ނަދީމްގެ މަރުގެ ދައުވާލިބޭ މީހުން: އެ މީހުން ބަންދު ނުކުރަން ހައި ކޯޓުން ނިންމި މައްސަލަ ދައުލަތުން ވަނީ ސުޕްރީމް ކޯޓަށް ހުށަހަޅާފައި
23 ނޮވެމްބަރ 2023 - 18:54
3 comments
މާލޭގެ ކެފޭއެއްގެ ތެރޭގައި މަރާލި ނަދީމް އިބްރާހިމްގެ މަރުގެ މައްސަލާގައި ދައުވާލިބޭ މީހުންގެ އިސްތިއުނާފް މައްސަލަ ނިމެންދެން އެ މީހުން ބަންދު ނުކުރެވޭނެ ކަމަށް ހައި ކޯޓުން ނިންމި މައްސަލަ ދައުލަތުން ސުޕްރީމް ކޯޓަށް ހުށަހަޅައިފި އެވެ.
ޖުލައި، 2017 ގައި މާލޭގެ ކެފޭއެއްގެ ތެރޭގައި ގްރޫޕަކުން ގޮސް ތޫނު އެއްޗެހިން ހަމަލާދީ ނަދީމް މަރާލި މައްސަލާގައި ދައުލަތުން ދައުވާކުރީ ގ. ޝާރާޒް މުހައްމަދު މަފާޒާއި ލ. ގަން ތުނޑީ އަވަށު ވިދާތަރި އަލީ ނިފާޒާއި ރ. އިންނަމާދޫ ސަމަންތާ ހުސައިން ސާމިންގެ އިތުރުން ގއ. ގެނަމަފުށީ ހަވާސް މުހައްމަދު ކަރަމް ސުހައިލްގެ މައްޗަށެވެ. އެ މީހުންގެ މައްޗަށް ކުށް ސާބިތުނުވާ ކަމަށް ކްރިމިނަލް ކޯޓުން ނިންމި މައްސަލަ ދައުލަތުން އޮތީ ހައި ކޯޓުގައި އިސްތިއުނާފްކޮށްފަ އެވެ.
އިސްތިއުނާފް މައްސަލަ ނިމެންދެން އެ މީހުން ބަންދުކުރަން ދައުލަތުން އެދުމުން ހައި ކޯޓުން މި ހަފުތާގައި ނިންމީ އެ މީހުން ބަންދު ނުކުރެވޭނެ ކަމަށެވެ.
ހައި ކޯޓުގެ އެ ނިންމުން އިސްތިއުނާފް ކުރަން ދައުލަތުން ސުޕްރީމް ކޯޓަށް ހުށަހެޅީ އިއްޔެ އެވެ.
ނަމަވެސް އެ މައްސަލަ ބަލައިގަތުމާ މެދު ސުޕްރީމް ކޯޓުން އަދި ވަކި ގޮތެއް ނުނިންމަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަކީންތަ
25 November 2023
މިތިބަ ބައެއް ދޯ! ހީވަނީ ބިރުވެރި ފިލްމަކުން ފެންނަ ކައްޑޮއިތަކެއް ހެން. މިއެންމެންވެސް މީ ދިވެހި ދެމަފިރިންތަކެއް ލޯބިން ބަލާ ބޮޑުކުރި ބައެއް ވިއްޔަ އަޅެ. ތިބި ވައްތަރު!! ބޮލަށް ދިޔަ އަރާ އެބަ.
ޖެނިން
23 November 2023
ކަލޭނޭ އަހަރެން ހީކުރީ މީހުސް އަންހެން ކުދިންތަކެއް ކަމަށް
ޓެރސް
23 November 2023
ދެގުރޫޕުގެ ދެމެދުގައި ހިނގިކަމެއްވީމަ ދެފަރާތުން ފައިސާ ނަގައިގެން މައްސަލަ ޕީސްކޮށްފައިވާ ކަމަށްވޭ. މިކަމުގައި ޝަރީޢަތް ހިންގަން ތިބި މީހުންގެ ވެސް ބައިވެރިވޭ.