދެން މިޖެހެނީ އަހަރެމެން ގެ ފައިސާއިން. ގޯސް ހަދާމީހުންނަށް ފިޔަވަޅުއަޅަން ގޮވާލަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުދުބެއްޔާ

21 November 2023

ބަދަލު ދިނުމުގެ ސަގާފަތެއްގެ ފެށުން.......... ނިމޭނީ ކިހާހިސާބަކުންބާ!!!!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރިކީ

21 November 2023

ކޮބާ އޯކޭތަ ސޭހުމެން ގެ ބަހެއް ބުނެލަބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާން

21 November 2023

މި ސަރުކާރަށްވެސް އިނގޭ ފުރަތަމަކޮޅު ކުރާ މިކަހަލަ ކަންކަމަށް މާ ބޮޑަށް އަޅާލާނެ މީހަކު ނުހުންނާނެކަން. އެހެންވެ ވަގުތުގެ ބޭނުން ހިފައިގެން ޖަހަން ބޭނުންވާ ސަކަރާތެއް ޖަހަންވީ. މަޤާމުތައްވެސް ހަމަ ރައްޓެހިންނަށް. އެ ހެޔޮ އެންމެ އެކަށީގެންނުވާ މީހާ ކަމަށްވިޔަސް. އެކަމަކު ހަމަ ބާރަށް އަތްތިލަ ބަޑި ޖަހަޖަހާ އެންމެންވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޔަ ބޮޑޭ

21 November 2023

ނޫން ނުދޭނެ! ބަދަލުދިނުމާ އެކިއެކިނަންނަމުގަ ފައިސާ ދިނުމަކީ އިބޫސަރުކާރުގަ ކުރާނެކަމެއް,

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން ހަސީނާ

21 November 2023

މުއިއްޒުގެ ވެރިކަން ބަލަން މިތިބީ. އަދި ހުރިހާ އަދަދު ތަކެއް ހުރީ މިލިއަނުން މަތީގަ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާސަރު

21 November 2023

މިނިސްޓަރ ކަމާއެކު 2 މިލިއަން . ސަޅި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގފދ

21 November 2023

ތިހާ ބޮޑު ބަދަލެއް މިހާރަކު ކޯޓު ތަކުން ނަގައި ނުދޭނެ. ދާދި މިދާކަށް ދުވަހު ނިކަމެއްޗެއް ވީމަ 1 ރުފިޔާ ނަގައިދިން ބަދަލުގެ ގޮތުގައި. ކޯޓުން ބޭރުން ނިއްމާލީމާ ދެއްތޯ އެވަރުގެ އަދަދެއް ކަހާލެވޭނީ. ހަމަ ޑޭލައިޓް ރޮބަރީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަލީމާ މިދުޙަތް

21 November 2023

ކިހާ ރަގަނޅުތޯ؟ މިނިސްޓަރ ކަމާ ޙަވާލުވިތާ ދެދުވަސް ތެރޭ ދެ މިލިއަން ރުފިޔާގެ ކޮމްޕެންސޭޝަނެއް ވިއްޔާ ތިޔަ ލިބުނީ. ކިހިނެތްތޯ ތިކަން ކުރާނީ. މީތި ކަޑަ. ކަމަކު ނުދޭ!