މަސީގެ ބިލްޑާސް އެވޯޑު ދިނުމުގެ ހަފްލާގައި ރައީސް ޑރ. މުއިއްޒު ބައިވެރިވެވަޑައިގަންނަވަނީ. --ފޮޓޯ: ރައީސް އޮފީސް
24 ޑިސެމްބަރ 2023 - 22:16
28 comments
ޓޫރިޒަމް ކަހަލަ ނާޒުކު ދާއިރާއަކަށް ރާއްޖެ ބަރޯސާވުން ކުޑަކޮށް ސްޕެޝަލް އިކޮނޮމިކް ޒޯން (އެސްއީޒެޑް)ތަކަށް އިންވެސްޓު ކުރަން ހުޅުވާލި ފުރުސަތުގައި ފުރަތަމަ ޕްރޮޕޯޒަލްގެ ގޮތުގައި ސޯލާ އެނާޖީގެ ބިޔަ މަޝްރޫއުއެއް ލިބިފައިވާ ކަމަށް ރައީސް ޑރ. މުހައްމަދު މުއިއްޒު އިއުލާނުކުރައްވައިފި އެވެ.
ކޮންސްޓްރަކްޝަން އިންޑަސްޓްރީ، މަސީގެ ބިލްޑާޒް އެވޯޑު ދިނުމަށް މިރޭ މާގިރި ހޮޓަލުގައި ބޭއްވި ހަފްލާގައި ވާހަކަފުޅު ދައްކަވަމުން ރައީސް ވިދާޅުވީ އެސްއީޒެޑް ގާނޫނުގެ ދަށުން އިންވެސްޓަރުންނަށް ސަރުކާރުން ފުރުސަތު ހުޅުވާލާފައިވާ ކަމަށެވެ.
"ފުރަތަމަ ޕްރޮޕޯޒަލް އަޅުގަނޑުމެންނަށް ވަނީ ލިބިފައި. އެ ޕްރޮޕޯޒަލަކީ ރިނިއުވަބަލް އެނާޖީގެ ދާއިރާއިން 110 މެގަވޮޓު ހާސިލުވެގެންދާ ޕްރޮޕޯޒަލެއް،" އެ މަނިކުފާނު ވިދާޅުވި އެވެ.
ރައީސް ވިދާޅުވި ގޮތުގައި މިއީ ދާދިފަހުން ބޭއްވި ކޮޕް 28 އަށް ފަހު، އެ ބައްދަލުވުމުގައި ކަނޑައެޅި ލަނޑުދަނޑިތައް ހާސިލުކުރުމަށްޓަކައި ދުނިޔޭގެ އެއްވެސް ގައުމަކުން ފެށި ފުރަތަމަ މަސައްކަތެވެ.
ނަމަވެސް، އެ މަޝްރޫއުގެ އިތުރު ތަފްސީލެއް ރައީސް މިރޭ ނުދެއްވަ އެވެ.
އާ ސަރުކާރުން ވަނީ އެސްއީޒެޑްގެ ގާނޫނުގެ ތެރެއިން އެންމެ މަދުވެގެން 100 މިލިއަން ޑޮލަރު (1.5 ބިލިއަން ރުފިޔާ) އިންވެސްޓް ކުރަން ޖެހޭ ގޮތަށް ކަނޑައަޅައިފަ އެވެ. އަދި އިންވެސްޓް ކުރާނެ ނުވަ ދާއިރާއެއް ވެސް ފާހަގަކޮށްފައިވެ އެވެ. އޭގެ ތެރޭގައި މެނުފެކްޗަރިން މަސައްކަތްތަކާއި ޓްރާންސްޝިޕްމެންޓް ބަނދަރާއި ޓާޝަރީ ހޮސްޕިޓަލާއި އިންޓަނޭޝަނަލް ފައިނޭންސިން ދާއިރާ އާއި އިޔާދަކުރަނިވި ހަކަތަ ފަދަ ދާއިރާތައް ހިމެނެ އެވެ.
ރައީސް މިރޭ ވަނީ އެސްއީޒެޑްގެ ބޭނުން ކޮންސްޓްރަކްޝަން އިންޑަސްޓްރީން ވެސް ރަނގަޅަށް ހިފުމަށް ގޮވާލައްވައިފަ އެވެ.
އެ މަނިކުފާނު ވިދާޅުވި ގޮތުގައި އިޔާދަކުރަނިވި ހަކަތައިގެ ދާއިރާގައި ވެސް ދިވެހި ކުންފުނިތަކުން މުހިންމު ދައުރެއް އަދާކުރަންޖެހެ އެވެ.
އެސްއީޒެޑްގެ ފުރުސަތު ތަންމިނަށް ސަރުކާރުން މިހާރު ހުޅުވާލާފައިވާ ކަން ފާހަގަކުރައްވައި ރައީސް ވިދާޅުވީ ދިވެހި ކޮންސްޓްރަކްޝަން އިންޑަސްޓްރީން ވެސް އެ ފުރުސަތުގެ ބޭނުންހިފައި، ބޭރުގެ އިންވެސްޓްމަންޓުތައް ގެންނަން މަސައްކަތް ކުރަންޖެހޭ ކަމަށެވެ.
"ކޮންސްޓްރަކްޝަން އިންޑަސްޓްރީއަށް ބޭނުންވާ މެޓީރިއަލްތައް ބަލްކުކޮށް ގެނެސް، އެސްއީޒެޑް ސްޓޭޓަސް ދޭން އަޅުގަނޑުމެން މިތިބީ ތައްޔާރަށް. ރާއްޖޭގައި ބަލްކް ސްޓޯރެޖް ފަށައި، ސްޓޯ ކޮށްގެން ރީ-އެކްސްޕޯޓް ކުރަންވީ،" ރައީސް ވިދާޅުވި އެވެ.
އެ މަނިކުފާނު ވިދާޅުވި ގޮތުގައި މި ސަރުކާރުން ހިންގާ ތަރައްގީގެ މަޝްރޫއުތަކުގެ ތެރެއިން އިމާރާތް ކުރުމުގެ ދާއިރާގައި ހަރަކާތްތެރިވާ ދިވެހި ކުންފުނިތަކަށް ގިނަ ފުރުސަތުތަކެއް ހުންނާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކައްޗާ
25 December 2023
100 މިލިއަން ޑޮލަރު އިންވެސްޓް ކުރަން ޖެހޭ ގޮތަށް ކަނޑައަޅައިފައިވަނީ މިޑީލަށް މަގުފަހިކުރަން. މުޅިންވެސް ޑީލް ހެދުން މިއޮތީ. މަޖިލިސްގެ އަގުލަބިއްޔަތު ލިބިއްޖެނަމަ މިކަހަލަ ކިތައްމެ ޖަރީމާއެއް ހިންގާނެ. މަންޒަރު ފެންނަގޮތުން ޔާމީނަށްވުރެ އެތައް ދަރަޖައެއް ކުރީގަ މުއިއްޒު އުޅޭނީ. ފެށުނީވެސް އެގޮތަށެވެ. މަކަހާ ހީލަތުގެ ތެރެއިން ޕީޕީއެމް/ޕީއެންސީގެ ސެނެޓްގެ އަގުލަބިއްޔަތު ދަމައިގަނެގެނެ ޔާމީނަށް ދޯކާ ދީފައެވެ.
އެނަޖީ
25 December 2023
110 މެގަވޮޓް ސޯލާ ޕީވީ ބަހައްޓަން 11 މިލިއަން އަކަފޫޓް، ނުވަތަ 102.2 ހެކްޓަރުގެ ސަރަޙައްދު ބޭނުންވާނެ. ސޯލާ ޕީވީގެ އެވްރެޖް އުމުރަކީ 18 ވަރަކަށް އަހަރު. އަދި ބެޓެރީ ސްޓޯރޭޖް ބަހައްޓާ ނަމަ އެއާ ވާނެ ޑީޕްސައިކަލް ބެޓެރީ ބޭނުންވާނެ. ސްޓޯރޭޖް ބެޓެރީގައި ބޭނުންކޮށްފައި ހުންނަ ނިކަލް ކެޑްނިއަމްއަކީ ރީ ސައިކަލް ކުރެވޭ އަދި ނައްތާލެވޭ އެއްޗެއް ނޫން. ސުވާލަކީ، ސިނަމާލެ ބްރިޖް އަރިމަތީގައި ޖަހާފަހުރި، އަދި ތިޔަ ބަހައްޓަން އުޅޭ 110 މެގަވޯޓަށް ބޭނުންވާ 550،000 ސޯލާ ޕެނަލް އަދި 2009 ވަނަ އަހަރުން ފެށިގެން އެތަން މިތާނގައި ބަހައްޓަމުން އަންނަ ޕެނަލްތަކާއި ބެޓެރީތައް އެއެއްޗެތީގެ އުމުރު ހަމަވުމުން ޑަންޕުކުރަނީ ރާއްޖޭގެ ކޮންތާކަށް ހޭ؟ އަނެއްކާ އަނެއް އެންވައިރަންމަންޓު ހަޒާޑު ރައްޔިތުންގެ ބޮލަށް ކަނޑާލަނީދޯ؟ އިންޑަސްޓްރިއަލް ގައުމުތަކުން ބޭނުން ވަރަކަށް ވިހަ ގޭސް ބޭރުކުރަންވީ! ކުދިގައުމުތައް ސޯލާޕެނަލް ބަހައްޓައިގެން، ކުދިކޮށް ތިބެންވީ!
ނިހާލް ސަލީމް
25 December 2023
ވަރަށް ރަނގަޅު ކަމެއް މިއީ. އިގްތިސާދް ކުރިއެރުވަން މިޔަށްވުރެ ރަނގަޅު ކަމެއް ނޯންނާނެ.
ޝިމްނާ މުހައްމަދު
25 December 2023
އެއްވެސް ވެރިޔަކަށް ކާމިޔަބް ނުކުރެވުނު މި ޕްރޮޖެކްޓްވެސް ރައީސް މުއިއްޒް މި ފުރިހަމަ ކޮށްލަނީ.
މާސްކް
25 December 2023
ދިދައަށް އިރު ނުއޮއްސޭނެ ކަމަށް ބުނި މީހާ ޤައުމު ވިއްކަނީއެވެ. ސޯލާ ޕެނަލްއޭ ކިޔައިގެން ނޯތް ކޮރެއާ މަނަވަރެއް ގެނެސް ބަނދަރުކޮށްލާށެވެ. ރައީސް ޔާމީނުގެ ނަން ބޭނުން ކޮށްގެން ހޯދި ވެރިކަމެއްގައި އެމަނިކުފާނުގެ ވިސްނުމުގެ ކަން ފުޅެއްވެސް ނެތެވެ. އެމަނިކުފާނުގެ ވެރިކަމުގައި ނުހިންގާނެ އެތެއްްކަމެއް މިވެރިކަމުގައި ހިންގައިފިއެވެ. އިންޑިޔާ ސިފައިންނޭ ކިޔައިގެން އެތެއް ދޮގެއް ރައްޔިތުންނަށް ހަދައިފިއެވެ.
ކައިލާން
25 December 2023
ޓުއަރިޒަމް އިންޑަސްޓްރީއަށް ބަރޯސާވުން ހުއްޓާލާ އިތުރު ދާއިރާތަކަށް އިންވެސްޓް ކުރުމަކީ މުހިންމު ކަމެއް
ނާބިތް
25 December 2023
މިކަމުގެ ސަބަބުން ދިވެހިންގެ އިގްތިސޯދު އިތުރަށް ކުރިއަރާނެ
ފާރިޝު
25 December 2023
ދިވެހި ކޮންސްޓަރަކްޝަން ކުންފުނިތަކަށް މިކަމުން ވަރަށް ފައިދާވާނެ
ހަނީފް
25 December 2023
ދިވެހިންނަކީ ވަރަށް ކުލަދާނަ ބައެއް. ދިވެހި ކުންފުނިތަކަށްވާނެ
ނަޖުމީނު
25 December 2023
ޑރ. މުޢިއްޒު މި ދަނީ ތަފާތު ދައްކަމުން. ވަރަށް ސަޅި