ޑްރަގް ޓްރެފިކިންގެ ކުށްވެރިން ދޫވާ ސަބަބު ހޯދަން އޮޑިޓެއް ހަދަނީ

ފުލުހުން ހިފެހެއްޓި ޑްރަގުތަކެއް ބެލުމުގެ ދަށަށް ގެންދަނީ: ޑްރަގް ޓްރެފިކިންގެ ކުށްވެރިން ދޫވާ ސަބަބު ހޯދަން އޮޑިޓެއް ހަދަން ވަނީ ނިންމާފައި - ފޮޓޯ: މިހާރު

ނާޒިމް ހަސަން، މިހާރު

20 ޑިސެމްބަރ 2023 - 17:09

10 comments

ޑްރަގް ޓްރެފިކިންގެ ތުހުމަތުގައި ހައްޔަރުކުރާ މީހުން ފަސޭހައިން ކޯޓުތަކުން ދޫވެގެންދާ މައްސަލަ ފާހަގަވާ ކަމަށާއި އެކަން ދިމާވާ ސަބަބު ދެނެގަތުމަށް ހާއްސަ އޮޑިޓެއް ހަދަން ނިންމާފައިވާ ކަމަށް ހޯމް ލޭންޑް ސެކިއުރިޓީ މިނިސްޓަރު އަލީ އިހުސާން މިއަދު ވިދާޅުވެއްޖެ އެވެ.

އެ މިނިސްޓްރީން ބޭއްވި ނޫސްވެރިންގެ ބައްދަލުވުމުގައި "މިހާރު" އިން ކުރި ސުވާލަށް ޖަވާބު ދެއްވަމުން މިނިސްޓަރު ވިދާޅުވީ، ޑްރަގުގެ ބޮޑެތި މައްސަލަތަކުގައި ކުށް ސާބިތު ނުވެ، މީހުން ދޫވެގެން ގޮސްފައިވާ ސަބަބު ދެނެގަތުމަށް ހާއްސަ އޮޑިޓެއް ހަދަން ކޮމިޓީއެއް އެކުލަވާލާފައިވާ ކަމަށެވެ.

އެ ކޮމިޓީގައި ހިމެނީ ހޯމް މިނިސްޓްރީ އާއި ޕްރޮސިކިއުޓާ ޖެނަރަލްގެ އޮފީހާއި ފުލުހުންނެވެ.

"ސަބަބުތައް ދެނެގަތުމަށް ފަހު ކަމާ ބެހޭ އިދާރާތަކާ ގުޅިގެން ކުރިއަށް މި އޮތް ދުވަސްތަކުގައި އަޅުގަނޑުމެން ކުރާ ތަހުގީގުގައި ވެސް އަދި ޕީޖީ އޮފީހާ އެކު، ކުރާ މަސައްކަތުގައި ވެސް އަދި ތަހުގީގުގެ އެކިއެކި މަރުހަލާތަކުގައި އަޅުގަނޑުމެން ކުރަމުންދާ މަސައްކަތް އިތުރަށް ހަރުދަނާކޮށް އިދާރީ ކަންކަމާއި އަދި އެހެން ވެސް ކަންކަމާ ގުޅިގެން އަތް ދަށުން ދޫވެގެންދާ ބޮޑެތި ކުށްތައް ކުރާ މީހުން ދޫވެގެން ނުދާނެ ގޮތަކަށް މަސައްކަތް އެބަ ކުރަން،" މިދިޔަ މަހުގެ 17 ގައި ވެރިކަމާ ހަވާލުވެވަޑައިގެންނެވި ރައީސް ޑރ. މުހައްމަދު މުއިއްޒުގެ ސަރުކާރުގެ ހޯމް މިނިސްޓަރު ވިދާޅުވި އެވެ.

ޑްރަގުގެ ބޮޑެތި އޮޕަރޭޝަންތައް ފުލުހުން ހިންގި ނަމަވެސް، އެ މައްސަލަތަކުގައި ހައްޔަރުކުރާ މީހުންނަށް އަދަބު ނުދެވި ދޫވާ މައްސަލައިގައި ފުލުހުން އަބަދުވެސް ކަންބޮޑުވުން ފާޅުކުރެ އެވެ. ނަމަވެސް، ކޯޓުތަކުން އެފަދަ މައްސަލަތަކުގައި ފާހަގަކުރަނީ ތަހުގީގު މަރުހަލާ އާއި ދައުވާ ކުރުމުގެ މަރުހަލާގައި ދައުލަތުން އިދާރީ ގޯސްތައް ހަދާފައި ހުންނަ ކަމެވެ.

ބޮޑެތި ކުށްވެރިން ދޫވާ މައްސަލާގައި ރިޝްވަތާއި ނުފޫޒުގެ ތުހުމަތުތައް ވެސް ފުލުހުންނާއި ކޯޓުތަކުގެ މައްޗަށް ކުރެވެ އެވެ.

މި ސަރުކާރުން ވަނީ މަސްތުވާތަކެއްޗާ ދެކޮޅަށް މަސައްކަތް ކުރުމަށް ހާއްސަ ޓާސްކްފޯހެއް އެކުލަވާލައިފަ އެވެ. އެ ޓާސްކްފޯހުގެ މަސައްކަތުން މިހާތަނަށް 8 އޮޕަރޭޝަނެއް ހިންގައި ޖުމުލަ 13 މިލިއަން ރުފިޔާގެ މަސްތުވާތަކެތި އަތުލައިގަނެ 30 މީހުން ހައްޔަރުކޮށްފައިވެ އެވެ.

ޓާސްކްފޯހުގައި ހިމެނެނީ ފުލުހުންނާއި އިމިގްރޭޝަނާއި ކަސްޓަމްސް އަދި ކަރެކްޝަންސްގެ އިސްވެރިންނެވެ.

ހޯމްލޭންޑް ސެކިއުރިޓީ މިނިސްޓަރު ވިދާޅުވީ މަސްތުވާތަކެތީގެ މައްސަަލަ މި ސަރުކާރު ބަލަނީ ގައުމީ ސަލާމަތަށް ނުރައްކަލެއް ކަމަށެވެ.

ކުށްކުރުން ފުލުހުން މަސްތުވާތަކެތި އަލީ އިހުސާން (ހޯމްލޭންޑް، ސެކިއުރިޓީ މިނިސްޓަރު) ހޯމްލޭންޑް ސެކިއުރިޓީ މިނިސްޓްރީ ޑްރަގް ޓްރެފިކްކުރުން

10 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރައްޒާގު

21 December 2023

އޮޑިޓެއް ހަދާނެކަމެއްނެތް، މިސަރުކާރުގަ ތިކަންދާނީ ބާރަށް ކުރިޔަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނީކް

20 December 2023

ގެމަނަފުއްޓަކީ ޑްރަގް ފްރީ ތަނެކޭ ކިޔާފަ، ވޯޓާއި ކައިރިވުމުން އެރަށުން ޑްރަގް ޓްރެފިކިންގ މައްސަލަ ތަކުގައި 25 އަހަރަށް ޖަލަށް ހުކުމް ކޮށްފައި ތިބި ދެ މީހުންނަށް މާފް ދީފަ މިނިވަން ކުރީ، ރަށަށް އައިސް ފަށައިގަތީ އެ މަސައްކަތް، އޭގެއިން އެކަކު ޑްރަގް ކާޓެލް އެއް ހިންގަން މާލޭގައި އެބައުޅޭ… ތީ ހަމަ ސަރުކާރުން ކުރާ، ކުރުވާ ކަންކަން…

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިވަރެއްނެތް

20 December 2023

ތިކަހަލަ ވާހަކަދެއްކީމަ ބުނާނީ ތިބޭފުޅުންނަކީ ދަސްކުރާ ބޯޑު ޖަހާއިގެން އުޅޭކުދިންނޭ. ޑްރަގުގެ ވިޔަފާރިއަކީ "އޮގަނައިޒްގް ކްރައިމް" އެކޭ ބުނަނީ އެއިން ލިބޭ ފައިސާއިން ފުލުހުންނާއި ކަސްޓަމްސްގެ ވެރިންނާއި ގާޒީންނާއި ޖަލުގެ ސަރުދާރުންނާއި ސަރުކާރާއި ސިޔާސީވެރިންވެސް ގަންނާތީވެ ދޯ؟ ޑްރަގް ލޯޑުން ފައިސާ ދޮންނަން ފްރަންޓަށް ބޭނުންކުރާ ތަފާތު ވިޔަފާރިތަކާއި އެވެރިން ގަންނަ އަގުބޮޑު ޕެންޓްހައުސްތަކާއި، ކާރުތައް ބަލާލީމަ ތިހުރިހާ އެއްޗެއްވެސް ފެނޭދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

20 December 2023

ތިކަން ކޮންމެހެން ހޯދަން މާ ވަރުގަދަ ފާލެއްބަލާ ރަމަލްޖަހާކަށް ނުޖެހެ. ތީ ވަރަށް ސާފުކަމެއް ފަނޑިޔާރުން ރިޝްވަތުހިފުން ހުއްޓާލީމަ ތިކަން ހަމަޖެހިދާނެ ކޮންމެހެން ގާނޫނުތަކުގަ މައްސަލައެއް ހުރީއެއްނޫން. ކީއްވެ ސިންގަޕޫރަށް ޑްރަގް އެތެރެ ނުކުރެވެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަމަގަށް

20 December 2023

ޤާޒީ އަކަސް، އޮފިސަރަކަސް، މިނިސްޓަކަސް ޑްރަގް ފައިސާގަ ޖެހޭ ކަމަށް ވާނަމަ، ސާބިތުކޮށް ނަމާއި ވަނަވަރާއި އެގެން ޖެހޭ. ހާމަ ކުރަންޖެހޭ. އަދިއެއަށް ފަހު އިސްލާހު ވެއްޖެކަން ޔަޤީން ކޮށް ނޫނީ އެހެން ކުށްވެރިންނެކޭ އެއްފޮތަށް ރެކޯޑްވެސް އޮންނަންޖެހޭ. އަދްލު އިންސާފު ޤާއިމް ކުރައްވާ! ރައްޔިތުން މިތިބީ އެއްކޮޅަށް. މިދިޔަ އަހަރުތަކުގައި ތިކަން ކުރާނަމޭ ކިޔާފަ ކޮންމެ ބަޔަކުވެސް ޖައްސަނީ ޗަރުކޭސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޯޓުތައް

20 December 2023

ތިޔަކުރާ ކަމަކީ ފޫނެއްފާއަށް ފެންއެޅުން. ތަޔަކަންތައް ރަނގަޅުކުރެވޭނީ ކޯޓުތަކުގެ ކުނިސާފުކޮށް، ބޭކާރު ފަނޑިޔާރުން ވަކިކޮށްގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހަލްދީބު

20 December 2023

މިވީހާ ދުވަހަކު ހޯމް މިނިސްޓަރަކު ނުދައްކަވާ ވާހަކަ އެއް ތީ. މިނިސްޓަރަށް ދަންނަވަން އޮތީ ، އިޚްލާސްތެރިކަމާއި އެކު ތި ކަން ހައްލުކުރުމަށް މަސައްކަތް ކުރައްވާށޭ. މިޤައުމުގެ އެތައް ދަރިންނެއް ޑްރަގްގެ ވަބާގައި ޖައްސުވާ "ޤަތުލުކުރަމުންދާ " ބާޣީން ކަމަށް ވާ ޑްރަގް ޑީލަރުންނާ ދެކޮޅަށް ޖިހާދު ކުރައްވާ މި ފަސްގަނޑުން ތި ޑްރަގް ކާޓެލްތަކުގެ ވަސް ވެސް ފޮހެލަ ދެއްވާށޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަސްދޫ ސައީދު

21 December 2023

ހެހެހެ، ތެދެއް ހޯމް މިނިސްޓަރަކު އެވާހަކައެއް ނުދައްކަ. މި ހޯމް މިނިސްޓަރުވެސް އެވިދާޅުވީ "އޮޑިޓެއް" ހަދާވާހަކަ. ދައުރު ނިމެންކައިރިވީމަ ބުނާނީ އޮޑިޓް ހެދީމަ އެގުނީ ޑްރަގް އެތެރެ ނުކުރާކަމަށް.